亞泰

營業中

休息中

第一次山長水遠來到康城搵好野食，一早就想來見這間泰菜，期望較高，估計有錢人的地方都唔會差得去邊，首先去已去了很久才找到間鋪，地鐵站同商場分離，要兜大大條天橋才去到，不像地址上說一分鐘即到...去到門口，冇職員招待，防疫情況都求求其其。我們點了一份海南雞飯，一份泰式車仔船面（豬頸肉加泰式餃子）海南雞：份量極少，得幾舊，同價錢完全不相付。而且雞肉好鞋，唔似正宗。很差的感覺船面方面：湯底淡淡，豬頸肉冇味，泰式餃子更似港式即食包裝個d，很一般。個2杯野飲普通茶記質素。服務差仲要加一，冇咩事唔會再入康城。個人感覺評分：食物味道 - 食物賣相 - 餐廳環境 - 店員服務 - 性價比 -

透過朋友極力推介 位於將軍澳康城地鐵站B出口的全新地標「The LOHAS康城」有一間泰國地道餐廳《亞泰》 🤩一向鍾情泰國菜式既我 當然要黎朝聖一下啦✌️店鋪裝修時尚 坐位寛敞 燈光明亮😍餐廳定價吾算貴 份量正常 菜式選擇多 餐牌上更設有菜式圖片顯示 吾洗驚睇左菜名都吾知係咩🤣有相睇一目了然 非常清晰👍今日我叫左2個主菜 2款小食 2杯飲品 埋單都吾洗$400 超抵🥳網上好評如潮既 冬蔭龍蝦湯河($118)必嗌首選 湯河用原隻龍蝦 超足料😋龍蝦肉質鮮甜 口感紮實 啖啖肉令我食得好滿足😊冬蔭湯底方面 酸辣調配恰到好處 椰奶味突出 整個味道讓人垂延欲滴🤤至於蝦頭油海鮮炒飯($78)炒得好均勻 粒粒分明而不會太乾身 蝦同魷魚配合蝦頭油來炒 食落口好重海鮮味😏 另外加點了2款小食 泰式炸蝦餅($48) 和脆香素春卷($48) 蝦餅大大件 爽口彈 又好抵食 牙 點埋甜酸醬一齊食 簡直係絕配😚至於脆香素春卷 外皮超脆 平時食春卷入面都係會有蝦 而素春卷主要係用粉絲做餡 連素食者都能照顧得到 非常細心😌最後點了一杯龍眼冰($28)和泰國椰青($38)龍眼冰 甜度剛好 吾會係死甜 天氣乾燥 潤喉必點 而

今日相約朋友相聚過去康城商場搵朋友食下午茶，呢度商場好多餐廳我地搵呢間泰國菜食。呢間餐廳座位舒適，燈光又明亮。點了一個套餐，加$8轉龍眼冰和$26泰式酸辣鳳爪。泰式生蝦大大隻，又爽彈又新鮮，配上醬汁更加美味可口。龍眼冰又清甜又有龍眼肉。火車頭雜錦船河，有扎肉，肥牛，泰式餃子，豆卜和貢丸。扎肉好爽彈，肥牛又唔會好肥牛味香濃，豆卜又索埋湯的精華，清好香濃又唔會好咸。泰式酸辣鳳爪鳳爪好入味酸酸辣辣又有咬口。炸雞中翼薯條雞翼炸到皮脆肉嫩又有肉汁又夠入味，薯條是粗薯條好香好味道。印度薄餅煎到好香口又唔會好油煙煙韌韌。飛天通菜菜炒到好碧綠又爽脆又入味好香。

係康城既商場開左既鋪頭並唔多🏢一場黎到 揀左食泰國菜 🇹🇭 望落個餐牌都幾多款式 價錢都唔算貴 合理價格💰泰式酸辣鳯爪 $58泰式酸辣鳯爪已去骨🐥，這道小食個醬汁非常重要，剛巧佢地既醬汁酸辣調配得剛剛好，鳳爪口感非常爽脆，好有咬好。整得不錯。份量多，唔會得幾隻，2個人食都夠。冬蔭海南雞湯河$75🍜想試試佢地既海南雞🐔。海南雞既份量好多，而且係好厚肉。冬陰功湯底屬於偏酸，如果鐘意辣味既朋友仔可能覺得佢唔夠辣，但我覺得酸酸地 好開胃🤤；幼身河粉係我鐘意食既一款。泰式鮮蝦🦐金邊粉$78鑊氣十足，非常惹味，酸酸甜甜岩哂唔食辣既朋友仔😋。好多配料，有豆干同埋蝦仁。略嫌豆干硬左小小。

有朋友在康城新居入伙，拜訪過後順度行吓個商場。第一次行這個商場，可能係太新，所以有好多好多店鋪仍在裝修。好快行了一圈，正想搵間餐廳飲吓食吓唞吓，見到有個叫亞泰的泰國餐廳，裝修簡潔，過了午飯繁忙時間，人不太多，可以慢慢嘆！首先梗係叫咗我最鍾意嘅金柚子沙律，佢哋真係用咗好靚嘅金柚，仲要唔係碎碎的，一大嚿一大嚿的金柚，醮上泰式酸辣汁，真係超開胃😍再要點番碗飽肚湯河至得，佢哋有個冬陰功龍蝦湯河，講到明成隻龍蝦🦞喎，$118真係唔貴，嗰D所謂日式义燒拉麵都係咁嘅價錢！龍蝦大隻又厚肉，都有少少膏㗎，冬陰功湯底配河粉基本上唔使餸都已經好好味😋去芭堤雅食過嘅燒雞真係好懷念，所以特意叫一客來自癒一下。半隻燒雞嘅份量都唔少喎，即燒的，好香，再點酸辣醬更加帶出多個味道層次👍🏻甜品點少得：芒果白糯米飯，一般泰國餐廳都係配鴛鴦米，但係我只係鍾意食白糯米，哈哈！真開心，完全迎合我嘅口味！😍椰漿糯米，正呀！芒果又香甜，朋友仲話嗰糯米係❤️型嚟㗎！應該係一間有用心製作的食肆😉

將軍澳既朋友口福好左因為新商場The Lotus 多左好多早質食肆亞泰 就係其中一間啦～今次我就帶左朋友黎食佢最愛既龍蝦🦞🦞冬陰公龍蝦湯河龍蝦係原隻開邊，肉質結實仲有香菇貢丸冬陰公湯底唔會太辣香辛料充足湯河份量超大只售一百頭，認真扺食🍖串燒（雞肉/豬肉）即燒串燒4串😍豬肉薄切夠入味得黎多肉汁肉質軟滑😋雞肉就肉質結實一啲配埋經典沙嗲醬冇得輸🥳🐣椰汁雞湯青檸同香料加上濃濃既雞湯非常滋味雞肉份量多🐔椰香味唔算太重🍤泰式炸蝦餅蝦餅多蝦肉🦐爽口彈牙配泰式酸辣醬🌶️朋友表示超喜歡💁🏻‍♀️🧉泰國鮮椰青肉厚生津清甜勁解渴呀😍

最近The LOHAS康城開左唔少新餐廳～～今次就黎到亞泰，想試下正宗既泰國菜😋😋-🍞招牌蛋咖喱蝦球枕頭包 $118✨呢個枕頭包賣相已經好吸引😍😍份量好多！！同朋友share食都好飽～～蝦球好大隻，咬落好彈牙😋😋麵包焗得好鬆軟，點埋d咖喱一齊食好惹味🤤🤤-🍲火車頭雜錦船河 $78✨今次試下佢地既船河！！配料好豐富，有肥牛、扎肉、貢丸、豆卜等～～河粉好滑身，好入味🤤🤤湯底就有泰式香料味道，不過我覺得味道可以再濃郁d～～-🍖炭燒泰式豬頸肉 $78✨我真係好鐘意佢地既豬頸肉❤️❤️今次超有炭燒味！！口感爽口，十分推介👍🏻👍🏻-🐷炸豬皮 $15✨第一次食炸豬皮，原來都幾特別！！咬落好脆口，感覺同炸魚皮有d似🤣🤣鐘意食香口野既朋友應該會鐘意～～

康城新商場陸陸續續多左店鋪進場，八卦過黎行下先。呢到餐廳唔算多，朋友想食泰國菜所以一於試下呢到，叫左 火車頭雜錦船河($78)、泰式車仔凍檸($68)、蝦頭油海鮮炒飯($78)、泰式拼盤($78)、龍眼冰($28)、青檸梳打($28)火車頭雜錦船河：平時叫野食最中意一定係揀雜錦，因為可以每樣都食下😜裡面有肥牛、扎肉、貢丸、豆卜、泰式餃子。船河湯底味道香濃而且唔會過鹹，令整碗湯河同D配料都吸收到D味道，夠惹味😋泰式餃子大大隻夠飽滿，肥牛都幾大片下😄泰式車仔凍檸：佢係好似車仔麵形式咁，喺7款配料當中自己揀3款配料，今次我地揀左豬頸肉、豬扒、扎肉，份量都唔算少，而且肥瘦適中👍🏻落埋凍檬汁之後，撈埋青瓜絲、蘿蔔絲、花生等一齊食幾香口😋蝦頭油海鮮炒飯：個炒飯都炒得幾均勻，飯粒分明夠乾身，而且唔會有D太濃味有D就無味咁，蝦同魷魚配合蝦頭油黎炒更加鮮味😉黎張合張先泰式拼盤：即係有泰式春卷、蝦餅、鳳凰丸，拼盤當中蝦餅真係最正，大大件，食落又彈牙爽口，點埋甜酸醬黎食真係一流🤤大合照😍青檸梳打：飲落好冰涼兼夠氣，味道清新夠晒解渴😉龍眼冰：滋潤飲品，喉嚨少少唔舒服飲佢就最啱，仲有D龍眼肉可以食下😊呢到要加一

小米入康城跟同學打機, 直到黃昏, 我才跟他在康城新開的商場會合, 到商場裡的新餐廳食好東西.  其實是為了我心中美食 ~ CRAB. 自己嗜蟹, 但又不想出動五指山. 所以有現成已拆出蟹肉的菜餚, 就是今天的目標. 來到餐廳門口, 已經有多人在等候. 等了十多分鐘, 職員安排入座. 下單後, 職員竟然主動提供熱水一杯, 認真識做! 我喜歡.      招牌蛋咖哩蟹肉枕頭包  平常的咖哩味道會較濃, 配味道清淡的食物很夾, 所以配枕頭包很正常.  幸好小米不懂欣賞<蟹>, 自己可以獨吞整個枕頭包. 視覺: 超大的包包, 內裡有滿滿的咖哩和<蟹肉> .  嗅覺: 因為咖哩表面有很多<蟹肉>, 只感到微微的咖哩味.     手感: 先用筷子夾出頂部的包包, 但要比點手力, 包包有一定的硬度和筋度. 本想趁機把蟹肉和咖哩拌勻, 無奈太足料, 撈唔到囉! 唯有夾出部份咖哩+蟹肉放在包面.    口感&味道: 泰國咖哩本是辣, 而蛋咖哩, 就是咖哩摻雜炒滑蛋.  滑滑的<賽螃蟹>炒蛋+咖哩+真蟹肉, 令辣度降低. 單食金黃的蛋咖哩蟹

約咗朋友去日出康城食「亞泰」因為之前朋介紹說龍蝦🦞抵食😋「亞泰」在日出康城商場3樓，店舖雖然不大，但座位也算寬躺😚而且下午茶餐也很抵食，不過我今天一定要食龍蝦😛冬陰公龍蝦湯河$118 ，原隻龍蝦開邊，份量十足而且有2粒貢丸😜 龍蝦大隻啖啖肉又鮮甜，而且還有膏🤩湯底酸辣適中惹味又開胃，河粉夠滑😋😋香辣肉碎生菜包$78，肉碎加埋洋蔥一起炒得夠惹味，帶少少辣，生菜份量很足😄招牌蛋咖喱蝦球枕頭包$118，咖喱很香，5大隻蝦球，肉質爽口🤤枕頭包大到🙈焗得又很香脆，配埋咖喱很惹味🤗

將軍澳最近開左唔少餐廳，除左Monterey有不少選擇之外，有時仲會搭一個站去康城搵食。今次試左呢間食泰菜既【亞泰】，價錢合理，選擇亦不少，遇上Lunchtime時間，等左大約15分鐘就有位~《青芒果沙律 $68》因爲食唔到太辣，無叫到酸辣鳳爪，反而揀左青芒果沙律，感覺比青木瓜更有特色。青芒果切成條狀，清涼爽脆，再加入紅蔥頭、花生、魚露、青檸汁等醬料，甜中帶酸，但唔會越食越酸辣，我覺得比青木瓜沙律好食。《大頭蝦冬蔭湯 $78》湯頭夠曬酸辣，特別開胃，質感較濃稠，加入大頭蝦和很多秀珍菇，新鮮的香茅和檸檬葉帶出清新感，一邊覺得辣，一邊繼續飲。《火車頭雜錦船河 $78》特別喜歡食船河，貪佢夠濃味；不過呢碗湯底差少少，香料味可以再濃郁d鹹d。勝在配料豐富，有炸豬皮、肥牛片、扎肉、芽菜、九層塔、豆卜、仲有一款餃子，而且河粉份量超多，2個人share食完全無問題。《泰式海南雞伴油飯 $78》賣相吸引，有海南雞、油飯、雞湯加少許前菜。雞肉結實嫩滑，份量多，有黑豉油、辣醬及薑蓉3種醬料。油飯呈黃色，粒粒分明，帶微香，唔會過凍過硬，仲有蘿蔔作配菜，醒胃解膩。《蒜蓉包 $28》朋友推介，麵包外脆内軟，酥香

自從康城新開呢間舖，以後想食泰國菜就變得好方便!泰國椰青真係原個椰青上而且清甜又厚肉，飲落冇雜質而真係好清新，食泰菜飲可以一解油膩感!青檸梳打青檸夠哂酸而且大大杯基本上一定夠飲!雞&豬串燒無論係雞肉定豬肉都係燒得好淋，肉質鮮嫩又保留到肉汁，配合埋沙嗲醬一齊食好完美! 味道夠又唔會過咸，非常高質!泰式金邊粉金邊粉保持一貫高水準，金邊粉乾身而調味酸甜辣都有，層次感一流，蝦肉亦都夠爽夠新鮮!泰式海南雞飯呢個第一次食但都好有驚喜，雞肉好嫩滑而且雞味好濃，加上佢地既醬汁一齊食已經好岩送飯!仲有佢既黃薑飯調味亦都岩岩好! 下次一定再encore!芒果糯米飯芒果甜而且加上煙韌既糯米飯同椰醬，完美為呢個午餐畫上句號!

呢間野第一次幫襯，估唔到啲野難食之餘仲要啲staff勁冇禮貌。我同朋友叫咗一份豬手飯同冬陰功，咁其實本身就冇乜特別既期望，純粹想解決左個lunch，點知佢啲豬手勁多肥膏，咁我地以為純粹我地好少食，所以唔知道原來叫豬手可能特別多肥膏，咁我哋都冇乜嘢咪照食囉。點知去到冬陰功就出事，唔講以為自己叫咗辣椒溝水。冬陰功本身係辣我哋都知，但係佢嗰種辣係純粹既辣椒油整出嚟，冇乜香味同埋酸味，食咗第一啖已經覺得係只有辣味。老實講我同我朋友本身就唔係食家，但係呢個冬陰功真係要同大家分享下。仲有啲staff。咁我哋見啲嘢食麻麻地，就諗住叫佢攞啲調味料俾我哋，結果呢前後叫咗三次佢先肯比，頭兩次佢話「本身個湯就係辣㗎喇冇得咁講個喎」「冬陰功就唔會酸嘅，想食嘅話就嗌酸辣湯呀嘛」，老實講我哋呢就真係好好禮貌，已經唔該前唔該後，我真係唔明攞少少調味料俾我哋係咪真係咁難，仲要講啲說話比個客聽。最後奉勸大家冇咩事唔好入去。抱歉，相呢就只有一張食完嘅相

餐廳環境幾乾淨同光線充足，啲侍應姐姐好好禮貌，見我懷孕中，就主動問我使唔使要暖水，好少遇到有咁窩心嘅侍應。本身個龍蝦湯河係配冬陰功湯底，我唔係咁鍾意冬陰功，所以問佢可唔可以轉清湯，餐廳好好咁俾我轉左船湯底👍🏻好欣賞，個龍蝦嚟到一啲都冇雪藏味，仲要有我手掌咁大個，佢本身切開咗一半，所以都好容易食到，唔使整污糟隻手，啲河粉嘅份量好多，我一個人食唔晒。另外叫咗個我最鍾意嘅香茅雞翼，應該係生炸，仲係好多汁，同個皮好脆，加埋少少炸蒜蓉粒，真係好惹味。食咗招牌嘅咖喱蟹肉包，個包烤得好脆，蟹肉份量都好多，最重要係個咖喱一啲都唔辣，甜甜地。驚喜位係個芒果糯米飯，因為而家唔係好啱季節，但係個芒果竟然係好甜唔酸，個糯米飯上枱嘅時候仲係暖粒粒。

Trying a newly opened Thai restaurant near us, had a great experience overall - their lunch set was such a great deal & quality of food lived up to standard - staffs were nice - just a bit busy during the weekend. Also they provide lunch menu during the weekends which was a surprise for us. we picked a lunch set, a hainan chicken 🐓 & also some skewers on the side along with veggie for sharing. firstly my tonyum chicken soup with vermicelli arrived first. A very large bowl indeed and the noodles