亞梅湯河

聽日放假, 爽YY, 我都知爽, 但係女友一時間問我, 你食過真正既越南野未, 講真我連越南都未去過, 我點知真正既越南野咩味姐, 真係考起我跟住今次佢話, 不如我帶你去食下真正既越南野, 我心諗唔會係越棧掛, 又會唔會好貴架點知佢帶左我去元朗巴士總站, 我心諗唔係掛, 大排檔就有...點知站頭有間叫啊梅湯河入去我以為會好貴, 但竟然係茶記既價錢我叫左個香茅豬扒飯加個小食海鮮卷首先係小食黎先海鮮卷睇落個賣相唔錯食落外脆香口, 內面好多唔同配料最估唔到係真係有蟹肉!!冇幾耐個香茅豬扒飯都黎啦個樣幾正WO豬扒外酥內軟幾多汁, 唔會"乾曾曾"好味配埋個蔥油飯真係好鬼好味因為我個人鐘意多蔥油, 我就叫老闆佢地幫手再比D我佢地真係好好人, 比多2匙我, 仲問我夠唔夠,哈哈飯內仲會配有一舊蔗蝦蝦味幾濃, 最緊要係重香茅味, 真係正宗越南野彈牙好好味最後加杯多奶茶, 滿足!!…查看更多

平時他都是在元朗買噴髮膠，今次晚上沒煮飯，行過對面，看到有越南餐廳，好想吃，就拉他過去吃越南菜當然要吃湯檬，而且再加上不少得的香茅雞扒，再配個蝦卷一碗湯檬份量很好，湯底清清的，帶有芫茜味，香茅雞扒不會乾爭爭，微微Juicy，炸得好香春卷皮炸得超脆，咬下去已「chock chock」聲，好少遇到炸物做得這麼脆亞梅自家製海鮮網春卷，裡面有青豆粟米蘿蔔，還有蟹肉，吃下去好像平常我們吃的海鮮卷，但它沒太重炸粉的口感，炸得好脆，配上沙律醬，蠻好吃的，不過一不小心吃太多就上火亞梅百香果特飲，好美的貝殼杯造型，百香果特飲酸酸甜甜好開胃，非常清涼另外值得一提，這間餐廳的蔗蝦跟外邊的完全不同，是一大大條蔗，好香蔗味，比外邊的蔗蝦更好吃…查看更多

仲有幾日就十二月都仲成廿幾度！所以之前一直無乜衝動買今年d 冬天衫，今日先心血來潮約人o係元朗行下睇下，順便o係附近覓食。e 間餐館o係元朗廣場隔離，細細間咁啦，標榜食正宗越南菜wo，價錢都唔係話好貴，所以就揀你啦！諗起越南o野，第一時間當然諗到d pho (即係河粉) 啦，所以點o左一個雙拼湯河試下，叫o左越式扎肉配手撕雞($46 單拼，雙拼加$4)。湯底貫徹越南風味，加o左薄荷葉o個類o既香料餚製，個粉ok 爽口，扎肉好霖，d 雞肉都唔會話好鞋。值得一提，佢有遵循越式食法隨粉附送青檸同辣椒，d 辣椒係超級辣o架，大家如果落的話適可而止……香茅烤雞扒撈檬($46，一樣可以雙拼的) 都幾大碗，好在share 食。o個d 魚露醋無出面食開o既咁酸，撈埋d 粉幾惹味開胃。雞扒好重香茅味，烤得幾香口，有埋生菜青瓜蘿蔔絲伴碟中和一下就更健康啦。最後就係越式炒飯($46)，帶輕微咖哩味，同中式炒飯又有d 唔同，而d 臘腸粒絕對更係重點，無估過食個炒飯有咁多臘腸，粒粒油香醇厚又煙煙韌韌，令個飯更上一個層次！…查看更多

本來想去食餃子, 不過人太多仲要等位, 見附近開左一間食越南湯河的, 都幾多人但仲有位, 就試下呢間啦!鮮茄蟹肉湯檬$65: 湯底深紅色, 看來很濃, 味道很香茄味帶點蟹鮮味, 但口味偏鹹, 檬粉煮得剛好, 沒太腍太硬, 都幾掛湯, 有幾片扎肉, 較薄身, 仲有鮮茄同肉碎, 同一隻鮮蝦, 蝦大大隻, 口感爽彈又幾鮮。馬拉盞炒通菜$42: 用馬拉盞炒的通菜蒜香中帶少少辣, 好惹味, 夠鑊氣, 通菜嫩又爽, 令我想起在泰國食到的靚菜。亞梅的店員似是越南人, 感覺幾地道, 可能是位置方便舖租成本關係, 定價稍高, 如能在午晚餐推出多點優惠吸客就更好。…查看更多

今日去朗屏出duty，見早左到就諗住揾啲野食醫下肚，係門口睇到亞梅湯河個餐牌幾吸引，於是就同同事入去試下。入面環境雖然唔係好大，但係勝在簡樸舒適，我地揀左一人套餐同一個撈檬。一人套餐有一件香茅札肉、一個主食同一杯野飲。香茅札肉用竹䉀做主幹，札肉食落好彈牙！香茅烤豬頸肉湯河嘅豬頸肉烤到好香脆可口，咬落仲好嫩滑多汁，香茅醃到好入味！同河粉分開上餐唔怕啲豬頸肉浸到淋曬。配埋清甜嘅河粉湯底一流。送杯熱飲就揀左青檸檸檬茶，聞落好清新！越式春卷撈檬春卷火喉炸到啱啱好，多料食落卜卜脆！一啲都唔油膩，加埋撈檬汁撈勻啲檬粉一齊食，酸酸甜甜好開胃。…查看更多