亞參雞飯 (德福廣場1期)

營業中

休息中

頭先去買外賣，買咗兩個海南雞飯，買完之後個收銀完全冇指示我去另外一邊攞，因為我係第一次喺呢間分店買，所以我完全唔知唔係喺度攞，因為通常都係喺返呢度等，於是我就一直企喺落單嗰個位出面等，等咗10分鐘左右個收銀先同我講原來要去另一邊攞嘅，不過佢都算好人㗎喇起碼會提一提我。之後我去到拎外賣嗰個位，有一個短頭髮冇戴眼鏡少少肥嘅中年女店員一直喺度掛住執餐具同埋送堂食嘅餐，扮見我唔到！我肯定佢見到我+見到我拎住張收據，但佢都完全冇理過我，直至到有另一個店員出現過黎問我幾多號飛，我先至有機會拎到個外賣個飯仲要原來一早整好咗因為之前喺其他分店食過覺得幾好食，所以先會特登過嚟買，不過幾好食都冇用啦！啲服務咁差個飯仲要唔係平

德福全部連鎖店中比較平民的一間，但也只是下午茶平民而已，單點仍是中上價位，這就是開在去大商場需要承受的。叫了一個：馬來咖喱牛腩撈麵：$81麵底是油麵，咖喱偏甜，牛腩炆得非常腍，薯仔有烤過，配有參巴醬。雞絲湯河（下午茶）: $48湯底雖有味但味道較淡，有雞絲，通菜，乾蒜。椰香咖央南洋包: 加了牛油加央，椰絲，麵包第時黑糖麵包，增加甜度。鳳尾蝦春卷: 內裏是非常幼小的甜蝦，炸得香脆配以泰式辣醬。香烤豬肉串: 豬肉串肥肉較多，沒什麼香料味，不配參巴醬基本沒什麼味道。三款小食$57南洋拉茶: 下午茶包的，不用加錢，普通的凍奶茶。香茅薄荷特飲: +$10，有原支香茅，及薄荷葉，味道清甜。

排得好快就入到去, 因為D 侍應都好勤力收野其實佢MENU 都唔少野食, 但我一心想食海南雞, 都唔洗點諗落完單, 好似唔洗一兩分鐘就有盤SET 放左落黎, 極有效率, 哈哈!擺盤都幾整體, 而且色彩繽紛, 都算開胃****一黎要讚下個湯先, 好香個湯超熱, 呢樣好重要, 熱湯係基本而且重要的個湯有好淡淡既胡椒香味, 個湯好清甜亦都有少少既冬瓜粒加小菇粒呢個湯得呀重點海南雞以量黎講, 對得起個價錢, 佢都有兩行肉, 都有10舊8舊個飯食到尾都仲有雞配飯味道呢我覺得OK 吧佢唔鞋, 但又唔算滑我覺得D 肉有D 「實」但其實味道還不錯的而且3個汁都得加$10 叫左杯冬檸茶, 好大杯****呢碟雞$90, 飲品加$10, total $100 UM, 味道算OK, 量是不少的, 個湯好飲而且係商場坐位其實都算迫, 不過有樣好就係我一個人, 對面唔洗搭位整體黎講, 呢個價錢覺得還可以接受

豬手太淋，冇口感，似食肥肉，仲差深水埗某大排檔，侍應在食客身旁傳菜，容易淋在食客身上，若食客是小朋友的話，易生危險，連這些基本服務態度都沒有，難怪別的食店門庭若市，而它則門堪羅雀。

同朋友行九龍塘(又一城）,行了個零鐘頭覺得有少少攰、同口渴,便上food court睇下有什麼好食,見到(亞參雞飯）,有下午茶餐38元有個雞絲河、同嘢飲,便打算入去食,見店內不是太多人, 企了五至八分鐘都冇人理我們,有其他座位,終於見到有一台卡位走,我們便自己坐入去,見到職員周圍走嚟走去都冇人理我們,坐了五分鐘,終於要大聲揮手叫她們,她們才過來！！38蚊下午茶非常抵食、味道也不差、分量也可以、薄荷香茅飲品一般！

星加坡，馬來西亞菜式，喺香港冇日本菜咁普遍，不過其實佢哋佔喺香港人口味一個好重要既地位，今次就揀咗嚟呢度，食好舒服嘅星馬菜呢度環境好，乾淨企理，而且完全係用自己手提電話落單，減少好多同職員嘅接觸，仲可以慢慢喺手機度睇，真係又舒服又好味由於周圍都有海南雞飯食，又啱啱食完雞，所以今次嚟呢度反而唔係食海南雞飯，而係揀去其他特色嘅嘢食，而今次特別想推介今次嘅食過嘅豬手飯，真係肉質好嫩滑！直情係想再食！！！可以睇吓我啲圖，希望吸引到你哋

初三唔知食咩好又想食D熱嘢,行完一輪就見到佢 ,因為朋友唔食雞同牛所以要佢啱食就可以啦,事關我乜都食㗎入到起去咩都想食,我又好鍾意食雞又想食喇沙,見凍凍地食碗辣辣地嘅喇沙米線喇沙湯底非常濃郁,唔覺意飲咗都幾多個喇沙係好食嘅,不過可惜冇得轉麵,我地再加咗兩個小食,我朋友就叫咗蝦麵,有麵同埋粉絲,佢話唔錯,咁加10蚊就可以加飲品,我要飲回魂啡,試下佢嘅南洋咖啡,可惜唔啱我飲,因為佢係甜㗎,唔係我杯茶,仲有想講下,佢有個下午茶餐係雞絲湯河48蚊包飲品,我囡叫咗嚟食,河粉同雞絲好滑,雞湯唔咸,仲要超大碗,同我個喇沙一樣size,抵食到呢整體都叫好食,可能啱我口味啦

開年飯唔想煮咁多，所以買左一隻海南雞同一隻豬手加餸。第一次食，個豬手都不錯，夠淋而且好入味。食得出花左好時間去煮。值得加分。但海南雞就覺得好失望，一啖食落去，除左雪味就食唔到其他味。雞冇雞味而且肉質都不滑! 諗住點果三個醬汁食都會OK 啦。可惜佢啲醬汁都奇怪地十分淡味，連薑蓉都冇味真係好神奇。所以點左醬都救唔到冇味嘅雞。對於一間專賣海南雞嘅餐廳，海南雞係咁嘅水準，都真係失望。唔知係唔係因為新年，平日個廚師放左假？！但如果要再去呢間餐廳，應該只因為想食佢個豬手。

亞參豬手飯（$78）之前晚餐食過一次亞參，覺得個豬手飯好好食😍今次晏晝再黎食多次!😋平時既豬手飯我都麻麻地，唔係唔夠林，就係唔夠入味但呢個亞參豬手飯就完全唔會，啲豬手超林超入味💯份量岩岩好餸晒啲飯，而且食完唔會覺得漏👍要黎送飯一流！仲可以外賣返屋企加餸添😝馬來拉茶又係好好飲，佢用練奶黎沖，所以夠滑又夠香😍十分推介！👍👍🤭/📌亞參雞飯九龍灣偉業街33號德福廣場一期G102號舖/😋食物質素：8/10🍽️用餐環境：7.5/10💰性價比：7.5/10👣回頭率：8/10

2021.12.20 Monday lunch終於試咗，成日唔明點解行過呢間一定有條隊。望入去又覺得好迫咁，所以都唔係我倆嘅午餐選擇。呢一日居然得一個人等緊，好！就試吓你話99分嘅海南雞飯，好好彩有個好位，食都食得舒服啲😁左睇右睇，佢個海南雞飯要成$90都真係幾貴，一場嚟到，點都要試吓。 女友就揀咗馬來咖哩豬扒飯，加十蚊要杯熱薏米水。99分嘅海南雞飯到，望落幾好，夠份量啲，試吓先⋯⋯個湯，可以，但我倆都鐘意再清啲嘅湯，個飯正常，油飯嚟講唔算香，我同女友都覺得個醬汁特別唔得，比較失敗！因為海南雞飯嘅醬汁都係精髓之一，至於雞，都滑滑又有雞味，但都幾肥。總括嚟講，唔好意思，我哋唔覺得係咁高分⋯⋯好彩雞嘅份量幾多，如果唔係，$90都幾過份🧐反而杯薏米水唔錯，唔會水還水，薏米還薏米feel👍🏼 但可以大杯少少會開心啲🤪至於個咖哩飯，得啲汁同薯仔ok，豬扒雖然夠淋，但冇咩味⋯⋯麻麻地。總括嚟講，食物唔係特別好好味，又唔係平，我倆應該唔會再嚟🤭

咁啱行開德福 睇到呢間餐廳就想試下係門口排左陣 但其實一望就知入面有雙人位係門口既員工用一種極差既態度叫掃安心出行或者填紙仔 好坐低之後佢都係用返個種既態度同我地講掃code落單。我地係餐牌揀左 馬來咖喱雞飯，去骨海南雞飯，特色秘製炸魚餅，鳳尾蝦春卷。到落單個陣先知冇咖喱系列同所有小食 後黎揀左去骨海南雞飯，亞參豬手飯，馬拉盞通菜同野飲。嘢飲好一般 個海南雞飯都好一般。馬拉盞通菜得一舊馬拉盞 個通菜應該係白烚。最正常係豬手飯人均消費$100可以有更好既選擇 唔會有下次

去德福食lunch,見到呢間馬來西亞餐廳，一直都想試下佢地嘅咖央多士同海南雞飯，呢間地方吾算太大坐位比較窄，排隊等候一陣間已經可以入去！第一時間叫左佢個海南雞飯，飯有雞油味，啲雞食落冇雪藏味同見到血淋淋碟雞份量都算多，唔似依家出面餐廳食嗰啲冇味，抵讚見到牛油咖央多士好想食，跟餐加兩款小食$38，想食埋蝦餅，不過lunch食吾到甘多，單叫一份多士$26，下次再嚟過😜整體來說，呢間啲雞真係好食有雞味，最重要冇血淋淋甘上碟

早兩個月，留意到市面上多了一間海南雞飯專門店，名字「亞參雞飯」好有南洋風味；短短兩年，已開了超過10間分店。一間字號可以拓展得如此迅速，一定係集團背景。本來以為「亞參」好似「翡翠」或者「莆田」來自星加坡，原來係「太興」旗下。分店網絡拓展到屋企附近商場，小編終於有機會一試。而且公司附近又有一間，有時回家前買個海南雞加餸。除了用肥雞作招牌，亦充滿自信地加入一句口號：「尋覓99分海南雞飯」。唔用100 分，估計寓意不會停步不前，繼續不斷進步，炮製更好味的海南雞飯 ⋯⋯ 即使現時的出品已臻接近完美！很有自信心的餐飮集團。 招牌去骨海南雞飯以外，同時帶來各種星加坡及馬來西亞地道美食，包括亞參豬手、新加坡喇沙米線、檳城蝦麵、巴東牛肉、班蘭咖央多士等。 亞參去骨海南雞半只（外賣價$120），堂食$140。鮮黃色的雞皮顏色吸引。選用大小均一的三黃雞，取其雞味濃郁、又有厚薄適中的脂肪。以秘方白滷水浸煮，口感嫩滑、肉汁豐腴嫩滑，無論凈食或者蘸上任何一款三色醬，俱充滿滋味！ 略嫌雞肉切得不夠乾淨俐落。油飯（$20）選用泰國名牌金鳳米，先拌入炒香的薑、蔥、蒜泥、班蘭葉和香茅，再以雞湯煨煮。煮熟的飯粒盡吸雞湯精

晚飯6點幾見唔多人買外賣，就睇餐牌買呢間，主要因為呢間可以買個菜食。外賣買咗一盒巴東牛肉飯同一碟馬拉盞通菜，都等左好一陣就急急返屋企食飯，點知菜勁少，飯勁多，個菜少到忍唔住真係要影低，唔通係我要求太多？？？

近近哋行左上嚟德福試亞三雞飯😂🤣，個鋪位係巷仔入面幾難搵! 去到係門口排左陣啊姐先安排入去（店員會安排3-4位既客人入先去）2位/單丁既客就要等多陣後入,不過好快就有人走, 啊姐就安排入去， 坐底就點餐叫左個雞飯餐$88+1杯薏米水$10，落完單8分鐘左右D野就拎嚟, 碟雞上面脾肉下面胸肉（食落脾肉幾滑, 單胸肉唔掂, 皮:食落幾肥膩表面有仲有極惡心黑色既毛管🤢🤢）個湯幾濃但淡口唔鹹有2-3粒冬瓜粒合格, 黑醬油蒜蓉大路野味道一般, 紅色醬就完全唔掂！油飯系幾香口同棉滑（落單時唔記得叫多飯🙈🙈）, 薏米水有香茅味但煲得唔夠時間, 飲落口條脷會有麻痹感😑 薏米就未熟透表面軟中間就硬)🙈🙈🙈食曬完全唔夠飽，總結：價錢太進取，$98蚊一餐呢區已經可以食到2餐！自己個人嚟講試過就算！ 坐底就點餐8分鐘左右就拎嚟, 碟雞上面脾肉下面胸肉（食落脾肉幾滑胸肉唔掂, 皮:食落幾肥表面有仲有極惡心黑色既毛管🤢🤢）湯幾濃但淡口唔鹹,紅色醬唔掂，油飯系幾香口同棉滑, 薏米水有香茅味但煲得唔夠時間飲落口條脷會有麻痹感😑 薏米就未熟透表面軟中間就硬)唔記得叫多飯🙈🙈🙈唔夠飽，總結：價錢太進取，$98蚊一餐呢區已