五月花港台日料理 (已結業)

食了好多野,我各得火鍋係唔差的,幾美味.至於刺身又唔係好出色果隻.好普通.炸雞軟骨也唔錯.十分美味.天婦羅和多春魚也麻麻.總括黎講,唔算十分出色呀!見咁多好評,於是打電話去訂位,訂7點半最後要8點先有得入呀!(照片入面的時間係唔)服務麻麻地,可能多人的關係呀!最後埋單178,我覺得唔抵,未必會再去了

老實說地方和食物都沒有甚麼特別之處, 不過勝在服務超好!!!不只一個服務員而是整間餐廳的人都十分有禮貌, 態度超好, 而且食物來得超快, 十分欣賞...整體來說, 坐得OK地方乾淨, 食物選擇多, 味道又OK, 一百零蚊可以這樣, 真的十分抵....會去第2次!!

睇完食評, 見個個都讚, 就走去試試, 評語係平靚正, 絕不欺場.saturday　6:30pm 前去到, $149減$10再加一. 任食港日台菜, 魚生, 天婦羅, 火煱, 兼汽水任飲.食到勁飽, 要行好耐街先消化到d.conclusion: 無邊樣唔好食, 裝修好靚, 有驚喜, 而且服務都好好, 上菜收碟都好快. 不過去之前一定要訂位同留肚, 實在勁多人排隊

尋日6點幾，本來老公book咗青葉。去到lift口，見到呢間廣告，咪轉呔試吓囉﹗入到去得小貓三四隻，仲有卡位坐，咁好？同侍應講食Buffet，侍應仲問要唔要火鍋，唔駛加錢，梗係要啦﹗好快即上個鍋，仲自動奉上火鍋拼盤，有肥牛、蝦、蠔、腸仔、餃子同菜等。份量唔多，每樣都係一兩件。跟住梗係哎主打魚生啦﹗三文魚比較細，不過都算厚，不錯﹗甜蝦都OK﹗赤貝都算大隻同新鮮﹗最衰冇帶子剌身，要食帶子要叫手卷，我怕飽得濟冇要。軟殼蟹天婦羅必食，一個字，正﹗七味炸雞軟骨都好好味﹗仲有要食水蟹粥，我老公食完一碗又一碗。有個叫一口牛柳的，一定要食，我唔鍾意食牛都話好食﹗服務都好好。侍應主動話要加水喇(火鍋)，就去攞水嚟。又主動問我杯茶要唔要加，我話都好，佢摸摸杯茶，覺得凍，就話不如幫你倒咗去，倒過啲熱嘅﹗真係細心，我都即時讚佢﹗真係值得再去﹗

由於食過一些好難食的日式放題(例如: 大X保, XX任食), 對於這些放題都有陰影一行18人, 由於樓上無位, 大家就來了這裡好冷清, 唔似旺角餐廳應有的情形~~~ 已經驚係咪好難食的了...都算係咁, 蟹籽幾好味喎~ 唔係平價果D膠粒...D刺身都幾新鮮, 唔似得大X保的「食物」咁霉... 不過我無乜點食, 唔知味道係點仲有, 手卷同軍艦的紫菜係脆的~~~ ^^D卷物都有元X系列的水準(差唔多啦...放題, 要求唔好咁高了)仲有送左個hot pot, D「食送」都係幾新鮮, 又唔會有「冰封」的現像...我地咁多人糟到死, 但d waiters都幾好招呼...仲有, 原本係9:30入座先平$20... 但可能佢無乜生意, 我地9:10入佢都照平畀我地, 仲要係五個人送一個~~~我地想食既甜品無貨, 經理話私人醒畀左D puff with ice cream我地~~~以咁既價錢同質素實在搵唔到要去大X保的理由...仲有, 呢度既餐具係好乾淨, 環境都好乾淨, 地下唔會濕立立, 又無乜垃圾, 招呼幾好, 仲有, D餐紙係全新, 唔會翻用(有時見到某放題的地方翻用餐紙, 但上面有飯粒, 諗起

尋日同一班同事上五月花食飯慶生,我哋一行12個,佢哋offer到一間無門嘅房比我哋,好過喺出面先啦!我哋一次過order咗一堆嘢食都無漏單,d服務員又好有禮貌,唔使叫都成日嚟加茶.d嘢食質素唔錯,我仲諗住放題d嘢食會好差,但佢樣樣都唔錯,我哋食得最多係刺身,大家第2日照常返工,無事!XDDD 我哋10個以上有9折,生日仲有蛋糕送添,人多gethering不妨考慮呢度!

地方Ok!細路話有成六張紙食物選擇好開心，有火鍋食，剌生太細塊、壽司Ok、天婦羅淡味了些、港式菜肴可以、炸雞軟骨一定要試！其份量真的剛剛好，不用吃太多，可以試多幾樣東西；總之一家人可以開開心心食一餐，早入場(6點半前)再平十元，食兩個鐘，埋單8點多些，門口好多人等位了！可以放心上去食，我話既！

普普通通...份量太多...不能試多些種類...牛肉好差...完成是一舊粉的感覺...無嘢講...

14/11/2007 星期3放工約左幾個舊同事食飯~其中一個舊同事去過呢間試..話ok~所以今次就去呢度試吓~book左台7點~我地6點50分度就上去~上到去...有個reception同manager企左0係門口..即嗌"歡迎光臨"!幾好禮貌~望入去...得2,3台客0係度..場面比較冷清..真係有想走既感覺,不過一場黎到就試吓啦~由於我地一行5人又係7點前入坐~所以每位$139.仲有95折!講到明係港台日料理~所以乜都有得食!仲送左個火煱添~感覺幾好~一坐低即叫左剌身, 天婦羅, 小食咁~可能早冇乜人.d野好快就到.~剌身好新鮮~d三文魚, 甜蝦都好正~不過冇tuna~有d失望!天婦羅蝦同軟殼蟹都炸得好脆~粉漿又唔太厚~"pizza" >難食~好"林bad bad"~唔好叫!"台北路邊田螺">>一粒粒黑色~冇味重要有d苦!唔知想點~"7味雞軟骨">>呢個好好味~encore左一次添!另外...叫左2個台式粥!一個水蟹粥, 一個肉碎蠔仔粥~佢d粥值得一讚!d米一粒粒~真係台式..或者潮式都得!好夠味!見到人地枱叫左燒秋刀魚,,好靚!總結~埋單$

尋日出左去旺角辦點事, 完事後本來一心去兆萬的清葉醫肚, 當行到去兆萬樓下, 見到有人派傳單, 見到個價唔係貴, 又有火鍋任食, 就改變主意, 一試新店, 依間就係五月花了.上到樓真係有點驚訝, 因為人好少. 原全唔似一間旺角的食店應有的情況, 正當想打退堂鼓時, 女友話, 是但照試, 咁我倆就人場了.當我地坐低時經理好好禮貌介紹. 仲有送左一set 火鍋料, 有蝦兩隻, 一隻蠔, 肥牛4-5塊, 時菜. 心諗又真係幾好. 仲有就係火鍋唔會另收錢任食食物款色好雜, 因為講明係港日台食物, 所以一心食日本野呢就唔多岩啦.環境講真幾ok 架, 人多可以有房玩. 唔會嘈到其他人.埋單149x2 收加1

尋晚諗住找間日本料理放題食~上網搵過講到朗田好差~我都唔敢去啦~跟住諗住去返兆萬青葉料理~俾我見到兆萬15樓有間五月花港台日料理~未試過就試下啦~點知幾有驚喜喎~星期日至四9:30後$129一位~入到去送埋火鍋既~未叫野已經黎左個迷你煲仔啦~仲有拎埋一份火鍋什錦黎~我可以放左d丸同牛肉落去先慢慢劃野食~唔使又有排等~D野食都幾好呀~尤其個燒秋刀魚~我本身唔鍾意食魚既~但係我竟然食哂一條~好味~D野食好快~9:30去到~11:00先LAST CALL~夠哂時間我食呀~地方幾好坐~整體都幾好呀~我最鍾意就係可以一次過食到幾種唔好地方既野食~唔使好似平時咁出街諗打邊爐好定食壽司好~雖然呢度火鍋材料可能無出面火鍋店咁多~但係生蠔青口菇菇果d普遍既都有~而且寫每樣野都黎小小~好似火鍋既肉每寫一次係2件~壽司就1件~岩哂我~樣樣都食一件~唔會好似青葉咁~寫親都兩件~食幾舊就飽~其實我尋晚一舊壽司都無食過~因為我食肥牛~魚生~小菜~小食已經飽啦~最後要讚下d服務~d侍應幾有禮貌~有一個親切到好d煩tim^^佢地既電話係:29899433