五月燒 (已結業)

對串燒有興趣人士可一試和姐姐二人試了燒茄子、羊肉串、石鍋飯、燒蜆、芝士金菇等等燒茄子下了蒜蓉，增添香氣，姐姐食到停唔到，多一口都沒留給我，應該真是很好吃呢~芝士金菇份量足，兩個人食有「漏」的感覺羊肉串做得也出色，雖然香料下了很多，但依然食得出羊肉味，不會燒得很乾，保留到肉汁燒蜆反而有點失色，沒什味道，而且感覺好似不夠熟，現在的貝殼類不夠熟，很易出事至於石鍋飯是全晚的亮點，我們點的是羊肉石鍋飯。店方用上珍珠米，很有口感下了很少鰻魚汁，以為會不夠味，殊不知羊肉中是拌了少量炸菜，一併鋪到飯面羊肉+炸菜+有飯焦的珍珠米是意想不到的合拍哈哈，有無咁誇呢？我自己都覺得自己似打手Btw, 街坊小店有這水平算不錯！但店主啊，你可唔可以唔好開咁大冷氣？好凍啊！

上星期知道星期一有英超爭標大戰，所以一早就約定幾個朋友去附近酒吧睇波，諗落成晚流流長，於是有人話不如約夜少少，食埋飯先過去睇波啦，其中一人介紹五月燒，另外又有人話想食海鮮，頂，跟住我靈光一閃，彈左句出泥：「不如溝埋一齊食燒海鮮丫笨！」點知大家都讚好，於是我就膽粗粗打左去問。因為返工唔方便打電話，等到星期日打左一次去，應該係手提電話，不過無人聽。後尾6點幾再打去，隔住電話聽到一把溫柔婉淑既聲音，唔知係老闆娘定伙記，不過心諗：今次實無得輸！ 點知，把女仔聲轉頭就話要問下老闆，叫左老闆泥聽，佢話佢叫阿賢，聽把聲應該都年青有為。於是，我就將我地幾個麻甩仔想食燒海鮮既特別要求相告，老闆阿賢居然仲興奮過我地，仲話：「不如我幫你地落街市睇埋啦，你地筆直幾多先，預個數，我聽朝落街市打個轉揀下，再夾下燒乜啦！」我見老闆咁爽快，心諗食海鮮無$300都走唔甩，就話：「預每人$300 先啦，不過你聽日可唔可以 whatsapp 覆我，我月尾呢幾日唔係咁方便……」阿賢就用佢把豪邁奔放既嗓子話：「得啦！」星期一因為好多同事都請左假自製長假期，公司得我一個悶到爆，玩左成日 skout，食完 lunch 睡意正濃之際

其實這一帶都有很多食店，較為出名的有《小曼谷》、《糖八府》等。不論是午餐、晚飯或宵夜五月燒都會在我的屯門食堂名單之內。大概10pm 我到店宵夜，點了：可樂 $8@燒菠蘿 $13@ -----> 適中，不會燒乾水原本的菠蘿汁 燒栗米 $15@ -----> 新鮮，多汁，食倒一粒粒的栗米糖蕃茄 $13@ -----> 一定要食，平時覺得生蕃酸的朋友可以試下呢個食法！燒茄子 $20@ -----> 燒牛舌 $10@ -----> 燒鴨舌 $9@ -----> 燒冬菇 $9@ -----> 都係保留倒原有的汁燒大頭蝦 $20@ -----> 蝦頭有好多膏，我的最愛！燒大眼雞 $68@ -----> um........有一點腥，下次不會再點燒雞軟骨 $9@ ----->

我重未有食過既燒烤係咁差，牛肉d味冇牛味，墨魚咀細粒到要用放大鏡去睇，燒尤魚鬚乾到好似食樹枝，墨魚丸重要一粒開二，雪藏味重到冇朋友，又等得耐！希望好好檢討一下！

雖然一直住樓上，但今天才第一天光顧，所以便點了一些穩穩陣陣的東西試一試。由於正直中午列日當空，不用等位，店內又沒有什麼人，感覺很像包下整間店一樣今次點了兩個石窩飯，一曼魚一豬肉。先來個曼魚石窩飯，五個字「色香味俱全」，本身上台賣相已經不錯，而且當我一邊拌勻飯，香氣一邊溢出。吃下第一口時感覺很香口，蔥跟味菜完全與豉油飯融為一體，very good taste!另外，石窩豬肉中的豬肉原來是串燒豬肉，很貼切店子的特色，不過多吃幾塊串燒豬肉後便覺得很乾。不過比起附近的火石燒主打的石窩飯高出幾班，價錢亦比火石燒平很多。今天就是如此，我會再光顧的。

食尼餐飯都食了近三小時，唔係叫得多食不哂，係要等....等......等.......，有兩小時都在等待中，幸好有電視陪住，由七點看到十點，食客不多架，有些食客等不住要走，有些就叫了先然後再到其他小食再回來，無法喇.....食得串燒，由生變熟，過程需時，來之前記得打底和有時間先好來，我地等了半小時有些餓，叫了涼伴青瓜，我地諗住青瓜是整好，就咁夾就有，原來我地想法是錯的，原來都係要等的，見到廚房有人行出來，在雪櫃拿了條青瓜返入去，等了十五分鐘，食到冰凍感覺，酸酸甜甜，幾好，估唔到涼伴都係現叫現做。燒蒜頭，比較少見，所以一定要試，芝士焗雜菇飯，都等了45分鐘，怕不夠飽，所以叫了個飯，我覺得芝士落得不多，不夠我撈飯，燒雞翼....燒羊架.....肉好un，撕不開，咬不爛，唯一一樣食不哂的，燒香蕉，好特別，原隻燒，配上朱古力，絕配....價錢不貴喎，200元有找，出去省城吃，都不止這個價喇，值得一等.....

其實這店已去了多之現在介紹有D遲..因已加價了得多這裡的串燒相當好味..即叫即燒GOOD~~很好味豬頸肉好多汁,羊肉可以多叫串(羊架可以不試)不食青椒的我每次到這店都一定叫汁很好味虎蝦好大隻,生蠔好甘香,貴妃蚌都好好味..其本海鮮類煮得好好麻辣焗飯好特別不過海鮮越唻越細粒同小石媧飯冇特別.種類太多寫唔晒..但冇寫出唻既唔太抵食及不過不失..整體都好OK

平時重慶燒就食得多,雖然舊舖仲幾好味,但真係幾悶 ,新舖就完全唔得,D師傅手勢真係同以前果D冇得比,行遠D去老尖既川燒又太貴 ,食同一樣既野真係要比多成30%我又唔多想,因為真係同一樣野黎 ,今日見呢幾日翻風就入元朗探下老人家問候下,出番黎時傻下傻下渣左架車入屯門,順手去埋五月燒試下,之前見呢度都幾多人話OK,就渣架車去,去到門口竟然有位泊!!? 仲係對正門口,之前有D朋友仔話有得泊車我都以為係附近有場泊,真係估唔到係咁方便,即時心情大好,見門口仲話有大閘蟹食,就更加有驚喜(開頭仲以為係燒)企一企門口睇野果時見到個抽風都幾勁,係咁抽D煙出黎,D坐位又係同重慶燒果D一樣,勁有親切感,入到去問阿姐有咩好介紹,佢介紹我大閘蟹同大既大頭蝦,我問佢有幾大同幾錢,佢仲話58蚊隻有成隻筷子咁長, 講到咁誇就叫一隻試下,之後突然有差佬黎趕車,爽手出去渣開架車,兜完一個圈番黎又係泊番果個位,哈哈第一次食感覺唔錯,味道唔過火,但用料真係唔錯,而家知咁方便一定多d渣車入黎食

約左幾個朋友去左置樂五月燒食宵夜,因為工作問題呢排都冇去呢邊,見今日放假就去試多次,去到成個門面都精神左,有好多野食既相貼左響牆上面,食左生蠔,元貝同好多串燒,最鐘意都係佢地個海鮮飯,係就細份左小小同個底燶左小小 ,但味道真係唔錯,番到黎先記得冇影相,哈哈成班朋友一路食一路傾真係幾舒服,好在買左D外賣比阿哥可以影番兩張上黎share

和斌斌專程來吃晚餐。除叫了兩串羊肉以外,以下各一:西冷、牛肉、雞肉、豬頸肉、蜜糖雞翼(4隻)、麻辣炒飯和涼伴牛柏葉。最吸引我的,反而是那牛柏葉和炒飯,很重香料的味道;尤其涼伴柏葉,夏天吃真的一流。其他的也不錯,但份量真的太少了;另外,也不會覺得是燒烤的香味吸引,而是香料的味道吸引人。而那青檸梳打也十分冰凍!正!但略嫌食物等得太耐,也覺得空氣不太流通呢!

經過小店已聞到吸引的香草和燒烤味﹗食完波記再來幾串燒烤應該能應付吧~~要了鐵板清酒燒蜆和2隻大蝦。清酒蜆：蜆有些不太新鮮和有沙，可以再多加一點點塩會好一些大蝦：好好味，蝦肉爽甜，加上香草燒制，惹味﹗

我都係因為小曼谷多人都爆,先去LEE 間五月燒..不過真係OK 既..第一次係星期6晚..都幾多人..由於入面坐位不多..(以前係小曼谷既鋪位)我地2個人就坐一張細小既臺仔..都OK既.但係就好勁燒烤味..(成身都係)咁ORDER左..好多野樣..係度食2個人就有好處..因為可以ORDER 勁多款.量又小小咁..推介食物:雞亦...超好味..勁有燒烤風味..佢面頭仲加左一D香料. 燒大蝦..十蚊隻..燒完都好有肉汁..唔會話乾增增...正 牛仔骨..15蚊一份..都有一排ka..好平lor,,但係當然就骨多la..味道~very good.. 其實精髓係佢d 香料..好似rosemary 咁..帶出好好既肉味.. 還有食過雞腎/鴨舌/燒菜心/燒粟米/ 秋刀魚...都ok la>.k 青擰soda>.用完支泰國入口既soda..加埋青擰, 糖水..配合燒炸食物..正..

原本諗住去佐敦咖哩的 , 不過見到有新開串燒店就決定試吓 店子小小有六七張枱 , 星期六晚餐時段坐滿哂 , 好彩有兩母子剛食飽讓座 最怕等食呢見餐牌中海鮮類唔貴所以點了 ...鐵板蒜蓉蜆 : 蜆肉細細鮮甜無沙 , 女友是貝類殺手蒜味fans , 大叫好好味!!燒扇貝 : 新鮮扇貝大大隻 , 燒得剛剛好保留豐富肉汁 , 加埋蒜粒蔥粒一啖入口 , 非常過癮!!燒七吋海蝦 : 蝦味濃郁 , 唯未夠彈牙 , 不過價錢咁抵有如此水準都幾難得..其他食物火喉控制得宜 , 孜然粉令燒肉類更香口 ....要改善的是廚房抽煙 , 燒烤之煙霧攻出店面 , 不是位位食客受得了的

真係犀利....屯門彩華花園真係野食多羅羅....各式各類都有, 最近仲開左間巴蜀燒烤, 好好味呢! 有新鮮既海鮮添。燒粟米....超甜、超正燒元貝...鮮甜爽口燒大眼雞...my飛弗鐵板清酒煮蜆...都唔錯,不過酒味可以勁少少涼伴栢葉...味道特別,有少少辣我地仲食左燒牛柳、燒雞柳.飲品係青檸梳打

其實平時真係好少去屯門食野, 原本係去賀朋友新居入伙, 點知個個遲大到, 唯有出街搵野食. 見到呢間野幾新淨, 唔洗等 (一班人好難有位), d 價錢又ok, 就入去啦~~聽老闆講, 呢間唔係普通燒烤, 係重慶風味燒烤...其實我都唔知有咩分別...我地哎左好多野食, 佢地大部份野食上面都會有一d一粒粒叫孜既香料．我最怕香料野 　但係呢隻真係好夾燒烤！！！下次會再來!!