五十嵐日本料理 (已結業)

我住在樂富,好自然會去附近的地方吃午飯啦,而我下午時通常吃很少東西,所以就去了位於樂富的五十嵐吃拉麵啦,這間食店裝修都ok,有一部大電視,服務態度都不過不失,雖然服務同一般餐廳沒有大分別,可是食物品質,味道就差得多了.....熱飲不夠熱,食物的味道就麻麻,最離譜的都是食物溫度了,一碗應該是熱騰騰的拉麵,竟然可以是暖的....至於份量,比剛剛開業時的少了,而價錢更上升了4元....這間食店...我現在都好少光顧了。

上個月同阿媽第一次去樂富五十嵐食晚餐，那兒環境擠迫，桌子擺放「密麻麻」，使人很不舒服。我們沒有要任食火煱，只叫了一些定食套餐，味道普通，也談不上享受到什麼服務，匆匆吃完埋單，收費＄９３。我付了一百元後，服務生便當我係隠形人，完全沒有「找錢」的打算。我等了又等，只好「提醒」他們還未找錢，點知那個侍應竟然說：「你比左一百咋喎！」我回番一句：「咁你都要找番＄７比我架！」如此的態度，真的難為他們以為自己的服務值得＄７小費，相比之下，茶餐廳都好過佢地。

餐還沒有食完, 已經叫下一位食客站在身傍等待.這真第一次見!

去樂富食飯，見呢度有兩小時任食火鍋，覺得幾抵就試下啦！四人卡位尚算寬敞，不過多野食時張枱就唔多夠位擺喇。以人頭計既火鍋餐有好多野食，先來一盤壽司同天婦羅，每人仲有一個主食揀，可以係飯麵或小食，四個人叫左一個帶子炒飯，一個拉麵，一個冷麵同串燒。壽司冇乜特別，同超市食果Ｄ平野差唔多，帶子炒飯就幾香，味道都唔錯，豬骨湯拉麵都係咁，至於個冷麵既質感就好怪，硬硬的，一咬就斷，可以話係超難食，千祈唔好叫！而個串燒係腎同豬肉串，幾好味！今次個鍋叫左豬骨湯底，唔算濃，但又未至於似白開水，佢地會先上一大盤配菜，到食晒先再加，都幾大堆頭，乜料都有，但當然唔係咩名貴食材啦，細佬瘋狂地叫肥牛，咁就抵返晒喇！不過火鍋既配料款式唔多，我地想叫金菇都冇。呢個餐包野飲，加少少錢可以叫台式特飲添，我叫左個麥草蘆薈，清清地幾好飲！因為係任食，所以食左好多，真要節制一下了！

夜晚d飯真係平,叫左個東京拉麵餐$3x男友叫左日式炒拉麵$38佢果個係鼓油王炒拉麵=.=好咸東京拉麵就普通得很送ge三件壽司.....散到.....又唔好食有台式野飲,唔知點解,汽水同台式飲品都唔係日本野,配起上黎台式野飲怪好多平野果然無好野應該唔會再去

我番學期間成日都去。凍飲、拉麵、壽司or凍飲、雞扒薯菜/飯/意粉、餐飽、湯or凍飲、葡國雞飯、餐飽、湯食得好飽！！！味道都唔差~~~ 學生價$25 超抵！！！下午茶的壽司都好似幾抵。但係Dinner就未試過。

幾失望,後悔自己點解唔睇食評就去.叫左碟油甘魚刺身,有渣,三文魚壽司都一樣,影響了口感,佩服佢\點解可以整到咁另外,叫左個豚肉手打烏東,烏東俾人打到爛跴仲痴埋一堆,份量亦不夠,你一啖我一淡冇哂反而佢\杯檸檬蘆薈幾好飲,咁就死啦,得杯野飲好味,食物質素差,不如唔好做日式餐\廳轉做飲品專門店囉!

某日放學後去了樂富的五十嵐同家姐及姐夫食宵夜，叫了一個中的壽司拼盤($108)，及一牒炸雞軟骨($15)。壽司拼盤一共有18件，9款，分別係北寄貝、象拔x、三文魚、帶子、尤魚、甜蝦、中蝦、海膽及蟹子。象拔x好唔掂，超難咬，北寄貝、三文魚、帶子唔新鮮，其餘的都ok，蟹子比較理想。炸雞軟骨又係唔掂，超厚粉，又冇淮鹽，份量一般。星期一至五不收加一，都算抵食，不過味道、份量一般。更多相片請參考：http://hk.myblog.yahoo.com/samuel-cheung/article?mid=1561&fid=21

昨天去了樂富，見到呢間野好似幾抵食咁，於是就入去試下，之前已問定需唔需要湯底醬料另外收費，全部都係包埋既，野飲就另外收費lor..叫左個豬骨湯底，沒有什麼味道的，自行加了很多5味粉，仍然冇咩味...除左火鍋配料任食外，佢仲送左2個頭盆，一係壽司拼盆8件，一係天婦羅拼盆數件...佢會先來一大碟雜錦配料，如果唔夠可以自行再order，佢d火鍋配料唔算好新鮮，但又唔係好難食...由於我地2個都唔大食，食左佢d頭盆加碟雜錦配料已經飽哂！其實呢d任食既套餐都唔係好岩我地，如果係大胃王就好抵lor..唔使加一，真係幾抵！

琴日第一次食呢間野, 佢開張左咁耐我都提唔起勁去食...因為感覺太不淪不類..如果唔係屋企人已經搵左位叫我去食下午茶, 我係唔會去!屋企人叫左野食, 係同d食評講既一樣order左後,等左半個鐘都未有食物來到!再到餐茶, 係崔0左3-4次都俾唔到杯熱檸茶你!唔好誤會,當時呢間野係坐唔滿人, 冇人等位既!d侍應係冇興趣理你, 之係我地問左個"冇著"白色制服但有襤圍裙既呀姐話杯熱檸茶等左好耐尾見影, 佢景然答左句: 杯檸茶係要用人手拉0既, 要耐d既!哈! 唔好講笑, 我地聽到呆左!我最好脾氣個屋企人都忍唔住講左句: 杯檸茶要用人手拉???個呀姐都無言以對....走左!之後我地唯有再問個有著白色制服侍應姐姐, 佢聽到我地講返:你同事話杯檸茶係要用人手拉0既0窩!?佢都笑左下, 結果要咁樣再崔; 竟然先後黎左兩杯!(杯差係又茸又"鞋口")奉勸各位,要食$16-$20既下午茶, 樂富有大把選擇; 犯不著擺垃圾落肚兼一肚氣!

陪完媽媽和妹妹剪髮,三個人食下午茶,等了半小時位.妹妹和媽媽點了拉麵.媽媽加了5元有兩件三文魚壽司.我便點了烏冬餐\($28)包括魷魚,三文魚,吞拿魚,蟹柳,甜蛋,腐皮.還有一大碗烏冬,仲有一杯凍檸水.服務也唔差.只是不明在黃大仙食這個餐\,價錢也是$28,仲有一碗糖水,飲柑桔檸蜜又唔洗加錢,現在呢間話要加6元,好唔抵呀!水準又係黃大仙果間好好多.下次都係返去黃大仙食好過了

友人經常提起這店，剛好二十四日係這兒，便一齊去食午餐。因為已經兩點幾，可以叫下午茶，平好多。同友人share，叫了鍋燒烏冬和南瓜蕃薯天婦羅，南瓜一般，但蕃薯好好食，炸得好食過好多小食店。鍋燒烏冬有個蛋，我地唔飲湯，點解要有蛋的呢？不過都幾好，烏冬好入味，有麵士湯味，不過淨飲湯就好咸。上面的炸雞肉好食，係第二種味，唔硬，好香，好食！服務一般，環境都ok的。當然它比貴價的差好遠，但二十元左右一個餐的下午茶食得過。

經過上次去過呢間之後，唔怕死再去多一次。d 無靈魂ga waiter 已經唔見哂。service好咗好多，起碼有幾個姨姨佢地真係好熱情，好nice會笑笑口。但食物衛生方面，我食食下個麵竟然有個膠袋碎片，有尾甲咁大，最重要係我食食下「mui」出黎，睇下個膠袋仲有d 黑色ga 野.....個waiter已經不斷講唔好意思，唔好意思。其實係度食野已經5次中3次，佢同我地講下次唔會ga啦，而我都同佢講，唔會有下次。

相信有到五十嵐吃過飯,尤其是午飯的朋友,十個有八都會做一樣事.那就是:催單.今日我忍不住一定要上來打這評語.我去了差不多二十多次,每一次幸運的話由你下單至食物上桌,要等平均8-13分鐘.(其他地方我不會接受這時間,不過是五十嵐的話我真的沒辦法)但今次我等了20-25分鐘先來了一個豬軟骨飯.雖然我回校的時間只要5分鐘,可是對於一個12時5x分下單,1時13分食物才來,而且要在1時35分前回到學校的人來說,這也相當離譜吧!!(而且跟我同桌的其他人一早吃完)在這其間我向三個人催了四五次單,普通職員幫不上忙我不追究,但其中一個副經理催了三次也無反應,真不知他是不是做的.有彈有讚,另一個副經理比他好得多.只催了一次後他就立即叫人先處理我那張單,直至上桌前還一直跟進着.我真的很感激他!!其實五十嵐價錢蠻貴,食物又不是有多麼好,等待的時間非常不穩.可以的話大家還是不要去好.

I ate a set dinner last time. I think the food is not so fresh. Salmon has some special smell. It tastes so general. This is really a “so so “restaurant in public estate. I will not go there again.