二鍋頭 (嘉芙中心)

營業中

休息中

太耐都無試過晚市堂食火鍋放題，突如其來覺得有種小興奮同期待～$228 周日晚可以食齊雞煲、鴨煲、豬手煲仲可以打埋邊爐～ 2小時邊爐有8款湯底選擇～超過80種火鍋配料任食，如果中意食牛嘅就可以食$318 星級美國極黑和牛放題飲品款式都可以，任飲酒精類只有藍冰啤！我就最中意飲有汽利賓納、荔枝烏龍茶同無糖茶水都有樽裝水幾細心丸類, 菜類都以自助形式提供，獨立包裝公仔麵類則在醬料區自取！雪糕係本地品牌cocoberry, 另有數款雪條首先食雞煲，揀左小小辣，辣味唔重，但就幾麻幾過癮，調味都幾惹味！特意同店員講要少d 份量，就可以食埋鴨煲喇火焰鴛鴦鴨煲 店員先淋上酒再點火表演，香氣洋溢。叫鴛鴦鴨係因為有臘鴨同新鮮鴨肉兩種唔同味道，更帶有一種甜甜嘅酒香～豬手煲就無叫了，因為要打邊爐喇！揀左蕃茄薯仔湯底，酸酸甜甜又唔會太濃味！花枝片：必食，超爽甜～鱔片：爽彈有鮮味蝦都爽彈黑豚同豬頸肉都幾好食，羊肉都ok, 羊味幾濃！牛肉就正常發揮！$200幾食到飽好滿足～

☀︎ 𝗦𝘂𝗺𝗺𝗮𝗿𝘆：香港的火鍋放題店真係多到數吾哂五花八門，各有Gimmick但要數值得一再Encore的真係五隻手指都數得哂其中「二鍋頭」便是之一除旺角店外，尖沙咀亦開設分店尖沙咀店環境更闊落放題式嘅雞煲，鴨煲，豬手煲，邊爐最平$218就有交易仲有尖咀限定+$100任食和牛，牛頸脊添🙊.◈ 雞煲/鴨煲/豬手煲每次上黎都必食兩轉雞煲或先雞後豬手😆雞煲係即叫即炒的啖啖肉又入味，香辣超惹味愈食愈過癮，仲有洋蔥絲，超甜爽脆.◈ 邊爐湯底有八大湯底可選，今次揀左泰皇冬陰公湯酸辣醒胃，辣度適怡更沒有油膩感適合食到中小辣嘅朋友仔🥳.◈ 火鍋配料過百款嘅火鍋配料分佈係自助區同點餐紙上，自助區以蔬菜，丸類，餃類為主，而點餐紙以海鮮，豬，牛，羊為主.❤️Top 3 Encore Items.Top 1: 韓式泡菜餃韓式泡菜餃勁大一隻，餃餡有泡菜，粉絲，蛋花等，口感柔嫩帶酸辣，Encore左好幾轉.Top 2: 鮮蝦鮮蝦係中等Size，蝦牙彈牙鮮嫩，新鮮度不錯.Top 3: 美國肥牛口感鮮嫩柔軟，咬香甜四溢，肉味濃香.其他：芝士腸，蟹柳，炸魚片，蕃茄，薯仔片.◈ 飲品。雪糕一般汽水，啤酒，楊協成，鴻褔堂都有

晚市堂食啱啱解放，好耐都無食過雞煲同打邊爐，今日經過尖沙咀，見到呢間餐廳竟然有🐓雞煲、🐖豬手煲、🦆鴨煲再加🍲打邊爐任飲任食🤩決定去放縱下🤣滿足下個胃🙈呢到既雞煲+打邊爐，任飲任食都只係💰 218/2hrs (星期一至四)，💰228/2hrs (星期五、六、假期及前夕)，仲有過百款火鍋配料俾客人揀，非常吸引🤤而且對食材有要求既你，更可以升級食和牛😍價錢係💰318/2hrs❗️現時餐廳有優惠，晚市仲會送一支大樽裝生力啤酒🍻🍲 🐓二鍋頭惹味雞煲食唔到辣，選擇左bb辣🤣岩岩開始食既時候唔算辣，不過煲耐左之後就開始越食越辣，而且香氣滿溢🙈呢到嘅雞煲用左秘制既雞煲醬、芫茜、洋蔥、辣椒去烹調，每件雞都非常入味，而且啖啖肉😍份量亦都唔小，煲入面仲有鳳爪添～如果大家驚眼闊肚窄嘅話，可以同店員講要少量雞件，咁就可以留肚食其他野啦😋🍲🐖黑椒豬手煲坊間好少見嘅豬手煲，呢到竟然仲可以任食🤩豬手煲用黑椒汁煲到好入味，帶微辣🤣再以洋蔥、辣椒、芫茜烹調，令到香氣昇華🤤豬手大大件好多骨膠原😍表皮嘅毛亦清除得好乾淨，值得一讚👍🏻而且肉質好冧，唔洗用好多力就可以咬開🙈而鴨煲因為驚太飽嘅關係就無試到了🙈火鍋湯底有8款，揀咗懷舊

晚市重開後，當然要出街食下飯，亦都要支持本地小店啦！尖沙咀這間任食火銅之前食過，覺得幾有抵數！所以重開晚市即刻 book位。人流唔算多，位與位之間距離感都足夠！唔使擔心迫爆感。首先可以選擇任食雞煲，黑椒豬腳，我就點了後兩者！黑椒豬腳非常濃郁入味，黑椒味道非常突出又夠惹味，但唔會過咸，豬腳骨膠原感覺好重，而且啖啖肉，骨與骨之間既細肉都唔放過，配料芫茜，香蔥，洋蔥，蒜頭。成個煲都充滿香氣撲鼻，一流！之後叫咗芫茜皮蛋湯底做火鍋， 必點嘅係香滑牛肉同埋蝦，牛肉厚度得宜，食上去口感十足！質感真係夠滑身，又容易咬開，非常高質。而蝦非常新鮮。 熟了後紅卜卜，色澤紅潤，蝦頭還帶膏香，蝦肉爽身夠鮮，好正！Order紙食物種類都幾多，任飲任食好滿足，而且還有自助配料區，還有菠蘿椰子味嘅雪糕， 菠蘿微酸配上香滑椰子，非常美味。餐廳清潔衛生真係不錯。

今日終於有晚市開放！收工就去咗呢間乜都有得食嘅💁🏻‍♀️二鍋頭，刷返餐先！～呢到可以二小時任飲任食，有🐔雞煲、🐖豬手煲、🦢鴨煲同火鍋任食添！👏👏超多選擇！～雞煲有🌶大中小辣選擇，而且重係無限添加！每次添加都會整鍋更換，確保味道濃郁👍🏻，洋蔥、芫荽等等··多種配料夠晒入味！～豬手煲同樣出色，濃濃既黑椒味，辣度亦剛剛好，肉質QQ彈牙，膠原十足，洋蔥亦帶甜味！不錯👍🏻！～如果重未夠飽😅最後點選埋個湯底，點餐紙和自助冷藏櫃，已經有超過60多種火鍋配料選擇，飲品雪糕任取，呢個價錢的確抵食👏👏 ！

本來今晚諗住食串燒，點知開返堂食滿晒😢等到8點半見無位就附近搵野食😝無目的行行下見到二鍋頭打邊爐🥰就無諗過上左去😚佢係一間可以食完雞煲再打邊爐既鋪頭，但價錢對比出面又實惠好多，自從疫情嚴重同無堂食後，真係好少有機會出去食野☺️見佢食物選擇都好多☺️仲有自助吧有菜野飲雪糕任君選擇。由於時間有限，我地淨係簡左打邊爐！麻辣火鍋湯底😋好夠辣😋仲有勁多醬料！我地咩餸都叫啲☺️好滿足！冬菇萵筍好好食登登登登！打邊爐必備出前丁丁😊點可以缺少飯後甜品😋海鹽雪糕好食，唔太甜！大滿足！

疫情終於放寬，可以四人一檯😊即刻去約朋友食餐飽先👏👏！今次決定去尖沙咀呢間《二鍋頭》可以2小時任飲任食，除咗有雞煲選擇外，重可以選豬手煲或者鴨煲添👍🏻！我哋點咗個小辣雞煲，辣度剛剛好，超多芫荽，一放低已經香氣撲鼻👍🏻，雞件沾滿醬汁，🐔多肉又滑，因為經過炒一炒，所以雞件特別入味又惹味😋😋😋。食完雞煲再打邊爐🔥，湯底有多款選擇，見到呢個(泰皇冬陰功鍋)咁特別，所以就點來試試！湯底濃度未至於可以直接飲用，但拿來打邊爐，食材的確沾滿濃燶的香茅味道，不錯！點餐紙亦有多款肉類和海鮮選擇，而自助區就有多款食物粉麵、蔬菜類，雪糕、雪條和飲品等等．．四人埋單都唔駛1仟蚊😅😅，的確CP值高！

之前喺旺角分店食過呢間二鍋頭嘅雞煲覺得不錯，今次就試吓尖沙咀呢間分店，入到店內環境寛敞又光猛，價錢合理，雞煲鴨煲仲有豬手煲火鍋全部都是任食的😋二鍋頭惹味雞煲雞煲本身入邊有鳳爪和芫荽，如果唔鍾意食可以選擇唔要，亦都可以選擇大中小辣度，我們選擇小辣辣到剛剛好，雞肉又香又滑又惹味！食完一轉又一轉😋黑椒豬手煲豬手炆得好淋好入味，黑椒味勁香口，每一啖都充滿骨膠原，咬落多汁美味👍餐廳有過百款火鍋配料選擇，我哋選擇了雞子、鱔片，墨魚滑，美國黑豚肉、海蜆和新鮮雲吞等樣樣都好新鮮，黑豚肉肥瘦適中，蜆肉沒有沙好清甜，雲吞皮薄蝦肉爽口彈牙，鱔肉皮爽口肉質嫩滑，正！

好掛住仲有得食晚市嘅時候～上年12月嘅時候仲同朋友黎左二鍋頭晚市打邊爐😻諗番起都開心 呢個價錢任食兩個鐘抵到不得了!雞煲好惹味 有得揀唔同辣度～怕辣嘅我地揀左小辣，食落都好有風味👍🏻啲雞唔會咬極都係得啲骨，食落啖啖肉岩哂我地呢啲食肉獸。店員都好好，定時會走黎幫我地炒雞🤣老板都好好人，見我地食得咁滋味就推介埋我地一支舖頭新番做緊優惠價嘅sparkling wine🥂飲落甜甜地好易入口，但同雞煲唔算話好夾🤣不過老板話之後都會繼續番啲唔同類型嘅酒，到時可以再encore~食完雞煲就可以轉火鍋🍲見雞煲比較濃味，我地火鍋就揀左清淡啲嘅清湯豆腐鍋做湯底。各類肉類食落都不過不失👍🏻令人驚喜嘅係連海鮮都可以任叫! 好多火鍋店點海鮮都要額外加錢，所以呢樣野好加分～睇相都見到啲帆立貝都大大隻 食落又彈牙 值得推介👍🏻其他海鮮食落都好新鮮 比一般火鍋店嘅質素高值得一讚 呢度店員服務態度都好好 落單同上菜速度快👏🏻唔怕等得太耐 夠鐘都食唔飽最後當然唔少得用甜品收尾～ 出面甜品櫃有好多選擇 但呢隻黑糯米雪條黎食嘅一定唔可以錯過，好足料食落啖啖糯米味! 同場仲有一款同牌子嘅榴連雪條，中意食榴連嘅都係must tr

▶️呢幾日凍冰冰🥶就好想打邊爐🍲可惜夜晚冇堂食😔諗起之前除夕夜周圍都多人，難得搵到呢間唔駛等，只係加$30/位，環境新裝修👍本身都擔心伏，見除夕都冇咩人🙈二鍋頭惹味雞煲🍗🍲揀咗小小辣，幾香幾麻，真係惹味好食😋雞都有得任食，都食咗兩轉🤣入面有鳳爪比較少有，原來都幾夾麻辣，幾入味幾好食👍火鍋料🥩🍖🌽🥬出面有得夾，放得好整齊企理👍另外有啲係要落紙order，呢個價錢嚟講都算幾多海鮮🦪🦐🦑可以揀，所有料都正正常常🌟啤酒🍺係藍冰就失色啲，飲品都有十款八款，另外仲有雪糕雪條🍦基本上同其他任飲任食火鍋🍲差唔多，環境新裝修同所有嘢都放得好企理👍雞煲好食😋

冬天凍凍地最岩打邊爐，出面逐碟叫又會好貴，任點任食就最岩小資一族啦，一個價錢可以任食唔同配料，感覺free好多!!!!朋友最近介紹我去尖沙咀尖東有間叫「二鍋頭」的任飲任食雞煲火鍋，話個雞煲幾好味，咁呢日凍凍地一於去試下，入到去都幾full，估唔到好多人食，一開始試吓個雞煲先，叫左少辣，都辣辣地但完全可以接受，雞件都幾多，好惹味，唔係嗰啲碎濕濕雞頭雞頸，雞煲過關！再揀個湯底打邊爐，揀左冬蔭公湯底，酸酸辣辣幾開胃，其他配料就一般般，選擇都算多，最鍾意食白鱔，好爽！

食過一次覺得幾好今晚再嚟encore今晚試咗豬手煲呀都有幾多豬手喺煲入邊嘅味道係惹味嘅不過我哋可能太專心食呢個煲之後就食得好趕打邊爐打邊爐揀咗麻辣同豬骨其實湯底都係OK嘅佢啲配料我哋都覺得任食黎講算咁上下不過個蜆黎到已經開口咗再泡就好似有少少過熟反而影響咗個口感下次要再黎但係個煲要食快啲留返多啲時間打邊爐因為都幾多人等位

唔係講笑…真係飽到上心口！記得嗰日好凍但又無約人又想打邊爐，就一條友來咗食雞煲同打邊爐🥺價錢都合理而且有曬我想食嘅嘢～位置都闊落～先來個唔辣雞煲！店員知我一個人來食唔到咁多，所以幫我落咗1/4隻雞。點知出到來個份量都係相當之大！！配上洋蔥等配料，望落真係好大份（一度以為自己食唔曬…）雞煲燜到夠林夠惹味～配料全部都好嗦汁～好正雞肉亦相當嫩滑，連我最鍾意食嘅較位都好有咬口！食完雞煲當然到打邊爐環節！唔想咁熱氣就簡咗藥膳湯底！材料十足，紅棗杞子淮山～陣陣藥材味清一清啱啱嘅油膩😌首當其衝就係啲海鮮～青口大大隻脆肉鯇都唔錯除落紙寫之外，亦可出去自己選擇蔬菜～食飽飽就係甜品時間😌都係港式膳泰式為主！特登簡咗個珍珠奶茶雪條～超甜～～～

二鍋頭尖沙咀任食火鍋，地點方便易搵，食物種類算多，當晚座無虛席，非常full，大家想黎食最好book定位。我哋先吃雞煲，之後再換湯底打邊爐。雞煲非常惹味，叫左bb辣，雞件極多，而且係無限添加，食得好過癮！火鍋湯底要左冬陰公湯底，火鍋配料不過不失，選擇比較大路，估唔到白鱔片都可以任食，質素都唔錯，出面仲有得拎蔬菜、丸類，炸魚皮、響鈴等，炸魚皮都唔錯，脆口夠味👍🏻整體黎講係非常抵食，裝修格局似酒吧，所以坐得都叫舒服。

依間餐廳已經唔係第一次去，想講真係好岩過時過節一大班朋友gathering。今日都見到好多大學生考完試一齊黎食！因為真係好多野食！佢既豬手好淋好入味，每次必點之選！黑椒汁好適合配搭大大舊豬手！鴨煲唔係到到都有，鴨肉啖啖肉，食放題有得食鴨腿都真係大滿足！雞煲就正常水平，香辣惹味！打邊爐既配料選擇都好多，肥牛、海鮮、咩都又真係好啱一大班人食！值得一提嘅係，店舖場地夠大，枱同枱之間唔會太近，全部嘢食放哂入雪櫃，夠哂衛生！仲有套房，適合一班朋友聚會狂歡！