九龍玖記

營業中

休息中

夜晚行D2 place行到攰，附近好多餐廳都排好耐，見到呢間唔洗排隊直入，咁就坐低咗啦，雖然都見全場滿咗，但係都唔算好多枱嘅，老闆一開始就介紹煲仔飯、串燒等等。我地叫左煲仔飯、煲仔面、油菜、餃子、串燒同溏心蛋。 大概等左20分鐘黎左煎餃，但亦都冇攞餃子碟同埋其他碗碟俾我哋，唯有自己行入去攞啦，但都發現碗碟黐立立，然後再等左20至30分鐘，其他野食都未有。其實都明白煲仔飯麵係要等，但就連溏心蛋、油菜串燒呢啲都未嚟，好似都有啲過分，但係佢一開始冇講明係要等咁耐，所以令我地有啲不滿，咁就同老闆跟進，點知換黎既係：係要等咁耐架喎，我地唔係快餐。真係令我覺得好驚訝，因為我地入坐前/落單時並冇提及要等咁耐🫨

經過幾次都想試吓，今日終於坐低左試食煲仔飯。原來仲有拉麵可以叫。試埋個餃子，因為佢哋話都推介。首先就上左個煎餃子，比較普通。之後上咗個牛肋骨煲仔雞湯拉麵。湯底好好味😋好香，因為煲仔上，所以一定夠熱。牛肋骨都好香，又腍，拉麵軟硬適中，對比其他日本拉麵店，差唔多價錢，呢度性價比高。之後上鴨胸煲仔飯。都係值得一試。成個配搭啱啱好。老闆同員工都好nice，出嚟做推介，做出嚟嘅食物都好有heart，又出嚟問feedback，真係有心想做好件事。好欣賞👍🏻

放工見到新開嘅餐廳就去試吓，見到好多人都叫煲仔飯，但最後都係想試吓啲串燒同麵。餐廳店面不大，大約只有20個位左右，所以上菜速度好快。總結嚟講好食同幾抵食，可惜當晚未有酒賣，會再去試吓個煲仔飯🤗蝦多士 $45𠵱個係放咗隻蝦係上面嘅派系整體炸得好脆口，冇油淰淰👍🏻燒雞膝頭軟骨串 $38 / 2串軟骨大粒過平時食到個啲，配上玖記自己調配嘅燒汁，幾「嘢」味👍🏻燒京蔥雞串 雞白湯蕎麥麵 $108𠵱個雞湯係清新流派，有淡淡嘅酸味。京蔥雞串仲係好嫩滑！由於上菜太快，唔想啲嘢放凍晒，所以影唔晒啲嘢食😂 下次食再影過😂

🍽️食物方面： 🦆油封慢煮鴨胸燒飯💲88 好香 份量啱啱好🐷焰燒蜜味叉燒豚角飯💲78肉有啲硬 🍳脆煎雙太陽蛋醬香肉醬飯💲68 送飯一流🐮金菇牛燒得好香 多汁 唔肥 🥟木魚花燒汁煎餃子💲62 10隻跟飯太多🍚可加錢轉煲keep住熱, 另配溏心/溫泉蛋 🥬是日砂煲油菜+💲12 少貴但靚菜心🥣砂煲飯焦飯+💲13 有飯焦, 用悅和醬油🍜砂煲煲湯麵+💲18 4️⃣款麵,高纖藜麥唔錯 5️⃣款湯 雞白湯少少油 花雕魚乾雞無酒味🍵白桃烏龍/爆菊普洱熱飲🆓俾杯任斟 加$3冷泡茶/支裝汽水/奶茶限量10支有啲甜 📷打卡方面：紅白主色 有吊燈 menu排版幾靚好用心做屋台 好多用香港製造嘅嘢 🔈環境方面： 新開有啲混亂 QRCode落單 肉即叫即燒 要等下 坐得有啲逼老細有禮貌好nice會介紹菜式💬其他資訊：九龍玖記 📍荔枝角長順街15號D2 Place TWO 3樓313號舖💰Lunch試業價ℹ️樂麵嘅姊妹店 可以IG落定單

D2 Place TWO 新開咗間「九龍玖記」，主打日式屋台同港式大排檔Crossover，菜單上有拉麵、日式餃子、燒肉串燒，仲有港式煲仔飯。見到有午市套餐，就趁機試吓佢哋嘅燒肉飯！🥩 澳洲安格斯燒肉飯 連飲品 $88落單後，廚師即場燒牛肉片，雖然唔係炭燒，但都見到烈火逼出油脂，上枱時燒肉香氣十足🔥 牛肉片脂肪較多，適合燒烤，厚薄適中，部分偏韌但仍咬得開，肉味算濃郁。配搭半熟蛋🥚，口感滑溜，仲有兩條菜心，感覺幾有港式碟頭飯嘅影子。呢間餐廳概念幾特別，日式同港式元素融合得幾有趣，食物都算有誠意。雖然午市套餐定價進取，但附近要食即燒燒肉選擇唔多，而且燒肉風味做得幾好，下次都想試吓其他招牌菜！