九記打冷.小菜.粉麵 (已結業)

每次站在尖沙咀等車回家的巴士站，總是望到九記打冷.小菜.粉麵店，門口的餐牌有很多種口味的食物，價錢大眾化，廚窗的食物也很吸引，重有好多明星幫襯，老公說睇有乜用，不如入去試下。餐廳地方整潔，座位寬敞。餐廳主打中菜和潮菜，其中有數款套餐好抵食，而且全日免收加一。澄海獅頭鵝飯：有澄海獅頭鵝、滷水豆腐場拼花生、紫菜湯，白飯/白粥。加9元可配冷熱飲品。澄海獅頭鵝是潮州鹵水鵝最高質的品種，大隻肉質鮮嫩，滷水汁調得好好味，鵝肉、豆腐和花生都好入味。涷檸茶：夠凍夠濃味！鮮蝦雲吞麵：麵質爽口，雲吞皮滑餡鮮。菠蘿咕嚕肉：夠份量夠穫氣，咕嚕肉外脆肉嫩，醬汁調得適當，酸酸甜甜的好滋味。蘿蔔拼豬紅：打冷少不了豬紅，大大碗好抵食，豬紅滑溜，蘿蔔林甜，全部都好入味。南乳雞中翼：即叫即炸熱騰騰，金黃色的皮香脆，肉質嫩滑，南乳味香濃，灑上炸蒜更添美味。藍妹，美食當前，少不了啤一啤！

收工同同事打牙骹，喺公司附近一直未食過一間餐廳嘅晚市，平時午餐食個牛腩麵就試過，今次食完覺得需要稱讚一下講到明打冷梗係要有滷水野啦，叫咗一個我鵝腎加豬頸肉，份量好多，並且味道非常唔錯，滷水非常入味蝦醬炒通菜味道非常惹味，而且份量多到兩個人都食唔晒，大大碟叫咗一碗蠔仔粥兩份share，蠔仔份量一啲都唔少，味道都非常唔錯，有好香嘅薑味同芫荽味最後不得不推介呢份必點嘅鹹蛋黃椒鹽九肚魚，非常非常非常好食！有濃濃嘅鹹蛋黃味道同埋非常熱辣辣必食

As I was crossing the road I spotted this obviously Chinese restaurant with a name Nine Kee so I took a closer look out of curiosity.The stuff displayed at the window was the usual stuff ie duck and cold mullet. Then I spotted this fried fish that looked like canned dace fish so I decided to go in and try it.Found out that the fish was Cutlass fish which is a fish that looks like a long flat eel.I've actually tried it before at a wet market restaurant that was a gem but closed down during renova

好耐冇拍拖既我地,於是就諗住出尖沙咀行街睇戲,到左尖沙咀,就緊係食野醫肚,抬頭就見到間"九記打冷",於是就入左去食!韭菜豬紅打冷鋪必食,韭菜無渣,豬紅夠味,湯汁惹味香濃,d湯汁拌飯一流,值得推介。欖菜肉鬆四季豆依個餸係我的最愛,但估唔到係依間鋪食到我食過最好食既,四季豆爽口彈牙,炒得唔會老,肉鬆非常入味,辣辣地好惹味,最重要佢加左紅葱頭,將碟餸變得更香更好味,無得頂。蕃薯粥粥地夠綿,米味香濃,蕃薯夠甜,配上韭菜雞紅,相當一絕。牛腩河牛腩煮得好入味,河粉亦無煮得好耐而變成糊狀,夠哂爽口,腩汁湯底夠濃,食完連湯都飲埋,配埋店裏面既辣椒油就無得彈。

琴日帶個日本朋友去尖沙咀購物, 打算去星光大道前先醫下肚仔! 想帶佢食香港地道啲既美食.  行到近尖東位置, 醒起有間打冷都有幾多朋友推介, 擇日不如撞日, 就入去一試.  行左成日街我地都幾肚餓,兩個人叫左四餸一個湯飯. 首先嚟既係黃金鮮魷魚呢樣其實係幾驚喜, 炸得脆炸得靚,無多餘油份,豐富既咸蛋黃包住魷魚, 唔係得兩個人食真係想叫多一碟呀!跟住上就係滷水拼盤我地叫左(細)碟, 但比想像中大碟同都幾足料, 有鵝腸,鴨肉,墨魚,豬腸,紅腸,腩肉,生腸,大豆芽,豆腐等. 滷味十足, 有大排檔風味!接住涼瓜排骨煲好耐無食呢味菜, 涼瓜炆得淋淋的, 排骨半肥瘦恰到好處, 酸菜伴湯底, 不錯不錯! 潮州蠔仔粥都到埋原來都好大碗下, 蠔仔好脹卜卜, 好鮮味, 都算幾大隻.  粥底唔知係米用大地魚乾煲, 超惹味!最後叫左韮花炒蜆肉黎送啤酒啖啖蜆肉加埋炒到好香的韮花, 伴住啤酒慢慢吃. 美味!  朋友都十分滿意能吃到香港地道風味的菜式

朋友聯誼必定是吃潮州菜，能以吵吵鬧鬧方式食飯盡吐苦水的地方真不多，在網上搜索了一下，竟然讓我在尖沙咀的鬧市地段找到一間以打冷潮洲菜的飯店，絕對不能錯過，我也是在第一次在尖沙咀食打冷潮洲菜！相約好三五知己衝出尖沙咀！來到九記，門前貼滿很多名星藝人到此一遊的相片，深信味道一定非同凡響，雖然係油尖旺地段，但餐牌上的價錢也非常親民，於是我們點了好幾款潮州打冷必吃之選。大眼雞潮州打冷很有名的大眼雞魚，伴的豆瓣醬，這個也是冷盤，除刺身以外第一次吃冷的魚，還好沒太大腥味，肉質較滑，但魚味較淡。滷水拼盤第一次來也不知道哪個比較好，但每個都想吃，於是就選了一個拼盤，雖然看起來膽固醇破表，但五花肉真的很好吃，爽脆的口感和豬肉樸實的香味，讚！其次是橙色的生腸和墨魚🦑，都很入味又好吃，對了！滷水拼盤是熱點白灼墨魚鬚墨魚鬚是本人至愛，送酒也是絕配之食物，白灼的口感非常爽滑，加上Wasabi和豉油，讚不絕口。潮州炒面線炒麵爽身而不膩，一般用韭菜和銀芽炒煨，鄉土味濃，而且還用了脆豬皮一起炒，食味特佳。椒鹽豆腐豆腐炸得外內軟，外皮微黃色一致，但內裹豆腐出奇地嫩滑，有點像藝術品傑作。南乳雞中翼即點即炸，新鮮香口不在話，

同兩個朋友約左係旺角聚餐，3個麻甩佬聚餐少不免飲番兩杯，飲啤酒黎講就緊係要配滷水呢類食物啦，所以我地選擇左呢間潮州打冷。要試一間潮州打冷ge功力，一定要試下佢ge滷水拼盤，呢個滷水拼盤冇另人失望，滷水夠味分量亦足。由於滷水拼盤味道唔錯，所以我地叫多左個滷水鵝，果然係一貫好ge水準。韮菜豬紅分量多，夠4人以上分量，韮菜同豬紅索滿湯汁，非常入味。豉汁蒸鱔可以食得出鱔好新鮮，無腥味及泥味，加埋豉汁蒸，配白飯絕配。沙拉骨 ge肉塊火候炸得剛好，伴上沙律醬兜起，每一肉塊都佔滿沙律醬，同行朋友都讚不絕口最尾我地叫左個石鍋通菜，通菜以蒜蓉快炒然後以石鍋上菜，夠鑊氣之餘亦可以有效保温，大推呢個菜式

又到好朋友生曰飯局，平時打冷都會選擇在九龍城，因為交通不便所以同事推介我去尖沙咀有一間打冷，「九記打冷、小菜、粉麵」，有打冷，粉麵、小菜，煲仔飯總有一款適合你，而且地點非常方便，尖東出囗行十分鐘就到達！打冷必選擇之一大的滷水拼盤，有生腸、鵝腸、紅腸、墨魚、五花腩丶芽菜、豬耳、雞腎、豬頸肉，款式比較多，滷得入味，而且又不會過火大眼雞大眼雞是打冷忠實粉絲必選擇之一，漁味鮮甜，配合鹹鹹香香既潮州凍魚豆醬，令大眼雞鮮味更加突出，肉質嫩滑白灼墨魚鬚要食出海鮮鮮味，白灼烹調是最好不過，墨魚鬚鮮甜而且質地爽口，配合日式芥末及豉油，鮮味無比，推介之一南腐雞中翼還未上到桌上，遠遠已經聞到南腐的香味，炸得非常香脆，鎖住肉汁，味道適宜，雞翼數量至少有十幾件，份量驚人椒鹽豆腐惹味香口，而且豆腐嫰滑，配合啤酒一流潮州炒面缐充滿鑊氣既面線，味道適宜，份量足夠四至五人吃，充滿潮州特色，大大細細的麵線，口感豐富　總括地點方便，服務員細心，上菜速度快，而且價錢經濟實惠，座位坐得舒服，食物款式選擇多，味道適宜

行完街同朋友去尖沙咀打冷，位置近尖東方向，地鐵站出來，直行就到，非常易找平時打冷舖都比較光猛開白燈，這裡偏向溫馨茶記風，坐下來慢慢吃慢慢聊。豉椒炒蜆，辣辣的炒得非常入味，蜆肉粒粒都肥美飽滿，沒有甩出來，證明非常新鮮❤︎欖菜肉鬆四季豆，味道正常偏鹹，而且份量超級多，配白粥吃非常合拍炸魷魚，朋友最愛的菜式，加了些椒鹽灑在上面，很香口 <3黃金九肚魚，包了咸蛋黃醬，鹹香味重，炸得很酥脆，下次再來還會再encore !

與朋友尖沙咀shopping 後搵飯食，看到九記有打冷食品想起很久沒有吃潮州打冷，便決定一試！九記比較不像一般打冷的店如大排檔般，他們較像茶餐廳的設計，坐位都算闊落舒適。其實除了打冷食品外, 他們還有其它的小菜, 潮州粉面等選擇的! 但這次我們目標明確，要吃潮州打冷哦! 哈哈!每次去打冷有幾樣食品一定要ORDER 的! 當然有滷水鵝啦! 還有豬紅及蠔仔粥!我們選了一份小的滷水鵝拼盆, 上枱時我還以為這是大的份量哦!小的拼盤都那麼大的份量，包括了鵝腸, 豬腸, 紅腸, 墨魚, 腩肉等等等, 好豐富!主角的滷水鵝油香濃, 啖啖肉, 不會過咸!蠔仔粥我們選的是一碗的份量, 又是十分足料及大碗哦! 幸好我們沒有選一窩的, 不然吃不完哦!蠔仔量十分多, 又大大隻, 好鮮甜! 二人吃得好飽哦!蘿蔔豬紅同樣性價比高, 蘿蔔好甜, 豬紅軟滑沒有腥味!打冷食品外, 我們還試了一客蒜蓉粉絲蒸聖子蝗! 兩隻大大隻的聖子, 非常鮮甜新鮮!! 好好味!十分滿足的一餐!

今日返工返尖沙咀附近，唔啱上打冷，就嚟咗呢度食。對滷水鵝情有獨鍾既我，揀咗呢個$68嘅澄海獅頭鵝飯。以尖沙咀呢個遊客咁多嘅地方來講，都唔算貴。本來餐牌寫嘅係紫菜湯，不過就嚟咗青紅蘿蔔湯。幾健康嘅感覺，好足料，唔係味精湯。可以見到啲鵝見都幾肥，咁啱呢個部份唔算好多肉食，不過好彩肉質唔煤，幾鮮味。至於花生，都煮得幾粉。滷水豆腐，豆腐味唔差。雖然叫咗少飯，不過仍然好大碗另外加咗$20叫多個蠔油芥蘭，好新鮮，亦都好大份

係openrice search到呢間打冷舖，見到幾多好評就決定試下...同朋友一共三個人點咗四三個菜一個炒麵，埋單都係400蚊有找，喺尖沙咀黎講加上食物嘅質素都算係好抵！滷水拼盤：裏邊包括豬脷、鵝腎、鵝腸、豬腩肉、魷魚、豆卜等唔同種類嘅滷水小食， 鹵水好香而且啲食物好入味，不過個人就覺得有少少偏鹹，配埋白飯就最好啦！蒜蓉炒娃娃菜：落咗好多蒜蓉醬嚟炒所以非常之香，而且份量好大碟，就咁食菜都飽飽地 (笑)潮州炒麵線：同樣分量都係好大碟，麵炒得好香而且唔肥膩，裏邊有叉燒絲，食落好香，唔錯。黃金九肚魚：即係鹹蛋黃炸九肚魚，呢個小菜係四個裏面最好食嘅，因為佢係新鮮炸起所以非常香口，外邊香脆，魚肉就好軟熟好腍，而且一啲都唔油膩，另外鹹蛋黃嘅份量非常之多，所以每一條魚都沾滿咗好充足嘅份量！呢個都係廚師推介，我覺得一定要試下，如果唔鍾意食九肚魚，另外仲有豆腐或者魷魚選擇！另外我見店舖裏邊啊姐啲服務都唔錯，會成日主動來幫你加水，下次有機會會再來試其他小菜！

又心思思想食打冷，同老公經過見到又幾多人係入面食緊，價錢又ok ，決定入去試下。其實餐廳真係有好多選擇，又有打冷又有小菜，粉麵都有，總有一種啱你😅我地為打冷而嚟當然一定要叫凍烏頭，同鵝片啦。因為得兩個人正煩惱緊實食唔曬啲嘢，原來佢地一個鵝飯餐，又有湯，又有飯，又有鹵水豆腐花生鵝片，都係$68凍烏頭魚 - 本身時價有啲驚，但都只係$160，好大條，都夠3-4人食，好多肉，潮洲凍魚豆醬係重點，一定要點黎食!澄海獅頭鵝飯 - 加左$5試埋佢個番薯粥，鵝肉入味，點上醋去除油膩感，番薯粥粥底清甜仲有淡淡番薯味加多椒絲腐乳通菜街，有鑊氣，正

九記系度開咗好多年， 又係經過無數次門口嘅食店， 今晚終於跟朋友入嚟試一試。Big size 鹵水鵝, 隻隻圓碌碌， 肥大肉厚， 睇見都流口水。港式茶記裝潢 ，平實格局， 座位尚算闊落整潔。除咗潮州鹵水及打冷食物， 還有很多大排檔小炒，以尖沙咀遊客地帶黎講， 價錢非常合理， 最緊要係免收茶及免加一。獅頭鵝套餐連湯、豆腐花生及白飯 $68鹵水獅頭鵝件（$118例）個人鐘意有骨落地， 硬係覺得鵝件比鵝片好食。系門前櫥窗掛住大大隻嘅鹵水鵝已經流曬口水，不得不叫，可能係鵝髀關係，鹵水鵝皮下脂肪不算多，鹹香美味, 可全食, 鹵水汁都幾醇厚。鹵水花生粉棉， 鹵水豆腐豆味不差， 索鹵水汁食，更好味。蠔仔粥 ($48例)去打冷， 對我而言 ，鹵水鵝及潮州蠔仔粥係必食items。真係估唔到$48一碗嘅潮州粥係咁份量十足，每人有茶記的小碗2碗多少少。蠔仔下得慷慨， 隻隻圓潤脹爆， 蠔仔夠新鮮，蠔鮮十足，蠔仔粥粥底應该下左大量大地魚餚製，清鮮夠味， 但完全唔鹹口，無乜味精。豉椒炒蜆 ($96)大排檔之鑊氣小炒， 大量豆豉、洋蔥、九層塔及椒粒，炒得香噴噴， 辣辣地，夠曬惹味。蜆肉脹卜卜，夠肥美， 炒完都冇縮水

今日與媽媽在尖沙咀逛街後，來到這家吃潮州菜的小餐廳吃下午茶。我們分別點了兩個套餐及一客蠔餅。澄海獅頭鵝套餐鵝肉非常入味，滷水香濃，肉質不韌，沒有過多的肥膏。滷水豆腐同樣入味，滑滑的，充滿豆香。花生很腍，粉粉的。紫菜湯有少量豆腐粒及肉碎，清清淡淡，與鵝肉互相平衡。白粥很有米香，是偏向潮州粥的做法，米飯不會煲得太綿。牛雜河粉下午茶餐牛雜有牛肺、牛肚、牛腸及牛胰臟。全部內臟都很入味，本人特別喜歡牛肚，爽爽滑滑，吸入湯汁，實在好吃。河粉亦很滑。飲品叫了凍奶茶，茶味香濃，不會過甜，茶和奶的比例剛好。蠔餅很大的一點，是以煎炸的形式造成的，外脆內院。外層是卜卜脆的粉漿，內裏是軟綿綿的蛋餅，混入大量蠔仔及葱粒。蛋味香濃，蠔仔鮮甜，沒有沙，一點也腥，配合大量蔥粒，很香口。這裏的食物份量都幾多，實在捧腹而歸，很滿足。