九井壽司 (已結業)

上兩個月，於megabox新開了一間壽司店，今日约埋同事一齊去試食，大约中午12：30左右到，已經好多人，等了一會入去坐，店內可以選擇定食，或者散叫，平均一個定食6x左右，我哋三人，都各自點了一個定食，不包飲品需另叫，另配綠茶任飲。店內特點是，餐到會由運輸帶送到客人面前，颇為有趣。我點了一個咖哩吉列黑豚定食，吉列黑豚的皮有些過厚，咖哩一般味道，份量剛剛好。整體感覺還好，因為卡位不算多，店內空間有限，坐單邊bar位客人，感覺客人與客人與客人之間的空間很少，吃起来會有些辛苦。另外需再加一服務，三人計起来都過180。不太便宜。

見好多人成日講，所以決定帶小朋友一齊去試下，點知覺得幾失望~~~睇餐牌好似好多嘢食，點知食嗰陣好多都無，當時只係平日晚上7點左右，裡面未坐滿客添~~~而最令人無奈嘅係，我哋叫咗件天婦羅炸蝦壽司，等咗成20分鐘都未嚟，店員話要炸，ok，可接受，但最慘係嚟到，件炸蝦外面唔熱，裡面有冰，同店員講，佢淨係收走，俾錢嗰陣又無取消，同個經理講，唔好意思都無，態度又唔好，又黑面~~~下次一定唔會再食😡😡😡

平日lunch hour 黎到九龍灣mega box 既九井叫佐個三文魚海膽飯，跟個沙律同麵鼓湯。三文魚算厚，海膽就一般般。不過呢個lunch set $88 算係咁啦。店內環境清潔，卡位都坐得舒服

今日廢青去megabox搵朋友食，佢得一個鐘lunch，梗係搵間快靚正架啦！我就等左15分鐘就有位啦，比其它餐廳都算快。一入呢間佢都好似板長元氣咁用pad去點餐，個menu分類分得好仔細，而且啲圖畫都好得意。我揀左火炙刺身丼定食，$68，最左一陣食物就搭車送到了！賣相很好，火炙三文魚腩同帶子好新鮮，左口魚係入口即溶，難以形容，但個蟹棒我就覺得麻麻，爭鮮既帝皇蟹棒都好味啲。但整體黎講，$68包沙律同湯，同埋上餐速度，我都覺得可以！

放假入咗嚟megabox行街，行過見到呢度新開咗間壽司舖，就決定入去試下，餐廳設計好新穎 以日本幹線為主題，送餐係由火車形的設計輸送到你枱上，餐廳的刺身壽司新鮮鮮甜，價錢合理 絕對可以一試

黎MegaBox行完傢私鋪之後，就諗住醫下個肚。行過經過一間裝修幾特別，成架火車咁，原來就係♥九井壽司♥。入到去燈光好光猛，環境整體都好舒服。成個場好大，除左有單獨位可以坐，仲有四人台可以坐，總之每張台都可以體驗到架火車。每張台都有一部order機，每次最多可以叫住四碟，每四碟就可以玩一次遊戲，贏左可以隨機免費得到一碟壽司。三文魚刺身一碟有三件，雖然比較少，但係就比較厚實，都算係咁，還可以的。唔算係好鮮甜，沒有特別感覺，但色澤還算接受。蟹子軍艦蟹子份量比想像中多，口感都不錯，一啖食落口都有滿滿既蟹子。特式三文魚子壽司比較失望既一款壽司，雖然佢既賣相設計幾得意，幾吸引到人，但味道就...唔太好，食三文魚子就係想食佢既鮮味同埋有點腥味，但我想講，佢咩味都冇....放左落口唔係好知自己食緊咩...而且佢塊紫色係淋左，咬唔開的。特式海膽壽司同樣既賣相，但海膽就竟然幾出色。先唔再講佢塊紫菜（一樣都係淋左咬唔開），所以今次無放落口一齊食，但佢既海膽就食得出佢既甜味啦，係咁多款壽司裡面佢係最好食，難怪會做到Top5其中之一啦。三文魚加州卷呢款都算係好食，入面包住左蟹柳、玉子、牛油果。呢到啲牛油果味都

星期六去左megabox行下街順便食埋晚飯，商場嘅餐廳大多數都已經食過好多次， 突然俾我發現到九井壽司 立即攞飛等位啦！ 大概等左半個鐘內就有位了，都算幾快！店舖內環境光猛舒適用平板電腦點菜，唔需要人手落單！新幹線果然速度好快!點完菜冇幾耐就送上芥辣八爪魚軍艦，紫菜脆卜卜，份量亦都比起其他嘅店舖軍艦大舊好多劍魚腩壽司$25，實在太肥美， 入口即溶帆立貝壽司$32，大大件仲好厚身又好鮮味火灸芝士蟹棒壽司$18啖啖肉點完菜之後仲有得玩遊戲海膽魷魚軍艦， 我已經愛上咗呢度嘅軍艦， 因為我鍾意佢哋嘅紫菜脆卜卜油甘魚壽司$20 ，又係厚切，肉質鮮甜火焰左口魚邊壽司$24， 係我至愛既壽司之一，我鍾意佢入口即溶！三文魚壽司$18， 大大件好抵食！龍蝦沙律卷， 呢一款普通咗啲龍蝦沙律軍艦玉子壽司，一啖咬落去玉子軟滑，帶有小小甜甜地嘅味道！燒雞骨腸，今次淨係試咗呢一碟熱食腸入面有肉汁幾惹味！

今日放工同媽咪去ikea買鏡，晚餐當然係mega box解決。母親表示想食日本野，於是就黎食呢間。我同媽咪都係三文魚fans,所以叫左好多三文魚！haha, 壽司係由新幹線送到你面前估五到d三文魚甘厚切，大大件，而飯都好大件，所以好快飽。甜虾壽司都好新鮮！除左壽司，我地都叫左個炸魷魚。原本以為得幾條，點知份量都算多，魷魚好淋，不錯如果熱d會更好！帶子壽司好大粒，好鮮甜另外值得一提係，每order完四碟食物，就可以抽一次獎哈！好正！我抽中左個蟹柳手卷！

-三文魚親子定食丼😍（$78）份量岩岩好，有三片厚厚的三文魚係上面，仲有好多三文魚籽，睇到都留曬口水，三文魚🍣色澤都幾靚😎依個定食仲有味噌湯和沙律，正👍🏻-原條星鰻壽司☺️（$38）成條星鰻上碟，賣相好正😍肉質比較淋，味道都幾香👍🏻-火灸三文魚腩壽司😎（$22）賣相真係好靚，睇落十分肥美，經火炙後將油份迫曬出黎，食落入口即溶💕-火灸芝士熟蝦壽司🍣（$22）火灸芝士加蝦🍤都唔錯👍🏻-特色海膽😋（$30）海膽嘅鮮味十足，食落好creamy，味道鮮甜，不錯😎-軟殻蟹手卷😚（$24）軟殻蟹食落好脆又香，配埋青瓜和沙律醬😍，味道岩岩好，食落唔會好油膩😋，而紫菜一點都唔脆，好淋，好難咬開😳-龍蝦沙律卷😀（$25）賣相和味道都十分普通😌不太特別🤗-

這間新進駐的新幹線壽司店甚有驚喜，環境光猛整潔，闊落的沙發卡位不少，坐得很舒適。只是七時許已幾乎坐滿食客，似乎頗有人氣。餐廳更放有一盤免費小禮物，相信小朋友一定好高興。每枱設有平板電腦以供點餐，方便又環保，每次落單後更有小遊戲玩，得勝後可獲贈指定壽司一客，好有心思。所有壽司均是即叫即製，落單後由趣緻的列車或輸送帶自動送到座位，好有趣，而且效率甚高，不需等好久。我所點的各款壽司賣相頗佳，絕不馬虎，而且件件都好新鮮，又比想像中大件，質素令人滿意，甚至比連鎖壽司店的更佳。三文魚壽司色澤靚又夠肥美，脂肪均勻，魚生片仲好長。三文魚腩壽司更不用多說，魚生好厚切，肉質更是嫩滑，充滿啖啖魚油，非常美味。帆立貝很厚身，肉質好爽滑，味道鮮甜，完全不會有雪藏味。欣賞其火炙三文魚腩燒過後仍能保持肉質嫩滑，滿滿的魚油加上沙律醬更添美味。三文魚加州卷也好有水準，嫩滑的長長三文魚片配上玉子和青瓜等餡料令口感好豐富，滋味非常。軟殼蟹手卷甚出色，軟殼蟹好大件又啖啖肉，蟹膏又多，而且炸得十分香脆可口。想不到海膽鮮帶子迷你丼的海膽份量很多，而且相當新鮮又creamy，又有海水味，每一啖都好滿足！最驚喜是只售二十元的限定三色

去完日本回來很想吃壽司！今天放假平時都好少去行九龍灣MEGABOX，位於九樓咁岩有一間，門面好得意，個設計好似火車咁，原來係九井壽司。正是我就是要找的那種感覺！唔洗等位都入得...入到去坐低，第一感覺係覺得間鋪燈光裝飾令到環境坐得幾舒服好光猛...入面好多坐位...比一般壽店闊落！有卡位、有回轉帶前嘅位選擇！牆上嘅設計仿似火車路線似的枱上面有很多值得讚的細心安排有豉油、芥末、紙巾、茶包等等都係哂枱面。好方便！一包包嘅茶包沖出嚟好濃...每一張枱都有一台自助點餐機...電子平板落單好方便...圖文並茂 ！如果不懂操作可以按服務鈴叫店員協助！食物種類多！刺身、壽司、軍艦、卷物、炸物、前菜、燒物...花多眼亂...送單後相信每個客人都可以試到火車送餐呢點餐後ipad會有提示食品馬上就到等既時候玩左陣個Game就係每點夠４碟，點餐機都會自動彈去玩遊戲，贏左會額外隨機送多一碟壽司架！！正呀！你地都記得玩喔✨三文魚刺身 ＄３５刺身下都附有冰粒係底...保證三文魚都係凍既刺身是以厚切形式上枱，食落口好有咬口啖啖肉，一啲都唔腥，幾鮮甜，色澤都幾靚。✨甜蝦＄２２，三文魚＄１８，帆立貝壽司＄３２所有壽司都

一直都想去九龍灣megabox行下，今次難得到來，當然要搵間餐廳慶祝下😄😄去到九樓見到九井壽司，原來是一間新幹線壽司店新幹線就是以餐廳提供的專車送上食物，其實有部份連鎖店都已經有類似服務，九井都一樣，只要在平板電腦上落單，就可以等食物送到旁邊的路軌😎😎實在太方便了！餐廳更提供獨立包裝的煎茶、wasabi ，整潔衛生門口位置仲放左玩具、圖書比小朋友玩 岩哂一家人來邊食邊玩，好貼心既服務喔刺身駅 $48三文魚刺身都算厚切、新鮮，炸雞份量略嫌太少😅烏冬夠彈牙，50蚊就有既刺身下午茶餐，幾抵食丫～三文魚手卷 $19紫菜爽脆、有兩大塊既三文魚係入面最怕手卷偷工減料，得舊飯～帆立貝壽司$18、三文魚壽司$18壽司方面當然要食帆立貝啦 鮮甜無比三文魚就不過不失～三文魚加洲卷 $28有三件大大件的卷物😮size真的比想像中大 而且加上沙律醬同食，更吸引、開胃鮮帶子海膽迷你丼 $78話明迷你版，我地原本都以為係好少，點知道七十幾蚊食到高質海膽仲有五大片帶子，份量不少呢！！臨走先留意到原來仲有兒童餐～好岩一家人/朋友來歎個下午茶

好耐都未去過mega box，難得平日同男朋友一齊放假，見mega box有泊車優惠，仲有五個小時咁多，諗住去行下，同食埋晚餐，仲想睇埋戲！行過見到一間叫九井嘅壽司店，見到有新幹線列車，好吸引，好有日本feel，就即刻拉我男朋友入去食！同日本一樣，都係用iPad 點菜，然後有列車送食物出黎！間餐廳好多小朋友黎食，因為有好可愛嘅兒童餐，下次都帶我侄仔黎食先叫野食先🚄帆立貝壽司🍣呢個真係要推薦大家食，首先塊帆立貝係超厚，超大件，仲要係非常之新鮮同鮮甜三文魚腩壽司🍣三文魚腩好厚切，好肥美，而且仲好新鮮，我都忍不住再叫多碟九井海膽三色迷你丼呢個迷你丼超抵食！只係$20咋！有曬三文魚、吞拿魚同海膽！抵過食壽司！軟殼蟹手卷呢個手卷都整得唔錯，軟殼蟹炸得好脆好香口，我覺得最重點係塊紫菜😂真係好脆好好食燒芝士餃子雞翼味道真心唔錯，雞翼裹面仲有芝士，口感幾好特色吉列蠔呢件吉列蠔都好好食，賣相唔錯之餘，仲有一塊紫菜包住食蟹籽沙律初初叫嘅時候以為細細碟，點知黎到係一碗，份量都幾多，呢個份量比出面價錢平好多，仲要好足料，勁多蟹籽同蟹柳整體來說，我覺得呢間壽司店，性價比高，用料新鮮，價錢唔貴！

真係平到你不可以相信產品標價28円一個卷物，三文魚又大件又好食。坐位和環境都不錯，只是服務員很一般，只左D野沒有貨又不通知，坐咗30分鐘先行過來話没有貨，之後就不了了之

新奇有趣，等我同叮叮去感受下依架火車有幾快！新幹線既裝修，別出心裁。如果有燈著住會更吸引眼球。位於mega box親子樂園樓層，主要對象係小朋友。門口更設置糖果、小文具專區。我都好耐冇見過依種食完有粒糖拎。基本上，食物係令人有小小失望。好似簡單如腐皮壽司都無、卷物加州卷過早製作、三文魚子的擺盤、左口魚邊焦香不足等等。其實以親子作主題，我認為太側重小朋友。但陪伴小朋友既大人，會對食物而卻步。而且熱潮、新鮮感過後，同連鎖壽司店既列車可以一較高下？之不過今日我同叮叮都食得好開心，當獎勵自己，渡過忙碌既一星期。