九丁目日本料理

營業中

休息中

The resto is owned by a neighbour😆 always love the variety they offer.Minced tuna, uni and salmon roe rice bowl - lunch set $108 Fresh ingredients and generous portion🙆🏻‍♀️ looks good too hahaSushi combo meal - $118 comes with a bowl of udon in beef broth - tasted good and filling 🤞🏻食材新鮮，味道很不錯😎是附近日本菜的好選擇

呢間日本餐廳已經想試好耐 成日經過都畀佢嘅粉紅色櫻花樹所吸引 同埋我好鍾意佢設有室外用餐區 而家天氣涼涼地 坐戶外就最適合不過 餐廳設有黑夜時段 每晚8點45分後 指定壽司 小食 炸物生啤 甜品均有半價優惠外賣自取亦有八折優惠雖然我今天六時多入座並沒有任何優惠 但我覺得食物價錢是合理的 而且與食物質素相符 兩個人五百蚊有找 已經食到好飽 食物屬於高質素壽司拼盤 三文魚四本 鮮帶子兩本 油甘魚兩本 北寄貝兩本 皇帝蟹棒兩本 加州卷三本 蔥吞拿魚腩蓉手捲三本$198真心唔覺得呢個壽司拼盤貴 真係物超所值 從賣相來看 已經相當吸睛 很有美感 每款壽司上的魚生 都是極度新鮮的 每種食材都有獨有的鮮味皇帝蟹棒壽司很有驚喜 用上真正的蟹棒肉 一梳梳的蟹肉 鮮甜多汁 紮實飽滿 這家的蟹棒壽司絕非用便宜貨色吞拿魚蓉與香蔥的味道相當配合 軟綿綿的魚蓉口感綿滑 細味咀嚼之下香蔥的辛辣味跑出 很有層次的一款食物油甘魚壽司甘香肥美 魚脂味香濃海膽壽司兩本$58海膽色澤亮麗 呈現鮮黃色 好新鮮 味道鮮甜 一點腥味也沒有 壽司是即叫即製的 旁邊的紫菜還是脆的軟殼蟹天婦羅一本$48即叫即炸嘅炸物 熱辣辣 很好吃 脆

如果你因為想食拉麵而行入嚟 建議你搵過第二間拉麵各有各喜好 但我真心覺得個湯唔夠味聞唔丁香味 湯底用料麻麻 麵質適中 比較符合大眾口味冇令人想一啖接一啖嘅慾望不過睇番個價錢 都算中規中矩拉麵我哋食嘅係牛肉同餃子牛肉麻麻 不過一分錢一分貨 係普通牛肉囉餃子偏重口味 配搭拉麵落口唔錯 餃子都煎得幾脆 但食丁第三舊會有啲油另外仲食左雞軟骨 都係普普通通咁啦多數日式餐廳會比蛋黃醬/沙律醬但佢選擇直接倒上去 偏少但雞軟骨分量好多 都係偏重口味配搭番比較淡嘅拉麵係唔錯 但唔好就咁食環境唔錯 幾有日式氣氛 如果播番啲日文歌會開心啲冇時間體驗個排賣 但個氣氛好似唔錯不推 但係平時都可以食下差唔多50嵐嗰個level🤣

元朗一向好多不同美食，這天到了元朗，當然一定要尋覓一下!看到了門口佈置很精緻的「九丁目日本料理」🇯🇵，門口有一棵精美的櫻花樹佈置🌸🌺室內也有日式居酒屋的環境🌺好像是到了日本進行一餐晚餐一樣呢!-食日本餐，當然要一試魚生!🍣因為店了賣相很吸引的火山丼🍣🍙用滿滿的刺身做出的火山!超級滿足及新鮮! 還有海膽呢!😍而且款式也是混在一起! 食的時間口感豐富也不會感到很膩呢!-另外也被特盛鰻魚丼吸引了!想到日本離不開鰻魚，那醬汁絕對是加分的位置，飯入面仲有栗米，可以中和一下口感。-特別要分享的是日式芝士年糕 喜歡煙韌控的我，真的是很適合我!熱辣辣的芝士年糕，好邪惡又滿足🤣但值得食一次的!不過記住熱辣辣時食，如果凍左的確會遜色了!-最後更點了法國皇家生蠔🦪🦪來滿足一下新鮮感!很喜歡! 喜歡食生蠔的 要試!而且價錢很相宜呢!-滿足又抵食的一餐!來了一次日本風情又吃得飽飽的晚餐😍

今日去咗元朗見到一間好靚嘅日本餐廳俾佢嘅外貌吸引左入去左。天氣開始清涼所以決定坐出面，幻想下自己係日本咁。餐牌好多嘢食，樣樣都好似好吸引，所以每樣都嗌下黎試試嗌左一碟海膽壽司好正好肥美。食到佢好鮮甜，紫菜又夠脆。一啖食落口入口即溶之後黎左碗火山丼跟麵豉湯個丼好足料有魚子蟹子海膽墨魚蟹肉三文魚，每樣都好鮮甜，一大個丼只係$168真係好低食。另外我地叫左2隻軟殼蟹天婦羅外脆內軟值得推介。外面嘅炸粉唔會好厚，軟殼蟹又夠大隻，入面熱辣辣啖啖肉。好食！已經好飽啦最後仲有一個三文魚頭石鍋估唔到三文魚頭啖啖肉，魚質仲好滑個鍋入面仲有菜，菇，粉絲同豆腐。好香既魚鮮味個湯都爭d俾我飲哂。總括呢間餐廳外貌同衛生一流，食物又好好食坐係出面慢慢坐慢慢食，同朋友黎吹水chill下都真係幾舒服。

差不多一年了，還未可以到外地旅遊，真是有點苦悶。今晚約了朋友來到元朗的「九丁目」，感受一下日本氣氛吧！門前一棵發亮的櫻花樹，下面還有冒著煙的溫泉（乾冰做的）,構思不錯呀！我們選了在戶外用餐，一來更空曠，二來在秋涼的晚上，在燈飾點綴下進晚餐，挺有渡假的感覺。由於朋友不太喜歡吃生冷食物，我們都點了些熱食。特盛鰻魚丼，鰻魚燒得剛好，軟滑中帶點焦香，配上紫菜、蛋絲和充滿醬汁的珍珠米飯，真好味！自家芝麻雞翼, 微辣中帶點芝麻的香，炸得卜卜脆，也很入味。厚燒牛舌，燒得香噴噴，吃得有嚼勁。山葵燒安格斯牛扒，這個牛扒肉質肥美嫩滑，不像一般的粗糙，配上山葵醬來吃，口感特別佳，還有新鮮的沙律菜伴碟。牛肉壽喜燒，剛剛熟的牛肉片，牛肉味份外濃郁。美味的麵豉湯底，加上金菇、冬菇、雞蛋、大蔥、黃芽白等配料，已經是一鍋美味的牛肉湯了。吃過了一頓豐富晚餐，享受了半晚櫻花樹下溫泉旁邊的環境後，在回家的路上，走過元朗的山貝河，那不就是北海道的小樽運河嗎！？

趁今日放假去咗元朗行街，到了晚飯時間，愛人話知道附近有一間好有日本feel裝修的餐廳，叫我去試吓，行到去門口真係眼前一亮，門口有棵櫻花樹着晒燈，旁邊擺着兩盤乾冰煙霧，而餐廳名字九丁目就投射在地上很搶眼，真係忍唔住馬上用相機打卡，餐廳門外擺放着一排整齊的餐枱和櫈，可供兩三知己在餐廳外休閒地談天說地吃着日式食物，彷彿置身於日本一樣，也可選擇於餐廳內進食，而我哋就揀咗喺室外望住棵櫻花色吃，感覺特別有風味!首先來一碗大大碗的雜錦海鮮沙律，甜蝦鮮甜新鮮配上蟹子和其他雜錦刺身，再用上新鮮爽脆的雜菜用食，很豐盛滿足😋火山丼真係一碗極之多刺身而材料豐富的壽司飯，有三文魚子、蟹子、吞拿魚、三文魚、蟹肉和一大片我至愛的海膽，鋪滿了整個碗飯面，因這間店出了名而成為打卡熱點好多人嚟食，材料轉流快所以食物也特別新鮮，連壽司飯的調味也是很合我口味，飯粒粒飽滿黏口，軟硬度適中，我倆把整碗飯食得乾乾淨淨😋雜錦天婦羅有三大隻蝦和四片雜菜瓜蝦夠大隻，脆漿糊調校得恰到好處，炸起的天婦羅薄而脆，吃多幾件也不覺得溜滯！茶碗漬蒸蛋，配料豐富有香菇、白果、日本魚蛋和我至愛的年糕小丸子、最重要係雞蛋蒸得滑溜而不會過老，好好味😋三文魚

平時放假我都好鍾意行千色滙，今日行到攰攰地想食日本野就見到九丁目呢度門口有櫻花超靚，就一於試吓先🤗.店裏面裝修好靚好有日本氣氛，店員仲同我哋講逢星期六、日及公眾假期嘅夜晚8點仲有得拍埋添，應該幾好氣氛幾好玩，下次假期過嚟再玩下先😂.我哋叫咗個六品刺身拼盤$268刺身好新鮮，夠鮮甜，份量好足～而且都係厚切.法式黃金醬鮭魚多士$48多士好脆口～加埋啲醬甜甜地，同啲魚一齊食超好味.三文魚籽壽司$48新鮮好味😋.嚴選串燒五品盛$78有五款串燒，燒到啱啱好，唔會太乾，又唔會太鹹，保留到原有嘅味道，仲有沙律🥗添！

想食日本菜，就會想起元朗K Plus 的九丁目日本料理，自從感受過餐廳舉辦的拍賣祭後，就迷上了九丁目。當日超級熱鬧的互動氣氛， 令人記憶猶新。這日下班，特意帶先生來嚐鮮，雖然沒有拍賣祭的熱鬧，心情一樣興奮。先來的是：什錦海鮮沙律 $88賣相令人驚艷， 配料特多，三文魚， 吞拿魚，油甘魚， 章魚粒，蟹子， 一應俱全，尤以牡丹蝦最為鮮甜味美～沙律菜夠新鮮，酸甜又開胃。火山丼 $168丼飯大大一碗，飯面鋪滿不同海鮮， 蟹子和三文魚子一咬，魚油味即時滲出，新鮮好味道～海膽甘甜，油潤，每一口都是滿滿的海鮮，質素和性價比也相當高。牛肉壽喜燒 $98壽喜燒在燃氣爐上小火慢煮 ，牛肉輕輕一灼就熟，粉絲，白菜，豆腐，吸收了微甜的牛肉湯汁，份外可口，轉眼就被先生食清光。七味天鳥唐揚 $48雞件外皮色澤金黃，炸粉輕薄， 成功造出薯片香脆口感，面層輕輕灑上了七味粉， 入口微辣，愈食愈香。當晚所見，晚上9 時後，店外也人流不絕，很多情侶，排隊等入座，原來是9 時後有半價優惠～

今日又入元朗探朋友，佢請我食晚飯，今次帶我到一間佢平時經常幫趁嘅日本料理店，就喺k Plus商場地下。 門前首先見一株耀眼嘅閃亮粉紅燈櫻花作裝飾，室內裝潢富東洋味小料理店都幾有氣氛！喺當眼處見到呢張宣傳海報，被吸引住~ 原來逢星期六，日，晚上8點，有當日購入新鮮季節限定的食材以低價拍賣活動，大益食客！朋友話星期日都會來湊湊熱鬧！佢話依度剌身質素唔錯，叫左客六品刺身盛 $ 268 我試下！三文魚，油甘魚，帶子，甘蝦，北寄貝(各三片)海膽(半板)帶子好嫩滑鮮甜！海膽滑溜溜！啲魚油光閃閃好新鮮！甘蝦嫩滑帶爽，好甜！真係唔錯！'岩石燒黑毛豬 $ 98跟一塊岩石板同爐上枱，係五花腩肥瘦均勻，慢慢煎……至金黃色，啲油煎到流曬出來，入口甘香隋脆，肥美而唔膩！餸酒一流！大板風牛肉湯烏冬 $ 78好大碗！牛肉份量又多，配有紫菜同一隻流心蛋！啲鳥冬煙靭有彈性！抹茶+紅豆冰 $ 45粒粒紅豆淋滑，有抹茶香，甜度適中！果然好唔錯嘅料理店！再約下次來食拍賞，感受一下！

今天中午交收後經過元朗區就約了很久不見的朋友出來食飯，走到 K Plus 商場見到幾顆櫻花樹，就比它的裝飾吸引了過去，原來是一間叫九丁目的日式料理店，餐廳的佈置很有心思，它室外也設有座位，有不少客人都了小狗光顧；室內環境很和式，有不少和傘掛在天光上，環境氣氛不錯，卡位很多，在最後方看到有一間很和式的房間，相信是給包房的客人享用美食！坐位之間設有膠版，食客也相當放心！朋友點了味噌牛舌定食，他說每次來都會點這定食，小食加配了雞肉煎餃子，整個定食份量很大，有味噌湯，小甜品；珍惜米飯份量不錯，灑上了不少芝麻及紫菜絲，將米飯的味道提升不少，牛舌真的很好吃，份量是很多，味噌也入味，口感是爽帶滑的，還有不少配菜，如椰菜絲，白蘿蔔，紅蘿蔔也很有心思，果然推介之選！我點了的豚肉絲滑蛋日本苦瓜定食配小食是三文魚骨，也是很好食，豚肉及苦瓜大份，苦瓜味道不會太苦，相信是日本的貨源，每口豚肉也帶上滑蛋，口感爽脆又滑，真像身處日本和食屋之中。小食也絕不馬虎，三文魚骨份量多，魚皮位香脆可口，大骨分明，不會傷到口腔，魚肉略帶咬感，調味上怡到好處，淡淡的海鹽味很可口，加上魚邊位有微微的魚脂，我很喜歡！煎雞肉餃子有4隻，

星期日晚本身諗住食煲仔飯，但要等好耐，又餓又攰，之後見到有間日本餐廳只係等幾張枱，入去冇耐有驚喜！竟然玩競投刺身大船😍和牛、青酒⋯⋯氣氛冇得頂！之後食物質素也不錯，刺身新鮮，壽司飯好味！

今日提早了放工，便和朋友相約到元朗的九丁目品嚐日本料理，之前放假經過見到裝修得十分吸引，便想找機會來試一試來到日本餐廳一定要吃刺身吧我們點了的三文魚腩刺身想不到很厚切相比外面的日本餐廳,這裏簡直是豪華級數吃完魚腩刺身，便開始吃壽司拼盤壽司拼盤除了有小卷外，還有各式各樣的刺身壽司，滿足不同慾望。壽司新鮮而且米飯部份不會太實，很好至於想和大家極度推介的是岩石燒安格斯，牛肉脂肪分佈紋理均勻，而且厚度適中，帶有口感大家一定要來這裏試一試！

最近發現了一個打卡熱點，食飯之餘仲可以影下靚相。最啱港男港女。企係門口裝橫影張相，真係以為自己去咗日本旅行。餐廳設有室外半露天雅座。燈光昏暗，旁邊係一顆樱花樹，盛放的樱花下同情人共進晚餐，非常有情調。入座之前量度體溫，之後餐廳職員親手幫食客噴消毒液，嚓嚓手便可以入咗啦，餐廳有為食客提供紙袋裝住口罩。室內天花掛上日式紙傘，牆壁張貼日本風景畫和裝飾品，令環境充滿日本氣息。壽司拼盤＄198有成18件，特別鍾意油甘魚甘香即熔。北寄貝甘甜爽口。蟹棒啖啖肉好滿足。什錦天婦羅$68包括有三蝦四菜，真係好抵食，而且好好食，我就最鐘意南瓜天婦羅，外脆內香。櫻花蝦叉燒烏冬＄68雖然唔係超大碗，但里里食材充足，流心蛋滑嫩誘人，令成碗烏冬增色不少。味增田樂芝士燒茄子＄52茄子上鋪滿芝士醬，芝士與茄子混成一體，一個茄子兩種口味，味道好特別。茶碗漬蒸蛋＄28最後以一碗熱乎乎嘅蒸蛋作為完滿結束。餐廳搞搞新意思，原來逢星期六日及公眾假期晚上8點開始有拍賣會，餐廳會將採購時令人氣日本食材出嚟現場拍賣，由最低價開始，到時分分鐘可能會遇到心儀的食物，可以一擊即中，咁就正啦。

元朗的平民美食相當多，當中的日式料理更是琳琅滿目，今次行過的九丁目日本料理對我相當有驚常。先點的是酥炸雞，雞軟骨炸得香口鬆脆，而且有加了香味帶點辣口的七味粉，更是把味蕾帶上一層樓，最重要的是售價只是$20。然後是炸軟殼蟹手卷，不得不提的是店家是新鮮即炸的軟殼蟹，所以上枱時亦是新鮮熱辣，加上蟹子的鮮味及彈口的口感，相當高質。鰻魚碎炒飯更是我朋友的私心推介，店家不單單是以鰻魚碎作材料去炒飯，更是附上一大片的鰻魚作配菜，炒飯相當是以鰻魚汁去炒，除帶有炒飯香外，還有一絲絲的鮮甜味道。原來店家逢週末會舉辦拍賣祭，根據店員介紹，當更會推出三款不同的菜式傾客人拍賣，換據話說，即有機會以極低價便能買到，可惜我當天是平日，無法參與。連上其他食物，人均消費大約$200，價格相當宜人。