九丁目日本料理

營業中

休息中

又黎元朗食日本野壽喜燒-日式火鍋,特色係用砂糖同醬油調和出來，湯底口味有少少偏向甜，食材有薄片牛肉，菇，豆腐，大蔥，蒟蒻絲，煮熟啲食材後再沾上已經攪拌既生雞蛋，入口更嫩滑。串燒五品盛，雞中翼，冬菇，帆立貝，免治雞肉棒，煙肉車厘茄。雞翼同煙肉車厘茄都煎得幾香脆，帆立貝反而有啲乾。油甘魚依然係我最愛，入口滿滿油脂既感覺廣島吉列炸蠔山葵燒安格斯牛扒，七成熟，咬落不會韌，有嚼勁，肉質鮮嫩，相當juicy份量十足蘸上表面啲醬料更香口。

-［九丁目。元朗］又黎到我地頭，開左間日式餐廳🍴，第一次食，性價比算係幾高。.🔺特盛鰻魚飯 $128足夠兩個人share既份量，鰻魚燒得好入味，唔會過咸😋😋，又夠淋身。水準中上。.🔺廣島吉列炸蠔 $58岩岩炸起金黃色，仲無好熱既炸蠔，炸層夠鬆，咬落好脆口，高質之作。.🔺香川燒鯖魚 $58👦🏻點既，佢話好食。.🔺嚴選串燒五品盛 $78想食串燒又十五十六，呢個五品有曬大家心大心細既串燒之選。.

元朗一向都有好多新食肆，我同男朋友一得閒就會試下 d 新餐廳，今次試九丁目。九丁目行散叫路線，揭開餐牌，價格都算親民。日本稻庭烏冬。味度同日本食到嘅差唔多。將Wasabi、蘿蔔蓉、香蒽加入烏冬汁，再將到稻庭烏冬加入烏冬汁，oishi食得出是稻庭烏冬，唔係其他雜牌烏冬。五十幾蚊食到正宗稻庭冷烏冬，都算抵。散叫主菜仲有麵豉湯送。除左udon , 我地仲叫左鰻魚炒飯、沙律、炸蝦餅同幾種壽司。鰻魚飯夠味，除咗面頭嘅一塊鰻魚，仲有切粒的鰻魚在炒飯裏面，算多料，亦係即炒熱上，美味。蟹子沙律，我地只係叫做細的沙律，都有咁多嘅份量，出符預期。呢本蟹子沙律有西式沙律菜薦底，唔係剩係得青瓜絲，有誠意。至於壽司同炸蝦餅，質素都符合預期。帶子、三文魚呀都新鮮，火灸油甘魚喜出望外。因為每樣食物的份量都大，我地食到好飽。如果下次兩個人來，知道份量偏大，就應該會叫少一點。

.雖然最近入元朗好需要勇氣🙈但美食戰勝一切🤣今日黎左九丁目日本料理🇯🇵安慰一下自己無得去日本🙈.•)六品刺身盛合 $268海膽(半板)夠鮮甜·三文魚·油甘魚油脂滿滿·帶子新鮮彈牙·甘蝦🦐略為細隻·北寄貝超脆口👍🏻.•)三文魚軟殼蟹卷 $88三文魚🍣勁新鮮·但軟殼蟹份量太少.食唔出☹️.•)嚴選串燒五品盛 $78雞中翼·冬菇·帆立貝·免治雞肉棒·煙肉車厘茄雞翼燒得剛剛好·而且調味只有少許鹽🧂正合我這淡口味的愛好者🐥煙肉車厘茄燒到外面煙肉有少許脆口·但車厘茄一咬依然爆汁♥️.•)蝦天婦羅 $68食日本野必點蝦天婦羅🍤師傅炸功一流🔥蝦肉本身夠新鮮·而且時間控制得啱啱好🕧.•)山葵燒安格斯牛扒 $108先講山葵醬🙈十分特別·而且都夠嗆辣🌶但牛扒上枱時已接近全熟·略嫌過熟了🥩待涼了後會比較難咬😧.我覺得價錢同質數都合理🤑希望下次黎可以食到5-7成熟的牛扒啦🥳🥳

今晚唔想煮飯，諗住食下日本嘢，即刻記起早兩日經過西菁街，附近有間日本餐廳，一於去試下新野先！可能因為平日，無訂位都唔使等，店員帶我地到牆邊嘅二人枱坐低，位置有啲狹窄！食物選擇都幾多元化，真係有少少花多眼亂最後我哋就揀左四款菜式，包括有刺身、蠔、天婦羅同埋牛小排先嚟個六品刺身盛合刺身非常新鮮，尤其個海膽，真係好鮮甜，再配埋紫菜一齊食，正岩石燒牛小排，自己燒，想幾成熟？由自己話事！上菜時連埋支岩鹽，燒牛小排時可加入調味。另外牛小排油花好靚，只要每邊燒一下，真係入口即溶化，非常美味芝士焗黃金蠔，芝士味濃，蠔細細隻都幾鮮味最後就係蝦雜錦天婦羅（3蝦4菜），炸漿薄身，咬落脆口，但蝦同蔬菜嘅味道唔算突出。基本上尼間餐廳嘅食物質素都唔錯，價錢亦都合理，值得一試！

今日係千色買完野，就同朋友係附近搵食，呢間日本料理就係千色後面，食埋有超多選擇，而且價錢非常親民。燒肉帶子串 (2串) 燒過的帶子很香口，外層用煙肉包住，食落去除左有帶子的鮮甜味，仲有煙肉的油香味。冷稻庭烏冬冷烏冬非常彈牙，沒有任何配料，只有紫菜，配上烏冬汁，另外自己再加入芥末和蘿蔔蓉調味，清新得來又開胃。板燒溫泉蛋煙肉粟米 估唔到呢個份量咁多，粟米有好香的牛油味，將溫泉蛋、煙肉、菜攪拌一齊食，好惹味。北海三味 (海膽、三文魚籽、吞拿魚腩蓉)、油甘魚壽司 (2本)、熟蝦壽司 (2本)、蟹籽壽司 (2本)壽司有好多選擇，食材新鮮，而且價錢經濟。

一入到門口就比天花板嘅日本紙傘吸引住！成間餐廳嘅裝修都好日式，真係好似去咗日本食嘢咁！和風珍味拼盤係螺肉、八爪魚同中華沙律嘅拼盤，做前菜就一流，食落好開胃。壽司拼盤壽司拼盤有七款壽司，總共有18件，而且食材都非常新鮮，真係大件夾抵食呀！而且壽司拼盤嘅造型都好特別，係樓梯形狀嘅擺盤，啱晒我呢啲野鍾意一路食嘢一路影相嘅人。滑蛋豬扒飯餐廳非常細心將豬扒切好，而且都幾大份，一男一女食都冇問題。雞蛋嘅部份真係值得加分，非常之細滑。厚切牛舌每一串都有三大件嘅牛舌，燒到啱啱好，咬落去肉汁仲會有少少流入口入邊。而且唔會太乾身，配上少少七味粉令味道更加出。燒雞翼例牌叫咗我最鍾意食嘅雞翼，煎的香脆金黃！日式炸蝦餅蝦餅每一粒都大大粒，咬落去仲有少少彈牙。

今晚約了爸爸到元朗食日本料理，元朗都好多唔同種類既餐廳，爸爸說想食日本菜，所以便黎了呢間食。因為朋友都向我極力推介。門面好光鮮，舖面面積都不少。呢間餐廳有生及熟的日本菜吃，可因應個人口味點選，而且價錢合理。經過一番討論後，決定點一個丼飯，之後再點一些壽司、刺身、小食。食物一下單後，好快便會送上，食物上菜速度好快，而且店員十分有禮，就算我們坐到最入的位置，店員都會常常行來為我們添茶。壽司好滋味，好新鮮點了一客兩件的三文魚壽司$18十分抵吃，味道很好，鮮甜又新鮮。另一客點了兩件的三文魚籽壽司$48超大粒的三文魚籽，晶瑩剔透，粒粒都多汁脆口，用料十分新鮮。正另外仲點了一份三文魚腩刺身，食物跟餐牌中的圖片是一樣咁肥美肉厚，好抵食又好好口感，好正好滿足。餐廳的壽司刺身類都做得十分出色。我們的饅魚丼飯來到，份量都不少呀。大大碟飯，再配以一條又長又肉厚多汁的饅魚，仲有好多蛋絲、紫菜絲拌飯，味道一流。我跟爸爸都好喜歡吃饅魚飯。仲配埋個麵豉湯。小食方面都叫了不少，因為餐牌上的圖片十分吸引，點了一份七味炸雞。熱辣辣的炸雞十分香口多汁，外層灑了少少七味粉，所以吃起來味道帶點點微辣，相當惹味。雞件數目都不少。

今日去咗元朗行街經過西菁街見到有間新嘅日本料理，一於試吓先佢哋買嘅食品10分大眾化，有拉麵有壽司今次就試咗個拉麵湯底大眾化嘅豬骨湯都幾好食另外叫咗一個豬肉生姜燒分量OK豬肉入味價錢大眾化地點當眼可以一試

食日本料理當然食得多啦但係如果食得又新鮮份量又足而且價錢合理我諗我揀元朗這間「九丁目」就無錯喇店內裝修富有東洋格調，我order 咗壽司拼盆款式有7、8款份量好足又夠新鮮好滿足、串燒五品盛醬汁好惹味我特別鍾意雞軟骨丸夠脆口，帶子刺身無敵鮮甜我哋食完嗰個壽司再食燒物已經覺得飽，可能我哋女仔個胃口細啲啦！於是我哋想取消牛肉鍋物的order侍應都好殷勤地幫我問廚房整左未，幸好還未煮，於是我就考慮甜品我哋order菠蘿雪葩和椰子雪葩，椰子雪葩看起來沒什麼特別但食落好香椰子味又滑又creamy 口腔好重的椰子味👍菠蘿雪葩酸酸甜甜不錯！我期待下次同大班朋友再去一一嘗試其他款式食物！

今晚同朋友2個人發現左呢間餐廳見佢裝修唔錯，啲位位置闊落，就決定試吓。見到佢餐牌有好多選擇，價錢唔貴，最緊要係見到隔離枱全部都好似整得好好食咁😃我地兩個女仔叫左個壽喜燒牛肉窩好足料！個湯底飲完唔口渴下次會encore燒牛舌，我平時唔食，但見佢燒得咁靚就試下，呢個有驚喜。另外我地仲叫左個蜜糖苦瓜，大碗到成個砲冰咁，冰凍得黎加埋蜜糖連平時唔鐘意食苦瓜都食的晒夏天好岩食其實仲有刺生同雞翼，2樣都好高質睇得出餐廳好有心做，相比我平時係元朗區食既同等價錢日本餐廳，呢度食物質素高好多，一定再返黎！另外要講一講d staff個個都好好人，見我地個火窩側左少少都幫我地整返，又提我地襯熱食左雞翼先。見佢酒有好多選擇，下次要同男朋友再黎試下

今日去左千色後面睇吓平時有啲咩係冇食過嘅。見到呢間唔知係咪開咗一陣，門面幾靚就入咗去。見到個牌，我同朋友即係話下次如果收工夜可以九點黎食😂間鋪同menu設計唔錯，上面嗰啲傘好靚枱嘅間距比一般喺元朗嘅日本餐廳舒服呀！好闊落！見到個餐牌已經好多嘢想食，因為價錢一啲都唔貴。叫咗呢個sukiyaki !! 入面有勁多塊牛肉，唔係cheap野 係滑的 個湯啱啱好唔會太甜。朋友平時唔會食苦瓜，但係呢一種冰鎮佢就食，所以都叫咗，我好鍾意蜜糖味道配合苦瓜！有個情意結，每次去日本餐廳我都會試佢哋嘅芝麻雞翼，呢一間嘅雞翼係超級好食，個皮好薄，好趣，唔會太鹹。食完唔會覺得熱氣。味道有少少似麥記嗰啲，但係佢比麥幾好食。$72又唔帶塊厚切三文魚腩 新鮮肥美！跟住又係我鍾意食嘅牛舌唔Un!!!! Juicy !!! 鹹鹹地有啲黑椒味。今次同朋友揀啱餐廳都好開心，服務又好好，成日加茶 侍應又好人。試新野如果是到間好嘢真係會好開心🥳因為千色後面比較靜希望多啲人幫襯佢哋做得住啦

很多餐廳開始在周末都不設套餐，令選擇困難症患者無所適從，又要從主餐牌中苦惱。這食店周末也設套餐，還有很多不同選擇，有定食也有丼飯，真的令人欣喜。喜歡魚生的我，毫不猶豫就點了刺身定食。每份定食都會有飯、麵豉湯和甜品，那碗飯還是有調味和紫菜的，小朋友的恩物。加上新鮮的魚生𥚃是有海膽的，這海膽的鮮甜已經值回票價！朋友喜歡吃三文魚子，又想試試他們的蔥碎吞拿魚腩，因此點了這個築地三色丼。蔥碎吞拿魚腩算香濃，拌飯一流，加上三文魚子，質感豐富。甜品的奶凍，是自家製的，淡淡的奶香，不錯！

位於元朗嘅九丁目日本料理🇯🇵係一間親民貼地嘅日本料理餐廳，我點左個壽司拼盤🍣18 件壽司放左喺一個一層層嘅木盤上面，賣相吸引😻而且好新鮮，軟殼蟹手卷，香脆軟殻蟹加蟹籽，配埋沙律醬呢個搭配真係無得輸🦀豚肉泡菜鍋，入面有大大塊嘅豚肉🐷娃娃菜🥬金菇，食材索曬啲泡菜味，紫芋金栗薯餅，食落好香口，主要係紫芋嘅甜味，一啲都唔油膩👍🏻蘋果雪葩簡直係驚喜😱雪葩食落就好似雪狀嘅蘋果汁🍎仲要放左喺個蘋果入面，真係睇得又食得，另外點左杯凍朱古力🍫店員好有心咁幫我整到好濃郁

又係開飯既時間啦，開左無耐既九丁目緊係要去試下啦，原來有宵夜時段架，指定食品仲有半價添入面有哂d紙傘、風景畫，真係好和風feel講左咁耐緊係要入返杯先，一杯芒果味濃郁既乳酸飲品就岩哂夏天飲喇我就好鍾意食辣，辣芝士湯底再加埋一堆海鮮如蟹柳、大蝦、青口、帶子，個湯真係超甜呀一在塊既鰻魚置頂，而每粒炒飯都金黃色，仲有細細粒既鰻魚粒添蝦餅好彈牙，忍唔住叫多碟支持下蝦天婦羅真係無得彈，炸得乾身而唔油膩，而且蝦身仲係好嫩滑，抵讚