影片
今日唔駛返工, 得閒可以四圍行下!天氣開始熱, 見到斜路有一間茶記, 所以入內抖抖, 順便食個茶餐!睇見menu都幾多款式, 不過又唔想食咁飽, 就order個茶餐算啦!西多士: 炸到金黃色, 很香! 牛油不會太多! 不會有一pat pat 的感覺!司華力腸: 夠晒大條! 開邊煎再挑埋花, 外面層皮夠晒脆! 裡面又唔會唔咁熟, 好好味!凍檸茶: 水準ok! 可能係天氣熱既緣故 一個很令人滿足的下午茶, 店員service 很perfect, 很貼心, 醒目, 抵讚!P.S. 我諗佢D 炒野應該都不俗, 因為很多疑似熟客都是order炒野的! 下次有機會要試試!
繼續閱讀
二月十三‧陰陰寒 來了環尾找朋友吃飯，問其平日在那裡吃，他就指著這裡打橫三間，就一天吃一間。那今天輪到邊間？原來就係呢間。 是間普通茶記，勝在都有即炒的粉麵飯吃。是日午餐四款，俱沒興趣，就要了個窩蛋牛肉飯。 話說這味窩蛋牛飯是初出道時很喜歡吃的一味，那時在尖沙咀工作，去到家家樂，一個窩蛋牛飯炒底，又夠份量又好味道。 是日的這個，賣相不錯。可惜將生雞蛋撈入飯中，發現搞來搞去也搞不熟的，原來飯不夠熱，碎牛也溫溫吞吞的，說到這裡，這碟窩蛋牛飯已經駐定失敗。碎牛沒有味道，調味也做得不好的。而內裡有三色雜菜，其中的青豆粒粒都非常硬，唔知搞咩。 反而朋友要了西式四寶飯，是腸仔、火腿、雞翼及午餐肉，反而穩穩陣陣。 熱咖啡頗有水準，叫做拿了個尾采。 埋單30蚊，朋友的四寶飯連飲品也只是22蚊，應該跟佢叫。
繼續閱讀
Value for money, friendly boss, and good 'soup of the day'. I lunch there often.
繼續閱讀
某個星期三, 同班同事去食lunch, 剛好是日set lunch 係"焗萄汁雞扒飯", wa, 好味, 應該係即叫即焗果隻, 所以夠熱, 多汁, 夠味, 一個字講哂, 正!!! 不過其他既就冇試過, no comment, 我o地六個人都係食lee 隻set lunch, 我請客都係180 幾咁多, 都算ok. 行過肚餓, 可以一試. (不過set lunch 係冇湯既.
繼續閱讀