丼吉日式吉列豬排專門店 (世貿中心)

營業中

休息中

兩個人叫左一個價值$388o既set dinner有吉列豬柳, 帶子, 蠔, 豬扒同蝦. 我就未食過一間比佢好o既吉列專門店, 不過其實我對吉列食物唔係太有好感, 因為通常都係唔新鮮同得個脆字又熱氣呢, 但係呢間餐廳用料新鮮, 炸得o岩o岩好, 由其係蠔, 炸到外脆內裹都係生生地, 好正好有鮮味~~仲有豬柳好林又滑~豬扒就麻麻地lu~~~蝦就細隻左d~帶子都幾新鮮….服務都幾好~

第一次吃tonkatsu是在日本惠比壽，那時候才知道甚麼叫正宗日式"吉列"，原來炸豬柳係可以整得咁鬆軟咁好味。很久之後才發現香港有類似的專門店，就是Tonkitchi了；但質素絕不比日本差，炸豬柳非常正，又鬆又軟又香。不過食豬柳之前要磨芝麻，運動量頗高，通常會叫男友代勞。鬆軟的豬柳配上醬汁和磨香了的芝麻，那種美味，叫人把什麼"卡路里"、"減肥"都忘記得一乾二淨。不得不提的還有unlimited refill的生椰菜和飯；椰菜很甜而且有益，不妨多吃。飯是用日本米，有飯香而帶甜味，好味！唯一美中不足的，就是店裏煙味太重。只因日本人愛煙如命，而吸煙區就在禁煙區的旁邊；就算坐在禁煙區，也一樣煙霧彌漫。若果想食tonkatsu又嫌Tonkitchi貴，可以試下尖沙咀新港中心美食廣場的tonkatsu，但質素跟Tonkitchi當然有段距離，一分錢一分貨嘛！(註：尖沙咀廣東道近糖朝都有間Tonkitchi；"蒲"開九龍區o既可以o黎呢間試試！)

有次睇度呢度個食評, 話呢度好正, 所以上星期就同埋女朋友去試下. 環境舒適, 食物又點呢? 坐低無幾耐, 個經理就推薦一個"二人套餐" 俾我地, 咁我就試下. 個餐有好多唔同款式既食物, 但係樣樣吉列食物都炸得好鬆脆, 最重要係, 你睇落去會覺得全無油膩既感覺, 唔會因為望落好多油令你唔想食. 白飯係無限食, 叫完一碗唔夠, 可以再叫多一碗. 埋單計數, 都係300 幾蚊. 講真, 我覺得呢個餐, 咁好既味道, 真係值回票價.

一入到去,我相信有七成係日本人,大多數都一家大細.我就覺得炸生蠔好正,火侯剛剛好,唔會令蠔身太老,仲好嫩,豬朳都ok既,冇想像中咁好.個軟殼蟹都唔錯.D生椰菜又真係幾得,好甜,好新鮮.价錢預每個人二百五左右啦

炸豬扒外皮炸得好鬆脆.肉裡的肉很厚但係好軟同好多肉汁, 全因用料高級,加上用大量椰菜墊底, 椰菜好新鮮同爽脆, 可以減低豬扒的油膩感.<br>用黎點豬扒個醬好得意, 店員會俾一個有好多坑的碗你, 入面裝左芝麻,然後你用支棍將d 芝麻壓碎再加上茶壺裡面的醬汁, 就成為一碗酸酸甜甜又有勁香芝麻味的醬汁用黎點豬扒認真唔錯, 又好食又好玩.<br>環境唔錯, 銅鑼灣呢間好因為可以望到遊艇會海景。<br>價錢唔平, 一個吉列豬扒飯要成百幾蚊都咪話唔貴, 但要食好野,貴少少梗要啦。

開頭見到個menu全部都係炸o野, 怕好肥膩, 點知食落塊豬扒度, 一d 都無肥膩o既感覺, 而且好鬆化, d 豬扒又無炸過籠, 好正, 我好耐都未食過咁正o既豬扒, 至於d 飯都好香, 同普通o既飯唔同, 比較黏口, 都好好味, 因為d 菜可以任添, 所以我食o左好多. <br>總括o黎講, 呢度服務好, 又清靜, 我有錢的話會o黎多次.

You can't say it's good until you really try their Oyster and Scallop, they're soooooooooooooooo tasty!!! Even though you know you'll get zits by eating too many fried food, you'll want to go there once in a while!

I went there with my friend for lunch. As I saw the comments posted were all postive, I was so curious to see how great their food were. We ordered one lunch set($68)is the fried pork with noodles.And we ordered one set of potato xyz?? and shrimps. The pork was excellent It's so crisy and juicy. The portion of the noodles was large. It can fill up man's stomach. However the texture is not good. I may say disappointed when compared with the fried food. It contains lots of vegetables, this's reall

一流食物;一流環境;一流服務= 滿分!!!

一間好富日本特色,專吃日式吉烈0既餐廳~這店有很多日本人光顧,入到去會以為自己係日本!講環境-銅鑼灣店有海景位,另有獨立廂座~佈置很!講味道-最重要的一環,用上秘制炸法,極正,配上美味醬(可混合芝麻,更香);先講吉烈豬用日本豚(如無記錯)-分豬扒或豬柳,豬扒較大塊,有咬感,豬柳圓圓厚厚一小塊,較豬扒鬆軟,十分正;另外,有吉烈蝦&吉烈生毫,吉烈蝦較普通,但吉烈生毫就正死,外脆內軟,火口極0岩0岩好,不會令生毫變實,加上用廣島生毫(如無記錯),很鮮甜,正!!定食配生菜&白飯(可免費任加),近期應未改.另外有個菜湯,也很好,(定食+$可以平d)服務-一貫日本式服務抵食-價錢彼貴,每人起碼要百二三元(除非唔食0野)乾淨-地方清潔,各樣0野均很整潔!

呢度淨係食炸野，起初都怕肥。但偶爾食一次都好正呀～！我最鍾意自己磨芝麻，好得意。我又好鍾意豬扒汁的酸酸甜甜，加埋芝麻仲香仲好味呀。叫左炸大蝦拼豬扒同埋蛋燴豬扒。炸大蝦好大隻，侍應姐姐仲提我地要趁熱食先好味，好細心啊！豬扒都好大件，好厚，吾會乾爭爭，好正！因為怕齋食炸野太乾，所以揀左蛋燴豬扒。炸豬扒加半熟蛋汁，個底有豆腐，加小小Ｄ湯汁用黎拌飯...真係好好味！我地仲加左錢換菜湯，菜湯同麵豉湯冇乜大分別。大碗Ｄ，同埋多左Ｄ配料，味道吾錯呀！椰菜同白飯任食，所以食左好多菜，因為個沙律汁太正，忍吾住用左兩碟。飯後有三片西瓜。雖然炸豬扒比較肥，但今餐有肉、有飯、有菜、有生果。都算幾均衝丫！呢度環境好靜，好舒服。食飽後仲可以坐下，冇人趕。非常好呀～！

呢度D炸物真係唔錯~一D都唔油膩，又唔太熱氣。特別係炸蠔，外面鬆脆入面JUICY，正！熱辣辣果時最好食！(凍O左好腥！)炸豬柳都好好食，口感比豬扒O黎得實在。兩者食法唔同！值得一讚係D待應姐姐夠細心，不時會幫你斟茶但又唔會阻住你食O野！(至鬼憎D待應係又走埋黎，唔係又走埋黎，人O地仲食緊O野就收呢樣收果樣！)

所有吉列食物都炸得好鬆脆, 好有專業的感覺。食法都是正宗日式的, 很多日本人都會去。

日本傳統美食炸豬扒，美味非常，於日本食的話都係大約幾十蚊左右，但於香港這間食店的話，就要付上佰幾蚊啊！之不過，味道真係好一流，正宗日本食法，先磨碎白芝麻，再配與豬扒專用醬油，美食當前，肥膩都無辦法！白飯及椰菜免費任食，大胃王實滿足。除豬扒外，此食店只賣炸物，如豬柳、生蠔、大蝦等等，豬柳與豬扒比較，我認為豬扒會好食一D，唔好以為豬柳啖啖肉就一定正，但實情係炸豬扒會好口感，豬扒既肥肉及瘦肉既配合，係會有入口鬆化既感覺！另外，加錢會有菜湯飲，飲慣麵豉湯的話，轉飲此菜湯會有另一番感覺。服務態度唔錯，值得一去！

尖沙咀同銅鑼灣兩間鋪我都去過, 總共試過炸豬扒炸蝦同炸蠔, 三樣都好好食, 特別係蠔, 真係好正! 而且兩間鋪D侍應服務態度都好好, 成日走埋黎幫你倒茶不特止, 一見你食到o甘上下就主動問你駛唔駛潻飯同菜, 好細心.但係我就推介銅鑼灣店, 因為座位比較舒服, 如果你坐正窗口位就仲正, 事關有無敵大海景.... 而尖沙咀間鋪位就比較迫.