丼吉日式吉列豬排專門店 (世貿中心)

營業中

休息中

星期一至四先可以訂位，星期5,6日鬼咁多人排隊，遇上今日放假就去大吃一次~叫左兩個套餐，吉列豬柳拼炸蠔同雜錦海鮮，各$168，白飯生菜絲無限供應~炸得好鬆脆好乾身唔油~配上紫菜汁，芝麻點豬汁仲有千島醬，好味~炸蝦，炸蠔同薯餅都係推介~上菜前有得磨下芝麻，o的芝麻好香，搞到以為自己食緊麻蓉湯圓。另加$2x蚊可將餐既湯轉做菜湯。菜湯幾足料，有豬肉，紅白蘿蔔，仲有魔芋。睇上去唔係好多野，但係食完都幾飽~食哂仲有西瓜上~埋單$400。

*吉列豬扒*雖是該店主打，但請各位不要抱太大期望。豬扒大件，炸粉適中，口感不錯，但無豬肉味及略嫌乾了少少，所以扣分。(但其實已經算係中上之品。)*吉列生蠔*size比較細，味道接受，但本人認為生蠔都係去鯉魚門個d地方食既炸蠔好味d。*吉列大蝦*size比出面個d大好多，頗有肉感，而且仍有蝦既鮮味，上上之選。*吉列帶子*size算大件，食得好滿足，因為帶子個口感好正。*椰菜絲*(每個套餐都有)任選可配兩種醬，非常之好味，食完可再添，添左幾次。(d侍應見到你差唔多食晒d菜會自動行黎問你要唔要添，唔駛自己問口。)吉列大蝦、吉列帶子、椰菜絲必食推介，其他隨閣下喜好。價錢較貴，每份套餐如平三十至四十蚊就岩岩好。

兩個人, 叫咗豬扒拼大蝦, 豬扒拼蠔, 炸薯餅豬扒的確係好, 脆得來又唔乾, 但小弟覺得炸蠔仲正, 啲蠔好新鮮不過等咗好耐, 差唔多一個鐘.......服務就真係好好, 教我點樣整啲醬汁

一直都好想好想試呢間!!但d frds 聽到吉烈兩個字就話熱氣唔肯黎...終於一次放工時同左同事去食=]因為都成9 點, 唔多洗點等^^ 叫左好多野食啊~!炸豬扒- 好好味炸蠔- 好好好好味丫!!!其餘的就都ok啦佢個炸蠔真係好好味!!!!!!!!!!!!菜我加柚子汁之後食左勁多....對芝麻果個野麻麻....不過麵x醬點豬扒就好好味!!另外甜品賣相好靚=]又坐得舒服~好開心~~~~~~!! heehee

在這裹看到這麼多好評，迫不及待跑去試了兩次整體感覺不錯但沒有一次能吃得完，有點膩！

一直看到這間餐廳的推介, 今次終於有機會試。星期四晚七點左右來到, 要等五張檯, 幸好等了二十至三十分鐘左右便能入座。點了二人吉列豬柳豬扒定食套餐。侍應遞上一碗白芝麻, 客人可自行磨碎白芝麻以加添香味。頗有心思又可消磨時間。食物來了, 侍應細心講解桌上每瓶醬汁和食法。細心有禮, 抵讚!食物份量不算多, 兩個人吃剛剛好。(如果男生不是特別吃得多)賣相討好,吉列食物以鐵線架盛起, 避免低層食物吸收過多油份變淋, 很講究。豬柳外層脆口, 內層鬆軟有肉汁, 似乎做得比豬扒好。椰菜絲新鮮可口, 配上兩款帶酸味的汁料,正好中和油膩感, 亦可增加食慾。侍應更不時拿著一碗椰菜絲逐檯為客人添加。飯方面則稍膁乾身和不夠熱。麵豉湯ok, 不會太鹹。套餐附送水果, 減低吃炸物的罪惡感, 哈哈~~整體經驗是不錯的。可是價錢偏貴, 感覺不是很抵食。久不久來一次過口癮淺嘗便夠。

同男朋友行開ｃｗｂ，見呢度咁多好評，梗係唔會錯過啦。叫左２個餐同炸蟹肉薯蓉。豬柳吉列蝦定食，豬柳好鬆化ｊｕｉｃｙ，最正，而蝦都炸得好食，不過冇咩味。雞扒都係好鬆化，不過冇豬柳咁ｊｕｉｃｙ，不過已經好好薯蓉。蟹肉薯蓉一咬落去薯蓉即刻流出，好熱，食唔出蟹肉味，但係都好味。自己磨芝麻，椰菜任加，用醬油落埋ｄ芝麻度再加椰菜食，食到停唔到口。如果真係要彈，就係門口個侍應態度差左少少，我地ｂｋ左位都話比我地知冇位，語氣有點兒串，不過裡面既侍應都冇問題，好主動咁幫我地加菜。

又來了又來了是次一定要寫一個食評記念跟老公都是個沒有耐性等位子的人是日剛好有機會來這裡吃一個午飯竟然有耐性的等了四十五分鐘試一試來這裡吃午飯的滋味午餐吉列的選擇確實太少** 吉列豬扒拉麵** ($78)豬扒是細心的分開而上而豬扒的份量與平常點餐的一樣一點也沒有變小是次的豬扒令我倆改觀了以往覺得豬柳較好味..今次卻是豬扒勝出拉麵也是大大碗的湯底也是很不錯也夠濃味實在沒有其他午餐合心意也就如常的點了**炸大蝦併豬柳定食** ($168)也就沒有驚喜的與平常的水準一樣每次吃到的味道都一樣超美味的定食有無限量供應的椰菜絲及一碗麵豉湯而午餐則沒有對於喜食菜而厭吃飯及麵豉湯的我兩公婆這樣點一個午餐及定食確真的相宜..又多了一個藉口來吉列了.

今次係小妹第一次寫食評~希望大家多多支持呀~!!!!!!因為lee間野比我好深引象我決定由佢開始寫~前排同兩個小學同學慶祝其中一位生日我就上左lee到睇下有咩餐廳好食~~~結果就揀左lee間我地7點45等到8點35分先有位~~真係太耐~~有d唔耐煩企門口個位姐姐d態度=.=串爆~~之後我地入到去~~~坐卡位~~都幾舒服~~(算補番數)跟住無啦啦比個磨芝麻ge野我地~~~hahaha~~**超過癮**叫左件唔知咩薯餅(lee個真係唔建議大家食)又叫左兩個set~~一個係吉列豬扒~一個係天婦羅~~正~~~~~~~超正~~~d飯同椰菜絲可以任加所以我就諗到~~***3個人叫兩個set~~另外再叫其他野***咁會抵d~<IMG SRC="http://nor.zorpia.com/0/3795/24290744.f5b215.jpg">其中有個sause又好好食~~講真~~***可以撈埋d菜一齊食***唔洗咁寡就咁食都好生鮮~~隨各人喜好我食過好多間日本餐\廳~好多炸物都食過lee間真係好好味~~~d豬扒好爽口~唔會un~***d天婦羅***真係極力推介~好彈牙唯一ge唔好只係

服務唔錯!!野食更加好味, 值得再試!

非常好味的飯,清新的棷菜絲,可口的炸物, 精神!!服務要加油啊! 侍應姐姐們次次見佢地都勤力快手, 但係加啲啲笑容點都好啲既!!

初時聽人講有幾好食~幾怟食都唔信架但食完之后發覺等左咁耐都係值得!!

想盡量試多一些，因此兩個定食都要雙拼，點了吉列豬柳拼生蠔定食($168)及大蝦拼蟹肉薯蓉定食($158)。食物未到之前，先來自己磨芝麻的玩意，磨出芝麻香氣確有增加食慾之效。加入醬油後的芝麻醬油，用來配豬柳亦真的幾好。4個主角均炸得不錯，鬆脆不油，當中覺得最好的是豬柳，肉不鞋；生蠔次之，略嫌欠點鮮味；大蝦亦似本身沒有什麼味道；蟹肉薯蓉則未符預期，感覺過於鬆散，亦吃不出蟹肉的存在。相對上配角更吸引，椰菜絲新鮮爽甜，已經添了，又吃得飽了，但是還想再添。最後送上兩碟西瓜，是連碟一起雪涷的，西瓜夠涷又甜。雖然是滿意的一餐，但是邊食邊在不公平的比較，在大阪吃過的吉列，水準更出色而價錢便宜得多。好想再去日本食過。

星期五晚同女朋友嚟，等咗 個半鐘，差啲 放棄時有位，在門口等時已將餐牌熟讀，入座後極速ORDER，十分鐘後食物上檯，實在太吸引啦！其實叫咗 兩個餐，侍應姐姐問我哋 是否SHARE，一盤上比我地，他們的擺設實在非常豐富，啲 蝦、蠔、豬扒好似對着我們笑：快啲食啦！椰菜好鮮甜，重無限次添加，等位的煩擾完全拋去九宵雲外。餐廳原來不是太多檯，終於發現等位咁耐的原因，坐隔離的情侶我們入座時，他們已在食西瓜，我們埋單時仍在HEA...，阻住人哋 做生意，最慘係累我哋 啲 真正嚟 食飯嘅 人嘥 時間，不過我仍會去等。

星期三同朋友食晏，點叫他們的招牌菜-吉列豬扒/豬柳，我則喜歡滑蛋豬扒飯，最鐘意此店的日本飯，但今日有些失望，飯又淋又濕。向經理反影後提議更換給我們，但需稍等，午飯時間不是太充裕，經理即時叫廚房做了一個豬扒拉麵給我們，沒想過$78的午餐豬扒一樣大大件，絕不將貨就價，更欣賞他們反應這麼快的處理手法及待客之道。星期五再去食晏，依然點他們的招牌菜及炸蝦，很開心所有食物水準之上，侍應亦慇勤有禮，經理實在有將人客意見放在心上。今日更介紹我們飲咖啡，估唔到他們的咖啡亦很有水準，拍得住市面的咖啡專門店。請好好保持水準，令我們有好去處。