丼吉日式吉列豬排專門店 (世貿中心)

營業中

休息中

昨天下午12:35分去到, 等了45分鐘先有位.我們三人食叫了個三人餐($438), 侍應有禮地介紹汁料的用法.三人餐送到, 我立即食吉列生蠔, 唔腥幾好味, 跟住食豬柳及豬扒, 好"林" 但沒有豬味, 相信不是用新鮮豬肉, 若用新鮮豬放果會更好.牡丹蝦好爽, 好味.椰菜可任食, 侍應還主動問是否需要加飯.整體來說, 服務態度好, 食物中上,ok!埋單$420, 因我有八五折咭.

吉列大蝦：蝦大大隻，好彈牙！吉列生蠔：鮮味，但有點油膩！吉列豬扒：肉嫩，juicy！吉列豬柳：同豬扒差唔多，但因為厚身些，所以咬落更肉嫩多汁！吉列帶子：細 D 個隻彈牙鮮味，但大 D 個隻唔熟，中間又硬又有雪水，真係好唔掂，店員就換左一粒新既帶子黎~ 伴碟的椰菜絲和飯可以免費添吃，椰菜絲又新鮮又甜，我鍾意加埋柚子汁，酸酸好開胃，食唔停口，好飽呢！呢度炸物好食既地方係佢既炸粉炸得好鬆化，唔會一塊塊好油甘，可以同內里既食物融合一起，口感很正！店員都幾親切，見到你食晒 D 椰菜絲和飯就會問你使唔使添~我坐係 window 位，望住海景，好舒服！不過，多人等位，所以食完都離開了~

06-24-2008吉列 - 我的至愛，但衹限Tonkichi - CWB，這麽多年水準依然，甚至比我在日本吃的更勝一籌。但一想到等位幾乎每次都超過一個鐘就令人止步，今晚好Lucky，祇係等咗十幾分鐘，可能就嚟Close，果然坐吓無耐就Last Order，心想會唔會失準呢。至愛的大蝦拼豬扒及生蠔豬柳很快已在面前，一貫的金黄鬆脆、多汁好味，服務亦沒有因就嚟收檔而鬆懈，Waitress主動講解各款汁醬的用法，即使知道點用，仍樂意每次聽她們講解。她們好似預知你就嚟食到差不多，主動來加椰菜，加飯，椰菜鮮甜，日本飯軟熟甘香，亦是此店的賣點。今晚實在太開心喇，不知不覺傾耐咗添，走的時候經理禮貌地告訴我哋八號風球剛剛掛起，提醒我們小心。唔好意思，你哋都係吖。

20/6/2008 晚辛苦完一日當然就係食番餐好GA啦~因為想試好耐難得我又早左到銅記~於是去拎番張票的位, 7:00開始叫, 等左20鐘就有位啦~2個人叫order 咗吉列生蠔豬扒定食($168) 及 吉列大蝦豬柳定食($168)職員介紹完d 醬點用之後，好快就嚟碗炒過的白芝麻連支木棍仔比我地磨磨左GA芝麻好香, 再加埋D豬扖D汁好香，好快就上菜啦~麵史湯唔會太鹹唔淡, 仲有好多昆布同豆腐粒~唔錯吉列大蝦 ~又甜又大又彈牙，而且仲好JUICY, 加埋TATA SAUCE好好食吉列生蠔 ~多汁同好新鮮, 而且仲好大隻, 唔好生蠔的朋友都成隻食曬~吉列豬扒 ~好鬆化, 肉嫩多汁~難得吉列豬柳 ~同上面差唔多~不過唔知點解我同朋友都覺得豬扒好似嫩滑D椰菜絲 ~好fresh 而且係免費任食, 個人喜歡紫菜汁多個柚子汁, 可以食到唔停口, 職員都好主動咁係咁幫你加, 用黎LO飯真係好好食, 我&朋友再叫多一碗飯飯後有3片西瓜, 好甜, 不過美中不足就係唔夠凍服務無我想像中咁好~不過帶紅色膠框眼鏡的waitress成日笑笑口，又好細心，本來服務比３分，加多1分係比紅色膠框眼鏡的waitress的

Sunday! Hang住over去食..order 得太多...定係expectation太高？有啲失望 sashimi... ma ma dei ( 其實唔應該係都 order 魚生嘅...)炸豬柳good good 但蝦就一般啫... 唔彈嘅...係日本食個好彈嘅炸蝦好回味.. 以為係咧都會食得反添. 炸蠔okay la... + 兩支beer好飽囉！

Having visited it for quite a few times since its opening, I always admire how crispy and juicy the food is.It is definitely not cheap to visit, but I do stress that it is good value.I tried pork, chicken, prawn and oyster in different occasions, and they never led me disappointed. The food is excellent and the service is superb.The thing I love most is the free refill of lettuce and rice, as I have a huge appetiteHowever, when there are more and more people visiting it recently, its quality ha

下午一點三才去到,比起晚飯時間,真係少好多人,但都要成二點先有位。第一次午飯時間黎食,無咁多人,靜d,方便傾計。朋友未食過,於是叫了豬柳生蠔,大蝦帶子,一次過試晒四種食物。豬柳-加埋sauce,超好味,比起豬排更勝一籌大蝦-大大隻,脆卜卜帶子-又甜又大又juicy,正 生蠔-朋友很喜歡,我不太"好",ok椰菜-比較喜歡柚子汁,開胃,紫菜汁也不錯,同炸野夾住食,中和一下,好refesh今次慶祝朋友生日,見佢食得開心,都覺得無揀錯。我食野比較慢,如果又講又食就更慢,兩個女仔食到尾段已經飽飽地,仲有炸蝦同豬柳剩,連湯未飲,侍應已經放低西瓜先,同收晒d醬汁,好彩我個碟仲有。唯一不足是,當我食緊最後一件西瓜的時候,侍應走黎趕客,"我地要掛門了",我都知就快close,其他人差不多走晒,不過門口仲有一大班人在閒談,俾多一分鐘時間我食埋件西瓜都唔係咁難je,一餐飯食一個鐘不算過份。 太晏去食,都唔建議去果度食lunch。反而夜晚就算好夜,都未試過趕客。食物真的一流,服務平時都不錯,既然lunch 同dinner價錢一樣,無理由lunch要受氣,下次會選個好d既時間先去食。走左之後,先發現佢地趕住收錢

一直睇OPENRICE,好多人都讚此店既炸物做得十分出色再加上之前睇亞蘇既介紹, 決定星期四來試吓.點知一早訂位都話FULLY BOOK佢地建議6:30前WALK IN都可以有位...好彩6時多來了仲有位2個人叫左個吉列豬扒SET同埋吉列蝦及帶子...3樣野當中最欣賞帶子又大又JUICY, 蝦都唔錯, 豬扒作夠鬆化仲要無咩油真係做得好出色..配菜既椰菜配上佢地提供既SAUCE真係十分鮮甜呀.最後仲有西瓜作飯後果真係咩都做得好好.

好味,份量大; 好味的沙律任裝... 可以一試不過價錢都幾貴, 其實這個價錢可以有其他好多選擇

星期天一行四人去吃中午.星期六, 日是不設訂座的.不過, 也不是要等太耐.看見魚生定食做特價 ($198).於是叫了一份.如要加湯, 加飯就要另外加錢.油甘魚, 生蝦, 吞拿魚, 八爪魚中八爪魚較普通.其它的十分新鮮.最可惜的是, 沒有任食椰菜.唯有sa 隨行家人的份.有兩隻醬汁俾椰菜.紅色匙羹的是柚子汁, 黑色的是紫菜汁.4人都贊成, 柚子汁勝!其他人點了:滑蛋雞扒豬柳豬扒, 炸蠔豬扒贏了豬柳.豬柳雖然有肉汁, 但有點兒太厚. 未能與圍住的肥協奏.

今年生日好開心...ta帶左我去食吉列專門店...由7點等等等等等等到9點半.等左好耐..之後佢就入左去店到問人野..到叫到87時.我地張飛係96....ta就拉左我入去...話有位可以入得..我仲以為佢同人換左張飛...入到餐廳環境都唔錯...d卡位好似幾特別...仲有海景tim...兩個人叫左吉列豬排同豪定食..仲有蝦+好似係海鮮卷定食...間店d service 都好好...好細心咁介紹番d 醬點用...o係食野之前第一個step 係磨"支麻"...不停係咁磨...好好玩....同埋一路磨...d"支麻"d香味一路出黎...磨左ge"支麻"會再加醬就用黎點豬排食.... 等左唔係太耐就黎到...定食係包括左湯.白飯同中間菜絲仲有4.5款醬汁..其中兩款係for 菜絲...落小小再溝埋d菜絲黎食真係唔錯...白飯同菜唔夠係任加... 到主菜...豬排就一般..無乜特別..好食ge係炸豪同埋炸蝦...豪好多汁同好新鮮...蝦好大隻.... 同埋炸得真係好出色...又唔油...食完真係覺得好飽...最後仲有埋生果食..kakaka~ 點知食完生果...waitress 就拎左個雪糕蛋糕

即 使 無 卡 位 ，兩 個 人 坐 普 通 枱 亦 唔 會 有 擠 迫 感 ，張 枱 夠 晒 大 嘛！Service 肯 定 有 5 星 級 酒 店 嘅 水 準 ，侍 應 唔 凈 只 有 禮 貌 、有 笑 容 ，仲 相 當 細 心 同 反 應 好 快 添 ！唔 理 你 第 一 次 幫 襯 定 係 熟 客 仔 ，落 完 單 後 都 會 好 溫 柔 問 你 識 唔 識 用 枱 面 上 嘅 各 種 醬 汁 ，唔 識 嘅 會 逐 樣 話 你 知 點 用！呢 度 有 二 人 套 餐 ，但 細 心 研 究 過 散 叫 係 仲 抵 嘅！所 以 我 order 咗 吉 列 生 蠔 豬 扒 定 食 及 吉 列 大 蝦 豬 柳 定 食 ，每 個 定 食 只 係 $168 ，已 經 有 飯 、有 菜 、有 湯 同 生 果 先 嚟 碗 芝 麻 連 支 木 棍 仔 俾 你 玩 吓 ，整 碎 啲 等 陣 放 豬 扒 時 自 然 更 均 勻 ，鍾 意 仲 可 以 加 啲 紫 菜 汁 或 柚 子 汁 添！除 咗 芝 麻 ，仲 有 好 正 嘅 芥 苿 醬 、沙 律 醬 俾 你 點 . . .白 飯 好 綿 好 軟 熟

星期一那天打去想訂位的, 可是那邊說當晚的booking已full, 需要walk-in....好彩昨天下午需要出街做野, 可以早一點去霸位.. 哈哈~6點去到,餐廳仲未開門, 但係已經見到有10餘人到排隊....哈哈, 好彩我早到... 坐到最後一張booth.. 嘻~不過等左男友成1個鍾佢先黎到... 值得一讚既係佢地d service囉... 個個都勁好笑容. 同好有禮貌, 同電話完全2回事囉.....男友第一次黎, 所以等埋佢先點菜...我地昨晚點左2個餐:1個係豬柳餐1個係大蝦拼帶子餐男友話大蝦拼帶子o個個好味d窩.. 我就覺得2個都好味喇. 嘻~

其實已經大概一個月前，因為一直冇時間寫食評。食物質素，真係好唔錯。我同兩個朋友去食，點了一個什錦餐。他們的炸物沒有油淋淋的感覺，很脆，而且豬扒的肉汁亦沒有流失。一流！磨芝麻的過程亦好好玩，醬汁夠特別！我們亦點了海鮮ＳＡＬＡＤ﹠炸軟殼蟹（It's my Favourite)　沒什麼特別。食物質素很好，但有一個好笑的小插曲。事緣是，那天早上，我用廣東話到餐廳訂位，接待的跟我說沒位。之後，我跟我的中日混血兒朋友說，他自己再打去餐廳。過了幾分鐘，他打給我說訂了位，他說他只是說了幾句日文就可以了。我跟著說‘It's not fair, it's totally racist'。之後，我覺得為什麼餐廳可以這樣子，我就用英文可打去訂枱。那接線的只說了‘Sorry, it's fully booked for tonight' 就掛掉。，之後，我更不思費解，就跟老闆娘說了，她就裝成印度口音打去，他們也說‘fully booked‘，老闆娘隨後問了一些耍他們的問題。對於他們的種族歧視更加不齒我再用國語打電話去餐廳，他們只用廣東語回答；無位‘。本想繼續打去訂４０人的枱，但老闆制止了我們。但說這不是種族歧視

滑蛋雞扒飯-蛋香 生熟剛好-雞扒略乾身日式凍波菜-清新-沒有我討厭的波菜味菜肉湯-料多-略咸喜歡他們生菜絲任添 感覺健康