丼吉日式吉列豬排專門店 (國際金融中心商場)

營業中

休息中

新年將至，梗係要買件靚衫仔慶祝農曆新年喇，行到IFC已經又累又餓，即刻要揾地方醫肚先啦。 朋友話呢間吉列專門店好好食㗎，就去試下。店舖坐落於呢個黃金地帶，當然環境、服務都滿意啦。我叫咗個滑蛋吉列雞扒定食，友人叫咗個皇牌吉列豬柳定食， 賣相好吸睛， 份量仲好大份添。吉列雞扒外面好鬆脆呀，裏面D雞肉好冧、好juicy呀， 滑蛋真係好滑，又嫩口，捞落D飯度好好味呀， 侍應生好細心，見到客人差不多食晒椰菜絲會主動問客人要不要添加。友人嗰個吉列豬柳都一樣好鬆脆，好味，但個人 一向都唔係太喜歡食豬肉，就算好靚嘅豬肉都覺得有陣濃烈豬味， 但今次呢個豬柳呢 就冇咁重豬味喎。呢間餐廳環境同服務都唔錯呀，都好滿意，下次同友人去 IFC shopping 又可以多個選擇啦。

尋日去左Plat du jour 一肚氣，所以今日lunch去返間穩陣餐廳，之前食過Tonkichi其他分店既炸物，今日去中環那間，試下魚生飯。環境：不過不失，有點窄。服務：lunch hour full house, 所以要等等才有人落單。基本上他們禮貌不錯。上菜速度快。食物：我點了lunch set, 吞拿魚刺身配葱吞拿魚腩蓉壽司飯，跟味噌湯+ 醃菜 + 生菜絲。醃菜是普通貨式加上份量超少，建議不提供更好。味噌湯應該有用紅味噌，所以較濃味同鹹，雖然有一粒蜆，但沒有海鮮味，粒蜆有點多餘。生菜絲係佢地signature, 新鮮度保持水準。壽司飯調味及軟硬度恰到好處，加上米飯粒粒豐滿，我好鐘意。吞拿魚刺身是赤身，新鮮度OK同冇根，但斜切的斜度較深，食落有點薄; 吞拿魚腩蓉都好食。食完侍應收拾，之後給我西瓜粒做甜品，同時幫我換了杯熱茶，很細心。另外欣賞一些細節位，例如西瓜粒用玻璃杯上，連同一支銀色三角錐體狀的雞尾酒簽，美美的。紙餐巾是厚厚的那種，他們把餐巾摺成筷子套，美觀及實用。整體來說是value for money experience

1-之前去過尖沙咀分店食過，食物絕對是好味，所以今日試下中環分店，入到去待應好快就拿了杯茶給我，點知拎起隻杯係裂，甘就叫待應換過，點知換左又係裂，接二連三，換左第四次隻杯先至無裂，我都感到不好意思，但都無令我感到唔開心，因為待應可能都覺得唔好意思，仲每次都笑容住甘同我講對吳住，吳好意思，比著有D待應個面口肯定變臉，呢度服務都算吳錯，不時都不斷有人同你加茶👍👍2-（需然用亙做既杯一定有損耗，不過提一提應該檢查一下，因為杯裂左拎起飲既時候，好容易會爆開形成受傷就麻煩，因為本人在某一個食肆曾經有甘經歷，只係一個善意的提醒，絕對不是投訴😊😊）3-係呢到午餐，食物質素，環境，衛生同服務，絕對是一個舒適的地方。隨左係呢到我會食炸物面頭個塊脆皮之外，其他地方我一既不會吃，呢度佢個脆皮面吳厚，但又好脆好食，又吳漏，入面加左大沖食落爽口好味，配埋個芝麻同個醬汁一齊食，好味，(醬汁放在枱上可自己調配）（其實呢到個咖哩汁都好好味，不過今日無叫黎食)我好鐘意食佢呢到個沙律油，調較既味道好適中，有小小wasabi 既供鼻既感覺，但又不會太濃，令人好有胃口，就係一句好味4-總括黎講，係呢度午餐絶對是一個好食，好坐

慶祝朋友搵到新工🎉到丼吉日本吉列專門店。1215分到，等大約15分鐘就得了。坐位好窄，聽到隔離張枱講野🙉叫了午市刺身吉列豬定食 （$248加一）。一來就給了芝麻和醬料可以自己磨🥣是來點吉烈豬的～刺身厚切和鮮甜，有我至愛的甜蝦同海膽🤤但吉列豬就太乾了 （好似上年來吃的水準較好）😟點解竟然係主打吉烈豬失準嫁😱不過話說喜歡吃沙律🥗的人有福了，因為呢到的沙律是無限添的～ 喜歡有飯後很甜同起沙的西瓜🍉 份量好多的午餐，食完好想瞓😴

We arrived at around 1:50p.m. on a weekday and had to wait about 5 min to get a table for 2.We ordered two sets: Assorted Sashimi Rice with Deep-Fried Pork Fillet & Deep-Fried Pork Fillet, Prawn, Oyster with Tuna Sashimi.As soon as we had ordered, we were served this bowl of sesame. It was our first time to come across this so we had to ask what we were supposed to do with it. We were told that we were supposed to smash the sesame and then add some cutlet sauce to it to eat with the cutlet food

連鎖吉列 - 丼吉·間唔中就會想食吉列嘢，我自己除左吉列豬排一定食之外，吉列蠔同吉列蝦都係非常鍾意食既。同朋友考慮左去邊間丼吉食好，又要係港島區，本身打算係銅鑼灣分店食，但考慮到世貿個停車場非常難入就來IFC啦，舒舒服服，點知要大排長龍，店既座位較小，適逢星期五晚，等左個零鐘先有位🤧。食物質素依舊係唔錯既，而且呢間係可以無限添飯，飯桶朋友可以食到夠啦。其實丼吉一向都唔係平，埋單食到飽要$1200/3，但係老闆 @lkl___ 厭呢到唔夠高級，唔知大家有無啲更高級既吉列專門店介紹下比我帶老闆去請我食呢？🤪🤪🤪

添馬光影遊樂園後過咗去IFC食飯點知,呢間鋪The GULU app已經攞唔到飛😩唯有自己去㩒飛仔等一個鐘後終於有位坐低叫咗🐷扒同🐷柳其實食食吓發現原來乜都唔點食其實幾好食炸物入口唔太油或者點鹽食亦唔錯最後杯西瓜再凍啲仲正但係點解添飯咁少嘅🙄

今日帶住BB茶去添馬公園睇草間彌生嘅南瓜玩咗成個下午BB都攰到瞓咗就推住BB車去咗ifc行街同食飯猶豫緊食千両定丼吉啱啱到6點左右開始多人由於見到千両已經要等位咁就順理成章入咗茶爸講咗話食好耐嘅炸豬扒茶爸由開始食到最後都一直講緊電話（由於係工作我都無辦法）我唯有一邊食一邊抱住起咗身嘅茶茶B我哋叫咗個$400幾蚊嘅2人set有最王道嘅豬柳同豬扒脆卜卜熱辣辣～豬肉都非常嫩整體都唔錯，有佢一貫水準個人最鍾意豬柳啖啖肉又夠嫩豬扒汁+磨碎芝麻當然係最夾～配埋佢個飯真係very good👍🏻佢個白飯珍珠米粒粒飽滿而且煮到啱啱好又夠熱，值得一讚😘至於麵豉湯成碗得一隻蜆咁大把好似做個樣特登放一隻入去咁飲品方面我叫咗白桃骨膠原乳酸飲品有啲骨膠原jelly喺入面都幾特別食到一半時BB茶成杯茶倒咗落我個身度所以我都急急腳食完個甜品西瓜就走其實整體嚟講啲野食都唔錯不過始終食得和幸多就會覺得食炸豬扒係唔需要畀咁多錢去食所以我成日都阻止茶爸食丼吉😛😛😛

為咗慶祝過咗人生某一個關口，所以我哋二話不說就揀咗とん吉最貴嘅定食賀一賀佢：叫咗2個鹿兒島特等厚切豚肉定食～有少少覺得上枱時個賣相唔係太特別，可能係我唔識影，但始終依家個個都相機食先，とん吉會唔會考慮整靚啲啲碗/盤/碟呢？塊扒多汁又幼嫩唔在講，最正係啖啖肉感覺真係唔同啲，寫寫吓諗返起都搞到我肚餓。嗌咗厚切都有擔心過食唔晒架，但之後好彩冇後悔到， 因為心裡面始終會覺得既然食豪啲應該豪到底。不過食到後尾竟然俾我食哂碗飯仲剩低一舊仔豬扒，好彩佢哋可以免費添飯～最後食完仲有生果送… 雖然老面嘅唔應該有要求，但略嫌啲生果唔當造之餘切得太近塊皮～

今晚和老公嘗試左ifc嘅吉列專家餐廳，一睇餐牌，無諗全部都係吉列,對於熱底嘅我地真係比較難選擇，最後揀左滑蛋吉列豬扒同薯蓉牛肉拼豬柳定食，味道還可以，滑蛋入味帶出豬扒鮮味，但價錢略貴左少少。

侍應對孕婦很細心-二人晚餐安排了四人枱, 因為一袋二袋太論盡-孕婦食客自動給予熱水, 非孕婦食客就給茶-孕婦食客的西瓜自動換給非孕婦食客謝謝麵豉湯不能REFILL

在IFC, 两百多块有一个set dinner, 也不能要求太多，反正坐位亦舒服，decoration ok, service ok, 人亦不太多。味道OK，沙拉分量嫌少，set dinner 吉列猪排饭就合格吧，汤标准，水果不甜但胜在健康。

炸豬扒永遠是我的comfort food, 三幾個月總會想去食吓！加上囝囡都鍾意食，所以更好走唔甩。丼吉已幫襯咗好多好多年，以前常去銅鑼灣店，依家中環都有就兩邊都去吓！這店的吉列炸物水準十年如一日，喺香港係十分難得嘅，抵讚👍🏽👍🏽👍🏽除咗豬，我會推介吉列蠔！好好好juicy！加埋日本米白飯，十二份滿足嘅一餐！

忙碌工作過後，想要獎勵一下自己。之前同一班朋友到過銅鑼灣世貿的分店食晚飯，食物質素和服務著實不錯，所以這次想嘗嘗IFC Mall分店。等了約20分鐘後入座，食物到枱的時候，店員很細心提我吉列蠔、吉列帶子要儘快享用。的確，食物的水準沒有令我失望，可惜是我太心急，吃了大半才醒起我未相機食先。下次再帶朋友來吃，影多啲靚相！

朋友從日本來香港探我，就帶他去了這家Tonkichi。居然連連👍說Yummy Yummy，地道的日本風味。尤其是對店內提供的日本芝麻和豬趴汁的搭配，還有西柚汁都覺得很好。店內的經理好像日文很不錯，直接用流利日文介紹是日本黑毛豬，還有老闆親自選定的Sake等等。。。省了我好大力氣。。。不足的就是店內位子太少，得排好長的隊。。不過想想在IFC這個位子。還有明顯服務員的人手不夠啊，一個人要招待那麼多檯，有點應付不及的樣子，不容易。。希望佢哋可以保持下去！這樣我就會多一個中午食飯的選擇。