丼丼屋 (創紀之城五期(apm))

營業中

休息中

早幾日去開APM買野，買完經過丼丼屋見到有個優惠餐目，平日11點半至5點限時有得食，有丼丼屋招牌滑蛋丼、海鮮丼、炸物丼、烏冬同燒物丼等，精選咗14款人氣丼物升級做優惠定食🍱當中最平$48就可以嘆到啦🤩🍱芝士蟹柳滑蛋丼定食 $48定食包前菜、味噌湯、甜品及果茶性價比真係超高🤩滑蛋食落香滑綿密，同芝士味道完美融合，加上鮮甜嘅蟹柳，食落層次感豐富，彤彤👧🏻極速清晒😋🍱雞肉築前煮定食 $98定食包前菜、味噌湯、甜品及果茶呢款係嚟自日本九州福岡嘅鄉土料理，主食以福岡傳統方法燉煮雞肉同埋野菜，雞肉食落軟嫩充滿肉汁，除咗雞肉之外，蓮藕、茄子、南瓜、甘筍等野菜亦都滿滿吸收晒濃郁湯汁，食落非常入味😋隨餐附有三文魚刺身、玉子卷同鹽燒鯖魚，真係夠晒豐富🤩🤩🤩

好耐無食呢間，見到lunch嘅定食價錢都唔算貴就諗住嚟試下。叫左個丼丼屋拖羅蓉海鮮丼－三文魚定食 ($108)，包左配菜，麵豉湯同甜品。三文魚定食就無乜拖羅蓉，比漏咗豉油，成個賣相好一般，上面一塊三文魚係有燒到微焦，都係無咩味，其他三文魚肉質唔算好鮮嫩，三塊紫菜係淋嘅，整體都好一般。配菜同麵豉湯都係普通，甜品係寒天配黑糖，不過略甜，唔多啱我口味。晏晝時間人都算多，不過有得揀就未必會再食呢間，未去到難食，不過唔覺得值。

今日到觀塘APM丼丼屋午餐。午餐時間坐滿食客，大約等咗15分鐘入座，相信食物有一定水準，作為日式丼物專家，丼丼屋今期期間限定供應「極上德島魩仔魚丼」，當然要試試極上德島魩仔魚丼推薦呢款極上德島魩仔魚丼，魩魚仔以蒸同酥炸雙重烹制，質感細嫩又香脆，同時品嚐兩種風味。加上吞拿魚蓉、吞拿魚、三文魚、三文魚籽鋪滿飯面，中心有醬油漬日本生蛋黃，蛋漿同海鮮交融，倍添醇香，確實不錯。另加$10可升級為超滿足定食，性價比極高德島魩仔魚漬蕃茄蒸魩魚仔味道鮮甜，口感細嫩，配上香脆酥炸魩仔魚、酸甜漬蕃茄、再淋上柑橘沙律汁，味道富層次感，清新爽口的開胃菜名古屋鳥開親子丼定食配 特上刺身 + 熱咖啡名古屋鳥開親子丼定食相當有賣相，滑蛋口感非常順滑，雞肉肉質幼嫩入味，日本米粒粒分明，配搭非常好味道。加配小食特上刺身 ，刺身有大蝦、三文魚，新鮮又滋味

好耐冇去APM食丼丼屋，咁啱早排見到佢哋推出咗新餐牌，今日一於過嚟試吓先😆極上德島魩仔魚丼定食嚟自德島嘅魩仔魚經「蒸製」同「酥炸」雙重煮法呈現，質感細嫩香脆交織，口感豐富😍加上吞拿魚蓉、吞拿魚、三文魚同三文魚籽鋪滿飯面，中間仲有醬油漬日本生蛋黃，蛋液同海鮮加埋一齊，味道又鮮又香🤤🤤🤩而家仲可以優惠價$10升級為超值定食，包括前菜、味噌湯、甜品及果茶😋😋👍德島魩仔魚漬蕃茄潔白鮮甜、口感細嫩嘅蒸魩仔魚，搭配香脆酥炸魩仔魚，仲有酸甜漬蕃茄，淋上柑橘沙律汁，四重口感同味道層次，清新爽口、非常開胃🤤名古屋鳥開親子丼呢個基本上每次必食，係餐廳嘅招牌推介之一！雞肉同雞蛋嘅搭配，口感非常嫩滑又惹味👍酥炸魷魚鬚魷魚鬚口感香脆，正常發揮當日閒日都坐滿人

丼丼屋又出咗新產品啦，由即日起至6月3日期間限定供應「極上德島魩仔魚丼」，另外仲有「德島魩仔魚漬蕃茄」，兩款都啱晒而家呢個天氣食極上德島魩仔魚丼 $92嚟自日本🇯🇵德島嘅魩仔魚經過蒸製同酥炸，質感細嫩香脆交織，一次過可以試到兩種風味！再加上吞拿魚蓉、吞拿魚、三文魚同三文魚籽鋪滿飯面，中心綴以醬油漬日本生蛋黃，真係十分吸引😍香濃嘅蛋液同海鮮交融，配上香蔥、薑蓉、芥末同醬油一齊食，口感味道都好豐富，好好食😋+$10升級為超值定食，包括前菜、味噌湯、甜品同果茶，真係超抵食！德島魩仔魚漬蕃茄 $28口感細嫩嘅蒸魩仔魚同香脆酥炸嘅魩仔魚，配上酸甜嘅漬蕃茄，再淋上柑橘沙律汁，口感味道層次豐富，清新爽口，而且好開胃！

不要來,服務差態度差,不會再來，豬扒飯分開上，結果…大家不要來這間餐廳🍴服務態度好差！味道一般🤬說了另上一齊來說了豬扒來了雞豬肉燒到黑晒都話係正常程度！新來又好D，但都係黑色

人生第一次特登為餐廳寫食評，其實本身都少食丼丼屋，對餐廳既印象還好，之前食過一兩次都正正煲常，點知就出哂事😩叫左個外賣，叫左$128既燒和牛飯，黎到變成普通肥牛飯，期望落差太多，牛肉一般，飯少，連女同事都吾夠飽😢10分鐘都食哂比$128食個咁既飯，仲差過吉野家嘅牛肉飯😐我都知外賣同堂食點都會係份量上有多少出入，只係冇諗過連質素都出入咁大，認真唔建議對餐廳食物期望太大，相信APM有更多其他選擇

一坐低店員隨手啪一聲掉張單上枱，已經覺得好冇禮貌，當佢忙，想慳嗰半步時間包容下。QR Code落單嗌咗兩樣嘢，其中一份係牛肉湯烏冬配溫泉玉子定食，啲「牛肉」非常柴，並且帶有豬肉腥味，肉質、口感、色澤一啲都唔似牛肉。舉手問店員，佢哋見到當見唔到，走去執枱抹枱拖到最後一秒先過嚟。拎返入廚房問都話係牛肉，咁算數啦，當佢係真係難食唔係出錯，我自己擺開唔食就算。另外一份係燒和牛丼定食，下午1:30坐低，1:41落單，烏冬都食咗大半，份牛丼2:05分都未到，但見客人唔多，隔離位遲過我哋到都已經食咗一半，諗住追一追，又舉手想問下，有2個店員都係淨係掛住執枱，就正正企喺我哋後面，睇到舉晒手，嗌晒唔該都唔行埋嚟，當時外面冇人排隊，好多空枱。最後樓面唔見晒人，我唯有大聲禮貌哋請求協助，終於有人埋枱對單又對唔啱，話個滑蛋豬扒丼咪上咗，九唔搭八，都冇叫呢樣。嘢食質素一般，店員服務態度好差，餐廳環境唔特別舒適，價錢一般正常。做餐廳唔係奉旨俾人鬧，但我去消費好聲好氣好禮貌溝通，希望得到正常合理嘅服務態度，唔係去受氣。唔想做唔好做，請到啲咁嘅員工實在係僱主嘅不幸。

同朋友去咗APM行街，之後去咗丼丼屋食午餐🍚。見到好多人幫襯，一於嚟試吓！佢哋嘅丼飯好高質，無論係食材定係味道都好正，價錢又唔貴，性價比非常高👍。上網睇過，佢哋仲有幾間分店，分別喺鑽石山、旺角、沙田、荃灣，真係好方便，下次可以再嚟！😄—————————————————🐮 滑蛋炭燒牛肉丼 $78
呢個限時回歸嘅牛肉丼真係一流，炭燒牛肉味濃，滑蛋又夠晒滑，同熱辣辣嘅飯一齊食，真係好正。
🍣 厚切三文魚帆立貝刺身 +$32
三文魚同帆立貝都係厚切，新鮮到爆，入口即化，加埋啲豉油同wasabi，真係好夾。
🍰 灸燒焦糖芝士蛋糕+$20
芝士蛋糕灸燒得啱啱好，外邊焦糖脆脆哋，入面芝士味濃郁，甜品控一定會鍾意。
🐷 十勝帶廣名物豚丼定食 $108
用北海道豚肉整嘅豚丼，肉質鮮嫩，肥瘦適中，配埋果茶、前菜同味噌湯，真係好滿足。
🥚 玉子卷（2件） +$18
食落甜甜哋，蛋味香濃，做前菜或者小食都好啱，加埋其他菜式一齊食，更加豐富。

👧🏻😋👅🍽✨炭燒牛肉滑蛋丼載譽歸來-🇯🇵 丼丼屋滑蛋炭燒牛肉丼即日起至4月22號限時回歸❤️‍🔥成個人氣定番滑蛋丼系列仲有滑蛋吉列豬扒丼/滑蛋吉列大蝦丼/芝士蟹柳滑蛋丼多款選擇▪️滑蛋炭燒牛肉丼 $78🍳個滑蛋汁用日本蛋同埋高湯製成, 連同燒牛肉汁好濃郁, 再配上日本生蛋黃食落更有層次, 口感亦更順滑🍳包括前菜同果茶, 仲可以優惠價加配刺身同甜品🐟 厚切三文魚帆立貝刺身 $32 兩款刺身各兩片, 三文魚油脂適中、夠嫩滑; 帶子點檸檬汁好fresh🍰 炙燒焦糖芝士蛋糕 $20 芝士蛋糕口感厚實又夠rich, 配上脆卜卜焦糖面同軟熟蛋糕底好夾! ▪️炙燒左口魚三文魚籽丼 $88▫️唐揚雞軟骨 $32▪️玉子卷 $22

丼丼屋嘅Menu有多款嘅丼飯選擇，其中最Signature係滑蛋系列，每一款滑蛋丼飯都好吸引🤩近期更推出咗期間限定嘅滑蛋炭燒牛肉丼用日本雞蛋、高湯製成嘅滑蛋及靈魂蛋汁，配搭唔同嘅配料同日本產A級米，即叫即整，炮製成傳統日式風味嘅滑蛋丼！見隔離枱都叫咗款嚟食，我都忍唔住揀咗呢款👇🏻ღ滑蛋吉列大蝦丼 $78有3隻新鮮爽彈嘅珍寶吉列大蝦，再加上滑嫩嘅蛋，無論係口感定係味道都令人難以抗拒。ღ厚切三文魚帆立貝刺身 +$32優惠價加購厚切三文魚帆立貝刺身，超高CP 值呀！每樣有兩件，每件都好新鮮ღ炙燒焦糖芝士蛋糕 +$20飯後甜品當然唔少得，啖啖濃郁芝士香🧀面頭炙燒嘅香甜焦糖，每食一啖都充滿幸福感。ღ照燒雞扒配飯 $68賣相唔錯❗️ 雞扒燒得勁香口，加上香甜嘅照燒醬，滋味無窮ღ唐揚雞軟骨 $32炸得香脆美味，而且軟骨硬度適中，好有咬口叫每個主食都可以+$18升級做定食有齊前菜、味噌湯、甜品同果茶更加豐富同滿足

♥ 「迷你三色三文魚丼定食」！$98 品嚐三款三文魚丼♥✎ (❁ᴗ͈ˬᴗ͈) ༉‧ ♡*.✧喜歡的話記得like & follow我喔♥丼丼屋呢排推出期間限定「迷你三色三文魚丼定食」！🍣✨只需 $98，就可以一次過品嚐三款精緻嘅迷你三文魚丼，分別為辣味三文魚丼、炙燒三文魚‧三文魚籽丼、三文魚‧赤海蝦丼，定食更包括前菜、味噌湯、甜品及果茶，相當抵食啊！由而家至到3月 11 日都有得食～三款三文魚丼各有特色，辣味三文魚丼有食落微辣嘅三文魚粒，炙燒三文魚·三文魚籽丼就有我最鍾意食嘅三文魚籽，搭配炙燒至半熟嘅三文魚，鮮味滿足，三文魚·赤海蝦丼有大大隻赤海蝦，非常鮮甜。另外，我們仲追加咗 $32 嘅厚切三文魚帆立貝刺身，兩款刺身都好新鮮～ 而冬天當然要嗌陸空三拼鍋物定食 $92，壽喜燒湯底配上雞、豚、牛肉，食完即刻暖笠笠！📍 丼丼屋 @dondonyahk荃灣青山公路-荃灣段 398號偷景新城2樓2046A 號舖旺角太子道西 193號MOKO 新世紀廣場3樓 301-302 號舖沙田沙田鄉事會路 138號 HomeSquare 5 樓 502 號舖鑽石山龍蟠街3號荷里活廣場3樓371 號舖馬鞍山西沙

其實丼丼屋嘅食評都係咁上下，無期望就無失望。不過今次真係要分享下…叫個鍋物定食，諗住加兩件油揚，點知碟油揚嚟到真係嚇親，竟然將一件油揚，中間片開😅😅😅變咗兩片薄到零口感，放落鍋之後差啲搵唔返出嚟🤣🤣🤣咁都好意思收$8？ 其實你不如話一件$8好過啦😑😑

專程來食松葉蟹飯, 味道未算好突出, 可以試一試 食物 : 松葉蟹丼(定食) $113 ~ 這個蟹丼很適合我這種想食又唔想剝殼的人, 見到全碗舖滿蟹肉, 色彩繽紛, 打卡一流, 雖然蟹肉未自好鮮甜, 但都算正常味道, 定食包有飲品/前菜/味噌湯/甜品, 整體都算唔錯 松葉蟹土鍋飯(定食) $123~ 土鍋飯連GAS爐上, 要自已計時煮飯, 工具好可愛, 職員有過來幫忙, 等咗一輪, 閙鐘响起, 可以開飯, 打開蓋, 見到蟹肉唔算好多, D飯比較濕, 唔似煲仔飯咁有焦香, 撈埋魚子及蟹膏一齊食, 味道正常普通, 定食包有飲品/前菜/味噌湯/甜品 環境 : 店面是木系裝修, 乾淨舒服 服務 : 職員有禮貌 價錢 : HK$259.6 (包10%服務費)

星期日返完教會崇拜🤩成個團契去咗APM丼丼屋，一大張長枱，我地屋企叫咗松葉蟹土鍋飯定食$123，吉列蝦兒童👧🏻餐$75同咖哩🍛滑蛋唐揚雞飯$62。首先上咗土鍋，原來未煮，有爐，要煮20分鐘，小朋友唔皓掂，有隻雞計時⌛️器，仲有龍蝦🦞鉗攞煲蓋，之後上兒童👧🏻餐，兩個小朋友👧🏻share，但大家爭架車，之後上滑蛋唐揚雞飯，蛋真係滑，雞外脆內滑，咖喱就一般。土鍋煮完20分鐘，要熄火等5分鐘，打開蓋，飯🍚都係濕，撈勻，有蟹肉蟹鉗，自己再落三文魚🍣子同蟹膏，儀式感多過好味😋，上咗餐飲咖啡☕️諗住埋單走先發現冇面豉湯同寒天，叫返侍應補返，寒天正，有黑糖，但湯一般。有咁大地方俾我地算係咁