丼丼屋 (已結業)

本人最中意食烏冬，所以次次去丼丼屋都會叫甘多款入面我最中意食咖哩牛肉烏冬，啲烏冬好彈牙，牛肉又唔算好肥，仲有好多咖哩汁，夠哂惹味！此外，黎到丼丼屋，中意食蛋既人一定要叫燒玉子。雖然次次都要等好耐，但係你食得出佢啲燒玉子真係慢慢甘同你煎，好香好滑，點都值得等。佢地啲滑蛋飯都唔錯，好多汁，不過好多蔥（仲要唔係洋蔥），所以我比較少叫。最後，丼丼屋既雪糕都幾唔錯，好有牛奶味，食埋雪糕就滿足哂

估唔到自己會係為咗哩間餐廳寫食評。前排返工經過見到哩間舖頭裝修，已經好想試。睇埋其他分店嘅食評，就更想試。因為怕等位，我12：05就到咗。啱啱唔駛等位。因為間間分店嘅食評都話滑蛋雞飯好食，就點咗哩樣。點知等咗20分鐘，催咗三次，先話漏落單。再等5分鐘，終於嚟咗。蛋都算幾滑，但係雞唔係十分滑。味道普通過普通，總之啲汁唔會令我想食多兩啖飯。試過就算，相信唔會再去。