丸作食茶 (禮頓道)

營業中

休息中

早前看過這家以手作珍珠為賣點的台式飲品店,身為煙韌控,心中早已bookmark了,這天剛好在附近吃完飯,自然要到訪一下了早已料到要排一下隊,不過已被預期中少人剛好見到店員在制作珍珠,感覺確實是比平常去的台式飲品店優勝,夠新鮮各款台式特飲可自行加配喜愛口味的手作珍珠等了約十分鐘的時間,飲品便已拿到手了點的是宇治抹茶白玉 ($28)第一口喝抹茶下去...超甜,不過攪拌過後,甜度就歸於正常了抹茶味道濃度不俗,夠茶味,不過就喝到抹茶粉末...而作為主角的珍珠就稍為失色了,雖然煙韌度是夠的,可是偏黏,喝起來時很容易卡在飲管中,結果整杯都喝得不太順暢其實小妹對其他味道的珍珠也甚感興趣,不過暫時也提不起勁再試,希望再訪時有改進吧!

又係雜誌介紹 有員工現場整珍珠講到珍珠奶茶 我都係鐘意正宗珍珠奶茶 近年出多咗d水果茶 or 爆珠，但如果有得㨂我都會㨂最原始的。我個人對珍珠奶茶要求多多 要沖到一杯好飲而又合我要求的 真係唔係一件容易的事！試了黑芝麻珍珠奶茶珍珠夠特別 好重芝麻味 但奶茶底唔夠茶味 好普通銅鑼灣咁多台茶舖 真係未必會再試。

知道丸作開到黎香港，珍奶愛好者既我點可以唔去潮聖先🤣諗住開左一段時間應該都冇咁多人排隊...點知我想得太天真😞👉🏿✨丸仨冬瓜檸檬 Hkd 25 💸📌飲佢既主要原因都係因為佢有3款珍珠😍呢款冇得叫小糖，啲糖set好左，不過放心，呢款飲落係偏酸👍🏿岩晒我😂整體係酸酸甜甜，原來仙人掌珍珠係酸架😈其他兩款都唔錯，超煙un又q彈！🎉🎉👉🏿✨衫摘綠拿鐵加竹炭珍珠 Hkd 24 💸📌飲落係又甜又苦，竹炭珍珠冇乜味。但係拿鐵味道都有，唔錯喔！呢間推🔥

焦糖琥珀拿鐵($22)➕奶蓋 ($5)➕黑芝麻珍珠 ($6)👉🏻總共$33👈🏻雖然丸作主打特色珍珠 例如仙人掌珍珠、竹炭珍珠... 但由於看到這些珍珠有不同顏色😳(我知道店鋪聲稱是不會加人造色素 不過都超怕會中伏🙊) 所以就選了這個☺️👆🏻焦糖琥珀拿鐵 (雖然喝過以後也覺得與中伏無異😂😂😂)-完全喝不到丁點鳥龍茶味...🙄只喝到奶味 奶味 以及奶味😭 (可能是因為加了奶蓋?😂) 而且整杯都超甜的...想試的朋友記得叫半糖就可以了😭 不過...黑芝麻珍珠有驚喜‼️☺️ 黑芝麻味突出‼️超有咬口❤️ 幸好有加黑芝麻珍珠 不然我真的不知道自己到底喝了甚麼...

最近銅鑼灣新開左間台式茶店，開左冇幾耐已經大排長龍，又系珍珠奶茶，呢家真系好興珍珠奶茶。珍珠奶茶既吸引力就系我前面有成30幾個人系度排隊，同埋聽到佢話6:15已經截龍想去飲既真系要早啲呀！除左最出名既茶類，仲有各款原味既茶，另外更吾加錢加各款珍珠，如黑芝麻珍珠、仙人掌珍珠等等，甜度同冰度亦好似平時嘅台式茶店咁可以自己揀。呢度最出名既相信就系黑芝麻珍珠綠拿鐵同埋仙人掌珍珠綠拿鐵～出名原因在於每一粒珍珠都真系有粒粒既芝麻而且都好煙韌！原本仲想加竹炭珍珠，不過戈陣已經賣曬加左個焦糖珍珠，感覺也不錯，茶味香濃亦吾需多講。另外宇治抹茶白玉當然都系大眾喜歡既口味，抹茶味十分香濃，甜度剛好 (叫左微糖)，加埋仙人掌珍珠甜甜地又系紅色既珍珠幾特別。黑芝麻珍珠綠拿鐵 + 焦糖珍珠 $29宇治抹茶白玉 + 仙人掌珍珠 $34

好期待 突登黎係想試 宇治抹茶白玉 & 黑芝麻珍珠綠拿鐵好可惜都無得飲 賣晒😣就點左其他黎飲 阿薩姆拿鐵加珍珠搖完 一飲 無咩味道 完全唔甜 但係我點正常😟 唔記得放糖？？係得珍珠有少少甜味😟😟

終於可以一試呢間過江龍！佢既漸層飲品真係好靚！今次分別試左宇治抹茶白玉同雲浮奶茶！宇治抹茶白玉 ($28)身為抹茶控當然要試佢既宇治抹茶！無令我失望抹茶帶少少苦，但感覺都ok！而且佢苦中帶甜，所以好岩我飲！白玉黎講都唔錯，好煙韌雲浮奶茶 ($25)至於雲浮奶茶即係奶蓋，感覺上比較甜加$5要左焦糖珍珠，可能因為杯野都已經有d太甜，食落唔太有焦糖味！總括黎講係ok既，不過偏甜，如果唔鐘意太甜既朋友一定要少甜呀現場仲可以睇到d珍珠既製作過程！幾特別

黑洞拿鐵+黑芝麻珍珠 $30啲珍珠好有芝麻味+好有嚼口杯野既味道唔係好特別成杯野真係因為珍珠而升lv-見好多食評話其他好淡 所以揀左黑洞拿鐵無save低張相唔算伏，推介：黑洞拿鐵加其他珍珠黑珍珠搶晒杯野啲味😂

慕名而來，好多人排，等左十五分鐘先買到。本身想飲芝麻珍珠，冇哂，叫左一杯黑洞同仙人掌珍珠綠拿鐵。等多十分鐘有得飲。第一啖試左仙人掌嗰杯，唔好飲，好淡，又稀，得個甜字，係啲珍珠好煙韌。試埋黑洞，相比之下好飲好多，起碼有層次，黑炭珍珠又好味。可能期望太大，以為好好飲，個茶底唔得，係啲珍珠好味。下次經過冇人排先會諗下飲唔飲，專登去就不了。

見d人話拿鐵普通 所以我叫左冬瓜檸檬我見丸仨冬瓜檸檬25蚊 但無得揀珠所以我分開叫 冬瓜檸檬($16)+三款珍珠($10) 都係多1蚊但可以揀珠😛 我揀左黑芝麻 仙人掌 白玉 三款都好好味 好煙韌 而黑芝麻仲好香黑芝麻味 冬瓜檸檬好清新 無減甜都唔算太甜 味道岩岩好現場有個位可以睇住d職員整珍珠 幾特別

丸作食茶 (English name : OneZo) is a brand from the country that created bubble tea, Taiwan.  Their claim to fame is they make their own boba with all sorts of cool flavors. And now they have opened a shop in Causeway Bay's Haven Street area.Boyfiend and  I came after dinner for a drink. There was quite a crowd as word got out about this place so we ordered and waited for our drink to be made. The place was a mess by the way with plastic that covered the straws as there was no garbage can to be foun

喺銅鑼灣想飲啲嘢，想起呢間來自台灣嘅新店，主打每日喺店內新鮮製造嘅珍珠！七點幾到，有人排隊但係都唔想多人。店面唔大，只有少少位等待飲品。收銀後面，製作飲品過程一目了然，保證乾淨衛生。芸芸茶飲中揀左仙人掌珍珠綠拿鐵。粉紅色珍珠顏色夢幻，有新鮮感，但味道很淡，要一次食好多粒先試到仙人掌🌵何味。買個陣，收銀員建議半糖因為珍珠會甜，但試落茶飲亦無乜味，綠茶味淡，只有淡淡的奶茶。試過有啲失望。之前喺社交媒體見到有人討論同好評，自然會將期望提高，但試過後覺得有啲名過其實嘅感覺！

上個月尾行過，見到丸作食茶，原來準備開業，幾有興趣，諗住之後黎，點知第二日再行過黎嘅時候，竟然見到開左，仲有9折，飲料控即試來自台灣嘅人氣茶店(?)，第一店選址銅鑼灣，裝潢參照台灣店，從玻璃房可以見到店員即場製作珍珠，透明度高。店內分排隊買飛同取飲品兩條隊，剛開張，等候時間唔長，遲下有人報導的話，就唔敢講了餐牌供應原茶、拿鐵、奶茶、抹茶、黑芝麻等特飲，定價$14-28，可加配手作奶蓋、珍珠(5款)，定價$5-6。較特別有竹炭、黑芝麻同仙人掌口味，冰、糖度可自選。手燒焦糖奶茶 加焦糖珍珠 $23 (9折 原價$26) 甜度固定，個人認為都唔會過甜，可以接受。焦糖味突出，幾香，奶茶夠順滑焦糖珍珠橙黃色，唔會太甜，味道自然，幾啱我地口味。口感煙韌帶黏，又有嚼勁，似噍緊軟身嘅橡皮糖。珍珠份量大方，不過建議少冰，否則會卡住珍珠。宇治抹茶拿鐵 加仙人掌珍珠 $28 (9折 原價$31)有第一杯嘅經驗，今次點左微冰，珍珠唔會俾啲冰卡住，又怕太甜，所以點左微糖。但唔知同奶量有冇關係，我呢杯抹茶拿鐵嘅鮮奶層好少，其他人嘅奶層有接近一半。抹茶味道有，帶微微茶澀，不過茶粉融合得不太好，入口唔夠順滑。可能因為

話說新開張都試過兩款茶 其中焦糖奶茶味道唔錯，抹茶則一般，當時買兩杯有抽獎機會，我地抽到買一送一券。週日喺附近行街，決定黎用埋張優惠券。其實佢地當日都做緊【買一送一】優惠，不過我去到時100杯限額已售完。條隊排左廿分鐘，等飲品唔洗十分鐘，涼涼地我特別好耐性，又唔覺得話等左好耐。琥珀鐵觀音+奶蓋+黑芝麻珍珠、白玉珍珠 $27因為茶底只需14蚊，加左3樣野都係27蚊，上次拿鐵不討我歡心，加上個人鐘意茶飲，於是揀左鐵觀音底，可惜呢度嘅茶香一般。始終沖定哂，同用單個茶包沖泡，有一定嘅分別。奶蓋並冇好似而家流行嘅茶店咁，做出可以傾斜飲嘅杯子，取飲品時問過店員，佢地話原本係冇奶蓋的， 只係見香港人幾鐘意而加入，所以並冇特製杯子。其實大可以好似KOI咁，喺杯邊界開。不過講咁多野，我都唔建議試奶蓋。奶蓋唔厚亦都唔算稠，奶香一般，反而係非常之鹹，太鹹（去到底完全唔想飲，搞到我淨番啲珍珠都冇食哂）因為上次試唔到黑芝麻珍珠，今次決定一黑一白，混搭白玉珍珠。黑芝麻珍珠味道超濃郁，好似食緊芝麻糊，甜度適中。但比較霸道，基本上我全杯野只係飲到黑芝麻味 (但我幾鐘意的)；至於白玉珍珠，甜甜地冇啥特別。珍珠口感係我鐘

最近經常係面書見到有飲食媒體介紹呢間台灣珍珠奶茶店咁岩係銅鑼灣行街，梗係要黎試下係咪真係咁好飲先係遠處已經見到有條人龍，就知道唔會搵錯地方呢間珍珠奶茶店賣點係d珍珠度，係佢地自己製造用天然色素同無落防腐劑既，你會見到佢有部機即場整d珍珠出黎排左大約20分鐘，終於買到今次我試既係焦糖虎珀拿鐵加黑芝麻珍珠，由於係落焦糖所以無得少甜，味道果然係甜左d，茶味唔太突出，不過d珍珠真係好有黑芝麻味黑芝麻珍珠既口感唔似平時食開咁滑，係好似有d微細既粒子係d珍珠上面咁，都幾有咬口朋友試果杯係黑洞拿鐵加竹炭珍珠，呢杯岩我口味，茶味好突出竹炭珍珠就正常食唔出有咩味