丸亀製麵 (iSQUARE國際廣場)

營業中

休息中

長話短說，尖沙咀平食之一，性價比不二之選👍🏿👍🏿岩曬附近打工仔 or 想坐耐少少既朋友去食😋呢度兩個烏冬 加餃子加一串炸雞，都只係$120 Toatal，如果尖咀地區想食個輕便既日式，呢度真係算唔錯，環境唔會太迫加上又自助型式取餐食用，係同地區黎講，真係較為舒服輕鬆👍🏿

某日下午, 同同事心血來潮想食個烏冬於是第一時間就諗起呢間位於ISQUARE 的日式烏冬麵店啦!!!!12點9去到麵店, 好彩都仲未算係好多人, 一路順住人龍去點餐點餐部分係半自助形式, 大致如下:1) 揀左你個麵底係乜, 有得揀要咩湯啦, 要唔要肉啦 (有d係本身已有豬肉, 牛肉etc); 而麵底都可以揀大size定中size2) 師傅比左碗麵比你之後, 就可以自己夾想要d 咩天富羅 (星期一至五係做緊20蚊兩件, 否則一件大約10幾蚊咁啦)3) 之後可以揀埋0野飲呀, 甜品, 之類4) 比錢5) 最後可以自己落蔥, 7味粉, "脆脆"..攪掂哂就可以坐低食野啦其實本身個麵底係唔算貴 (最平好似29蚊都有了, 中size)不過由你拎完碗麵到去cashier 埋單時, 佢有好多款唔同的天富羅/小食比你夾樣樣又只係10幾蚊20幾蚊咁,,好多時會不知覺咁夾多左最後埋單變左都要70蚊一個人!!!!味道係唔錯的, 不過食落就唔算特別平囉

同樣愛好日本文化的朋友帶我來這間吃飯，從未吃過這間，也未吃過用木桶盛裝的烏冬，真的好特別呢！店員表示兩個 size 相差半個面，因為我吃過早餐，不太餓，於是挑了小的那一個。淨烏冬，將豉油和蔥花攪拌，再一條條的將烏冬湛醬吃，簡直是溫暖版的冷蕎麥麵呢。另外，我仲加了10元要了一個焦糖布丁，面層的焦糖和布丁的確也很甜。^^

這家店不知在尖沙咀區的Isquare開了多久, 但與公司的距離始終頗遠, 幾次想來這裡吃吃麵都是提不起勁. 正好今天同事提議來這裡. 門外的招牌有2款秋之特選. 但較想吃的和風蜆肉已沽清. 烏冬的選擇很多, 冷烏冬, 湯烏冬, 拌烏冬, 咖喱烏冬, 第一次來有點眼花撩亂, 每款也想吃. 星期一至四光顧, 炸物只需$20便有兩件, 各式各樣的炸物放在架上, 有射燈照著保溫. 牌上射著若非繁忙時間沒有想要的天婦羅, 可以向店員要新炸的天婦羅. $20兩件, 第二件便只需要$5左右. 什菜天婦羅裡頭包著不少蔬菜, 雖然已經有點冷了, 但因為裡頭都是爽脆的蔬菜, 吃起來還是脆脆的. 炸鱈魚排則份量十足, 麵衣相當厚, 魚吃起來沒有腥味, 魚肉軟滑. 第一次點, 本來想點咖喱烏冬, 想了一下, 還是要了較清淡的腐皮湯烏冬. 份量則要了大. 首先讚讚烏冬的質感彈牙, 配料則是簡單的蔥花, 海菜, 腐皮. 腐皮的口感略具煙韌但調味不足. 湯底的味道較清淡平庸. 埋單的價格是頗合理的, 若不計天婦羅只是$44, 憑單14天再光顧更再減$5, 實在是我等打工仔的福音!下次會嚐嚐伴烏冬. 翻食指數: 80

第一次同女朋友黎食。哇啲服務態度差到呢估吾到食個lunch 都可以受人氣。叻👍🏻我只不過係問下有無蝦餅(因為我見到無晒。所以問下）點知個呀姐勁惡死又大聲話收銀個到問埋痴線。又吾係好好食。又要受人氣。好啦到食物啲天婦羅又涷又吾好食。仲要一早炸定係到仲差過kfc啲雞！啲烏冬個質感都算可以。之但係食個個醬油烏冬真係咸到哪。食一啖要飲一啖野飲食吾夠半碗。支野飲已經飲晒吾係貪新鮮想試下。都吾會入黎如果大家想受人氣。又想食由朝早炸起到夜晚嘅涷天婦羅。可以試下咖各位

話說早排同女朋友去尖沙咀行街突然好想食烏冬🙈之後就上or搵下附近有冇「丸亀製麵」😂因爲真心算平，份量又算多👍🏼簡直係食冷烏冬既首選😎！講開又講，唔搵真係唔知原來iSquare入面有一間😮😮😮係咪我太孤陋寡聞呢😂咁啱佢地有新產品！鍾意中伏（？）同試新野嘅我當然就叫左黎試吓啦🙈麻辣雞絲冷烏冬-HKD46$我想講，依個呢個組合係好食既😬不過我既覺得唔似食緊「丸亀製麵」，似去左「譚仔」🙈🙈因爲佢個醬汁真係幾麻辣！其次，其實佢哋啲材料全部都好「無關係」，生紅蘿蔔絲、青瓜絲、蕃茄粒、油豆腐皮🤔仲要再加多麻辣雞絲，跟住再攞埋佢😗個結果竟然係幾好食🙃個感覺真係好神奇😆我覺得鍾意食譚仔嘅朋友應該會鍾意😂😂😂😂

久不久夜收工落到尖沙咀，無乜選擇，就會去丸龜食碗烏冬，30至40蚊有交易，仲任加蔥同薑蓉。唔夠飽仲可以加個飯團，都只係10蚊雞。最愛腐皮烏冬！烏冬麵質好煙un！朋友的溫泉蛋烏冬！不過食完好口渴，可能味精重。但呢個價錢係尖沙咀，確係抵！

烏冬麵質係幾好嘅，不過其他食物好似天婦羅真係好麻麻，又唔脆，又唔熱。個湯係有點兒咸嘅，不過用嚟送麵可以接受。最頂唔順係個阿姐，好似全部食客得罪佢咁。又唔係話要佢好好笑容，唔想食個麵都俾人鬧啫。

一個人的晚餐。在一個寧靜的星期五晚～餐廳門口沒有長長的人龍，把心一橫，好好醜醜，食個烏冬冬暖下個胃最實際選好左個秋日限定湯底配好個餸面（燒豚肉），再去選天婦羅、炸乜炸物，見個烏冬齋齋地，應該唔夠飽既，就叫多個唐揚炸鱈魚（好炸，令到個魚無晒魚味）、魚餅（凍晒既？），另加兩塊腐皮（過甜過滯）幸好個烏冬夠熱辣辣，如果唔係，我覺得比$87 食個烏冬麵好唔抵全程自助式，選食材拎食具比錢搵位執野，都係好自律既；但係座上客有一堆好嘈既學生，食完唔走，當正係麥記咁大呼小叫。。。拿拿林食完，走人好Ｄ

買左飛未夠鐘就想搵啲野食唔想食太飽所以揀左依間日本烏冬本人極鍾意食冷烏冬加上冷烏冬份量可以揀大細岩晒果日既情況都幾得意 首先會揀左面先然後再去自己夾配料再之後先埋單但厭冷烏冬汁唔太夠味

丸亀製麵真的令我又愛又恨，喜歡食烏冬一定會愛上他們的烏冬，因為麵質彈牙口感極佳而且選擇多樣，配料多樣飯團炸物各式其式，全部自助方式十分方便。溫泉蛋烏冬 - 溫泉蛋煮得出色和烏冬配合一起食，每一口都充滿蛋汁加上大量的香蔥，簡單的配合已令人十分回味腐皮烏冬 - 真的很失望腐皮和魚片的質量很差，魚片入口冇彈性，腐皮細塊了很多完全冇豆味，只有烏冬冇變南瓜天婦羅 - 南瓜香甜炸得香脆唔會食到滿口油鱈魚排 - 其實真的不能用排來形容簿到和紙一樣鰻魚飯團 - 飯團質素差十分鬆散，團飯不像日本米，鰻魚全冇質感軟腍腍很難食

行街日，無食午餐，來個平平地烏冬頂頂肚，其實已經有年幾無食過呢間野，因為唔係太鐘意佢要自己拎餐。我叫左個腐皮烏冬（中），朋友就食冷烏冬（大），仲有天婦羅蕃薯加多一件飯團。個腐皮烏冬唔錯，腐皮甜甜地幾好味都3塊咁多，仲有兩塊鳴門卷，冷鳥冬就無乜特別，天婦羅都幾好食，但由於係放出黎自己夾的，總覺得衛生唔太好的感覺，7蚊一件話平唔平，話貴唔貴。飯團就真心唔得，飯散，紫菜淋，不過十蚊雞，是但啦。

睇戲之前食個飯先, 呢到isquare都諗唔到食咩好, 見到呢間食烏冬既真衝左入去喇, 係出面點完餐比錢, 之後自助形式自己攞埋位食麻辣牛肉烏冬牛肉份量比我想像多, 辣辣地幾惹味烏冬煙韌彈牙, CP值高呀!!

呢間性價比極高的烏冬店係我嘅最愛，友人order左中size温泉蛋明太子拌烏冬、南瓜天婦羅、炸雞、腐皮壽司，我就order牛肉牛蒡烏冬、炸蝦tempura、炸魚蛋棒。溫烏冬彈牙爽滑，拌明太子蛋漿好好味。牛肉烏冬湯太濃味，令到烏冬太咸。炸物質素反而keep到，樣樣都好食！

今日放工想係尖咀快食,就諗到食烏冬,一諗就諗起佢入到佢見到有新野喎,個樣幾吸引,就試下啦~雪蟹烏冬---一拎到黎,嘩,真係有成個蟹蓋係度喎~今日星期一有優惠20蚊兩件炸物,要左個胡麻雞柳同魚餅,因為原價比較貴揀佢地就抵D啦~炸物其實樣樣都幾乎食過大部分都OK所以今次唔點講啦,今次主要講下個烏冬...除左蟹蓋,其實仲有數粒切開左既墨魚丸,墨魚丸唔錯,都幾彈牙~個湯似D羹,可能因為杰杰地同有好多蛋花~食到七七八八就開始試蟹蓋,一反開原來有唔少蟹棒,食落應該係真蟹捧,底下仲有一大舊用好多蟹肉碎堆砌出黎既野,口感同味道似平時西餐廳食到果D蟹餅咁,唔知除左蟹仲有D咩係入面呢~?不過就算撈左其他野,咁大碗都只係五十幾蚊,仲可以去邊度搵~?對蟹有興趣既朋友可以一試~