串Grill 自助燒烤專門店 (譽發廣場) (已結業)

呢排天氣開始熱熱地，但突然又好想食燒烤😅唯有揀d有冷氣既燒烤食下之前係旺角發現呢間野，一串串，串好哂，就咁放落個爐到，佢就會轉轉下，360度均勻地整熟，見佢幾得意，就揀佢嚟食下😋而喺OpenRice又發現原來近油麻地地鐵站嗰邊有呢一間分店，地點都幾方便😙😙一去到，環境黎講都坐得幾舒服，坐低之後，店員會講解檯面試既裝料，貼埋整個過程既流程店員講完之後，就出去飲品櫃揀野飲其實唔只呢幾款，大路既汽水都有，不過本身唔想飲咁多汽車，揀d好似健康d既飲😂係未正式點單個陣，店員會拎一盤食物俾你，會簡單話你知個爐既操作，咁就可以由佢慢慢燒，然後係電話到落單，再揀野食食物款式都算唔小，有肉類、魚、甜品依家都唔係食得好多野，但真心推薦雞蛋仔同棉花糖，雞蛋仔真係有驚喜，燒到外脆內軟，入邊仲有朱古力粒粒，好味😋最後，仲有雪糕做甜品

位於油麻地譽發廣場嘅 串 grill 燒烤專門店，食物質素果然名不虚傳，中肯嚟講，以 $2xx 嘅收費絕對超值抵食。👍餐廳 : 面積不太大，全場約得 10 張枱左右，每枱有一個自轉式燒烤爐，因限聚令原因，由每枱最多只可坐 6人，更改為 4人，但我只得 2人佢哋一樣係咪呢種枱型比我，所以坐得格外舒適。而最值得一讚就係餐廳喺抽風方面做得非常好，用餐完畢後，全身並無沒點味道，正 ! 😗😙服務 : 員工非常細心有禮，坐底後馬上有職員解講用餐流程，怎樣用 QR Code 落單及特別有提醒除 哈迪斯雪糕外，其他一切飲品及串燒皆可以 2 小時任食，解釋清楚，十分有禮。😆食物 : 串燒 款式大致上包羅萬有，雞，牛，豬，羊，海鮮，菜類又怎少得了？大部份食物亦十分可口，喜歡食串燒嘅您，一定唔好放過 ! 餐後感送您 3 個字。大。滿。足 😀😃😄

譽發廣場係人都知既美食天堂🙆‍♀️好多人氣小店食肆都集於一身!好耐之前係廣華街已經食過串Grill 自助燒烤專門店!朋友見到開左分店於是再次到訪👏新店地方比較大坐得更舒適,而且店員好有禮貌,好詳細教你點燒,真係好值得一讚👍醬汁有辣粉,孜然粉,鹽,胡椒粉,柚子醬,酸辣汁🙈種類都比較多👍我嘅最愛係牛舌,M6和牛牛柳,雞腎😋真係好出色,肉類新鮮冇雪味,加上佢自製嘅醬汁真係一流👏最特別係有墨魚咀,蜆肉,多春魚,燒菠蘿,雞皮,棉花糖,雞蛋仔!外面比較少見!而且價錢不貴好推介!最後有Häagen-Dazs雪糕結尾😍呢一餐真係好滿足!

串Grill 之前識過其他分店，今次試吓呢間分店嘅質素點樣。一出lift就已經見到一個非常之顯眼嘅招牌,好eye catching, 唔驚搵唔到個入口。因為行咗全日所以都好頸渴，一坐低就即刻出咗去拎咗嘢飲先。外面嘅嘢咁選擇多好多，有一個大嘅冰櫃入面放滿曬嘢飲。懶人嘅我唔想行嚟行去，一次過就拎咗兩支嘢飲啦！之後就進入戲肉，我哋叫咗好多唔肌肉利是同埋好多蔬菜🥬肉粒可以保留到入面嘅Juicy嘅汁,不過要好好咁控制時間唔可以燒得太乾。另外蔬菜都好好食。燒到一半就可以上燒汁，然後再燒多一陣。強烈推介多春魚、翠玉瓜、雞髀菇同棉花糖，完全係超出我想像中嘅驚喜地好食。最後食完燒物，每人仲可以食一杯Häagen-Dazs 雪糕,我揀咗朱古力味，so Yummy

之前一直都有幫襯開串Grill，都覺得好抵食，不過略嫌廣華街店較細，今次就試吓嚟到譽發廣場嘅分店～果然譽發廣場分店空間大好多、座位都明顯闊絡好多，完全唔焗束！因為時間比較早，店舖唔算多人～店舖採用電子落單系統，可以更方便更快捷可以落單～食物種類有好多，各種肉類、街頭小食、海鮮較有！另外仲有自助飲品區～同兩款醬汁、4款調味粉～過往我通常都比較偏好食牛，但串Grill嘅豬肉比牛肉更出色，更鮮味！極力推薦豬肉眼，爽口多汁！牛方面就推薦肋腩，極度肥美香口～記得要根翻店舖建議嘅時間嚟燒，燒耐咗就無咁嫩口架啦！！！！小食例如棉花糖、雞蛋仔等都好正😛👍

今日去咗想試去嘅串Grill，次次經過廣華街分店都大排長龍，所以今日去佢另一間分店。座位好闊落4人枱可以坐到6個人，乾淨又企理，職員都好關心食客，上串燒嘅時候會順便問你有冇其他需要。適逢就尼萬聖節，鋪頭都推咗2款期間限定嘅食物，眼球同手指🤣睇得又食得自助燒烤就唔多講啦，唔使時刻擔心野食會燶而不停轉位，最適合啲好似我咁嘅懶人😁至於食物款式方面，都係正常嘅BBQ會燒嘅野。但大家有冇燒過和牛呢😏燒烤和牛同平時嘅和牛比係唔同啲嘅。不過我比較鍾意食其他，牛舌唔少少膻少少嚼勁；雞軟骨就擺係嗰爐上面燒耐啲，外面脆脆地裏面少少軟；仲有平時唔多鋪頭會有嘅燒雞皮，搽返啲鋪頭嘅秘製醬汁，燒完👍推介~豬嘅表現都唔差，食落去冇咩膻味，唔使點嚼總結全晚嘅肉都係新鮮嘅，鋪頭唔會預先幫你落好多調味料，等食客可以食到食材本身嘅味道。如果大家要調味嘅話，我建議係撒啲調味粉再燒，咁會入味啲最後就係燒甜品，棉花糖、雞蛋仔、菠蘿，經典永遠冇得超越。我最鍾意燒雞蛋仔，外脆內軟，配埋半融化嘅棉花糖同凍冰冰嘅雪糕，真係無得輸。

HAPPY FRIDAY，見到有間食自助串燒放題，未試過又好似幾特別咁，就約左同事一齊去食。晚市時段$248一位再加一，價值合理。餐廳入面好寬敞，每個自助燒的卡位都有好大的位置，至少坐到6個人，環境舒適一坐低其實店員都已經準備左一盤精選串燒俾我地，再介紹有不同的調味粉，點樣點餐，串燒要燒幾多分鐘等。講解完後，我地好快就有得食，邊食先再慢慢用QR code 點餐，至少有三十多款食物選擇，出面又有飲品任拎，尤其涼茶的款式特別多，好岩熱氣人士串燒一路轉一路燒，所以都燒得好平均，好JUICY比較推介食和牛粒，牛味濃又唔會硬，好食又抵食，一個人都食左幾串。另外，多春魚真係好脆好爆，我好滿意，係滿足想食香口野的朋友不過留意燒完唔好太快一下篤條魚(會爆)，放涼一陣才食會比較安全。雞軟骨都係好食三大之一，好有口感而且調味調得好好，味道一流！最後食完串燒店員仲會每人俾一杯雪糕做飲後甜品，完美的結束。正

一直好鍾意食串燒，但係好憎食到成身油煙味，同埋自己好懶，成日自己都燒燶嘢，浪費曬啲食物同時間簡直係啱晒我呢啲懶人而且使用十分方便，只需要放上串燒，佢自己就會識得旋轉，避免有一面燶曬🤙🏻店內的通風系統十分好，喺每一台上面都會有抽油煙機，所以食完個人都係冇咩味😘店內採用電子落單，食幾多點幾點，唔好浪費🤫👍🏻上串燒嘅速度亦好快，基本上落單後5分鐘內就會到，所以唔需要急於一次過落好多食物，造成浪費枱面上有三種醬汁個人最喜歡柚子甜醬，帶清新口味😍必定要食菠蘿🍍燒完嘅菠蘿係超甜🤤海鮮款唔算太多，個人就最鍾意食墨魚咀，較爽口牛類方便都幾高質，唔算太肥，入口牛嘅油分充滿在口內朋友話一定要推薦: 估唔到串燒店有雞蛋仔，燒熱後，正😄

星期五開始又停晚市，趁仲有得食即刻試下串Grill自助燒烤專門店先！餐廳環境唔錯，適合一大班人圍爐，窗邊可以望到出面油麻地既景色，繁華擠迫既彌敦道同舒舒服服餐廳內形成有趣既對比。入到去職員好細心講解個爐點用法（其實都係放上去），仲會奉上一盤野食，之後就手機落單。🧃🥤飲品就係雪櫃自助，汽水涼茶都有好多選擇，唔怕燒野食熱氣。落單上菜速度超級快👍👍👍👍👍大部份正路燒烤野都有，以下係部分私心推介🥩牛舌👍👍👍👍厚身，所以燒到好香，有啲油脂感🍅車厘茄👍👍👍燒到啱啱好，多汁好味又健康（叫做有食菜）台灣腸👍👍👍👍咬落去啲汁爆晒出嚟，熱辣辣比平時餐廳食好味好多漢堡腸👍👍👍唔係常見既食物，唔好因為外表唔討好就以為唔好食。濃郁既漢堡扒味十分有趣。🥓五花腩👍👍👍👍層層油脂燒完變得非常吸引，同柚子醬成為完美既配搭😋燒賣👍👍👍👍好耐無食過喇！一串串既燒賣加上紅紅既爐光令我聯想起細個街邊車仔檔。燒完變脆既燒賣皮加上魚肉別有一番風味。⭐⭐特別推介⭐⭐雞蛋仔⭐⭐⭐⭐⭐建議last order叫，雞蛋仔燒完暖笠笠脆卜卜，加上last order提供既Haagen Dazs雪糕（我揀蜜瓜味）超級好味！棉花糖⭐⭐⭐⭐⭐⭐⭐⭐

天氣凍凍地唔喺邊爐就喺BBQ🍢禁夜晚堂食前最後一晚😆去了間自助燒烤專門店。晚市平日星期一至四$248再加一(限2小時)餐廳環境空間寬敞闊落舒適，座位係大梳化卡位，每枱都有一個自轉燒烤爐，調味醬料，仲有倆個風扇仔添。頭一輪食物店員已經送上，仲有碟生菜添，可以包肉食中和番油膩感。之後用QR code落單，飲品就自助機，有多款汽水，豆漿同埋烏龍茶，涼茶等。食物有40多款，有多款肉類，魚類，丸類，台灣腸，另外有多款瓜類，菇類，滿足肉類愛好者，又適合食素客人需要。舒舒服服不用自己燒，串燒放落個爐就會自轉，非常簡單又方便。仲有我至愛燒棉花糖都有😍最後埋單仲有每人一杯Häagen-Dazs 雪糕，有幾種口味可選擇😋哩度環境都幾舒服，吃完唔會好大陣燒烤味，店員親切友善，凍凍地同成班朋友來BBQ都唔錯。

難得今日早咗放工就即興約咗朋友係旺角附近食嘢平時係出面食串燒都係要等師傅燒好耐搵到呢間串燒店幾過癮！可以自助咁燒價錢方面 晚市係248一位再加一，抵食！一坐低其實侍應已經準備咗一碟精選嘅串燒俾我哋燒住先，然後我哋再自己慢慢按鍾意食嘅嘢食去落單～落單非常方便快捷， scan QR code就可以上網自己落單！ 同埋要贏佢哋出單嘅速度真係好快，呢頭落完單嗰頭已經可以出到食物俾我哋！唔驚餓親🤣 自動旋轉咁樣燒真係好方便！！而且可以燒得好均勻🤓 串燒嘅種類真係十分之多，我哋都試唔晒每一款，但我哋叫咗嘅全部都好食😋 其中我哋最推介嘅嘢食係和牛粒，肉汁飽滿而且又唔會柴！個人好推介台灣腸，瞇埋眼就好似返返去台灣旅行🥺！嘢食高質好味之外，呢度嘅每一位待應都非常友善，有時見到我哋有一條串燒click住咗，都會過嚟幫我哋整返好！超細心！總括而言，呢間餐廳已被我哋bookmark，一定會再同其他朋友嚟聚會食！！

旺角自助任食串燒🍢 燒雞翼我鍾意食🐣~唔洗手郁耐睇住一串串嘅串燒慢慢係度轉由生變到金黃色成件事好治癒🥰成間舖頭乾淨 果日仲見到店員係度抹乾淨啲餐具🍴最緊要達地唔係溜冰場😆👍🏼餐廳抽風🌪做得好好食完唔會成身味😚店員都好細心提左我哋落單嘅過程🙆🏻仲好貼心寫埋每串燒幾耐 咁就唔怕唔熟啦😌🌟收費方面平日星期一至四成人每位 $208 串燒款式都有好多 簡直豬牛羊雞都有而牛都有三款🐮澳洲M6 和牛牛柳 牛肉粒好淋仲要食左幾串都無根😚 牛舌👅爽口彈牙😁雞翼開咗邊 好容易燒得熟😚仲好好味墨汁墨魚丸推介🦑任食仲有唔同嘅飲品 唔驚口渴啦🥰但係點都要加錢飲番啤酒先爽🍻🌟Kronenbourg 1664 blanc ($58)主要既調味有 泰式魚露 燒烤醬 孜然粉 七味粉 味椒鹽 鹽🧂配上肉質嘅鮮味簡直絕配🥰甜品必試佢哋既棉花糖🍬 同雞蛋仔🧇 燒到外脆內院嘅棉花糖 簡直係一種享受😘仲有雞蛋仔 燒完蛋味香濃仲唔會覺得乾食完咁油膩既串燒 最後仲有杯Häagen-Dazs😋簡直就係爽呀🍦實在太多嘢食啦都冇試曬 留番啲機會下次再食多次味道 8/10環境 8/10推介程度8/10📍 串Grill 自助燒烤專門店 (譽發

其實都想試呢間野好耐 覺得佢個燒烤方法幾有趣 咁就想係年尾最後一餐去試吓 去到環境都覺得闊落 冷氣都大 但係嘢食質素都有啲差 三百幾蚊得燒賣 魚丸 雞翼嗰啲 建議海鮮同肉類嘅種類可以多少少 咁食到最後開始派雪糕 我好心提個侍應哥哥我哋嗰枱叫左咩雪糕 佢竟然叫我唔好提佢😅跟住我叫佢幫我攞個乾淨嘅碟 佢喺度同我講今日唔夠人等等先 真係未試過食飯食到咁燥底 其實三百幾蚊真係有好多更加好嘅選擇 同埋更加好嘅服務態度 真係冇下次 建議大家唔好浪費錢浪費時間去試

天氣凍凍地好想去BBQ，但因為仲限聚令緊，封鬼晒D街爐...😢😢然後搵搵下就見到依個懶人燒好似唔錯就同家人去試下～黎到見到佢張濕紙巾包裝笑左😂 應該吸引多好人打卡😂值得欣賞既係，見佢每枱都有2把風扇仔，夏天就唔洗怕熱屎辣辣都可以燒野食啦～重點緊係講食啦～最開心係佢有好多調味料同醬任你落，岩晒我D重口人🤩串串既款式話多唔多話少唔少，主要都係偏重肉類，羊牛豬雞海鮮丸都有。不過怕太多肉既話，都有幾種健康菜類，仲有得點生菜，包住食會爽D佢每樣細細串其實都幾好，樣樣都可以試下，唔岩食都唔會浪費嘛🤣 見佢竟然有雞蛋仔依D咁少有既揀，緊係要試下～ 雖然唔係港式傳統果種，但出奇地好味！燒完外脆內軟好香，配埋臨走每人有一杯既雪糕一齊食就更正啦🤩羊、牛柳、牛舌、豬頸肉、漢堡腸(偏咸)、台腸、多春魚、雞蛋仔都推介～唔推介墨魚咀、蜆肉，太細粒又冇汁，燒完更縮水，硬到食唔到...

補假日出去食串燒最近好想食串燒，朋友搵左呢間位於旺角的任飲任食串燒店我地食午餐$198加1 。訂左枱13:00，12:50就可以入座都唔錯。因為是補假日午餐時間人唔多。座位係6人卡位，2人都係座6人位，好寬闊，都算舒服。午餐時段食物選擇唔算多，質素其實亦一般，而且好多款式好快就售罄。其中覺得唔錯可以不停叫的是牛吞，多春魚燒起來都好食，但好快就售罄。還有西冷牛，都算可以、但都是很快就售罄。其實就5枱人，但好多食物種類叫了兩串就售罄了。除此之外其他還好。價錢貴，款式不多又快售罄，不會再來。