串Grill 自助燒烤專門店 (譽發廣場) (已結業)

想試好耐既懶人串燒店❤️餐廳環境好闊落，全部都係大梳化卡位，冷氣都好夠，一路涼住冷氣食串燒好爽🤪一坐低侍應就好親切咁同我地介紹餐廳提供嘅唔同醬料同調味粉，有最基本嘅🧂椒鹽、辣粉、孜然粉，仲有比較特別嘅柚子醬、自家燒汁同埋魚露，可以一路燒嘅時候按自己口味加返❤️‍🔥另外仲即刻送上一個餐廳嘅Welcome Set，有齊蔬菜、肉類同海鮮，同埋示範比我地睇個爐嘅操作，基本上就係將個串燒卡係齒輪上面啱嘅位置佢就會識得自轉加熱！跟住就可以用QR code落單 佛系咁等食！😚-串燒種類都算豐富，有齊雞牛豬海鮮蔬菜丸類同甜品🍮，例如：牛舌、牛肉粒、牛腩、雞翼、雞腎、豬大腸、多春魚、蜆肉、棉花糖、雞蛋仔、翠玉瓜等等…大部分食物質素都不過不失，下面幾樣係食過比較驚喜同特別嘅！🍴豆卜平時打邊爐食豆卜就話貪佢可以索湯姐～但係估唔到串燒嘅豆卜竟然會變到好似薯片咁脆卜卜🤩但係有好有層次同豆味！真心有驚喜！推介✨🍴雞蛋仔雞蛋仔係一粒粒咁串住燒😋好可愛！燒完之後外脆內軟，我地連埋棉花糖咁食～變左做特別嘅甜品🥰🍴雞皮日式居酒屋🏮先會出現嘅雞皮竟然呢度都有！一路燒嘅時候啲雞油一路滴曬出黎！啲燒汁同調味粉令到佢食落冇咁肥膩🥹就

嘩！星期五晚都幾多人！條隊應該排咗過百個人等咗10幾分鐘都無旭過於是我索性行咗7層樓梯上去好彩上到去都無令人失望個自動串燒機真係啱曬懶人一次過燒10幾串不過一定要卡到個齒輪好準確同唔可以放咁多串大size嘅肉否則好易卡住性價比合格嘅6個人仲可以食150分鐘添完全夠飽同夠時間燒比較特別嘅有雞蛋仔串，似雞蛋糕味其餘雞肉卷都好味勁多汁，味道似魚皮餃好有咬口最令人難忘係年糕魚旦咸甜交集集彈牙同煙韌一身值得一試不過生菜就限量而且有俾少嘅情況其實啲串燒咁熱氣都好需要生菜下下火

一直都好鍾意食串燒，但係有時串燒都幾貴，食得唔係好暢快！呢度可以任食串燒，而且環境闊落又乾淨，好適合暴飲最食！去任食嘅燒烤店，最怕就係油煙，呢度嘅抽風系統都夠力，食到最後坐滿晒人，都唔覺得個場煙霧瀰漫。枱上面已經放咗一堆調味料，令每串串燒都可以有唔同嘅風味一坐低，店員就拎咗個雜錦拼盤俾我哋，真係好細心，因為知我哋落單都要啲時間，咁樣嘅安排就可以最快有得食嘢！呢度丸類同埋加工肉類嘅選擇都好多，我最愛就係廚師腸。蔬菜類嘅選擇都唔少，我覺得日本小甜薯同埋雞脾菇都係必食之選！呢度嘅肉類選擇都好多，雞、牛、豬都各有幾款選擇。如果鍾意食油香較多嘅牛肉，可以選擇美國牛肋腩。雞軟骨同埋雞卷肉都好適合攞黎燒，雞完脆脆地，好香口！呢度仲有得燒雞蛋仔，我覺得放喺最邊邊用低火燒係最好食，真係做到外脆內軟！呢度嘅海鮮類都係唔差，鯖魚同埋多春魚都好新鮮，食落充滿魚味呢度最正就係，每人都有一杯haagen dazs雪糕做甜品，果然係對品質有要求！

鍾意食串燒，但平時係街一串都二十蚊以上所以，朋友睇到呢個串燒放題，可以食120分鐘一於一戰我地就係平日晚市食 入到去 d 位好闊落 仲有卡位坐 環境都好乾淨 入去都唔會話好大浸油煙味，呢個值得讚！呢一盤係坐低就上嘅侍應都好耐心， 示範點燒 其實就係將個齒輪位放返啱，串串燒就會自己轉呀轉，真係十分適合懶人呀！幾欣賞佢有好多調味料或醬汁選擇！而我最愛嘅就係孜然粉，風味真係同街頭食串燒一模一樣㗎 ！另外柚子醬亦都係好清新嘅！ QR code落單後，嘢食都好快上到，食物種類有好多，特別係肉類嘅選擇！而我最鍾意都係食豬五花！超級多油脂！燒起上嚟勁好味 仲有雞軟骨，一個人都食到三串另一個比較特別就係雞蛋仔外皮燒到脆卜卜，甜甜地，好香蛋味 食完肉再食返balance下！嘢飲都係任飲嘅，主要係汽水，茶，仲有樽裝飲品我緊係飲教主代言嘅ooha 原來每人仲跟一杯雪糕性價比真係幾好喎呢度係我同朋友兩個人食嘅！哈哈 大滿足！

之前以為燒烤最多都係有人幫你燒, 或者係有人帶食物畀你你都要自己轉, 但係估唔到呢間發展到連轉都唔使轉. 餐廳位於油麻地同旺角中間, 不過油麻地站近啲, 另外呢度會有兩間分店, 所以要睇清楚地址先 入到嚟餐廳地方都幾大, 基本上全部座位都係卡位, 所以可以同一大班朋友一齊傾計燒嘢食  餐廳嘅食物款式都幾多種, 數數埋埋應該有40款 - 50款. 最新其係啲串燒可以自己轉, 我只需要放啲串燒入去, 連火都唔使睇, 夠鐘就食得, 醬汁都有三四款, 店員會慢慢介紹. 食物有齊豬牛羊雞 ,海鮮&蔬果類 &甜食 特別鍾意食棉花糖同埋雞蛋仔, 食落材料都算新鮮. 食到最後每人會有一杯雪糕, 總括嚟講算係一間既抵食嘅串燒, 因為基本上可以係咁燒唔會停. 

今天係第二次食🥰兩次食服務態度都好好😆今日臨時想食串燒，平身打算過9龍城，但由于係港島區好遠，就醒起油麻地都有間串燒，所以打電話去book。（地點方便）一上到去坐低，就有員工過黎問我地有冇黎過，需唔需要講解下食法？（非常貼心）野食種類 （豬肉，雞肉，牛，羊🐑，丸類腸，多春魚，青魚，菠蘿）等等 ，我覺得種類算多，但無好特別。個人較推介 （雞肉卷，雞軟骨，棉花糖，多春魚）。肉類都係冇醃製的，枱面有調味粉，及少量醬料提供。如果鍾意食濃味就唔太適合。野飲就係出邊雪櫃，有凍檸茶，汽水，烏龍茶，無糖飲料。今次會再嚟食既主因 ，係因為員工服務態度好好，兩次去食，想去厠所，員工都會主動幫手拎厠所鎖匙，走仲會打招呼。雖然野食同環境仲有改善空間，但我覺得任食黎講$2xx,佢價錢都算好合理所以下次想食串燒都會再幫襯

舒服自動轉轉串燒一入黎會即時有一盤串燒俾你燒住先，店員亦十分細心講解點樣燒點樣放串燒上串燒爐。又會介紹枱面上既調味料，及何時加入調味料會更好味，燒到7至8成熟擦上面更佳，仲會講店舖既飲品位係邊及如何落單，十分貼心！調味料有牛肉汁、蒜蓉辣椒汁、柚子蜜、孜然粉、辣粉、胡椒粉及鹽。🌸牛類有牛舌、美國牛肋腩、m6和牛牛柳、紐西蘭西冷。大大粒牛舌，食落十分滿足，同埋超重牛味。🌸豬類有美國豬肉眼、豬五花、豬肩胛、豬大腸。豬五花油脂分明，十分邪惡！燒耐一點還可以做到入口不膩。🌸雞類有雞翼、雞腎、雞軟骨。雞翼皮燒到卜卜脆，外脆內嫩，而且仲要係單骨雞翼，非常細心。🌸海鮮類有多春魚、蜆肉、鯖魚。多春魚原條上，燒到脹卜卜，鮮甜好味！可以再叫呀！🌸腸類有芝士腸、廚師腸、台灣腸。台灣腸係黑椒口味，脆卜卜好味呀！🌸菜類傻婆們一致認為燒🍍🍍菠蘿係最好味，叫完一輪再一輪，叫到連店員都笑呀！🍍🍍菠蘿係新鮮菠蘿，食到一絲絲既感覺，而且非常鮮甜爆汁，燒到焦香，簡直冇得頂！🌸甜品有棉花糖同雞蛋仔，雞蛋仔也不錯，燒到脆卜卜，又有另一種風味，燒雞蛋仔切記心急，要慢慢燒同埋要放最邊既位置！🌸飲品雖然依度得一個大既飲品櫃，但勝在都多

近排好想燒嘢食，但又鬼死咁熱，於是搵下有咩室內燒烤好食，就嚟試下呢間串Grill。晚市$248/人，有加一，任食串燒2小時。一坐低就有個「頭盤」俾我地即刻可以燒，唔駛又要再等，入面有羊肉串、牛肉串、秋葵、雞髀菇、芝士腸等等。放題串燒可以住嗌唔嬲，落單好方便，掃QR Code就可以落單。雞、牛、豬、羊、海鮮、丸、腸好多個唔同類別，雖然款唔多，但質素好高。牛嘅話大推佢嘅牛肋腩，多汁又重牛味。豬的話，一定一定一定一定要食豬五花，燒完簡直就係燒腩仔，又香又脆，食到停唔到。可以再嗌個生菜就包住D五花腩嚟食，無咁漏但又享受到個肉香，大推！雞的話，就要食雞軟骨串，佢個烤爐可以烤到好香脆又唔燶，無得頂。飲品就任飲，都係汽水、涼茶，燒烤熱氣就配佢嘅菊花茶下下火，正。食到差唔多，就叫埋佢嘅棉花糖嚟燒，唔驚燒到著火XD，超滿足。仲有佢嘅燒菠蘿都好正，一定要嗌幾串食，絕對值得。佢最後都會每人送一杯哈根大師雪糕，完美嘅落幕。順帶一提，佢嘅調味粉/料都好足的，非常惹味！一定會再嚟！

懶人燒烤真係好啱我依啲懶人，放左落去燒等佢自己轉動，熟就可以拎起食得，之前已經去過廣華街分店，但譽發廣場個空間感大啲，坐得更加舒服☺️☺️一坐低，店員會預先送上一盤拼盤，介紹枱上嘅醬汁，醬汁有柚子汁，泰式魚露，仲有4款調味料，孜然粉、海鹽、辣粉、味椒鹽🤪🤪依度係用QR code 落單，好方便，店員亦都好貼心，見我地枱面冇串燒，就叫我地再落多次order，驚廚房收唔到單而漏左單。串燒方面有多款選擇，豬牛羊雞，海鮮、丸類、蔬菜類同甜品都十分齊全。有幾款串燒我地都係咁enocre🤩🤩🤩🥩和牛牛柳 牛肋腩 -依2款牛肉分別都有牛味 又有少少油脂 加埋孜然粉 一流🍗雞肉卷-雞皮包住滑溜溜嘅雞肉 本身好少食雞皮 但食落又唔係太覺😛魚肉年糕-燒完之後年糕溶溶地，煙煙韌韌🤪台灣腸-本身已經好鍾意食台灣腸，燒完少少焦焦地，更加香口。🍬棉花糖-棉花糖真係必叫，但一定要睇住佢燒，唔係就好快溶哂，掉左就冇得食最後每人都有一杯Haagen-Dazs，我地揀左哈密瓜同曲奇味，十分滿足🤪🤪🤪

今晚同朋友想食一啲特別啲嘅嘢, 想有個舒服嘅位傾下計，朋友話想食串燒，呢間串燒係放題形式，唔怕係出面單叫串燒食唔飽喇～門口都有個放題價錢表全部都係靠窗卡位！ 有景睇 環境幾寬敞，可以坐得舒舒服服，唔錯！用手機App下單，方便大家咩類型都有黎到既串燒會放係一層層既木架上，好整齊方便，台面都好夠大！都有好多醬可以選擇，有椒鹽、孜然粉、柚子醬、曰式醬油：推介柚子醬！酸甜幾開胃肉既話我鐘意加孜然粉開始第一輪燒：秋葵、雞髀菇、甜薯、翠玉瓜：可以係咁食！多春魚、燒完加汁！好香羊肉卷、好味！有肉汁燒牛系列：好惹味！ 必試MM和牛牛柳、紐西蘭牛西冷、牛舌、美國牛筋腩：重牛味，對我黎講，牛係最難燒，第一次燒唔記得睇時間，燒得乾左，但第二次吸收咗第一次嘅經驗已經好好多！雞肉系列：燒雞翼：好貼身已經將雞翼分成一半，可以好快燒熟雞軟骨：燒完之後有少少烤脆口感！雞皮：好邪惡但係燒完好正，尤其是燒到燶燶哋，外脆內軟雞卷肉：似係雞皮包住雞肉，雞皮出既油份滲入返去雞肉入面，所以特別嫩滑燒燒賣第一次食，覺得原來燒過嘅燒賣個口感好唔同，好似炸香左咁魚肉年糕：年糕燒到溶溶地咁好正，拉絲的煙韌最後燒埋棉花糖！係大粒版本甜品H

BBQ癮起, 但天氣酷熱, 加上近排又經常落雨, 一直搞不起BBQ聚會。朋友建議移至室內食串燒放題, 自己放上爐自動轉轉下咁燒, 岩哂我地呢D懶人。每張檯都有一個鐵層架用黎放串燒盤, 疊高慳位又易拎。檯頭內兩側為發熱線, 非常夠熱令食物快熟唔洗等天光。120分鐘任食, QR code落單, 有齊豬、牛、羊、雞、少量海鮮(蜆肉、鯖魚、多春魚)、丸類、蔬菜等等….一串串串好放上盤再上檯, 只要將串燒籤對正齒輪, 爐頭就會自動將串燒360度轉動咁燒。飲品方面自行到雪櫃拎, 除了罐裝汽水, 仲有樽裝豆漿。頭一盤由餐廳安排送上, 之後再自行點自己想食嘅串燒, 所有串燒沒有被調味/醃製, 而檯面上放了幾款調味醬料,因應個人喜好加以調味。牛分別有和牛牛柳、牛西冷、牛肋腩、牛舌, 一粒粒串好, 肉質豐滿啖啖肉。芝士腸中心有爆芝, 而燒賣烘後皮脆, 內裡有點點煙韌。雞皮烘嘅過程出迫出雞油脂肪, 烘至金黃, 焦香脆口。雞軟骨超爽脆, 自行加鹽同埋7味粉, 唔錯! Encore好幾round。雞翼分成單骨再串起, 方便食用。最最最正係棉花糖, 烘至金黃, 表面有微微薄脆, 內裡呈半流心, 入口慢慢化開, 超

近排喜歡食串燒上星期係佐敦食過 味道行好但店舖好細 只可容納十個人內有點可惜今星期生日 所以叫太太訂下放題型式的串燒香港島沒有 最近要去旺角睇網上嘅評價 都係一般般但近排食啲串燒又貴又唔飽 （除佐敦那店）上到去預期的格局冇乜特別放題燒烤地方一樣咁order嘢食 未order請送一個頭盤都係餐牌上嘅嘢食 整體來講我覺得食物OK服務態度好好 但有兩個缺點1 食物選擇少2 冇非糖份嘅飲品選擇特別推介牛肋條過和雞皮 好正但整體合格有餘 比2佰多有咁嘅質素回咗本啦

琴日同男友去左串Grill自助燒烤專門店，講左好耐終於都食到🙈因為係星期日關係，所以每位$278@1，120分鐘慢慢燒😆環境方面啲坐位都好闊落，全部都係大卡位，坐得好舒服，好乾淨👍🏻👍🏻一開始店員會先講解啲野食點燒同送頭盤，之後我地就用QR code落單，大概有40幾款食物，有牛肋條、西冷，牛舌、雞翼、鯖魚、多春魚，仲有各式丸類等等，選擇都十分豐富，上菜速度都好快！！只要將一串串野食放係爐上面就會自己慢慢自轉😌岩哂我呢啲懶人，唔洗拎住支叉自己慢慢燒🤣🤣個人認為：西冷，雞臀，翠玉瓜，冬菇好好味特別推介係雞皮，我同男友都唔知食左幾多串🤫🤫🤫😅。另外枱面都有好多調味粉同醬汁，比客人自己選擇調味。飲品方面都有好多選擇，有烏龍茶，可樂，零卡路里飲品，豆乳等等⋯最後仲有Hagen dazs 雪糕，無記錯係有朱古力，曲奇，哈密瓜同士多啤梨味，都幾多口味簡❤️

天氣太熱又想食BBQ點算好？可以考慮黎串Grill嘆住冷氣黎個自助燒烤只要用手機點自己想食既串燒，就會有職員送去你台，而且個爐係有得自己轉，慳水慳力，可以盡情同friend吹水。除左有調味粉之外，仲有三種唔同既醬汁比你自由發揮！而餐廳提供既濕紙巾又幾盞鬼！除左一般會食到既串燒之外，仲提供埋海鮮，不另收費，其實都幾抵食！個人推薦一定要食既係佢嘅甜番薯同豬腩卷！最後甜品仲有Haagen Daze雪糕添啊！

下午五點半去，好差：1. 服務態度係完全唔會主動做，你話乜距就做咩，零交流，零反應；2. 燒烤爐唔夠熱，燒得慢，兩個人去還ok，四人一台你就肯定食唔飽（自助餐都食唔飽？）。個爐唔夠熱，自然燒唔香喇。除左燒烤就無其他嘢可以直接食；3. D肉真心講非常一般，都係豬牛雞，蝦都沒只。D肉全部冰箱拿出來，醃都沒醃過，等你自己撒燒烤料；4. 無咩其他調料，油啊，蜜糖全部都無。環境尚算舒適，不算太熱。好差，不會再去，零分！