串Grill 自助燒烤專門店 (譽發廣場) (已結業)

📍串Grill 自助燒烤專門店 (譽發廣場) (旺角)👩🏻試試旺角嘅120分鐘懶人串燒，星期六lunch time $198/位，包埋飲品任飲，性價比幾高。個爐唔算大，不過火力算大，肉類5-8分鐘都燒得好，120分鐘夠食有淨。⭕️雞皮：慢慢燒逼晒啲油出嚟，口感脆卜卜，乾身唔油膩。⭕️原味雞蛋仔：外脆內軟，蛋香又重。⭕️菠蘿：又甜又冇渣。⭕️M6和牛牛柳：本身冇調味，建議加啲辣粉/椒鹽/孜然先燒。同埋唔可以燒太耐，啲肉汁會冇晒。⭕️鯖魚：魚皮多魚油，容易燒到脆脆地嘅效果。⭕️雞卷：肥少少不過雞髀肉好嫩。❌蝦卷：基本上得麵粉，燒一陣就乾晒。❌墨魚丸：來貨質素普通，有少少雪味。📍串Grill 自助燒烤專門店 (譽發廣場) (旺角)旺角彌敦道558-560號譽發廣場7樓

有自助飲品櫃唔錯啲野飲仲係特別款有燕麥豆乳同檸茶但飲豆乳比較飽肚見到有生酮醬汁但要加$20先有冇試到keto diet既人可試肉類款式都ok多豬牛雞基本肉都有仲有羊座位闊落

👉🏻任食串燒放題 $238/位平時食串燒一串既價錢都唔平，竟然比我發現到有任食既串燒，仲要有得轉住咁自助燒，簡直就係懶人嘅至愛，岩曬同朋友仔邊食邊傾計油麻地站一出行2分鐘就到，好方便，店內非常寛敞，3個人坐一邊都綽綽有。入座後店員率先為我地送上一碟食物，仲有多款調味料，任君選擇介紹我地要點樣燒先適合，同埋提提左我地唔好對住個爐落粉，因為會搶火👍🏻👍🏻👍🏻食物都相當多種類：雞牛羊豬包羅萬有特別推薦以下菜式：多春魚，牛舌，雞腎，魚肉年糕，台灣腸，燒波蘿最後再食埋原味雞蛋仔同棉花糖，幸福感滿滿

服務態度差到一個點，一入去冷氣大想佢地幫手效細d, 無理我地，坐左一個鐘再叫多次效細d, 仲要再教大d 好似想趕我地走，個陣只係9:30pm 勁嬲，叫埋單，話卡機壞左，俾現金話吾收$1000紙幣，好啦，最後俾左錢，找贖11個$1銀，呢間野一定blacklist 佢，呢野食又垃圾，服務又差到極點。可以吾洗去我都未寫過食評，呢間野真心差到一個點，所以真心要俾大家知道，所以我先係度寫，本身去到成間舖7點30食飯時間得3枱都心知不妙，無諗過原來係有原因。中伏😡

香港最近好多串燒店 呢一間樓上放題形式串燒店 有特別嘅儀器 做到自己轉動 無需人手轉檔 只要放啱位置去就幫你bbq而且唔會用明火 唔會搞到好多油煙 真係我呢啲懶人嘅至愛食物方面都有好多選擇 大致分明容易明白係 丸類 牛肉 豬肉 雞肉 蔬菜類 甜品 飲品我最鍾意食嘅係 豬腩肉啦 *笑* 棉花糖又好玩又好食 好似去咗 camping 咁樣仲有大量嘅牛肉真係好回本呢度設大量卡位 坐得好舒服而且自己落手玩 真係幾開心最尾仲會送一杯 雪糕做甜品真係好飽足呢服務親切 order完好快就會上枱一次過可以試最唔同嘅嘢食 仲有柚子醬同燒汁非常開胃

之前睇YouTube介紹呢間餐廳，已經好想試，而且又未試過串燒放題，決定星期六中午去食，個段時段價錢係最抵🆗，大人$198加一可以食兩個鐘⌛️每個卡位都有一部串燒轉轉機，用手機qr code叫想食嘅串燒，之後放上部機⚙️到，會自動360度轉動，呢個時間只需要睇熟未，所以有空餘時間同朋友傾計💬 串燒主要分幾個類別：豬🐖牛🥩雞🐤羊🐑海鮮🐟腸、丸、菜、甜味食物（例如棉花糖☁️）其實基本上有時間試曬全部串燒，再選擇自己鍾意❤️個啲，我最鍾意呢幾款，亦都推薦👉🏻豬五花、雞翼、多春魚、魚肉年糕、菠蘿、日本甜番薯可以自行點想要嘅醬👉🏻柚子蜜汁、燒汁、泰式醬，仲有可沾辣粉、椒鹽粉、孜然粉，正👍🏻飲品可以係出面大櫃揀最後食到好滿足，應該最少有60串🤭

環境方面有大玻璃望到出面 坐位好寬闊 ☺️坐得舒服👍🏻 枱面都好夠位放食物 一D都唔逼 有廁巾 濕紙巾提供 餐廳十分貼心 ❤️個爐望落細細個 但火力熱力都夠 兩個人食岩岩好！燒熟食物嘅時間都快 唔會話等好耐先有得食👍🏻個串燒爐keep住自轉 唔怕燒得太燶 我地個策略係keep住fill d生食物落去 唔好比佢停😂點餐用app落單 頭一轉未落單 就送左一set串燒黎先 有送台灣腸 蔬菜 同幾款肉 過咗呢一轉之後送餐速度都快 臨尾last order會再提醒👍🏻肉類選擇很多 可以加小小調味料🫶🏻多春魚燒完唔會黐住同好乾好好食 蔬菜 有秋葵 翠玉瓜 醬料方面有 燒烤汁柚子汁搽上蔬菜同肉串再加小小辣粉或者孜然粉好夾👍🏻肉類 濃淡自由調味十分好 🫶🏻甜品日本甜蕃薯菠蘿味道不錯 有送一人一個haagen dazs雪糕🍧雞蛋仔粒燒熱左好好食 🥰配埋燒棉花糖食 💯💯 極推介 臨尾嗌左好多轉飲品櫃自由攞 選舉多枝裝罐裝汽水 豆漿潤喉都有 最後食到成個鐵筒都係串 大滿足！❤️❤️❤️

今次又搞搞新意思去食串燒 好特別 係用單車鏈既原理令到啲串燒自己會轉 從而燒熟左 哈哈 好特別有特別有得玩 有得食 一坐底店員好細心解釋點樣放啲野食 個架點用 點樣有效率啲咁燒😆😆呢到兩個鐘任食 雪櫃罐裝飲品任飲都好多款式揀試左好多樣 有和牛牛柳 牛西冷 牛舌 雞腎 雞軟骨 雞翼 雞卷肉 芝士腸 廚師腸 台灣腸 蜆肉 多春魚 鯖魚 墨丸 魚蛋等等 最推介既係 雞軟骨 台灣腸 菠蘿 棉花糖 雞肉卷 年糕魚蛋 甜薯當中棉花糖encore左幾次 😋好有出去bbq既感覺佢有唔同既調味粉同埋醬汁比你自行配搭比較特別既有 蜆肉 鯖魚 秋葵 雞蛋仔等等 食完哂之後每個人都仲有個Haagen-Dazs雪糕送 😋😋最後兩個人食左咁多串飽住咁走🙈

成日食燒肉都食到悶悶地，今次玩玩新意思約左朋友仔食懶人串燒，呢度野食款式多，午市食每位先$198，岩哂同朋友仔開心吹水🥰❀ M6和牛牛柳❀牛柳肉質柔軟，牛肉味濃，切到細細粒咁好方便燒，一口size一啖一粒。❀牛舌❀牛舌係角切既，搽少少燒汁燒就好夠味，食落好有嚼勁，岩哂牛舌控🥰❀豬五花❀呢款係邪惡之選，燒一陣d油脂就出哂黎，好彩佢係肥瘦相間咁，食落都唔會好油膩。❀雞皮❀雞皮燒到脆卜卜，加少少孜然粉就好香口。❀雞卷肉❀雞肉卷到實一實冇散，燒完後外層變到金黃色，裡面柔軟而多汁，唔錯！❀台灣腸❀燒野食點少得腸仔，台灣腸有少少黑椒粒碎碎，辣辣地咁，豬肉味十足。❀原味雞蛋仔❀是日MVP，估唔到燒完後會似蛋糕咁，外層微微焦香，裡面鬆軟好有蛋香味，早知留肚食多幾舊🥹同朋友仔大戰，計埋食左成60串，超級飽，食完要好好減肥先得😣

呢間串Grill可一試 ，book咗週末嚟到餐廳位置近油麻地A2出口步行1-2分鐘就到譽發廣場上樓，食玩懶人串串燒，環境坐位空間感舒適自轉串燒放題有1️⃣2️⃣0️⃣分鐘任飲任食醬料靈魂椒鹽粉，辣椒粉，孜然粉，柚子蜜，魚露，燒汁等…任意發揮味灑上串燒上面惹味絕！！個人鍾情柚子蜜甜甜地帶清新，油而不膩感及串燒必少得嘅＂孜然粉＂風味十足📱order～木盆盛載著層層串燒，乾淨又得睇，打卡不錯種類多達3️⃣0️⃣多款如：丸、豬、牛、羊、海鮮、甜品👇🏻 推介🔸豬肩胛🔸豬大腸🔸M6和牛牛柳🔸牛舌🔸紐西蘭西冷🔸雞皮🔸日本甜薯🔸魚肉年糕🔸棉花糖🔸雞旦仔🔸菠蘿🧃任飲罐裝，紙包飲品及豆漿✨小貼士：燒肉嘅時間比較內，所以燒住啲丸類及蔬菜類食住先🤭咁就唔使餓住等啦大放縱最後戰績

以前燒烤一定係三五成群去到郊外地方，又要預備食物，分工合作，才準備出發。但而家就好方便，只要想燒烤，我同老公上黎就食到。這店地方唔大，但想食嘅基本嘢都有例如有澳州和牛、紐西蘭牛、 黑毛豬、雞、海鮮、蔬菜。都有40款以上雪櫃飲品任飲每張枱都放著調味料，方便使用。燒烤醬、泰式醬、柚子醬。七味粉、孜然粉、鹽、椒鹽。如果有新酮飲食嘅朋友，佢都有新酮醬汁，附加$20我哋兩個叫左成30幾支燒烤串有牛肉、豬肉、雞肉、綿花糖、紅薯、菇類、蜆肉。串燒嘅肉類，肉質新鮮，冇冷藏味。

今日黎到旺角呢間自助燒烤店食串燒～呢間餐廳距離油麻地站只需3分鐘路程，而且環境好好，有窗口位，採光非常好！燒嘅方法非常得意！爐上面有齒輪⚙️，放串燒上齒輪上面，佢就識自己轉架喇，啱晒懶又想自己燒串燒嘅人🤣食物方面，種類都高達幾十種！豬、牛、雞、腸、海鮮、丸、甜食、蔬菜都有，而且係放題，想食幾多就幾多！枱邊有醬汁及調味粉。醬汁有三款，分別有燒烤汁、柚子醬同酸汁，我最鍾意柚子醬，非常解膩！調味粉就有鹽、胡椒、孜然粉及辣粉，可以根據自己喜好加，好自由架！

放假一班朋友最啱去食放題🤪位於旺角嘅呢間燒烤店，有自轉串燒爐，啱晒我呢啲懶人掃qr code落單後，幾分鐘就有野食，有效率🔥串燒用不鏽鋼串住，放上爐上面會自動轉，hands free😎 可以一邊同朋友傾偈一邊等嘢食燒好，唔會手忙腳亂！推介食物有澳洲和牛，雞翼，雞軟骨，牛舌，蜆肉。食串燒就係要食牛，有得任食好幸福！呢款自轉串燒好處係唔會一邊燒燶另一邊又唔熟 唔怕食到cancer🤣最後一定要點棉花糖啦，個爐會不斷自轉，手殘都輕鬆燒到金黃色🤟🏻入口即溶😛

朋友最鐘意食BBQ，今晚約左佢去譽發廣場串grill自助燒烤專門店 。結果朋友話有驚喜，以後落雨都可以舒舒服服BBQ啦。而且冷氣夠通風好，燒烤爐係自動轉的，仲唔會燒燶野，樣樣燒到金黃。食物種類亦多選擇，由牛舌，豬腩肉到雞皮都有，而且質素好正。用電話自己點，又無漏單。而我最鍾意佢夠多調味料，孜然粉同椒鹽粉夠晒惹味。另外service好，收野夠快。飲品款式多，仲要任飲，唔似得燒烤場得2樽，點夠喉。最尾仲有4隻味haagen dazs雪糕俾你簡，呢個價錢性價比十足。

姪女就黎生日，諗住㨂啲佢未試過嘅款式去慶祝下，所以就拖住一老一嫩去試下呢間串店（貪啲串自動轉，小朋友會覺得有趣鍾意）假期前夕，每位$238+10%（限時120分鐘）QRcode 自助落單， 串款式唔算好多，其中有啲係灰左，無得落單款式唔多都無所謂，因為味道比較重要好可惜，味道都唔太得… 連小朋友都話唔好食牛肉豬肉好多都係咬唔開，豬肉仲有豬臭味…有好多款落左單嘅串，全晚都無出現過同埋明明廚房有雞翼，但就灰左無得落單點解會知有雞翼… 第一轉落單時已經灰左無得點，但放低其他串時中間攝左2串落去（一人一串都無） ，想追加係無嘅，仍然灰左無得落單其實感覺真係好小家，一係叫左唔黎，一係就有貨唔俾叫🙄當中都有啲正常穩陣野嘅，腸仔/燒賣呢啲係有encore 全晚最好食同點得最多嘅就係棉花糖，食左幾轉 ，好彩有佢，小朋友先開心啲（今餐真係令小朋友失望😔）另外，當日餐廳唔多客，得幾枱，一半入座率都無但竟然過黎吹我地還枱… （以我記得就真係唔夠120分鐘，最多可能係一踏入餐廳計剛好120分鐘😂） ，職員話出面有人等緊，雖然都禮貌地講，但作為食客感覺唔太舒服… 明明眼見周圍啲枱都無人坐🙃咁我都明嘅… 唔想清潔