串玖里

營業中

休息中

星期日同朋友行經元朗鳳琴街呢邊，見到呢頭有間新開既炸串小食店，店名夠曬特別貼地，叫做「串玖里」，仲做緊試業優惠添。店面細細地，主要做外賣。小食炸串款式選擇多，大多選用無激素優質肉類，而且仲有好多自家製嘅醬汁，好吸引。外賣包裝靚，方便領取。燒牛肉飯配自家製辣醬，牛肉新鮮，燒汁加辣醬食落唔會太辣，特別惹味。仲有一碗玖媽靚湯，涼瓜黃豆瘦肉湯，生津開胃。串玖里孜然醬汁撈麵配炸雞翼串，呢個孜然醬好獨特好濃烈，將整個撈麵嘅味道昇華到另一個層次。炸雞翼串外脆內嫩，口感味道一流！

去開元朗行街，諗住見到新開既串燒店就買左少少外賣，呢間餐廳個名好特別，而且入面既食物醬汁全部都係自家製既有孜然醬、沙嗲醬同埋辣醬，我揀左孜然醬，呢度全部即叫即整用靚料食材，現時做緊試業優惠，預計6月中完結。我地叫左個5串串燒set,串燒可以自己揀，叫左雞軟骨，豆卜，花枝丸，豬頸肉同牛舌，牛舌彈牙。雞翼撈麵雞翼無添加激素，食落比較健康，撈麵份量都多既。#串玖里 #元朗 #元朗美食 #香港美食 #串燒 #炸物 #平民美食

甘岩經過，原來新開左間串燒店除左串燒小食，估唔到仲有靚湯同飯類我地叫左幾串同個撈麵Set試下🍢豬頸肉豬頸肉好厚身但食落都算入味可以點埋佢地既自家製醬汁有孜然，辣醬，沙嗲醬選擇我地揀左孜然同辣醬味道都幾夾🍢墨魚丸外皮應該炸得幾脆拎到屋企有d 淋左口感都幾彈牙🍢貢丸食落都有d 菇味依個夾埋辣醬唔錯🍢牛奶雞翼採用左泰國無激素雞翼整食材都幾優質炸粉唔厚入面都仲幾Juicy🍢雞皮炸得超脆！！食落唔覺油膩🍢三角雞軟骨好有口感，好脆口🍢撈麵唔會太淋，配埋個醬汁味道岩岩好，又唔會好鹹依家仲有試業優惠去到六月中添

上次去鐵板燒店買外賣，見隔離開咗新小食店，諗住搵日嚟試下，是晚星期五嘛，就唔煮食買個外賣先。新開張做緊試業優惠，唔少串燒都特價，仲有靚湯加飯套餐添。⭐串玖里撈麵set⭐泰國無激素牛奶雞翼 + ⭐印尼撈麵 + ⭐罐裝飲品先來一份撈麵套餐，可選印尼撈麵或烏冬，揀咗前者，雞翼大大隻炸得皮脆肉嫩，印尼撈麵正常發揮啦，慳咗唔使搞到一手係嘅醬料包，哈哈，仲送一瓶罐裝飲品，揀咗可口可樂，夠曬冰凍，呢個餐抵食又好食喎😘⭐玖媽靚湯set⭐姬松茸蟲草花淮山瘦肉湯 + ⭐燒汁牛肉飯而家嗌例湯可用優惠價換合飯，咁就叫咗是晚靚湯再加個牛肉飯😋靚湯用膠桶仔上，餐牌寫住約500毫升，兩個人飲大概一人一碗左右啦，個湯仲有唔少湯料添，飲落清甜，係冇味精嘅靚湯喎😋牛肉飯係洋蔥肥牛加燒汁，味道都唔錯，不過個人覺得汁太多，外賣途中灑咗唔少出嚟😅⭐泰國無激素牛奶雞下髀 + ⭐三角雞軟骨 + ⭐墨魚丸既然係主打串燒嘅小食店，梗係要嗌返佢幾款炸物串燒啦。雞下髀啖啖肉又香又脆，好食過Kxx多多聲🤤三角雞軟骨大大片，咬落喔喔脆口感好正，仲有超彈牙嘅墨魚丸。啲串燒仲落咗蒜香椒鹽粉，鹹香惹味👍⭐串玖里孜然醬不得不提埋呢個孜然醬，平時串燒通

收工見到一間個名好奇特嘅小食店「串玖里」，於是就比佢吸引幫襯🤣🤣今次叫左2個SET「串玖里撈麵set」撈麵+泰國無激素牛奶🐔翼+罐裝飲品撈麵搭配有著濃郁奶香味既雞翼，炸雞翼唔會太多粉，啖啖肉，正👍🏻「串玖里五串set」牛舌+黑豚腩車厘茄卷+豬頸肉+牛奶雞下髀+雞軟骨+飲品炸物金黃色酥脆既外層，一咬下去清脆既聲響讓人垂涎欲滴店鋪亦提供自家製既醬汁，今次我揀左孜然醬，辣醬和沙爹醬，炸串搭配每一種醬汁都覺得很match，特別係辣醬🌶️，辣得黎又香口另外，估唔到串燒店竟然有住家湯飲，味道仲要唔差😋😋飲得出無味精，唔係齋湯水，入面好多料，有大大舊冬菇，金華火腿，瘦肉同冬瓜。靚料食材，炸串小店現時做緊試業優惠

係鳳鳴街體育館對面，好細間，唔太起眼，但好香😍😍串玖里撈麵set 💲35包括左撈麵、泰國無激素牛奶雞翼x2、紙包好抵食，平民小食店🫢🫢串玖里5串set 💲80揀左雞皮、三角雞軟骨、墨魚丸、燒賣、韓國熱狗棒🌭最讚係熱狗棒😋個皮好香脆，夠鬆亦帶小小甜甜地既味，甜配咸好match😊串燒本身用左蒜香椒鹽粉調味，已經好香噴噴😋另外配左個自家製既沙嗲醬，好match個燒賣。另外見到無味精靚湯，叫左一碗試下，的確係住家湯😋整體來講，小店細細間、價錢亦幾平、食物都係靚料，質素都OK👍🏻

係yoho睇完戲後落番雞地果邊買外賣番屋企食經過見到呢間新開嘅串燒店見佢個店名都幾搞笑就去望下我哋2人嗌咗1個撈麵餐$35有印尼撈，2隻泰國無激素雞同1罐野飲跟住再嗌咗5串set嘅雞皮，三角雞軟骨，墨魚丸，貢丸同炸燒賣，今日燒賣仲要做緊9蚊10粒呀😱😋 呢個set冇揀到罐裝野飲，揀咗玖媽靚湯: 椰子粟米紅蘿蔔合掌瓜豬𦟌湯，估唔到食串燒嘅同時都可以飲到住家湯😍另外佢嘅串燒仲配有特別醬汁，今次揀咗孜然醬同辣醬，配埋串燒食都好香口!!!!!

元朗新商場開幕，附近都多咗好多食肆，留意到呢間”串玖里”，除咗店名玩味十足之外，仲主打比較少見嘅炸串，呢日就買咗少少外賣返屋企！哈哈笑薯餅薯餅係哈哈笑圖案，賣相非常可愛！由於即點即炸，攞返屋企都仲係熱騰騰！炸漿好薄，外脆內軟！三角雞軟骨、腐皮蝦條、蟹棒炸漿好薄，毫不厚粉。推薦蟹棒，啖啖肉！炸串全部都跟自家製醬料，例如：辣醬、沙嗲醬、孜然醬。試咗辣醬同沙嗲醬，辣醬好出色，辣到大約10小辣，辣得來好香！沙嗲都好足料，配串燒好惹味。瑞士雞髀飯除咗串燒之外，仲有飯可以揀。雞髀好大隻，瑞士汁甜甜地好入味。

系體育館打完羽毛球出嚟肚餓搵嘢食，去左對面既小食店買嘢食，鋪頭以外賣為主，但食少少野想坐低都會有2個位可以坐。我地簡單叫左2個set，價錢黎講都算平，而且都夠飽肚！雞翼撈麵set $35炸雞翼脹卜卜，加左啲辣粉幾惹味，再配印尼撈麵同紙包飲品。生炸豬頸肉飯set $38朋友就比較肚餓啲，所以叫左個飯食，價錢黎講都算幾平，我覺得當午餐或者晚餐都得，豬頸肉有調過味再去生炸，幾好食，白飯份量都幾多下。佢有個優惠就系買湯以優惠價加$18配飯，所以要埋個湯！是日湯「木瓜眉豆花生雞腳瘦肉湯」，都幾多料！買完之後想坐低食，老闆娘都吾介意，仲好nice！價錢合理，會再幫襯！

行過路過唔好錯過，原來呢頭附近開咗間串燒🤫 細心留意會見到仲有飯餐，同埋每日都有唔同嘅愛心靚湯，夠晒真材實料🤭 原來而家做緊試業優惠，仲會平啲抵啲添‼️1️⃣ 蟲草花粟米蘿蔔瘦肉湯🌽每日都會推出唔同嘅是日靚湯，無添加防腐劑，飲都飲得安心啲～一碗湯有成500ᴍʟ左右，大大件紅蘿蔔🥕瘦肉🐷同粟米🌽，仲有埋蟲草花添😍超級潤肺都唔會鹹，飲得哂都唔會口渴😍2️⃣ 瑞士汁雞扒飯🐓好經濟嘅飯餐🤭 瑞士汁甜甜哋，雞扒整得好入味，一啲都唔柴😆 最緊要跟埋湯埋抵食好多🤘🏻3️⃣ 撈麵ꜱᴇᴛ🥢呢個ꜱᴇᴛ有齊撈麵加雞翼同飲品🥤我就揀咗蒜香味濃嘅撈麵🫣而佢哋用嘅雞係泰國無激素嘅雞，即叫即炸，炸雞翼夠哂吸引🤩 外脆內ᴊᴜɪᴄʏ😍仲有飲品🥤

有日無意中路過見到呢間新開小店，主打串炸，呢刻做緊試業優惠串炸可選配自家製孜然醬、沙嗲醬、辣醬，或茄汁、沙律醬、蒜香椒鹽粉共6款；可以立食或外賣，目測外賣比較好，始終小店地方不大，立食地方不多。串炸即叫即炸，預大約等5 - 10分鐘左右。串炸選擇有美國Prime牛小排蘆荀卷，杜洛克黑䐁腩車厘茄卷，韓式熱狗棒，哈哈笑薯餅，無激素牛奶雞下脾等等等等⋯ 食咗腐皮蝦條、腸仔同泰國無激素牛奶雞翼，炸得剛剛好，趁熱食👍🏻尤其雞翼炸至金黃色，入口酥脆，肉質飽滿，搭配蒜香椒鹽粉👍🏻仲食咗燒汁牛肉飯，$28抵😂

路經鳳琴街體育館，發現附近開咗一間新嘅小食店，而且現時做緊試業優惠，決定試一試。📌串燒：豬頸肉、牛舌、墨魚丸豬頸肉同牛舌都鮮嫩多汁，而且咬落去好好爽。墨魚丸大大粒，外層香脆！串燒會附送店鋪自家製嘅醬汁，有孜然醬、沙嗲醬、辣醬等供選擇，別有一番風味。📌燒賣（10粒）金黃脆口嘅燒賣，經過炸口可以做到外脆內軟，而且食落完全沒有油膩感。📌燒汁牛肉飯本來以為呢間鋪只做小食，點知原來仲有飯有餸有湯。白飯粒粒分明，牛肉鮮嫩，入口有嚼勁又唔怕乾澀。📌蘋果粟米元貝瘦肉湯好健康嘅湯，500ml, 料足味美！湯入面有粟米、蘋果、蘿蔔、淮山同瘦肉等食材，有清心潤燥、生津清熱等功效。呢間街坊小店全部都用靚料食材，有小食、有飯有湯，如果住附近，屋企唔想煮飯時過嚟買個外賣最適合不過。

今日回家路過間新開既小食店，就係鳳琴街體育館正對面，都多人幫襯，仲做緊新店試業優惠。最先吸引我係佢既平價飯餐，$45就有個飯+自家製湯水買左個汁燒牛肉飯+姬松茸元肉百合瘦肉湯。個湯好足料👍🏻間小店主打係炸物同佢地自家製醫汁，個味道好香，我都散叫左幾串。佢有三種醬可以揀，孜然醬、沙嗲醬同辣醬。我叫左個沙嗲醬。炸物係即叫即炸，等15mins左右。叫左雞翼、蟹柳、薯餅、腸仔、腐皮蝦條同豬頸肉肉。拎到返家仲係熱辣辣同好香。啲炸品炸得幾好，食落去無熱氣既感覺。最出色係雞翼，炸完仲係Juice。腐皮蝦條都好好食。蟹柳同腸仔有種童年回憶既味道，係小學係啲小店買炸物食既感覺！薯餅口感偏冧，唔係我想像中硬個種薯餅。其實本身條炸品唔要醬都夠味，不過個沙嗲醬都香老闆話佢既試業優惠預計6月中就完，飯餐未知會唔會調整價格。

📍 串玖里（元朗） 真心推薦❣️係元朗食串燒又多一個選擇了～店內做街坊生意好多客人會為左店內既真材實料靚湯而黎～吸引左唔少熟客。店主原來係一個媽媽，難怪湯水同食物都好有質素🫶🏻每日的愛心靚湯同經濟飯餐都不同，大家可以社交平台或者打電話去店舖問下～今日靚湯係冬瓜粟米豬展湯🌽‼️無味精‼️飲完真心唔會口渴。仲係真材實料，每日新鮮煲🫶🏻所有食物都冇加添加仼何味精只食岀｛媽咪愛的味道👅｝💋💋✨經濟實惠嘅牛肉飯一碗鋪滿滿滷牛肉片🐮牛肉唔韌，帶點筋口感白飯淋上牛肉滷汁鹹甜鹹甜很夠味🐮✨ 雞皮完全沒有油很像現炸版的雞皮餅乾每一口都卜卜酥脆到不行！✨墨魚丸、貢丸、腸仔、腐皮蝦條香氣十足嘅串燒串燒嘅精華在於醬汁上店主好有心地去研究個醬，所以一定要食串燒😍配上自家製嘅串玖里孜然醬～十分惹味

元朗新開咗一間炸串嘅小店，當日佢只有一個老闆娘負責成間舖嘅煮食，尤其是而家夏天喺炎熱嘅環境下面大汗疊細汗，望到都覺得辛苦，而且老闆娘希望大家食嘅時候係熱辣辣，所以係即叫即整製作時候需要等10-15分鐘三角雞軟骨 🌟65.34/100 💲10/串價格相宜，上面有一層薄薄吉列炸粉，咬落冇油膩感，口感爽脆豬頸肉 🌟62.54/100 💲20/串肥瘦相間，肉質爽嫩泰國無激素牛奶雞翼 🌟63.33/100 💲20/串而家啲人主張健康，店主使用無激素雞翼，肉質有咬口，夠入味，冇油膩感，而且唔嚡口螺片玉竹煲瘦肉湯 🌟66.78/100 💲20冇味精湯水，日日都唔同款，比較淡口，好有住家味道燒汁牛肉飯 🌟67.65/100 💲28燒汁甜甜的，配上牛肉和洋蔥，甜味更突出，好好送飯，而且呢個價錢學生當lunch食，絕對可以慳飯錢🤣店家用靚嘅材料製作，連醬汁都係自家製，今次試咗沙嗲醬、辣醬，小編鍾意食辣醬多啲，夠辣惹味而家做緊試業優惠，預計六月中完結