串燒王 (登龍街)

營業中

休息中

自從上次食完好好食既串燒，上曬癮😌 今次同👦🏻一齊黎銅鑼灣登龍街食另一間👍 呢間調味就反而唔係太濃郁，但口味啱啱好，食完唔會覺得太heavy，黎過下口癮都幾開心😍😍😍·🌟大海蝦🦐 $36/2隻 - 海蝦鮮甜、口感唔霉爛、爽口彈牙😋🌟雞軟骨🐔 $28/2串 - 食串串必備🤩 外酥內嫩，每次燒烤必點！🤍薄切牛舌👅$25/1串 - 牛舌應該同牛展串埋一齊了，牛舌都算厚👍🌟阿拉伯羊肉串🐑 $30/1串 - 肥瘦相間配上秘制辣粉同孜然，好食👍 🌟蒜蓉原條茄子🍆 $38 - 蒜蓉鋪滿成條茄子、鹹鹹辣辣好邪惡😋🌟菠蘿🍍 $22/3塊 - 推薦！超甜又多汁、一啲都唔乾👍 超JUICY！🤍海鮮炒飯$75 - 有巨量魷魚鬚，炒飯好大份不過稍嫌有點過油～·人均：$150+·評分🪄 (滿分5🍑)味道：🍑🍑🍑🍑環境：🍑🍑🍑🍑性價比：🍑🍑🍑🍑服務態度：🍑🍑🍑🍑回頭率：🍑🍑🍑·📍 串燒王🚇 港鐵銅鑼灣B出口步行2分鐘

位於銅鑼灣登龍街有間新開的串燒店地點夠就腳 串燒款式好多 有海鮮🦞肉類🍖丸腸類🍢蔬菜🥬炸物🍤小食🧆甜品🍞選擇 而價錢同份量亦合理 啤酒更有買一送一優惠🍻好適合同朋友來小聚食宵夜飲一杯✨魷魚鬚串 $28魷魚鬚新鮮彈牙🦑口感煙韌有嚼勁 肉質好爽甜 調味帶微辣好惹味✨五花腩串 $30/2串五花腩肥瘦相間🥓有油脂所以燒得特別焦香 醃得夠入味✨牛肉串 $28牛肉串燒得好香🐮充滿孜然味 肉質比較油潤不會太乾太韌👍🏻✨肥牛金菇卷 $28肥牛燒得帶焦香軟嫩又夠入味😋金菇濕潤口感爽脆 卷得大大件 好值得試✨雞全翼 $38/2串雞皮燒得幾香脆🐔燒得剛好充滿肉汁 加埋調味料好惹味✨台灣腸 $18燒台灣腸味道濃郁鮮味🤤帶有甜味好多汁 肉質鮮嫩有彈性✨玉子燒 $28玉子燒味道帶甜而且有鮮味🍳質感厚實又夠柔軟滑嫩😍很不錯✨蒜蓉原條茄子 $38 茄子口感軟綿綿🍆配上濃郁蒜香味同適量蔥花 孜然粉及花椒粉 味道層次更豐富非常惹味😋✨韭菜 $15韭菜夠嫩不會燒得太乾身🌱調味亦剛剛好不會過鹹📍串燒王 (登龍街) (銅鑼灣)銅鑼灣登龍街36-48號登輝大廈地下D2號舖

串燒王係銅鑼灣開咗新分店🏪位於登龍街 很方便✅✅✅/🍢蒜蓉扇貝帶子 ($70/2隻)即叫即燒🔥足量蒜蓉和調味粉帶子肉厚 不會乾😽.🍢厚切牛舌心 ($38)牛舌厚度適中燒得剛剛好外層焦香 牛舌口感軟腍👅香辣又惹味 好吃🫶🏻.🍢菠蘿 ($22/3塊)菠蘿切得頗厚🍍多汁 香甜💦.🍢美國特級牛小排 ($85)牛小排份量足 挺香🐮/地點方便餐廳舒適乾淨🫧餐枱環境及餐具 都不會很油膩價錢合理宵夜的好地方

已經有一排冇食串燒～朋友介紹呢間，話燒烤質素好好，調得好好味，又燒得啱啱好～今日happy Friday，一於就帶老細嚟食好西啦！！店面望落設計比較型格舒適～同一般串燒店有少少分別～仲好好生意，爭啲要等位添！😅🤣🍆蒜蓉燒茄子：必點！！茄子好大條～燒得好juicy～因為一夾起已經離皮，唔會太鹹，蒜蓉味好香，微辣…十分好味！🦐鹽燒海蝦：好大隻！幾抵食（$88/6）！又係調味好好～燒得好好～外殼脆卜卜，可以嘅話，你可以連殼食埋，蝦頭有羔～又係好juicy！！🐚清酒煮蜆：清酒味都幾香～蜆細細隻，都算鮮甜～最緊要係冇沙！！🍜家鄉炒米粉：我轉咗粉絲，因為想食啲飽肚嘢，我見隔離兩枱食飯添！！🤣🍗雞中翼：又係要讚！👍🏻👍🏻外皮燒到脆卜卜！但係入面啲肉竟然係有汁㗎！呢間嘅燒烤師傅真係好掂！！🦑魷魚鬚：本來想食魷魚筒，老細話怕太大隻同埋膽固醇過高…🙄😵‍💫所以為咗滿足口感，就淨係嗌鬚啦！😅都燒得好好，又係有焦香～但係又唔韌！🍖台灣腸：外皮彈牙～脆口～肉汁多～大滿足！！🥰🥳其他主力都係蔬菜：翠玉瓜、雞髀菇、金菇、四季豆～全部都燒得恰到好處！唔會燶…最緊要係調味唔會過鹹過辣！🍻生啤：勁抵飲！！$48買一送一！

串燒王係銅鑼灣開左分店，面積同上次食既北角分店差唔多，不過新店環境當然乾淨得多👍🏻上菜時間好快，等左十分鐘左右。- 錫紙花甲粉份量好大，見到兩大條原隻辣椒就feel到好辣，粉絲好索汁，花甲幾厚肉同大粒，配料仲有金菇，非常惹味。- 蒜蓉扇貝帶子扇貝好大粒，肉質彈牙，扇貝差唔多被蒜蓉粒覆蓋住，調味唔會話太鹹👍🏻- 虎皮青椒外皮好似虎皮咁紋路分明，而且好香脆，同時青椒好清甜。- 雞軟骨一串只係$14非常抵食，口感爽脆，調味適中。- 韭菜孜然增添辛香既風味，同鮮甜既韭菜幾夾。- 娃娃菜辣粉放左好多，真係好辣🤣整體而言菜式味道依然保持水準，感覺銅鑼灣新分店坐得更加舒服。另外啤酒經常有優惠，同朋友傾偈暢飲最正👍🏻

銅鑼灣睇完戲, 打算搵下野食又想啤下.  夜晚唔想食太多打. 朋友提議食串燒, 唔錯選擇. 支持去馬. OPENRICE 搵下附近有無. 原來隔離街就新開左間串燒店. 仲見到生啤買一送一.  正呀! 即刻起行睇完戲, 行過去剛7點,小店剛開門無耐, 有位唔使等. 店內裝修簡潔, 最緊要清潔乾淨. 讚一坐低就先叫ROUND 生啤先啦.  生啤$48一杯！買一送一！有Stella Artois或Suntory供選擇蒜蓉粉絲大蟶子皇 -  都幾大隻. 火喉都OK .新鮮爽口雞腎  (2串)  -  惹味鹽燒鯖花魚  / 雞全翼  -   都燒得皮脆肉嫩  香口. 原條燒粟米 -  唔會柴好食. 虎皮青椒  -  呢個超辣 好刺激錫紙花甲粉 -份量都幾多. 花甲鮮甜味, 全部都冇沙, 配埋粉絲, 娃娃菜同金菇, 辣度都幾好, 好惹味. 整體都好好. 最重要係火喉燒到剛剛好. 唔會過燶食炭咁.. 會再ENCORE. 

一到夜晚就口痕想食宵夜，原來屋企附近新開咗間串燒店，營業至深宵，啱晒我呢啲夜鬼👻🌝 焦糖燒香蕉$18一眼就睇中嘅款式！原來係香蕉切開一半，再加上焦糖去灸燒，食落唔會太甜，香蕉味濃郁，好適合作為飯後甜品。🌚 紐西蘭羊架$45羊架配搭孜然粉，有辣勁，油香同肉味都一次過有齊，口感亦唔會太乾柴。🌝 台灣雞泡魚乾 $48好適合配酒嘅小食，蘸上醬汁就會停唔到，一啖接一啖，但口感就比較硬。🌚 厚切牛舌芯 $38鍾意食牛舌正正就係因為個份口感同嚼勁！🌝 錫紙花甲粉 $65粉絲索晒湯汁，非常重口味，辣度不容小覷，下次要叫小辣先得。🌚 芝士年糕 $28熱辣辣，入面有流心芝士，呢樣嘢係冇得唔好食嘅😋

登龍街咩嘢食都有 呢間港式串燒強勢進駐😛 原來已經係佢哋第六間分店🙀定價好親民 仲做埋粉麵飯香鍋🌶️ 行過真係值得一試🙆🏻‍♀️❣️厚切牛舌心$38 ❣️豬頸肉$28牛舌唔算好爽彈但係厚切充滿肉感👅豬頸肉油脂滿滿口感豐富 都係用孜然燒🐖❣️雞軟骨$28@2❣️免治雞肉棒$20雞軟骨每次都會食 燒得夠乾脆👄免治雞肉棒我就鍾意用汁燒多啲 有啲軟骨嘅口感係幾正😌❣️雞全翼$38@2超大隻嘅雞全翼 有啖啖肉一次滿足 雞翼髀同埋尖🐥燒得表面焦脆夠香 其中一隻超巨大😂❣️翠玉瓜$15❣️秋葵$16❣️韭菜$15 燒菜都唔錯 俾咗好多🥰 有少少辣更惹味🌶️鍾意juicy嘅翠肉瓜 同口感獨特嘅秋葵🤤💦❣️菠蘿$22 @3菠蘿嘅酸中和返油膩 真係完美ending🍍❣️錫紙花甲粉$65 我都係要食啲Carbs😂 呢個花甲粉好啱我口味夠辣夠重口🌶️🌶️🔥🔥粉絲吸滿湯汁精華😛仲有娃娃菜同好多花甲( ˘͈ ᵕ ˘͈ )

銅鑼灣登龍街遊蕩緊食乜…見到有間東北串燒小店…見到幾多人幫襯…身為串燒王既我當然要會一會呢間串燒王點下點下都幾多野食…😍😍韭菜 有揀過…好嫩無渣五花腩 五花腩做燒肉/串燒已經贏在起跑線…串燒加入孜然粉辣粉就好好味雞軟骨 申燒必點曬食物司華力腸 脆卜卜午餐肉 第一次見燒午餐肉…幾特別仲有魚腐…雞翼…茄子…雞髀菇其他野都燒得好惹味…時間都掌握唔錯…不過呢度食野要有d耐性…因為都好多外賣平台生意…加上堂食爆滿。上菜比較慢。好彩老細好有禮貌…每次送餐都會講唔好意思如果係銅鑼灣想食下東北串燒…呢度係個唔錯選擇…地點夠方便…價錢經濟

今晚同朋友黎開銅鑼灣想飲下野吹水，就搵左間食串燒既店食野閒聊一下，去到門口見到唔駛等位地方唔算大但都算坐得舒服，多謝餐廳安排試食，仲見到而家做緊生啤買一送一就正喇，仲有二隻味選擇，premium/stella artois做緊45蚊二杯，我地點左：蒜蓉原條茄子：$38韭菜：$15雞軟骨：$28厚切牛舌心：$38雞中翼：$36串燒樣樣都好食，不過叫咗小辣都仲係有少少辣，點完菜好快就有得食，燒得好快手👍🏻茄子原條好大條食落去好爽口好香蒜蓉味燒得唔錯，韭菜類都好入味，仲大有好多油喺菜上面，雞軟骨好爽口，牛舌心好厚切，味道一般，冇乜牛味唔係咁爽口，同出面食既好唔同，雞翼外皮好脆口，燒得唔錯，肉質保持鮮嫩，可以既二款酒都試過，最正就係杯係用雪櫃雪住，之後攞出嚟再斟酒令到啲酒更加凍更加好飲👍🏻酒亦都好清甜唔錯📍地址：串燒王 (登龍街) (銅鑼灣)銅鑼灣登龍街36-48號登輝大廈地下D2號舖

對串燒零抵抗力嘅我，今日喺登龍街覓食發現新開串燒店😱本人幾喜歡中式串燒嘅調味，不過近年好少北上，好彩喺香港都有得食🤤叫左蒜蓉扇貝帶子、蒜蓉花甲、厚切牛舌心、日本一口和牛粒、雞中翼、蒜蓉原條茄子、菠蘿蒜蓉扇貝幾鮮甜，花甲份量都唔少，蒜蓉味幾香😋牛舌好彈牙好juicy雞中翼燒得幾香脆，加埋調味料好惹味日本一口和牛粒，好稔好入味😳推薦👍🏻👍🏻菠蘿燒得夠熟夠稔，超級甜😋仲見到有新張優惠生啤買一送一😍😍計落超抵飲好下👍🏻下次再食過😋

公司附近開咗間串燒，鋪收工先試下~歌仔都有得唱🎶燒雞翼我自細鍾意食🤣唔使諗即刻揀隻燒雞全翼先✨️雞翼唔會油淋淋，而雞肉唔鞋口，調味亦都做得一流，勁好食基本上由雞槌去到雞翼尖都好酥脆好食✨️麻辣魷魚鬚SO 。。。魷魚鬚的口感韌而有嚼勁，老闆調味得很好，非常入味。✨️燒原條粟米🌽見到隔離係燒粟米，即刻加單✨️蒜蓉 🧄燒原條茄子🍆茄子口感軟綿綿，蒜香味濃郁，非常惹味✨️燒韭菜味道係唔錯而且唔會有淋淋至衰比韭菜較老😅✨️燒麻辣鴨舌 鴨舌燒得好香口而且咬落係Q彈，幾有好食，估唔到鴨舌同麻辣又幾夾喎 ✨️ 麻辣海蜇海蜇的嚼勁和鮮美，再搭配上酸辣的調料，簡直是絕配！一口下去，麻辣酸爽，開胃解膩✨️麻辣乾鍋配蜆肉魷魚鬚送飯一流， 蜆肉無沙魷魚鬚好一味，最正除咗有翠玉瓜 / 娃娃菜，仲有土豆片， 全部都好吸味最後加個燒菠蘿完美的~

天氣涼涼地，同友人去銅鑼灣食串燒王，多款燒烤食物，即叫即做，有唔同辣度選擇，麻辣大中小辣，串燒上灑上孜然粉香口小食選擇 [ 台灣雞泡魚乾 $48/份 ] 一塊前開數條，口感煙韌，口味鮮甜，每條都香脆可口。肉質厚實肥美的 [ 蒜蓉扇貝帶子 $70/2隻 ] 口感鮮滑爽嫩串燒選擇了 [ 五花腩肉串 $30/2串 ] 肥瘦均勻，口感鬆化香口，肉質冧滑、甘香，不油膩。[ 雞軟骨 $28/2串 ] 口感彈牙、有咬口、細細粒，咬落脆卜卜。[ 雞腎串 $28/2串 ] 口感爽脆，味道甘香惹味蔬菜類選擇 [ 韭菜 $15/串 ] 份量都很多，新鮮嫩綠的韭菜，非常美味。[ 雞脾菇 $15/串 ] 清甜好味，咬落多汁。[ 蒜蓉原條茄子 $38/條 ] 蒜蓉鋪滿滿在茄子上，茄子軟綿綿，口感熱辣辣好味道

餐廳係香港有幾間分店，主打港式串燒，銅鑼灣呢間係新開嘅，新張期內仲有唔少優惠，今晚食完飯仲餓餓地就去咗食宵夜🤓叫咗以下呢啲串燒，全部都好惹味啲肉又唔會柴，大家鍾意食咩就可以叫咩😋特別推薦豬頸肉，雖然單價比其他串燒貴，但係咬落爽口彈牙，絕對對得起呢個價❣️▫️五花腩肉串 (30/2串)▫️豬頸肉 ($28)▫️雞心 ($26/2串)▫️免治雞肉棒 ($20)▫️土豆片 ($13)▫️錫紙花甲粉 ($65)絕對係成餐嘅重點‼️花甲份量好多而且全部都冇沙，入面除咗有粉絲仲有娃娃菜同金菇，對我嚟講好辣但係我忍唔住一啖啜一啖又食🥵而家係openrice訂座仲有全單88折，鍾意食辣哪朋友要試吓啦🤤

同朋友宵夜小酌吹水嘅好地方，除咗串燒仲有其他食物選擇，有飽肚嘅飯粉麵等～串燒嘅調味啱啱好，一啲都唔重口味，而且同無味精，食完唔口渴👍🏻所有食物都係即叫即整，所以都要啲時間等待～🔹蒜蓉鮑魚（ $65兩隻）鮮甜，火候啱啱好！🔹厚切牛舌心（ $38 ）肉質煙靭有咬口～🔹雞軟骨（ $28兩串）口感彈牙！🔹芝士原條茄子（ $45 ）呢個食法幾甜，可以食到茄子原本嘅鮮味～🔹肥牛金菇卷（ $28 ）一串有3舊，金菇爽口！推介😋⋯⋯⋯⋯⋯⋯⋯⋯⋯⋯⋯⋯⋯⋯⋯⋯味道： 7/10服務： 7/10環境： 8/10⋯⋯⋯⋯⋯⋯⋯⋯⋯⋯⋯⋯⋯⋯⋯⋯⊃✎⁾⁾喜歡呢個Post可給予”心心”以作鼓勵( ´͈ ᗨ `͈ )◞‎♡⃛⋯⋯⋯⋯⋯⋯⋯⋯⋯⋯⋯⋯⋯⋯⋯⋯