影片
港鐵上水站 A4 出口, 步行約7分鐘
繼續閱讀
電話號碼
23683811
營業時間
今日營業
12:00 - 23:30
星期一
全日休息
星期二至日
12:00 - 23:30
以上資料只供參考, 請與餐廳確認詳情
上水街坊一定知呢間串燒，已經好多年，食宵夜一定會諗起佢，見OpenRice 好多舊食評話老細態度差，不過近年轉咗手，覺得服務同野食質素都好咗！雖然佢細細間鋪，但野食好味，仲要晏晝開到零晨，幾時想食串燒都食到～私心推薦一定要試佢嘅酸辣粉，佢個紅薯粉好好食，好彈牙煙韌，酸辣度都有得自己揀，個湯係有層次，同埋啲料好足，尤其餐肉係好厚好大塊，食完碗線已經好飽，但都仲好想食串燒，必點翠肉瓜，超級juicy，雞皮都好推薦，平時唔係特別鍾意雞皮，但串燒雞皮就好好食，佢唔係薄薄一層果種，係有啲厚度，食落係外脆內軟好有咬口，豬肉年糕啱曬啲鍾意食煙韌野嘅人，係好食嘅年糕，牛肋骨同金菇牛肉卷都惹味，雞翼同雞軟骨係all time favourite，係改咗刀嘅雞中翼，食落好方便，又夠入味，而且串燒嚟講真係好抵食，食咗～$150已經超級飽，好滿足！嚟開上水一定要試試佢，推薦大家！
繼續閱讀
食肆唔係執笠就轉手，香港慘不忍睹！此串妹不同彼串妹，完全未達標，以前的串燒妹已成歷史。牛柏葉豬紅娃娃菜豆卜麻辣湯粉絲⭐️白烚粉絲再撞湯，粉絲完全滾水味，不是用麻辣湯煮成，沒有吸收麻辣的惹味！粉絲爽，趙落有咬口，但麻辣只在外不在內，完全唔好食！首次遇上迷你種豆卜，無浸泡硬掘掘重油益，完全不索湯，難食！牛柏葉完全白烚沒味道，爽爽唔知食緊乜。豬紅韌韌帶腥沒落味，馬虎。失敗娃娃菜清水烚，爽脆微菜甜。蒜蓉燒扇貝⭐️燒到過熟柴韌縮水，新鮮度低下，落味單調偏淡。燒鱔柳⭐️⭐️本來滿心歡喜有鱔柳，燒得過熟偏乾，雖爽但無肉汁兼微腥。蒜蓉辣椒燒原條茄子⭐️⭐️油浸茄肉滿口油，蒜味微弱而辣味不出，寡寡的味道，茄肉半爽半綿不夠肥美！燒雞全翼⭐️乾爭爭沒半點肉汁，瘦猛猛鞋烚烚廿十成熟！燒雞心⭐️超迷你肉粒仔，半硬半爽乾乾的，十分討厭！其實去街市雞檔買新鮮本地雞心一點都不困難，鮮爽雞甜經濟大大粒！燒秋葵⭐️⭐️外層濕濕的、裡面黏黏的，大至可接受。燒蘆筍⭐️⭐️少少渣少少爽甜，試試無妨。錫紙焗蒜蓉辣椒粉絲大蜆⭐️完全過火燒太耐，縮水兼鮮味流失，過熟使得蜆肉韌韌。
繼續閱讀
突然想食串燒就叫左外賣想試下呢間，買左6樣野，大概100蚊左右，味道都還可以既，叫做正常、唔難食，但真係又貴又少又一般食完個肚仲好空虛，應該唔會再買。例如個牛肉丸，見到以為佢有4粒啦，點知打開係半粒黎，姐係其實得2粒，仲有個餃子雞翼，細細一隻20蚊都算，入面仲要唔多熟，入面d肉仲紅紅地色，我個人比較鍾意食熟d既雞，只好自己再焗爐翻熱下⋯其他都算過得去啦，但真係少少失望，其實貴d唔緊要，但都要真係好食d先得架
繼續閱讀
✏️味道：✏️之前一直用外賣app買買開酸辣粉覺得比同區某雲南酸辣粉好食無試過漏單、食物都ok啱我口味串燒就係普通孜然粉味基本上食咩肉/菜都唔會有太大分別但上水無同類串燒店✏️服務態度：✏️親自去買先發現原來係要咁受氣個女人真係好無禮貌、態度極差好似唔想做你生意咁嗰陣得我一個客，問兩句都好唔耐煩呼呼喝喝咁究竟我係客定佢係客？當時得我一個客都可以咁惡頂多客起上嚟佢咪仲衰？就算我第時想再食酸辣粉同串燒都唔會再幫襯呢間俾錢買難受
繼續閱讀
利申：本人係無辣不歡人士個個都黎主要食佢既串燒 但我就話佢d麻辣燙先係我既真愛 香氣十足 次次都係叫粉絲底 同個麻辣湯底真係好match 次次黎都係食佢！同埋響鈴都係必叫 索晒d湯食落真係好有快感！話晒人地叫串燒妹 我諗點都要講下人d串燒既！推介佢既燒羊架 燒菠蘿同埋燒原條茄子 條茄子好味到我有時連皮都食埋 正！環境方面 尚算乾淨衛生 間舖細細間 得2，3檯 出面成日有人等位 所以都食得幾有壓力 次次都係快快手手食完耐唔時都會去食下 都算keep到水準既
繼續閱讀