串燒一族 (已搬遷)

公司為明天恢復晚巿開會沒想到一開就是幾小時連最後一天回家吃飯的機會也沒有了而且最不幸的是這次開會居然大家都有外賣要忙我們沒辦法給自己做餐好晚餐於是散會後在旁邊店點了外賣這家店啊話雖直的就在旁邊但我們都不打招呼不講話頂多就是不小心四目交投時大家會互相微笑點頭所以今天可說是我們第一次交流也是意想不到的十分親切今天 在下點了客泰式魚腐稻庭烏冬和燒尖椒湯底好好味 烏冬每條都是彈牙的（因為太熱了 又餓 等不及又怕燙 只好一條一條食住先）魚腐裡面也不小心滲了點湯食時要小心同時也加添了濃濃的味道最後在下連湯都一同喝光光了然後是燒尖椒一串兩條對半切開老闆細心地把陪份椒籽都去丟這種貼心在下喜歡不過呢..在下喜歡爆辣 😅也沒關係 今天就健康點吧反正喜歡的食物通常怎麼弄也會被喜歡😅外賣拿回店裡吃都忘記港女模式幫食物拍照📷來日方長今天就滿足地鎖好門回家好好休去迎接明日的晚巿大家加油保重身體…查看更多

尖沙咀地段 貴就預左 但佢係真係好X貴 肉每串要$20 薄切切 紅腸 $18 得三舊 豆卜最失望 出面所有串燒店都用長身豆卜佢竟然用街市最平四四方方果種豆卜 $15 得相入面果幾粒 其實如果你貴，但係好味既 抵比既真係無所謂，但佢貴得黎唔好食 無汁無味，串燒已經唔係啲咩要技術既野，燒熟啲野，最低限度比少少蜜糖，高級啲既比沙嗲汁，甜酸汁，酸辣汁，又或者少少蒜鹽，咩都好，佢乜差都無，係見佢開始燒果陣有塗左一啲醬係面先開始燒，大佬呀，你啲醬好食到識飛都無用啦，串燒呀，會乾㗎。再黎，服務，一個字，差 佢門口擺左啲彩色印刷單張，落單前拎左一張諗住攞返屋企，行埋去櫃臺落單個阿叔一手搶左張單張話佢地有膠片可以劃，唔好用紙，低能啦你，嫌成本高你就咪X用彩色影印啦，無腦到極致，之後有客劃左落張單張度個阿叔全嘴藐藐，西晒面。仲有 我買得果4條串燒 佢比個大發泡膠飯盒我裝，咁抵你成本高啦，你啲野一滴汁都無又使X用盒裝咩，放長雙眼睇你幾時執！…查看更多

買了400元左右的外賣. 雞皮，雞翼，紅腸，多春魚，蒜心，雞賢，豬軟骨食物質素很差，味道不夠！其中的燒茄子，燒賣酸！令人失望！反影意見，店員反應不禮貌..不會再幫襯:(.....…查看更多

一心諗住幾個人開開心心食個宵夜 點知比佢地食物質素同店員既服務態度破壞晒心情 本身餐廳已經細 位置唔多四個人仲要格硬逼埋坐三個人既位置 仲要時不時比個男店員用個不屑既眼神望住 西晒面 好似唔歡迎我地咁 講真啲野食又唔係特別好食 真係食乜都個樣野食應有既味道 啲豬頸肉呀羊肉呀真係好麻麻 個男店員經過我地到就嘆晒氣咁 覺得我地好似阻住佢咁 啲野食根本唔值得呢個價錢同坐係到受佢氣 咁唔開心咪唔好做囉 尖沙嘴咁多野食真心唔洗係到食 我地本身諗住食埋隻雞翼先走跟住突然個男店員可以無啦啦同我地講：「不如你地出去食我地有客 個女店員仲要加把口話「係囉你地一係出去食或者幫你地打包」我地即刻話：「唉唔食啦唔食啦」真係未試過食野比人趕走 真係不知所謂 去尖沙嘴真係記住咪食呢間野 …查看更多

尖沙咀寶勒巷美食雲集，今日我同男朋友二人就發現左有呢間新開既小店，一於試下 :)有別於附近的鋪頭，這間小店的座位不多，餐廳內只有兩排Bar枱，人多時可能會坐得迫少少。不過驚喜既係，餐牌有各式各樣既食品，串燒燒物、日式頭盤、傳統河粉、甚至碟頭飯亦有很多不同的款式。我地諗左一陣就叫左一條燒茄子、燒雞翼、菠蘿、金菇肥牛卷、雞腎、稻庭鳥冬、墨丸魚蛋河，仲有支普通烏龍茶!即叫即煮，首先上菜既係墨丸魚蛋河同稻庭鳥冬，湯底加入左蒜香令整個湯底更加香口，配合河粉或稻庭鳥冬十分美味!碗內墨丸魚是較少吃到的靚墨丸魚，口感一流!若想將整個湯河/鳥冬更加昇華，記得問店主拎個辣椒醬加少少落湯底，更加滋味!推介一定要叫一碗試下!!隨後燒物也慢慢燒好，整體來說燒物都燒得很有水準，燒茄子偏咸但可以接受，燒雞翼、雞腎同菠蘿非常美味，食燒物大家記得不要錯過。唯金菇肥牛卷個人覺得較普通，大家可以將機會留在試其他燒物上食咁多野，埋單約一百七十多元，相比起其他大型燒物店，我覺得這間小店性價比實在非常高了，有機會路過大家不仿可以試下，你一定會發現驚喜，哈哈!…查看更多