串八居酒屋 (已結業)

平安夜應友人邀約，到大埔把酒聚舊，居酒屋正合我意，慢嚼慢飲唔限時間先係正路吖嘛。各人準時到達，門外食完煙入店坐下，先來枝純金箔入清酒等大家碰個杯先，值得一提係佢哋嘅酒壺係有內膽放冰水嘅，唔似一般手指壺咁成日倒埋的水出嚟。隨後先點了蕃茄沙律，大路佐酒嘢 - 枝豆、銀鱈魚乾、雞泡魚乾、明太子玉子燒，串燒點咗必試嘅厚燒牛舌、雞翼、雞腎、雞皮，仲有黑毛豬肋條、安格斯肉眼、燒羊扒、酒煮貴妃蚌、酒干馬友、喜知次同一堆蔬菜類串燒。好快KO枝純金箔，朋友帶枝生酒嚟，開瓶都只係收一百，相當公道，食物隨隨送上，食落有喜出望外嘅水準，廚師燒功一級棒，但又唔會一次過燒哂我哋點嘅嘢上枱，等我哋可以邊飲邊享受食物邊傾偈，頭輪好食梗係加單啦，再加多枝店長推介嘅碧天純米吟釀添。整體成晚食同飲得開心，好有小店風情feel，店員招呼周到，仲送多碟鱈魚乾同枝豆過我哋送酒，所以話我鍾意去小店多過去連鎖店，今時今日仲感受到服務熱情嘅舖頭唔多了。

很喜歡這小店，人情味濃厚，食物也很用心預備，也有不少其他地方吃不到的串燒。個人總喜歡先吃一個番茄沙律，很清新，必點牛舌。我也喜愛他們的雞腳根，很有口感呢。有時味道有點偏重，但各人口味不同，跟廚師溝通一下便沒有太大問題。有其他客人曾推介羊架和牛小腸。香架很香，牛小腸則是特別部位。個人平時對內臟一般，但牛小腸仍是獨特的。有兩次剛巧遇到有海鮮供應。第一次有北寄貝，超級鮮甜。第二次點了聖子皇，也非常新鮮。當然，價錢屬於中位價，但真心覺得很美味！服務不錯，但因為是小店，平日walk in 都可以，但假日最好先查問一下。

同家人， 朋友都嚟食過，雖然店子細細， 但店員招呼周到居油屋以串燒主打， 款式未算好多， 希望以後可以增加多啲唔同類型串燒基本上所有串燒都有水準， 唔會燒到乾晒柴， 仲可以保留到原材料既味道， cfu燒功很讚燒秋葵， 即刻好健康燒銀雪魚， 好香好juicy燒茄子田螺， 個名有啲怪， 但食落好味喎， 茄子係好難燒， 呢個岩岩好， 入口唔會有未熟既感覺， 咬落去又香又多汁燒粟米， 正常燒雞翼另外烏冬都正， 同出面普通用粗圓身既唔同， 呢種係幼扁身， 食落口感又滑又煙un 蟹籽沙律， 似乎日本野必食

新開外圍裝修好型!同家姐&朋友一齊嚟慶祝生日!老闆&職員好nice又有禮貌!但暫時未有酒牌不過可以買酒入嚟飲! 食物方面仲好好添!希望可以維持到水平!價錢方面唔貴啵!一定再有下次! Er....家姐同朋友見到個職員眼金金囉～哈哈