影片
靜英英的街市平台、靜英英的舖頭，簡陋的飯店，惡劣的服務，普通的出品 ﹗我想食打冷，又唔想行咁遠，記得十幾年前大元邨街巿平台有潮州打冷，撞運氣行去望吓有咩食囉。發現依家只剩兩三間舊式小炒飯店仔做晚巿，最終揀左最多食客既一間。食後感係第一次幫襯，亦係最後一次。話說個侍應姐姐態度惡劣，語調囂張，朋友強調以後都不會再幫襯。其實朋友一向講野無尾音又屈到死，自己唔知啫。佛掌瓜紅蘿蔔豬骨湯，是晚例湯，味道似味精湯，因為我真係唔知飲緊咩，無瓜味無肉味。菜芯炒牛肉，出街食飯甚少點依味，突然腦海閃過咪 order 囉 ﹗香噴噴熱辣辣，好有鑊氣 ﹗菜芯咁粗大都完全無渣，爽口多汁又鮮甜，好好食。牛肉炒得嫩滑，醃得入味，幾好幾好。 枝竹炆黃立倉，淨睇相一定估唔到係咩啦 ﹗本來朋友想食大黃花魚，但剛剛賣晒喎，睇到食客們佔一半已上都係叫魚食。倉魚魚身被劏左幾刀，雖然係快熟啲，但係肉汁全部流失，不滑不彈，我最討厭。魚味係有，但乾左啲囉，不過最後都只剩返棚骨，個味道幾好。枝竹同個汁好好味，值得一試。
繼續閱讀