中村藤吉香港店 (已結業)

因去過京都宇治本店，所以清楚食物質素，是ok的，服務方面則一般。每次進來都是錄音機式播放餐廳細則，聽都聽到厭，連你講明清楚規則都是照講，毫無彈性，所以純為食物而來。

呢間餐廳係出名食綠茶甜品嘅，作為綠茶控的我，又點可以拒絕呢？！今日去尖沙咀食午餐，食完午餐後專登去呢間餐廳食甜品！我特意揀咗窗邊位，因為可以望住街景食甜品，係一件好舒服嘅事，心景都會平靜啲！我揀咗我最喜愛嘅抺茶啫喱！入面除咗有抺茶啫喱外，仲有綠茶雪糕，紅豆蓉同埋小丸子！綠茶雪糕好滑，有香濃嘅綠茶味！而啫喱亦好滑！小丸子好煙韌，小丸子本身冇味，但配合埋綠茶雪糕同紅豆蓉一齊食，就好好味！成個甜品配合得好好！餐廳亦好細心，為咗令啲雪糕唔好咁快溶，隻銀色碗係一早已經雪凍咗！呢間餐廳啲綠茶雪糕真係好好味，我一定會再嚟幫襯！

🍵🍵抺茶系列❄️❄️▫️餐廳：中村藤吉香港店▫️地點：全港有2間分店（尖沙咀、金鐘）📍尖沙咀彌敦道132號美麗華廣場一期3樓312號舖（港鐵尖沙咀/尖東站 B1 出口, 港鐵尖沙咀/尖東站 N5 出口）📍金鐘金鐘道88號太古廣場1樓110號舖▫️營業時間⏰：Mon - Sun 11:00 am - 9:00pm/9:30 pm▫️價錢：90+—美味：🍵🍵+0.5🍵環境：🍵🍵🍵🍵價錢：💰💰💰💰+0.5💰—鐘意抺茶既你相信聽過中村藤吉🍵🍵抺茶控既👧🏻想去試下真抺茶，所以專登去門市🤫不過有d失望🤢個冰要$90+，淨係得少少抺茶醬比你自己落😩，醬少過冰，所以有淨係食到原味冰既情況🤢🤢🧐😟🤨堂食仲要一人叫最少一樣野，原本想share一個冰，都要被迫叫多杯抺茶🥺最平一杯抺茶都要$50+，鐘意苦苦地抺茶味既👧🏻一飲覺得好甜😟雖然環境都唔錯，設計到日本🇯🇵茶館既風格，而且都幾大同舒服，但食物性價比不太高🤨如果想平平地食抺茶，建議係門口買一杯～$50既抺茶🍦仲好，唔洗堂食💰💰💰💰💰💰

基本上，依家每個星期日，都係遊行嘅日子。。。今日亦都唔例外，今日遊行嘅地點係尖沙咀。未夠鐘，肚仔又餓，所以就食好啲，慢慢坐休息下。儲返多啲力量一陣繼續行！要對自己好啲，食貴少少，於是我就去咗中村食過個蕎麥麵！上次來的時候，已經係兩年前嘅事，係同朋友食甜品，雪糕。茶芥每位要$10，其實都幾貴。。不過冇計啦，鬼叫佢啲綠茶咁出名咩！真心，係好飲嘅！帶有苦澀嘅感覺，好正宗嘅日本綠茶！今日叫咗個雞肉蕎麥麵望住個窗口，一個人食，的而且確係有另一番風味，平靜下個心情先！蕎麥面嘅軟硬度剛剛好，綠色好靚，我諗起和平！個湯都好清甜。好簡單嘅一碗湯麵。裏面有四塊雞肉， 應該係慢煮嘅，個質感好似我平時喺屋企慢煮嘅雞肉一樣。軟林林，好食嘅！名牌歸於名牌，價錢始終都係偏貴，埋單$98。價錢唔貼地，我相信食甜品雪糕會抵啲，質素係唔錯嘅，一試無妨！

已正式踏入夏季嘅香港真係熱到唔係人咁品....係室外逗留唔夠5分鐘已經成個人濕哂行到頂唔順嗱嗱聲飛入去美麗華商場涼下冷氣先咁熱嘅天氣真係想搵個地方好好咁坐低食下嘢涼下冷氣休息下醒起呢度有間中村藤吉，二話不說即刻上去睇睇先幸好今日係平日，唔洗等位直接入去坐餐牌都算多選擇，本來想試下蕨餅但因為太熱嘅關係，想食啲冰涼嘅甜點最後決定試生抺茶啫喱 ($88)值得留意嘅係每位客人都會收取返$10茶錢，而每一張枱都會有一壺熱茶，茶壺係用鐵造所以溫度係非常高，要小心唔好掂親茶壺。生抺茶啫喱除咗啫喱之外仲會有兩球抺茶雪糕、白玉以及紅豆蓉❤✨抺茶啫喱 - 份量好多，片片都好大塊。入口無甜味，只有濃郁芬芳嘅抺茶香氣，亦有少許回甘。如果怕苦，可以配合雪糕球或紅豆蓉都非常夾。絕對係怕甜人仕嘅最佳選擇👍🏻✨抺茶雪糕球 - 奶味頗重蓋過了抺茶味🤨有點少失望✨紅豆蓉 - 味道偏甜，基本上已經完全磨成蓉，質感唔錯，好香豆味✨白玉 - 有三粒，入口非常煙韌，同紅豆係最佳拍檔😆食完呢個咁正嘅甜味之後，再呷一口熱茶，畫上完美嘅句號🎐

每次經過尖沙咀嘅中村藤吉出面都會排滿晒人明明鋪面咁大點解入面嘅位置會咁少嘅呢再望一望個餐牌估唔到食一個甜品嘅價錢都會咁貴不過我又真係好想試喎所以揀限定外賣嘅雪糕筒嚟食啦焙茶雪糕🍦$45抹茶雪糕🍦$45其實雪糕拎到手嘅時候並唔係咁大杯佢嘅份量連個雪糕筒都唔過最後忍唔住同店員講同幅圖好大分別所以佢先換過杯俾我哋其實$45杯雪糕都唔係平不過份量太少真係忍唔住出聲雖然雪糕真係好有抹茶同焙茶味不過並唔係我食過最好食嘅抹茶雪糕🍦而焙茶味就的確係幾濃郁外賣的話直得一試不過如果要我入鋪頭入面食每個甜品計埋加一差唔多$100仲要每人最低消費一個甜品的話我會覺得我係食緊鋪租

鍾意食綠茶嘅朋友都聽過中村藤吉 啱啱嚟香港嗰陣時 大排長龍 而家雖然人少咗 但係來幾次 都係要等位 ( 香港有邊度唔使等位) 行完樓下商務印書局 買咗兩本書 想搵個地方 靜靜地坐下 睇下書 最近夜瞓 有啲喉嚨痛又唔想去starbucks飲咖啡 咁燥 諗諗下 就諗到呢度 咁啱係平日 中村藤吉 會冇咁多人 就入嚟食嘢一個人 一壺茶叫一個甜品 What a wonderful day個人推介 呢款 京之精選 每個口味有少少 唔使食太多 細細件 啱啱好 食完都唔覺飽 綠茶雪糕真係好好味 濃得嚟又唔苦 蕨餅都係我最愛 就算我唔叫 呢碟每次來都係會叫蕨餅 貪佢有煙韌嘅口感 同埋濃郁 綠茶味

今晚與朋友在尖沙咀美麗華廣場吃過晚餐後，朋友忽然想吃綠茶雪糕。 問詢問處知在第一期有間出名綠茶甜品店中村藤吉，於是走去試試。 這店裝修得有濃厚日本風味，看過餐牌原來這餐廳不只供應甜品，原來也有抹茶麵丶抹茶烏冬丶抹茶蕎麥麵等等。 其中一位朋友叫了丸十抹茶，雲呢拿雪糕配上以高級宇治抹茶製作的抹茶醬，抹茶味非常濃厚。 另一位朋友叫了一個抹茶啫喱，裏面有抹茶雪糕丶小丸子丶紅豆蓉和抹茶啫喱粒。 而我叫了抹茶丸十巴菲，此巴菲用透明高身玻璃杯盛載，由上而下有一層充滿奶橘味的忌廉丶綠茶蛋糕丶栗子丶小丸子丶脆脆米丶綠茶cream丶紅豆蓉丶綠茶啫喱和綠茶醬等等。 滿滿的一杯巴菲，未吃也感到超值，吃後更是有說不出的滿足感。 我們唯一有點不喜歡的就是吃甜品也要付十元的茶費，這個真的是有點想不通了。

身為抹茶控，喺香港除咗京林屋之外，我最鍾意嘅抹茶食店就係中村藤吉（最近多咗間旮旯）以前攞籌都要排隊，最近再嚟幫襯完全唔使排隊直入，係爽既。丸十芭菲$98 +$10茶錢中村藤吉除左抹茶產品出色，其他配料都係做到一絲不苟，細微如一粒脆米都係卜卜脆，丸十芭菲由上至下分別為忌廉、戚風蛋糕、脆米、紅豆、生茶啫喱、抹茶雪糕，每一層都不同口感，配合每層一齊食又產生新既口感。另外呢度係會另外收$10茶錢代替加一，我覺得呢個做法唔錯，因為啲茶係佢哋自家品牌，質素都唔差，如果啱飲仲可以去喺門口買啲返屋企添，幾識做生意。

我相信唔會有抹茶控唔識得中村藤吉！黎到尖沙咀就算食咩正餐都好，點都要留少少空間俾呢間抹茶製品中既ＸＯ！佢就塵落係美麗華廣場三樓，入面幾闊落坐到好多人，所以黎過幾次都唔使等好耐就有位！開始先唔食太飽，就黎一個抹茶蕨餅揭開序幕！食落去充滿抹茶味，煙煙靭靭，包你繼續期待之後既甜品！如果有Ｄ餓，就可以食呢個京之精選，有幾件蛋糕、抹茶雪糕、紅豆、小丸子等包羅萬有，又飽肚又好味！仲未夠喉，就可以黎個宇治金時冰，自己淋Ｄ抹茶同焙茶汁上去，每一啖都又涼快又爽快！

行街行到攰，最好就係坐底食啲嘢～見到中村藤吉我雙眼即刻發光🤩.年糕薄茶甜湯 ($88)喱個綠茶甜湯入喉好舒服，紅豆蓉又甜又粉，加埋個好chewy嘅年糕，仲要好似食緊芝士咁，可以拉絲，真係好正😝.丸十芭菲 ($98)嗯⋯喱杯芭菲我一啖都無食，因為嚟緊m要忍口唔食凍嘢，但係我忘記咗食綠茶甜品都係涼，食完之後我就m痛😖我以後都唔咁為食啦😭.🌟茶壺入面係焙茶，焙茶是綠茶的一種，經過焙煎後飲用，經過「焙煎」過程嘅茶葉更顯佢嘅香氣，同時少咗苦澀口感，更加順口，香氣更係口中久久不散！🤤

📍依然咁好味🍵✨-京之精選 $98有抹茶雪糕、糖栗子🌰、紅豆蓉、白玉同兩款蛋糕🍮蛋糕鬆軟 空氣感足😽焙茶味濃 抹茶味濃而帶甘🍵同唔同配料一齊食有唔同口感👍🏻✨-抹茶生茶啫喱 $88啫喱嫩滑 帶淡淡抹茶香🍵抹茶雪糕茶味濃得黎有奶香🥛配甜甜既紅豆蓉 中和返😋白玉煙煙韌韌好好咬🍡-📍。中村藤吉香港店。尖沙咀彌敦道132號美麗華廣場一期3樓312號舖。#kkisgettingfatinHONGKONG

遙想起第一次接觸中村藤吉，是數年前在 🇯🇵日本宇治的本店，在炎熱的夏天下潮聖，當時還未有香港分店。慶幸今天，尖沙咀的分店亦承傳了本店的一定水準。甫入茶店， 🍵抹茶露香撲面而至，裝璜古璞優雅，店內環境甚有和風，值得一讚。今次點了個丸十芭菲，店家提供了抹茶味與焙茶味兩款，我選擇了前者。芭菲外表誘人，透明高身杯裝，能看到內部擺設，甚為典雅，且多款甜食交織出一場味覺、視覺兼備的盛宴。總體味道不錯，抹茶味濃，紅豆甜而不膩，脆米增添口感，確實值得再臨此店。

同老公一齊下午茶，佢話想食熱嘢，我就推薦佢我之前食過嘅三文魚茶漬飯。早一個月香港天氣時冷時熱，成日作病咁，所以我就試下食茶漬飯，食完個胃都會暖啲！佢有兩種唔同嘅茶漬飯，我哋各自叫咗一款，另外佢都可以配唔同嘅茶。茶味唔同，味道都好唔同，第日再試唔同嘅茶！

係綠茶控的我，當然會潮拜下開左一排，所以等既時間吾耐環境好寬敞，有去日本的感覺1.抹茶蕎麥麵麵帶有淡淡的抹茶味，沾上冷凍的醬汁，很清新涼快，份量適中我主要黎既係食甜品，當然叫左兩個甜品試下1.抹茶芭菲外型很吸引，層層有不同配料，有不同味道享受，層層都甘鍾意食，最鍾意食個層，緊係綠茶雪糕，好濃郁的綠茶味！推薦3.生茶啫喱被佢既look吸引，所以叫左D啫喱qq的，口感很正。將雪糕配上紅豆蓉，有甜有茶香，中和後，味道更佳。有兩球雪糕，食完非常滿足！