影片
平安夜去食野, 早已作訂位, 落訂, 去到唔理人, 講左幾次訂左位都無人理. 餐每位近$400, 訂兩位, 有一個棷青翅, 龍蝦/ 牛扒, 一個飯, 一個沙律, 一個甜品, 一杯野飲. 坐低半個鐘都冇野到, 但突然來一個飯, 一個沙律同一個翅. 記住係每樣一個.翅我女友食左, 我就同女友等等…個沙律由冷變暖, 個飯由熱變冷.再有野上枱時已經係一個鐘之後, 但都只係上左一個主菜–牛扒. 個牛扒係用100% 鹽做既, 而且仲係凍既, 真係令我前所未有咁高興. 我叫個侍應換左佢, 竟然第一個回應係…“要再等多一次, 好耐嫁喎!”. 我覺得佢好關心我, 不過我都係要換, 而且同時作出過夜既安排. 過多半小時, 有個我認為係大蝦, 而個侍應叫佢做龍蝦既東西放左喺我枱面. 我叫另一個侍應問問係唔係真係龍蝦, 佢既回應係…“錯左! “, 就拎走左隻大蝦.再過多一個鐘, 所有野都上晒, 每一樣食物都好差. 不過啲垃圾都應冷既冷, 應熱既熱, 可能係因為好多人都走左啦, 間野終於可以整一啲溫度正常既野.用左3個鐘, 成千蚊食左啲垃圾, 真係冇野講. 最後, 東仲想charge 我之前講過既大蝦, 真係…$#&*$. 以後都唔會去, 更在任何情況都唔會俾訂金, 至少走都唔係損失太勁. 有呢啲餐廳, 真係香港既不幸.
繼續閱讀
星期五中午, 同幾個同事搵食, 嚟到門口睇過set lunch 餐牌後, 決定一試, 叫了泰式辣肉碎湯米, 咖哩牛腩飯, 海鮮炒米, 扎肉湯金邊粉和青檸檸檬茶.泰式辣肉碎湯米–個湯底是冬陰功, 唔係好辣, 湯好香濃, 米粉真係好幼有口感, 正呀!咖哩牛腩飯–因我沒有食, 所以沒有評語, 同事話唔太辣, 牛腩冧 .扎肉湯金邊粉–味道不錯, 不過食到其中一塊扎肉有沙, 餐廳須要留意食物質素.海鮮炒米–唔太油, 個汁美味, 如果多點配料更好.青檸檸檬茶–好香青檸味, 因而蓋過茶味. 間餐廳有一部plasma 電視和一部細電視機.食完我o地都一致認為此餐廳可放priority.
繼續閱讀