影片
以上資料只供參考, 請與餐廳確認詳情
食家推介
今日叫咗東棧的大燒豬一隻同切雞，不得不大讚。師傅們準時送到大燒豬，師傅好客氣同有禮貌。師傅一切隻燒豬，就聽到「撲撲」聲，未食就知道啲皮好脆。一食隻燒豬就知道，隻豬係今朝先燒好。大燒豬食落d皮超脆，肉都好嫩，超級好味。我哋都講，好耐冇食過皮脆肉嫰的燒豬。切雞都好好味，d肉夠滑。師傅佢哋好好好心機咁切燒豬同雞。佢地帶埋外賣盒，切好一份一份。豬頭還豬頭，豬腳豬腳，肥肉還肥肉，講解非常清楚。真心推薦比大家
繼續閱讀
每次去婆婆家，我話想食燒味，佢都會話去巷仔買，真係由細食到大！我地每次都稱呼佢叫「巷仔」，佢嘅真名都唔太記得！而每次都會由婆婆親自去買，因為唔會搭埋晒d骨骨腳腳～ 最鍾意食燒肉，皮脆而肉又唔會太咸！正！
繼續閱讀
唔講咁多，直接上圖，叉油雞飯。單併，雙併都係$33叉燒係每一次必點。多肉多菜多飯，附近最好食，最抵食燒臘算係佢， 每次都飽到反艇。佢送嘅例湯仲要係好好飲, 唔係淡茂茂嘅洗腳水。如果唔飲例湯，又可以自己喺雪櫃揀汽水。你只收我$33 ，其實你夠唔夠維皮gar?你做街坊生意，係有良心嘅!佢個環境係普通d , 在巷仔入面， 有d 人選擇堂食， 但只係開兩張摺枱，同埋冇冷氣嘅， 呢d 天氣點頂呀？所以我通常外賣，lunch靠你喇。❤💙💚💛💜
繼續閱讀
一間藏於轉角位，位置極不起眼的燒臘店。在紅磡已屹立卅四十年。各種燒味都好出色，當中最愛燒鵝，絕對同任何一間出名的得有 fight。另外，如你忽視看似下欄的豬仔腳，你便走寶了，因這小店的鹵水做得相當出色，非常入味，但你永唔會覺得咸，保證食唔停口。
繼續閱讀
白切雞半隻，多謝 $55 蚊，依家咁貴架喇？我既記憶仲停留緊係十年前大埔富善街市 $25 蚊半隻囉。師傅勁開心，難得 lunch 有客 order 半隻雞。其實我有諗過食一隻，雖然卓卓有餘，但唔想太過飽囉。賣相麻麻地乍喎，顏色暗啞無光澤又乾乾地咁款。求其倒晒啲蔥油係面度，整件雞髀肉先！全熟而且並無半點血色，肉質微彈微滑帶點咸香，感覺到有一丁點肉汁，免免強強啦，唔難食。雞胸軟棉唔會乾硬，合格。紅磡始終都係執左既君旺燒臘最好食，其次重有富華、富大茶餐廳都係東棧之上。
繼續閱讀