世紀椰汁

土瓜灣好多多年歷史老店，有心機行會發現好多有趣事物。 呢間士多，鋪面細細，主賣椰汁。 椰汁即叫即打。 因為連冰一齊打，入口十分冰凍，夏天飲消暑一流。 椰汁口感頗濃厚，椰子味亦算重。 建議趁最冰涼既時候，飲晒佢就最好啦。 感覺放耐咗，溫度回升，慢慢奶既感覺會變得越嚟越強。 同時，甜既感覺亦會越嚟越高。 始終，溫度係會影響人對味道既感覺。 就好似雪糕、汽水等等，放到變室溫都會變成入唔到口既糖漿。 呢支椰汁都係，趁最冰涼既時候飲就好啦。…查看更多

使用馬來西亞及泰國進口新鮮椰子。每日親手將椰子去皮起肉，加入椰水、淡奶和冰攪打成椰漿，再反覆過濾成無渣椰汁。成品入口甜香濃郁、椰味十足，口感幼滑沙冰，清甜解渴，無添加花奶或椰漿，保留純正鮮榨風味。 大大支…查看更多

這間小店屹立土瓜灣40年，依舊如一，專賣椰汁🥥生榨椰子汁，現場即制。加上碎冰打碎，簡直透心涼。真係由細飲到大，就算搬咗舖頭，都一直追踪。每次經過土瓜灣，都會買兩支回家。不過推介嘅是的即榨即飲🤭🤭…查看更多

今日經過土瓜灣一條橫街，突然傳出榨汁聲。四圍望下，原來對面有一間世紀士多-鮮榨椰汁，而且係一間開業已經40年嘅老店。去到門口，見到原來已經有好多唔同媒體都報導過佢，咁一場黎，點都要支持下。 鋪頭門面不大，除左椰汁，仲連原個椰子都有得賣。椰汁分別有鈿杯($12)，大杯($18)，樽裝($25)。一場黎到就買支樽裝支持下。 樽裝其實都好大支，飲落都好滑同埋有椰子香味，間中仲食到少少椰子肉。不過就有少少甜。 呢類型老店，真係要舊區先會搵到，依家已經買少見少。 …查看更多

椰汁🥥價錢就唔算貴，都係💰$10一杯而且細個好多涼茶舖都有椰汁而家見到椰汁嘅機會買少見少所以行過路過都會買返一杯平時見到老闆坐喺舖頭出邊劈緊椰子🤣杯嘢飲嘅椰子🥥香味係有嘅但係飲落呢就係好甜椰汁又冇得叫少甜所以有時飲多幾啖都冇再飲俾錢買下童年回憶😝…查看更多

果日食開餃子店行開土瓜灣想試怡間椰汁店好耐，始終香港地有手制椰汁既地方不多，但真係好失望。見食評d人個個都話好正，點知今日一飲勁甜加左好多糖甘。。大埔果間好飲好多，大家可以試下！I …查看更多

細細個已經好鍾意飲鮮榨椰汁，但哩幾年越嚟越少地方有得買鮮榨椰汁。每次想飲鮮榨椰汁，都會去另一間旺角椰汁店買嚟飲。睇OpenRice食評啲人話土瓜灣哩間老子號，店舖開咗幾十年，所以好想試下，但真係一直無去開嗰邊，疫情唔知會捱到幾耐，終於今次特登專程坐車去幫襯。期望越大失望越大，一飲就得糖水奶味，完全蓋過晒椰子味，味道又淡好似加咗好多水咁，一啲都唔好飲，顏色偏淺米黃色唔係純白色，仲買咗2支～唉～超失望！無下次！…查看更多

世紀士多 土瓜灣——————————ADDRESS 📍土瓜灣譚公道28號地下價錢💰：8-25好味程度😋⭐️⭐️⭐️⭐️ 環境⭐️⭐️⭐️⭐️服務⭐️⭐️⭐️ ⭐️ ⭐️回頭率⭐️⭐️⭐️⭐️ ⭐️呢排天氣真係一日比一日炎熱🥵今日出開嚟土瓜灣做嘢，專登嚟到由細飲到大既凍冰冰椰汁！椰汁係由老闆每日將新鮮嘅椰子逐個逐個批皮，新鮮整出嚟！所以保證每一杯都無任何嘅額外添加劑🥰飲落去先會飲到一層厚厚嘅沙冰，椰子嘅味道非常之濃郁跟住就會feel到啲椰子沙冰係個口腔度慢慢溶化，呢種冰爽嘅感覺，再加上大熱天時！飲完呢杯冰涼嘅椰汁冰，馬上成個人降溫非常消暑解渴，真係冇得彈！細杯12$中杯18$大支25$如果大家有興趣，不妨經過譚公道都過去試吓啦！真係冇介紹錯㗎，世紀士多絕對係土瓜灣地標必去嘅一個地方#土瓜灣 #foodie #椰汁…查看更多

今年啲天氣相比往年熱.所謂一年比一年更熱.每年熱天來得更早及更長！今日嚟開土瓜灣.尋找惜日舊區美食.係地鐵站行過嚟.唔算好遠.幾分鐘行程.已經全身濕咗一大片.我哋第一站要給身體涼涼先.來一樽冰🧊涼椰汁.呢處椰汁好出名.來到門口旁邊見到阿叔.默默地把椰子去椰衣及破殼拆肉.舖面個姨姨忙碌把椰肉加冰🧊在攪拌機調配椰汁.最後把椰汁入樽.呢度賣椰汁價目在底下：👇 細杯 $12元 大杯 $18元 樽裝 $25元我哋兩個人賣咗一枝.首先講吓椰汁的味道.椰汁好香.椰漿味好突出.加上冰🧊塊容解.把濃濃椰漿味及甜度中和.飲落即刻來個好似入咗冰箱的冰涼感覺！…查看更多

呢間舖頭仔淨係買一款椰汁， 另外再賣少量雜貨~ 椰汁分細中大 size， 天時暑熱緊去買支大嘅黎試試 。第一口飲落去質感黏厚 ，佢將椰汁打到超級細碎， 飲落去好似變咗椰汁綿綿冰，😍夏天消暑一流，仲飲得出冇糖， 唔會越飲越頸渴🫢得閒經過可以買來試吓…查看更多

好耐無返過嚟土瓜灣，以前細個嘅時候住喺土瓜灣，經常飲世紀士多嘅椰汁，佢哋以前舖頭好大，仲會賣埋生果，夏天就賣椰汁，冬天就賣蔗汁，不過我諗佢而家應該冇分啦，一年四季都係賣椰汁，而且而家間舖頭細咗好多，以前呢個鋪位連埋隔離個配鎖匙舖位係要嚟擺椰子，而家隔離鋪嘅八方雲集就係佢哋以前賣椰汁同埋生果嘅舖位。仲有好多嘢都唔同晒，以前外賣大枝係用玻璃樽，依家就只有一款膠樽。當然佢都有一杯杯飲，不過我難得嚟到梗係買支大㗎喇！第一啖飲落去真係冇變，都係夠凍夠甜夠香！都仲係咁好飲！…查看更多

🥥土瓜灣四十年老字號鮮榨超冰凍接近沙冰質感新鮮椰汁🥥平時都真係比較少會去土瓜灣，在呢個舊區入面有隱藏了好多老字號，如果去開呢頭一定要試下呢間，在我心目中最好飲既椰汁🥢呢間小店已經有四十年歷史，小小一間真係毫不起眼，但佢地專注只賣一樣飲品，旁邊會有個叔叔開密密手咁開椰子，會喺你面前即刻入樽🥢買完非常建議即買即飲，因為會f飲到椰汁帶少少碎冰，有少少似飲緊椰子沙冰，滿滿新鮮椰子的味道，因為夠凍所以覺得甜度剛剛好，雖然大大一支好快飲完都唔夠喉，熱辣辣夏天真係超級爽🥢當而家買杯手搖都三十幾蚊，呢個價錢同質素飲到高質椰汁價錢真心抵，舊式老字號店而家越來越少，真係要好好珍惜🥢椰汁$22 / 樽📍 世紀士多 (土瓜灣)土瓜灣譚公道28號地下…查看更多

以前同朋友仔好鐘意行土瓜灣，因為貪佢夠多野食又多野玩。某日同友人晚飯後，經過番呢一間椰汁，即使食到好飽，撐住肚皮都依然要買番一杯飲下。一黎，唔飲過杯椰汁好似冇黎過土瓜灣咁；二黎香港小店買少見少，再唔支持都唔知要等幾時。於是付上$16大元買了杯大杯，便宜嗎？不算，但總比經常飲的台式手搖杯特別。呷了一口，強勁濃郁的椰子味直接在口腔及鼻中爆開！非常消暑解渴。但兩秒過後，強勁的甜味同樣衝擊著味蕾，印象中以往的椰汁好像沒那麽甜？還是人大了不愛喝甜？已經分不清了。總括而言，偶爾經過還是可以買一杯支持下，情意結就是如此。…查看更多

這家據說有四十多年歷史的椰汁冰🥥。作為一個吃貨，第一時間就要去打卡，雖然因為在土瓜灣，交通🚴‍♀️不是特別便利，但是什麼都無法阻擋吃貨的心❤️。這家老店竟然只賣一種椰汁冰🥥，就能賣四十多年，可想而知，分三種價錢💰，小杯十元，大杯15元，樽裝20元。我買了一大杯，太后悔了，應該拿支裝！老闆是用冰塊🧊和濃醇的椰汁現打的，建議立刻喝，夏天🏖️冰爽極了！…查看更多

以前依間椰汁真係好好飲㗎⋯⋯由我細個幫襯都已經成為成年人。。。但係今時今日真係變晒糖水囉而家。。。同埋買完支椰汁問佢攞個膠袋，可以態度差度，“吓”完，再問先俾個膠袋。。。唉，我都飲咗幾十年，飲埋最後今次真係唔會再幫襯！!!!!!!!!!!!!!!!!!!!!!!!!!!!!!!…查看更多