世一冰室 (已搬遷) 新店位置

下午茶點咗個熱狗🌭️餐！好快就整好送到檯上！嘩😍包面既顏色非常吸引！熱狗🌭️包非常軟熟包包不會過甜！配上恰到好處既沙律酸瓜醬（絕配）！味道不錯👍🏻👍🏻質素高非常抵食👍🏻👍🏻夏日炎炎進入店內冷氣足夠👍🏻環境光猛整潔！座位闊落！店員非常有禮貌、親切👍🏻👍🏻👍🏻一間不錯的小店！用餐期間發現餐牌內有驚喜既特色早餐😍😍蔥花炒蛋三文治！坊間茶餐廳好少提供！期待下次一定要試吓😍

世一冰室店如其名，食物同環境都係世一。今次嗌左老闆推薦既吉列豬扒蛋包飯（佢話咖喱汁好食啲，不過我一啲辣都唔食得🥲）同芝士漢堡扒蛋包飯。個飯一黎到，即刻比佢既份量震驚左！豬扒既size差唔多有我塊面咁大，比酥脆既面衣覆蓋住，都唔知邊度落手好～飯既份量都係誠意十足，真心抵食。照燒汁雖然比較鹹，但配上蛋同飯就啱啱好。試左少少咖喱汁，其實真係得少少辣，幾香。整體環境好乾淨好企理，裝修都好靚。新開既街坊小店，經過長沙灣一定要去試下！

屋企附近新開咗間冰室 裝修好似間文青cafe咁整齊乾淨同佢地吹咗陣水先發現係後生仔檔疫情之下竟然夠膽開鋪 比個like你個膽量有一說一唔比其他老牌子既茶記冰室差 大家行過不妨入去試下！佢地既服務都好好架睇黎又會成為我長期飯堂講返啲野食先 第一次黎食諗唔到食咩梗係食佢招牌啦！我就叫咗個世一炒飯 外表望落同出面普通炒飯無咩分別 但你食落會發現佢落咗豆豉！唔知係咪老x媽但的確令個炒飯提升咗 加埋隻大size蝦仁同大大粒叉燒 無得輸整體黎講如果有多啲辣味就正🤣另外朋友點咗個乾炒牛河 啲牛仲多過啲河粉 有無搞錯！唔會好油之餘又唔會痴埋一舊舊食牛河最驚就係一舊舊另外叫咗杯紅豆冰 又係痴線野一大杯都算 半杯都係紅豆！我就問老細你真係賺到咩？佢就笑笑口就話 無計啦街坊中意最後希望佢地可能保持初心越做越好啦！下次我紅豆要爆豆！（老細你見到覆下我）