不夜天 (已結業)

我同我老公差唔多每個星期都會幫襯，偶然睇下食評，發覺啲人都唔識欣賞！區內都有幾間米線，但係呢間我覺得比較抵食同埋好食。佢個湯底加左麻辣、酸辣，味道濃郁，配菜多，比起隔離麻酸樂好味！平時最鍾意叫豬頸肉同埋蘿蔔，蘿蔔非常之林，每次必定會加！每次都食到好飽，而且小食種類比較多，個人最鍾意就係食皮蛋，佢個醬汁真係好正。炸韭菜餃都係我哋經常叫嘅小食，一定冇水餃專賣店咁好食，但係感覺上都唔錯。總括來講我覺得呢間真係大件又好食又抵食！

下午茶時間，諗住求祈搵間麵店醫肚，可惜附近每間店舖坐無虛席，行咗好耐先搵到這間店舖有2個座位在廚房門口，不論店舖環境、光線、衛生都非常差，座位非常擠迫，為了醫肚迫於無奈坐抵，當諗緊食乜之際，有個店員拎住一大堆碗碟在狹窄的通道進入廚房，而碗碟內的咖喱汁不斷滴下來，在我身旁經過，當時人太多不能躲避，最後啲咖喱汁滴落我件衣服上，唯有無奈地用自備濕紙巾抹，有個不戴眼鏡看似老闆娘的人見到笑説：「整到你件衫呀！」 我只用平和的語氣説：「唔洗講到明，有眼見到，明知座位迫，通道窄，顧客多，就住嚟攞啲碗碟入廚房。」佢沒有聽完，沒有講任何嘢便轉身走開，連一句基本道歉都沒有。 唯有在食物方面比多最後一次機會，我和朋友點了豬頸肉飯、清湯菜肉餃鴛鴦粉和凍奶茶，落單都是老闆娘寫的，點知嚟了椒鹽豬扒飯都算，食落除了辣味和油浸之外，沒有其他味道，而清湯菜肉餃鴛鴦粉更加差，清湯除了好飲過清水之外，簡直淡而無味，鴛鴦粉更加煮都過火開始發脹，菜肉餃是用塑膠微波爐碗分開上的，餃皮厚還穿了小孔，餃味淡，睇外型不是新鮮整的，是隔夜整熟，有客人落單才放微波爐叮熱給客人食，而奶茶不過不失。食物質數已經差劣，還大力將食物放落枱上

今晚十一點，跑完跑馬，求求其其搵間餐廳食。入到舖坐低，見到張枱仲好油林林，可想知衛生有問題，求求其其點左個酸辣湯，白菜餃，豬潤，韮菜，紅薯粉。  等餐期間，隔離枱客人投訴佢杯西瓜冰好淡，好似飲水咁，搞用餐既氣氛有d緊張。       十分鐘後我既食物上到枱，感覺份量十足，豬潤有差唔多十舊，韮菜佈滿半個碗面，食落口湯底有酸，有辣，不過無其他味，就好似清水加醋加辣椒油一樣.白菜餃入面好似皮包骨咁，一d內涵都無，食落去只係食到麵粉味.紅薯粉過腍，無彈牙感。成碗野望落好睇,一d都唔好食.    食到咁上下，店內四個店員因一杯飲品，係店內嘈交，之後我就埋單速閃，依間餐廳，不論裝修，招呼，環境，氣氛，衛生，食物質素都唔得，我唔會再黎。

難得第一次同阿妹喺巴士上撞到,就梗係兩姐妹食埋嘢先返去啦！豬扒鴛鴦粉 大麻辣豬扒都厚身有口感加上有味道鴛鴦粉 米粉加粉絲口感非常好麻辣湯底佢一上枱,我就話 我係要大辣喎應該唔係咁嘅淺色,咁佢話 係啦！你食吓先唔夠再加番麻辣俾你啦！咁食落真係唔夠,佢哋都肯加番俾我加番之後真係唔同,麻辣香味出晒嚟。煎雞中翼雞皮上有少香茅唔太重味另外仲叫咗我喜愛嘅煎韮菜餃上次食嘅時候,佢係個皮煎到好香脆,但今次好似烚熟d餃求其煎幾嘢就算

今次食豬扒鴛鴦粉粉絲加米粉個口感真係好好豬扒 好好食夠厚身，但細塊。如果大塊d就更加好生煎韮菜餃個皮煎得好脆，但食落去仲有肉汁溜出嚟。但如果佢個饀可以再脹卜卜多少少就更加好。

麻辣大辣雙份韮菜餃配鴛鴦粉(米粉加粉絲)韮菜餃 多饀，多汁又夠味鴛鴦粉 口感夠特別，好味麻辣 初時食唔夠麻辣，店員主動話幫我再加麻辣同加湯。椒鹽炸燒賣落椒鹽份量剛剛好，所以味道好平均魚旦鷄湯米線鷄湯味 唔太濃但食得出有鷄味米線 夠滑。魚腐酸辣薯粉 小辣魚腐 雖然薄身，但好味道薯粉 比其他連鎖店的滑身。

收工又同妹妹仔去tea，之前佢話想食糖水，成日經過呢間野就黎試下啦～入到去沒有人,只有我2,所以姐姐都好熱情招待叫左米線同三寶share淨肉碎撈米線@ $20佢d肉碎同第2度食既唔同,食得出係用左茄汁可能同預期既不同,有點古怪....煎釀三寶@ $10/5件叫左茄子、紅腸、豆腐同蕃薯新鮮熱辣,食到我地差d辣親添同彭仲有妹妹仔要食既糖水 - 紅綠豆加湯圓味道我就不知道啦,但份量就比較少

今天探完朋友同BB就過置樂睇東東, 很久沒有過去了, 以前讀書的時期, 哈哈!!XD行了一陣想食TEA~~~尤其想吃煎饟三寶, 就去了這間食店, 因為有得坐, 又不是室外, 外面實在太熱了!!那時只有我一個, 坐著就看餐牌, 原來這裡的招牌是酸辣粉, 不過我就叫了少吃, 五寶加豆腐花...$10五件, 其實不是太平又不是太貴~~~~叫了的五寶有豆腐, 茄子及紅腸...好似蠻新鮮的炸起, 香脆可口!! 食物都幾新鮮, 豆腐幾滑~~咪道也不錯!!西瓜豆腐花~~~豆腐也很滑, 都幾大碗!! 西瓜幾多及甜甜的~~~~不錯的一個TEA, 下次有機會過去也可以ENCORE!! MENU有不少甜品~~~而且睇到之後開始有很多客人都叫酸辣粉, 可以試下!!^^

大班人去食嘢, 每人叫左碗"江西酸辣面", 個女侍應叫我試下唔好食米線,試下轉紅薯粉, 話好多人都叫, 我就叫左碗"麻辣黄牛肉韮菜餃豬扒紅薯粉"...的而且確係唔同普通米線同其他面嘅, 紅薯粉比一般米線沾湯力高, 每一啖都沾有麻辣湯, 食條利有小小麻麻地....之後食完嗰陣個女侍應見到我地大汗揼細汗就介紹左個甜品比我地............一試難忘.......經過麻辣湯高温燃燒下碰上北極藍莓沙冰, 講下笑啫 ! 好欣賞勁多生菓, 不過就嚴啲沙冰太大粒, Anyway 一間甜品店做到咁有質嘅食物都值得一讚 !

次次去呢都係食麻辣麵因為佢其他野食只係睇menu都覺得唔ok不過一樣唔好既野就係, 佢地加埋食送要3x蚊一碗。麻辣粉麵黎講真係叫貴，不過屯門佢地獨市...無計好好彩佢地依家比以前有良心左, 用料會重手d, 麵都會多d!!佢地既麻辣真係好食! 夠辣夠大碗，我同男仔朋友食佢地都會叫飽特別推介佢地自由選搭的餃子- 豬肉 or 白菜餃真係好大隻同用料好足!!!----其實呢呢間真係只食佢地麻辣、酸辣好啦...

我住呢間野附近 .. 有朋友試過佢既外賣話唔錯 所以我都試下我叫外賣 .. 15mins之後就送到 .. 幾快我叫既係 酸辣米線 & 掠拌豬頸肉因為第1次叫 唔知有幾辣 ..但係我認為如果你係食得辣既可以一試就試中辣中辣的確係唔多夠喉 佢送上黎係分開湯同米線包裝 .. 整體米線都唔係話差 而掠拌豬頸肉我係叫黎當餸 ..有小小既麻辣味 , 但我認為再辣d會更好$18 都幾大兜 食完米線仲有淨4分之一可以留番餸公仔面 幾正加埋都係$38 當lunch都幾抵食

屯門華都附近想搵間可以食宵夜但又唔駛食得大大碟既地方真係可以話冇, 不過再行過少少去到置樂就有一間開到凌晨3點, 佢地店舖既野食應有盡有...我地2個人食左 :生菜魚肉翅 $15, 魚肉冇味,散爛! 生菜太多! 同埋伕碗仔水多d...酸辣紅薯粉 $18, 薯粉太硬...巴辣雞中翼(6隻) $20, 巴辣係唔辣既, 炸得丸干身, 所以變得太硬崛崛...涼拌麻辣豬頸肉 $18, 呢個都okay既, 唔係好麻辣, o岩哂我食唔得麻辣既人...

隔一排就會過來幫襯，貪尼到開得夜，同女友吃宵夜，芝士豬頸肉撈公仔麵…25元，豬頸肉好味，送雞蛋，芝士汁就無芝味，汁好稀，但都係飽肚之選。涼伴麻辣青瓜…都好多，但切得大條，可以切細條就好拉，食落條舌真係有些麻喎，幾得意。入夜都好多人，門外有位坐。