下江南

營業中

休息中

今日約朋友黎到西九龍影相，行到故宮博物館見到有間餐廳好靚，就入左去打卡除左本身佈局同裝修靚之外，出面有落地大玻璃可以見到海，超正！野食都好match故宮博物館，都係宮廷食品重慶小麵，其實係豬肉碎撈麵，睇色水好似好辣咁其實唔會太辣，我呢啲平時唔係食開辣既人都食到，入面仲有花生粒，食落好有口感好好食套餐仲附上兩款小食，我叫左拍青瓜同鹽水鴨，味道都唔錯，中間用左條長青瓜分開兩道小食，幾得意菜肉大雲吞，配醉鮮鮑同花雕醉雞，唔會太重酒味，雞肉勁嫩滑，唔錯聽聞係慈禧太后中意食既碗豆黃，即係黃豆糕，食落甜甜地有啲粉，好清新既感覺，唔怪得太后都中意食桑寄生蛋茶，好香濃藥材味，有仲啲紅棗，飲落好甜好養生，一定要試下！

突如其來嘅半天假期，打算去賞鴨😳點知遇上緊急維修🫠加上天公不造美，老公提議近近地不如去西九行吓藝術館，順便醫下肚先上網睇西九開咗間新餐廳，個名都幾有趣，叫下江南，大部份嘅菜式都依照乾隆年間既紀錄而編制餐廳設計富有藝術感菜單都非常簡潔清晰，月亮款式既菜單更加記錄咗每一款菜式嘅典故有套餐可以自由配搭，冷菜每款都好吸引我哋揀咗兩款套餐，第一道冷菜就揀咗醉鮮鮑天醉珍肝。兩款醉涼菜酒味唔算太濃郁，但仍然可以嚐到酒既香氣，鮑魚口感軟糯，珍肝爽口鹽水鴨拼夫妻肺片就比較濃味刺激，鹽水鴨肉質細嫩，帶鹹香味；夫妻肺片麻辣辛香，四款涼菜都好開胃老公既青荀蔥椒丸子麵，唔少窩荀及冬菇於麵上，青荀係乾隆最喜歡既食材之一，加上調味有致既蔥椒丸子，味道清爽酥油野瓜雞係乾隆最愛既佐餐小食之一，味道濃厚偏鹹香，灑上既松子口感相得益彰意猶未盡再叫咗碗現代化既紫薯芋圓涼粉，芋圓份量唔少，比一般芋圓更煙韌有咬口蜂蜜菊普茶底層有滿滿既蜂蜜，攪拌後味道甘甜清香，清爽解膩悠閒咁享受完午膳，好似上咗課歷史咁🤣體驗唔錯

下江南｜𝕎𝕖𝕤𝕥 𝕂𝕠𝕨𝕝𝕠𝕠𝕟 ℂ𝕦𝕝𝕥𝕦𝕣𝕒𝕝 𝔻𝕚𝕤𝕥𝕣𝕚𝕔𝕥前排表姐落左黎香港，一齊去故宮睇珠寶，順道試下故宮入面間新餐廳。原本以為「下江南」係個名襯返故宮啫，點知入面食嘅野竟然真係有參考過當年皇帝太后鍾意食d咩！落地大玻璃，斜斜望住維港，好梳乎！我地叫左2個下江南套餐，各自有2個冷盤前菜同1個主菜1️⃣ 火薰玉蓮鴨子麵湯底好重鴨同蠔油味😂麵質彈牙！話説係乾隆嘅膳單入面，鴨就成日出現。呢碗舊鴨肉超大，好軟身，最正係無骨👍🏻一啖湯，一舊肉，一啖麵，再配埋鴨面上嘅乾蔥，正正子2️⃣ 酥油野雞瓜3️⃣醉雞配醉鮑2樣都好食，個人唔多好酒，呢2樣嘅酒味淡淡地，唔會太濃，香得黎易入口，雞好滑，鮑魚都浸得好淋4️⃣鹽水雞配醉鮑5️⃣驢打滾慈禧太后嘅甜品，糯米皮卷住紅豆蓉，唔會太甜，好食6️⃣凍烏龍茶呢度無提供水，要俾錢叫……叫支水都20蚊，叫杯茶好過，茶就正正常常啦💰人均消費：$250❤️回頭指數：70%📍地址：西九文化區博物館道8號香港故宮文化博物館地舖

真係唔講都唔知道，原來夜晚雖然故宮閂咗，但係裏面嘅餐廳仲營業。仲可以經過故宮學堂嘅玻璃門入口入嚟食晚飯。可能始終唔係好多人知道佢夜晚都有晚市供應，所以人流並唔多，但係就坐得好舒服，而且個景色仲好靚。正常要望e 個景食飯嘅餐廳應該都唔平/要book 位套餐係一人可以揀兩款涼菜，再加個主菜。鮑魚 鮑魚，佢應該係用酒炮製過，有酒香，彈牙。而且預先切左片拍青瓜，爽脆，微辣雞珍，好有咬口整體來講佢嘅前菜每一款嘅份量唔係特別多，但係我又鍾意每個套餐可以揀兩款前菜，咁就可以試多啲，感覺抵食d鴨肉面。面幾煙un,鴨肉唔柴，而且仲入味，又軟淋，有d 驚喜肉夾模，入而有大蔥，香料都會比較重手一d, 份量唔會太大，但女仔食都夠飽。入面嘅肉量都多。肉本身冇點調味，但夾埋一齊整體講都好食。個餅似酥皮餅，幾香棗泥餅，雖然得兩塊，但每塊都好大+勁飽肚，如果人多可以再切黎分天氣太熱，所以叫咗鮮果涼粉。鮮果好清爽，甜度適中。份量兩人分冇問題，抵食！但係都要注意番店舖唔提供水，所以如果想飲野就要order 餐牌內嘅飲品

今天去故宮博物館聽講座之前來了這間新開的餐廳試一下，以我所知，這間店的老闆主要是賣藝術品的，也有幾間和藝術產品有關的Cafe，而這次這間餐廳的裝修也不例外，設計得比較舒服，顏色以藍、白、灰為主，及有月亮造型設計，有種置身晚上的感覺。而門口有賣么鳳的產品。由於最近天氣太熱，所以這次點了這裏的甜品（扫QR code点餐的）：鮮芒果雪糕大明珠$60賣相令人挺有食慾的，中間有一大球芒果雪糕，旁邊圍繞著芒果肉及幾片奇異果，芒果好甜，奇異果帶微酸好開胃，底下是大明珠、透明涼粉及花奶，由於花奶的味道太淡，而大明珠的表面面積大，所以沒有吸收到任何味道，不太好吃，所以只吃了表面的水果及雪糕就算了。總括而言，餐廳的裝修設計令人挺舒服的，不過甜品有點令人失望，或許下次再試一下咸食。

今日去開西九行吓 發現在文化區博物館入面新開左一間食中菜既餐廳 🍴於是跟朋友決定試試入餐廳前要進行一般既安全檢查 要check 清楚大家行裝先可以進入 好像入緊故宮博物館咁 好有趣的體驗😄我地就點了以下食物1. 精選套餐 X2 （$148）- 套餐包左2個冷菜 第一個套餐 我們選了醉鮮鮑 跟 花雕醉雞- 醉鮮鮑 食落去食到清清地既酒香味 好有咬口👍- 花雕醉雞 共有4舊 舊舊肉都幾厚🐔 且每一舊上面都有杞子 好精緻😄- 至於主菜方面 則點了重慶小麵 有大量綠豆 肉碎 且我欣賞佢湯底係幾重既麻辣香味🌶- 第二個套餐既冷菜則點了 夫妻肺片 同埋 四喜烤夫- 夫妻肺片有麻辣味 😄牛𦟌肥瘦恰到好處👍- 四喜烤夫指出滷水麵筋 咬落去爽口 好入味！- 而另一個主食則叫了 火薰玉蓮鴨子麵 個麵是上海麵 有多塊鴨肉 完全冇骨😆勁厚肉😙仲有蓮子 起粉易溶好味道😋2. 老薑茶湯丸- 朋友大讚啲湯丸皮薄餡多 湯圓是芝麻餡 芝麻很香且唔會太甜- 同埋個湯很重薑味 仲要冇薑渣 好正！4. 桑寄生蛋茶- 唔會太甜 幾好飲 - 有紅棗同埋蓮子同埋一隻蛋 😆呢到環境好舒服 帶有中國特色！ 食物也很有水準 會推薦比更多

位於西九香港故宮文化博物館內嘅下江南，係一間主打清朝宮廷菜式嘅中餐館！穿過故宮學堂入口之後，上一層就到！下江南外望整個維港景色，環境真係好舒服！而食物方面，一主食二涼菜嘅套餐，只需百零蚊就可以體驗宮廷菜！火薰玉蓮鴨子麵 - 套餐 $178鴨肉係乾隆帝膳單中，最常出現嘅食材！去骨嘅火薰鴨肉加埋炸京蔥絲，上菜嘅時候，真係香氣撲鼻！鴨肉軟腍，湯底調味得宜，唔錯！青筍蔥椒丸子麵 - 套餐 $178相傳乾隆帝下江南就係為咗食筍，青筍蔥椒丸子口感軟綿，同時帶有肉香同埋菜甜！萵筍煮至軟身，菜甜味勁出，難怪乾隆帝會咁鐘意食！醉鮮鮑 拼 夫妻肺片醉鮮鮑酒香怡人，鮑魚嘅鮮味頗為突出！牛肚、牛脷、牛𦟌都入晒味，辣辣地嘅涼菜真係火特別開胃！鹽水鴨 拼 四喜烤麩鹽水鴨嘅肉質緊緻，咸度適中！烤麩口感似甜酸齋，但味道更有層次同埋可口！驢打滾 $58相傳係慈禧太后最鍾意食嘅甜品，少少煙靭嘅口感，加埋豆沙、米粉、豆粉嘅天然甜味，真係really good！藝術打印中國茶 $98Print返個故宮文化博物館喺杯奶蓋茶上面，係咪好有文化氣息呢？罐裝汽水 $24

喺西九龍區故宮文化博物館有間京川滬美食，呢日來參觀，順便來到位於地下嗰層的“下江南”幫襯，食完之後可以繼續未完的參觀行程。睇來“下江南.精選套餐”係嗰唔錯的選擇，每個set包2個凍食和1個主食，而凍食嘅選擇竟然有“醉鮮鮑”的選擇，你估我嗌唔嗌呢？........答案係“嗌”，唔嗌就笨了😯😯除此之外，還有“夫妻肺片”、“四喜烤夫”和“盐水鴨”，因為嗌咗2個餐，因此有4個涼菜，好開💜“重慶小麺”和“山西肉夾饃”就係呢日的主食，肉夾饃裡是羊肉有羊味，但不騷，連同脆脆的饃非常夹。“豌豆黄”這個甜品屬燕京，燕京即係北京，是著名的北京小食。今年3月通關時北京品嚐過，非常難忘，從此成為返香港後，會掛住的小食，豌豆黃是以豌豆為原料製作的點心，颜色呈淺黃色，入口即化，是極好的夏季消暑佳品。

餐廳要入故宮過安檢到上一層先搵到。建議先到職員就問，因為第一次去可能要花d 時間不過係有feel 嘅好有古裝劇feel入面就modern 小小menu 幾多介紹下江南.精選套餐 $148醉珍肝 & 花雕醉雞重慶小麵多數去嘅人都係叫set重慶小麵 小小辣小小麻，撈麵炸醬麵d friend幾開胃醉雞腎=珍肝，幾厚，爽口醉雞就正常發揮下江南.精選套餐 $178醉鲜鲍  & 夫妻肺片火薰玉蓮鴨子麵醉鮑魚，入味，份量小左d夫妻肺片 都係正常，麻辣風火薰玉蓮鴨子麵 就不得了，小見，鴨湯好溫和menu 都話係古代比皇帝飲嘅鮮芒果雪糕大明珠 $60唔太古代，不過咁熱，要食甜品幾大碗紫薯芋圓涼粉 $48紅豆幾多下，同芋圓幾match入口舒服下江南 (尖沙咀地址: 尖沙咀西九文化區博物館道8號香港故宮文化博物館地舖

難得去到博物館，去咗呢間下江南食完嘢先入去。兩個人叫咗兩個主菜，跟餐就四個小菜。青荀蔥椒丸子飯，食落去完全係兩餸飯嘅感覺，啲飯好淋，啲汁太多，浸爛晒啲飯。肉丸好似食緊宜家傢俬咁，唔係，應該係宜家傢俬好食好多，完全冇味，鞋口，鬆散。$178一個，真係接受唔到重慶小面好食啲，砂糖加花椒油，食落去都好香口，但係面底都係太淋太硬，其他冇乜特別四個小菜都係啲手帕青瓜雲耳，三舊醉雞，菜單就寫係雞肝，但係嚟到其實係雞腎，電話落單就寫chicken liver，原來Menu就寫chicken gizzard仲有啊，呢度沒有提供任何水，話要另外買。堂堂故宮博物館咁靚咁宏偉嘅地方，入邊間餐廳冇提供水，真係有辱國體😫

開幕已有好一段時間，位於西九文化區內的「香港故宮文化博物館」，自己一早有意探訪，但一直未有成行，這一天終於趁著周末有時間，特地早一天在網上訂購門票，然後與太太前往參觀一番。準時在早上10點前到達，稍候片刻，隨即便可率先趁著人還未多，國內遊客大軍還未殺到，入內參觀。逛了三個多小時，大飽眼福之後，很快便來到午膳時間，決定就在館內用餐，快捷方便。博物館內其實只有兩間中菜館，位於頂層的「璟瓏軒」走的是高級路線，一個套餐連加一最便宜的也要四百多元一位，位於地下的「下江南」吃的是京川滬菜，當中也有一些特色的宮廷菜式，價錢較為相宜，順理成章地成為我這天的午餐之選。餐廳環境不錯，光潔明亮，圓形的餐牌也有特色。店中對著維港一面的落地窗，既可近望公園的綠蔭，又可遠眺維港對岸的高樓大廈，這天天公造美，是個陽光普照的大晴天，綠油油的植物，襯托天上的藍天白雲，實在令人心曠神怡。餐廳還有不少寄賣的小食零食，也可讓客人在用膳過後，選購回家。店裡的「下江南套餐」是頗吸引的，客人可在這套餐中的七款冷菜與八款主食中揀選其中兩款冷菜和一款主食，價錢由最便宜的 $138起到稍貴一點的 $178，當中的主食，有幾款都是店中推介

#fafafoodblog尖沙咀 #fafafoodblog中菜夏江南精選套餐🍴醉鮮鮑 醉珍肝 重慶小麵148 蚊🍜🌶️鮑魚切得厚度適中 酒汁入味 珍肝好爽口彈牙 小麵比較闊同厚身 有黃豆 花生炸菜 肉碎 d肉碎似炸醬多 d好香濃 🥬🐽 加 d葱花調味 麵盡吸醬汁 好正 加埋黃豆花生 好有層次感 🍴花鵰醉雞 夫妻肺片🐽酥油夜雞瓜飯 178 蚊🍚🔥醉雞好香滑 酒香夠 夠雞肉味，肺片 有牛肚 牛展 牛展彈牙好入味帶 d香辣 🌶️ 雞飯雞扒近脾位彈牙 黃豆 紅綠椒 飯質夠軟林 佢醬汁帶 d醉甜 夠開胃 仲有芥蘭 正🍴驢打滾 3 件58 蚊用糯米包住紅豆 卷埋整 上面鋪 d黃豆粉 好煙 un彈牙 好食#醉雞 #鮑魚 #雞飯 #重慶小麵 #夫妻肺片 Score 平均分< 7.8/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻👍🏻👍🏻Value for $ 性價比：👍🏻👍🏻👍🏻👍🏻Service 服務：👍🏻👍🏻👍🏻👍🏻~~~~~~~~~~~~~#下江南尖沙咀西九文化區博物館道8 號香港故居文化博物館地鋪~~~~