上海萬家村小館

營業中

休息中

睇menu📓都睇左10分鐘，因為佢真係太多款式選擇😵，晚市有多款不同套餐，晚上7:30去到，已經要排隊，可想而知幾受附近街坊喜愛。🥟香煎鮮肉鍋貼5隻🥟煎既時間掌握得好好，每隻第一啖都會爆汁💦，餡料經過輕輕調味，就算齋食都冇問題。🥟招牌鮮肉爆汁小籠包5隻🥟原個蒸籠上嘅爆汁灌湯小籠包，肉汁清甜，皮厚度適中有韌性，皮厚度適中，唔易穿，點埋個薑絲香醋，一人KO一籠唔難。🍜上海擔擔麵🍜揀左唔辣既擔擔麵，一放低已經聞到花生🥜嘅香味，湯底濃度剛剛好，麵底似係手工拉麵，夠彈牙，份量比起出面嘅擔擔麵多，性價比高👍🏻🐮招牌回鍋肉/牛肉🐮我選擇左牛肉，牛肉嫩身有牛味，一啲都唔韌，店家用左豆干紅椒芹菜去炒，足料有鑊氣，如果我唔係叫咗擔擔面，我肯定會叫碗白飯去送😋😋🐷相思骨🐷店家用原粒桑梅去整，唔係單靠調味料去調個酸，食落似加左蜜糖，酸酸甜甜好開胃，而且選用既排骨，肥瘦同骨肉既比例都剛剛好，一口一粒，食唔停🫣🌶️回味麻辣口水雞🐓味道層次豐富，不單止有辣味，仲帶麻香，雞肉嫩滑唔肥，上面既配角花生香脆，唔算太辣，唔食得辣既都可以一試。💰價錢實惠，碟頭又大，絕對值得一試。👍🏻

今日去深水埗睇電腦，睇到咁上下自然就去搵食，自問都成日出入深水圳，啲野食黎黎去去都係個啲食到厭，今日一於試下新野呢間萬家村食上海野，估唔到有驚喜！價錢上都好平民，勁多唔同上海菜都有，就連松子魚都有得食呀！食上海野點可以唔叫小籠包，呢個係蟹粉小籠包，熱辣辣上枱，店員提示我地要趁熱食先最好味，不過入面真係好多湯汁，食既時候要小心燙嘴入面蟹粉份量都唔少，一啖食落去勁香口，入面豬肉夠晒味，皮又夠薄好高質紅油抄手，醬汁夠晒多聞落好香，唔好見佢咁紅其實唔算好辣，連埋啲醬料一齊食勁好味口水雞，辣得黎好彩係冷盤，我朋友唔價得辣都食到，仲要搶住食事關隻雞真係好嫩滑，口水料又唔會蓋過雞肉味螞蟻上樹，平時好少食，不過我真係好中意食粉絲每一條粉絲都完完全全索晒啲汁，加上入面仲有好多肉碎，食落又有咬口又夠味高力豆沙，第一次食，開頭以為係凍既甜品，原來係熱食入面包滿晒紅豆蓉，外面層皮軟身甜甜地，幾特別

呢間深水埗平民上海菜真係唔錯㗎！佢哋嘅小籠包餡多，湯汁幾多，熱辣辣。紅油炒手好似雲吞，醬汁香辣！我哋叫咗回鍋肉粗炒，回鍋肉肥美，粗炒好似烏冬質感，炒得恰到好處，夠味又唔會太膩。另外，佢哋嘅咸魚雞粒豆腐煲亦唔錯！豆腐嫩滑份量多，雞粒鮮嫩，一碗熱騰騰嘅煲仔菜真係好暖胃。菜揀咗蒜蓉炒菜心，蒜蓉夠香～～最後，當然叫返個酸辣湯。湯底酸辣度令人胃口大開，入面有蝦等料，幾鮮又香辣。呢度價錢平民，款式多，抵食！！

喺黃金附近買完嘢，想食中式小菜，就見到呢間上海嘢。其實我自己幾鍾意食中式嘅嘢，有啲要有鑊氣嘅小菜自己煮唔到。$128 🍤黃金蝦球邪惡鹹蛋黃蝦球，每一隻都沾滿左鹹蛋黃，鹹蛋黃超級啱配飯食。蝦球粒粒都好大隻，外層脆卜卜。蝦球爽口， 連蝦腸都挑埋。$138 🫕蟹粉豆腐羹見到有唔少蟹粉相關嘅菜式，就揀咗個豆腐羹試吓。超級大碗，應該可以三至四個人食都得。好足料，見到有唔少嘅蟹肉，蟹膏。$90 🍲沙嗲金菇肥牛 配飯 🍚呢度都有晚餐，配白飯或者菜飯，送埋嘢飲，可以揀汽水或者豆漿。唔好睇相咁細碟，實情係啲肥牛仲多過啲粉絲金菇。呢度啲小菜，例如係黃金蝦球，都係喺屋企唔會整嘅菜，做唔到佢咁香口。仲有唔少嘅小菜可以揀，夜晚唔想煮飯可以過嚟食。

今日好開心同屋企人去咗深水埗站附近嘅一間餐廳，估唔到呢一間餐廳水準咁高，有驚喜，所以住附近嘅朋友，深水埗朋友一定要嚟試吓，呢一間經濟實惠，侍應嘅服務周到，好殷勤，有笑容，而且佢哋嘅食物水準好高，選擇又多，去到餐廳嘅時候，已經人流好多，證明呢一間餐廳真係好受歡迎，係老字號，所以一定要利是呀，而且我最鍾意係佢哋嘅價錢經濟實惠，一個套餐有飯有湯有小食，都唔需要$60 ，真係好抵，出面市區係搵唔到呢個價錢，而且佢哋啲餸菜全部都係熱呼呼的好新鮮，又大碟又抵食，所以我覺得呢一間性價比好高，如果想食一個超級飽，就超級好食嘅飯，一定會推介呢一間餐廳，而且佢哋嘅套餐真係好抵，有飯有面，我哋特別叫咗一個上海豬扒麵，加個生煎包做小食，個相機包真係好好食呀，出面食唔到，而且佢哋個豬扒麵嘅份量有夠大碗，年糕都好好食，所以呢間真係一定要泥試吓

同朋友約開去深水埗，行行下就諗起想食上海野，咁啱就行到呢間萬家村上海小館。其實深水埗呢度周圍都超多人，好彩早少少入黎，好快又滿人啦。係深水埗食野真係好熱鬧，而且侍應姐姐意外地好相與，仲要好好介紹。咁熱首先就叫左個麻油海哲食下先，好爽口又夠香，非常開胃。然後叫左個老乾媽抄雜菌。睇落好似好多辣椒，但其實又唔會好辣，真係好開胃，好啱送飯。最好係佢唔會好咸，因為呢類小菜一般都會好重口味，但又唔會，所以都幾意外。見到餐牌有金銀抄鱔糊，真係好傳統既舊式菜，好似已經好多上海舖都冇得食啦，呢度竟然有，所以真係即刻叫黎食下。好多鱔，又好肉，而且芽菜韮黃都唔少，真係超足料。難得食到呀。黎到當然要食埋小籠包，仲要食蟹粉既。黎到都幾大舊，有蟹肉香味。真係覺得好特別，好享受。

星期六晚飯時間唔洗排隊。Menu望落幾新🤣我地嗌左—涼拌四拼 $98（麻油海蜇X五香牛展X花雕醉雞X鎮江餚肉）有時人少少，又有幾種小食想試，嗌呢個四拼就岩啦🥳一次過滿足哂所有願望🤤-1️⃣麻油海蜇⭐️超好食🤤海蜇爽口彈牙，配上青瓜絲、白芝麻同麻油，真係停唔到口！-2️⃣鎮江餚肉⭐️鎮江餚肉好少見！鐘意分層食，點一點醋，食完層啫喱再食層肉，再食埋層啫喱，好食又滋味！🤭-3️⃣五香牛展份量多又大塊！牛展重牛味，有咬口，但有少少韌。-4️⃣花雕醉雞份量多，醉雞酒味濃郁，十分入味。唯雞肉多骨，近骨位置會較紅。—炸銀絲卷 $25⭐️銀絲卷大大舊，熱辣辣；用筷子夾起都feel到佢好酥脆！果然口感外脆內軟，轉眼間煉奶同銀絲卷就消失左啦🤤-銀芽炒鱔糊 跟菜飯同豆漿 $110呢個係店員推介🤭老實講，我唔常食鱔糊🤣但一黎到，份量多到「嘩」一聲，無論芽菜定鱔片都好多！芽菜爽脆，鱔片煮到稔身但實肉，夾埋一齊食口感唔錯。菜飯嘅菜新鮮嫩綠，唔似擺左好耐🤭凍豆漿就有D甜，甜味蓋過左豆味🤔—鮮肉小籠包 5隻 $48小籠包岩岩蒸起熱辣辣，好大粒。可惜小籠包嘅皮有D厚，入面無湯，係入面舊肉夠大舊。—有樣嘢想讚係佢有茶水供應，濃郁解膩，最後睇番

喺深水埗做完嘢，同朋友周圍睇吓有咩食！深水埗出名啲嘢平晚飯時段見到呢間上海菜人頭湧湧🫣就入去試吓😍Menu好大本有好多嘢食揀真係花多眼亂🤣首先，我哋叫咗個💕小食拼盤😍小食併盤 可以2併/3併/4併 👍🏻鐘意點配都得🤣因為咩都想試下 🤭最後揀左4併五香牛展 /烤夫 / 海蜇 / 怪味雞😊怪味雞🐔叫個陣無突登問侍應係咩味😂就想睇下點怪味法😌😌原來係豆板醬+芫荽味道一D都唔怪 雞件仲好滑添☺️👍🏻五香牛展 好入味 海蜇配青瓜絲 爽脆‼️烤夫有配埋雲耳 ☺️食上海嘢又點少得小籠包🤭小籠包 有5粒😊即叫即蒸 👍🏻要耐心等下‼️😆睇得出皮好薄🥹🥹薄到見到入面D湯汁 ‼️肉汁超甜 😍😍😍一咬係爆晒出黎😆招牌菜果然有番咁上下水準‼️‼️👍🏻😌主菜之一我哋叫咗💕砂窩雲吞雞真係估你唔到‼️居然有4分1隻雞咁叫🤣🤣岩晒2個人👍🏻👍🏻平時2個人見到半隻甚至全隻就會取消念頭🥲雲吞細細粒 包既方式唔同雲吞麵鋪唔知係咪傳統上海做法呢?😗至於d雞件🐔唔肥 ‼️無標黃油 所以湯底算無乜油😚😚仲好甜好鮮😍娃娃菜索晒上湯 超好味！💕鱔糊粗炒朋友話n年無食過 🤣🤣好多餐廳都唔再整鱔糊😖😖因為手工太煩‼️‼️上菜估唔到有咁多份量既鱔😮😮一d都唔腥‼️

前幾日先諗起好耐冇食過上海嘢，估唔到今日就有得食🤩。依間平價上海菜店鋪唔算好大，但都真係好多街坊幫襯😎，平日嘅晚市都幾乎坐無虛席🤭。-💛招牌回鍋肉 $88回鍋肉勁大碟，半肥瘦嘅五花肉口感彈牙，加埋椰菜、青椒、豆干一齊炒，食落香濃惹味，唔算好油👍🏻。而且依道回鍋肉一啲都唔辣，非常適合怕辣嘅朋友，佐飯一流😚。-💛招牌鮮肉小籠包 $48小籠包即叫即蒸，每個都相當大粒，賣相算唔錯😋。肉餡肥瘦適中，有湯汁😉，如果皮可以更薄更軟，相信會更好味🤤。-💛涼拌麻油海蜇 $68海蜇夠爽口，一碟都比得幾多，重麻油味，個人覺得幾好食😋。面頭撒上咗青瓜絲，食落更加清新可口🥰。-💛豆沙窩餅 豆沙窩餅即叫即炸，外皮香脆，內裏軟糯😆，而窩餅包住嘅豆沙餡就甜度適中，一口接一口，真係會食到停唔到口😍。

深水埗上海萬家村是一家以上海菜為主打的餐廳。我首先試了他們的松子魚二人餐，這個套餐包括自選冷盤、點心、湯、主菜、小菜、炒飯、甜品和飲品。自選冷盤中，我推薦麻油海蜇。這道菜的口感很棒，海蜇絲脆嫩，而麻油的香氣讓整道菜更加美味。在點心部分，他們的招牌鮮肉爆汁小籠包是一個必嚐的美味。這些小籠包皮薄餡多，而且鮮肉的汁水在口中爆開，帶來濃郁的味道。主菜中的松子黃花魚是我非常推薦的一道菜。這道菜將松子與黃花魚結合，帶來了甜酸咕嚕肉的味道，此外，黃花魚經過油炸，口感十分脆口。揚州炒飯是套餐中的炒飯選擇，蝦的份量很足夠，讓人食慾大增。京蔥爆牛肉。牛肉鮮嫩多汁，搭配京蔥的香味，給了整道菜獨特的口感。海鮮羮是套餐中的湯品選擇，裡面有蝦、蟹柳和小帶子。湯的味道鮮美濃郁，海鮮的鮮味和甜味相互融合，十分美味。套餐的甜品部分是豆沙鍋餅，這道餅皮香脆，內餡豆沙甜而不膩，是一個結束餐點的絕佳選擇。金黃外表十分吸引最後，我又點了兩杯鮮豆漿作為飲品，它們的甜度適中，不太甜，相當順口。

呢間餐廳都幫襯左好多年，食物價錢平，味道好，老闆同職員都有人情味，所以我周不時都會去幫襯佢，呢度嘅套餐好抵食，有主食，小食同飲品，都係$40-60，而且選擇都唔少，味道又唔錯涼拌四拼有醉雞，雞絲粉皮，麻油海蜇同鎮江餚肉，醉雞入味，好香花雕酒味，雞肉又嫩滑，海蜇爽口，加上有麻油香味，係幾好開胃，餚肉就夠Q彈😍😍小籠包小籠包味道不錯，有湯汁，配埋薑絲醋幾夾👍🏻酸辣湯酸同辣度都啱啱好，互相平衡，材料都好豐富，有筍絲，蝦，豆腐，雲耳等等生煎包生煎包岩岩煎好，上臺果陣仲熱辣辣，包嘅底部煎得香脆，餡料有肉汁，係幾好食😋上海豬扒粗炒上海粗炒好有有鑊氣，上臺時出晒煙，份量都幾多，豬扒有7-8小塊，麵應該有4-5小碗，而味道又調校得啱啱好，下次去會再叫酸菜海鱸配菜飯酸菜魚份量幾大下，一大湯碗，魚片大約有十幾片，每片魚肉都帶有小小魚皮，魚片係完全冇骨既，岩晒我呢啲懶人😂😂呢個酸菜魚只有輕微嘅辣度同酸菜既酸味，所以仲可以食到魚肉嘅魚味，而配菜都有唔少，有芫荽，芽菜同闊條紅薯粉，紅薯粉配埋酸菜魚嘅湯好夾，最後成碗食晒😆😆豆漿豆漿係應該都係自製嘅，所以都係幾岩口味，唔會太甜，又有淡淡的豆香👍🏻👍🏻

近日有朋友來港旅遊，想吃地道的上海菜，又想可以順便行街。 我想起之前有朋友們推介我去深水涉上海萬家小館。此小館在深水涉福榮街117号地舖。交通極方便，深水涉地跌站D2出口行2分钟就到。 附近又可以行街shopping 👍啱晒大家😆我們行完街吃晚飯便到了這家，原來已经有很多。 看了餐牌，食物种類繁多，最後還是要了他們招牌菜式。 我們点了蟹粉小籠包、砂鍋云呑雞、韭黃炒鱔糊菜飯和豆沙鍋餅。蟹粉小籠包是店內的No.1 招牌菜式。 蟹粉很鮮味, 配肉汁的小籠包真是極品，超正👍必叫👍很久沒有吃過正宗的炒鱔糊。 韭黃爽口、鱔鮮味彈牙，还有汁很濃但唔會杰或鹹。配菜飯，真好。砂鍋云呑雞份量十足，夠味。 雞好滑和有好多件，还配上云呑、紹菜👍湯水鮮美。甜品係豆沙有鍋餅。 紅豆餡飽滿，煎得非常香脆，唔會太甜，又咁熱，真的好味道！ 配上自家豆漿，有豆味，必叫😆這裏面的食物有很多選擇，吃一次是不夠的。 它的招牌菜还有很多未試。 下次会多約些朋友前來再試其他招牌菜。 它們的價錢親民，多試幾个亦無防😆

深水埗呢間小店，雖然無華麗嘅門面裝修，但係正宗嘅上海菜始終都深得街坊嘅喜好，好多客人光顧，今日可以試下啦。餐牌多選擇，除左散叫，仲有抵食晚市套餐。由於朋友喜歡松子魚，我地就選擇了松子魚二人餐。前菜揀左麻油海蜇，好香麻油味，海蜇好爽。招牌爆汁小籠包個皮夾起都唔會易爛，入面嘅豬肉有鮮味唔會得肥膏，而且真係爆汁，有一半湯汁㗎海鮮羹好大碗，每人可分到3小碗。湯有鮮味，似是魚湯底。加上蛋花，蝦同蟹柳等海鮮，配料十足，而且鮮甜好味。松子黃花魚黎到心水松子魚，一黎已經心心眼了。原條黃花魚拆骨炸起，淋上酸甜汁，賣相一流。啖啖魚肉滑嘟嘟，連魚皮都脆卜卜，連食魚怕啃骨嘅我都完全唔驚。酸甜汁味道適中，仲有菠蘿，蝦同松子等，多層次口感，配合埋魚肉食，真係食唔停口，真心超正。揚州炒飯炒飯乾身唔會油，而且材料唔吝嗇。另一個主菜係話梅骨，有話梅嘅酸酸甜甜，非常開胃甜品有豆沙鍋餅，外表香脆，仲有蛋香味，豆沙唔會太甜，唔錯。呢個套餐嘅結論係碟碟都大大碟，份量十足，唔止係2人餐，就算叫多2個人share都夠食呀，真係“大件夾抵食”！！

晚市入到去坐滿了顧客，菜單有晚市客飯套餐&晚市水煮系列，仲有平日主餐牌，選擇算幾多今次就點左茄子牛仔骨煲、酸菜魚、擔擔麵、小籠包以及豆漿，晚市包飲品&飯，擔擔麵加$15，都算抵食首先是茄子牛仔骨煲，上菜時醬汗係滾嘅狀態，夠火候，牛仔骨熬制得非常入味，肉質軟嫩多汁，搭配上茄子的濃郁味道，搭配飯就最適合接下來是酸菜立魚，這道菜色的湯汁非常鮮美，用料豐富，面頭鋪滿了魚肉，份量十足，底層有芽菜、辣椒、芫荽等配料，酸酸地，好開胃擔擔麵則是一道經典的川菜，這裡的擔擔麵辣度適中，入口麵條細糯，配上香氣四溢的花生醬和碎肉，係唔錯嘅選擇。小籠包咬開，入面鎖住到肉汁湯汁，值得一試這裡的豆漿口感非常順滑，甜度適中。

#fafafoodblog上海菜 #fafafoodblog深水埗🍴晚市客飯套餐 韭王炒鱔糊 110 蚊🐟配菜飯🥬🍚 豆韭黃同鱔糊都好足料 韭黃夠香 鱔夠彈牙有口感 佢個醬汁 夠香濃入味 撈埋爽口有口感既菜飯 正🍴鮮肉小籠包5 隻48 蚊🔥小籠包入面好 juicy多肉汁 豬肉夠足料 點 d黑醋汁都好好食🍴相思骨98 蚊🐷相思骨好酸甜開胃 有好多梅一齊炒 好香甜 排骨整得好香脆入面入味 豬肉汁 juicy 🍴水煮牛肉麵 69 蚊🐂🌶️牛肉麵 麵質幼身爽口 帶 d.蛋味 有芽菜葱花辣椒木耳等等 湯底好夠水煮既辣味 麵好入味 牛肉多塊 用左滑牛 好軟滑同入味🍴高力豆沙 整得好香脆 即叫即整 有 d糖粉調味 高力豆沙個皮好夠蛋香 入面豆沙熱辣辣 正#高力豆沙 #水煮牛肉 #黑醋骨 #韭菜 #小籠包 Score 平均分< 7.8/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻👍🏻Value for $ 性價比：👍🏻👍🏻👍🏻👍🏻Service 服務：👍🏻👍🏻👍🏻~~~~~~~~~~~~~#上海萬家村小館地址: