上海真美豆漿大王

營業中

休息中

N年前 我在葵芳果頭讀書就近就有 呢間豆漿大王估唔會依家在將軍澳 我都可以找回估唔到依家仲係呢個menu當然價錢已唔同la今次 order了脆香雞扒麵+招牌粢飯+凍豆漿 共$49同樣都係take. away由於天氣太熱 boss都叫我入面等一看之下 依家d裝修唔同左坐得舒服左 冷氣開大左行到返公司個雞扒 有 4 件同以前味道一樣都係咁有 酒味不過今次 就乾身左d有點硬至於個麵 太淋la可能我expect 好似上海粗炒個質地咁 會煙軔但呢個係一咬就爛而個湯底 就有d炸菜 同 d肉絲至於個粢飯都係即叫即做 好熱辣辣咬開有肉鬆 油條 同炸菜d料唔會太多 或 太少啱啱好 而且好好味ar好似返回 那些年咁

由細到大都好喜歡食上海菜，不過依家香港d傳統上海菜館都所餘無幾。見呢間小店都幾多人幫襯，店名又有上海二字，就抱不訪一試既心態入內。叫左一碗酸辣湯，一客小籠包，煎餃同鹵水蛋豆腐。正宗既酸辣湯材料會有豆腐、木耳、香菇、胡蘿蔔、竹荀和豬肉，所有材料都切成絲。呢度只有豆腐粒，木耳絲及肉絲，肉絲好似柴咁，慶幸佢俾得少，唔係食到牙都痛，辣度ok, 酸度則不足。小籠包，皮厚肉無味，點小籠包既薑絲居然只有2條，醋又似溝左水，好唔掂！煎餃同食急凍水餃無分別，餡料無特別，無肉汁，就算煎左一邊既皮都腍既。鹵水蛋豆腐，蛋同豆腐一d都唔入味，兩樣野都唔似係放過入鹵水到煮。走時環顧四周，發現大部份食客都只係食豆漿同粢飯。可想而知，其實呢度根本唔係食上海野既地方！

這間不起眼的上海菜店非常多人光顧，大部分都是附近的住客。這裡的上海菜不太正宗，但性價比極高。豆漿$8每次必點，熱豆漿大大碗超抵，不會太甜。餈飯$17也是每次必點，餈飯餡料豐富，有酸菜油炸鬼等，但近年加價得很厲害。上海淨雲吞$31味道普通，咬下去時有點散。酸辣油豆腐麵$35酸辣油豆腐的味道比一般豆腐及豆卜更多層次，酸酸辣辣令人開胃。上海排骨麵$33排骨大塊，炸得好吃，但略嫌太多油。炸饅頭$14就是一般炸饅頭的味道，是不會難吃的菜式。煎餃子$20忘了拍照，水準普通合格啦。

小弟今日好得閒就去行下街，見前幾日仲裝修緊嘅豆漿大王已經裝修完，就諗住入去食下啦，點知裏面超多烏蠅。小弟就買咗個粢飯拎走算。價錢就17蚊。賣相同大小都算合理。味道方面，小弟就認為個粢飯干咗D同硬，但裏面嘅肉鬆同油炸鬼幫佢加咗分，肉鬆味道啱啱好搭配埋油炸鬼脆脆地嘅口感，都幾過癮😍。裏面仲有榨菜，不過味道偏淡。總體黎講，味道係啱啱好嘅，肉鬆嘅味補全咗榨菜嘅不足。口感都係硬咗D🤔。個人就比6/10分係將軍澳區都算唔差😋。

日日食大家樂， 麥當勞，都有悶嘅一日， 所以今日走咗去食粢飯豆漿做早餐，呢間鋪頭裝修簡單，但聽講買嘅黐飯同豆漿就十分出色。星期六早上八點半到餐廳，冇乜人，唔駛等位可以直接入座，一坐低侍應就送上餐牌，除咗粢飯豆漿仲有一啲麵食，但我哋都係覺得粢飯豆漿最具代表性，所以就點着次飯配豆漿，好似25蚊。豆漿豆味濃郁，好好飲，飲一杯好似唔夠喉，仲想再飲。粢飯入面包左油炸鬼肉鬆同榨菜，係好好食，但係就覺得入邊啲料少咗啲，食唔係好到榨菜 ，有少少失望。見到加錢可以增加榨菜， 肉鬆同油炸鬼嘅份量，不過要加錢先有正常份量既料就覺得有啲失望。

而家吃上海嘢唔係度度有，回味上海粗炒，煎豆腐，豆腐花豆漿等等，剛剛同朋友路過新都城二期地下暗角處有間叫上海真美豆漿大王，好多人吃，揾到位後menu好多款式叫左一碗酸辣雲吞麵和一碗上海餃子泡飯重有例牌煎豆腐再加凍豆漿，碗麵同泡飯份量夠，又入味，辣度適中，而豆腐夠口感，滑而不太軟。

難得無嘢做既星期六，就入寶琳搵好耐無見既同學仔。佢自從生咗我契仔之後，大家就少見咗好多。就返佢唔洗咁辛苦就入寶琳搵佢啦，同埋我又掛住豆漿大王既熱豆漿。每日逄下午兩點，都會有下午茶供應，以前同同學你喺葵芳返學時，成日去食佢個下午茶，又抵又好味。炸銀絲卷配熱豆漿－話明豆漿大王，當然係豆漿最架勢，熱豆漿面頭一層好似腐竹咁，香濃既豆味，真係同平時出面既豆漿有唔同。炸銀絲卷香脆內裡軟綿綿，配上既煉奶如果可以再大碟少少就好啦。呢個下午茶只係$23，簡單既下午茶輕食！

呢間上海小店是我的comfort food已經多次幫襯 位置方便 食物質素有保證 街坊小店價格相宜值得大家一試！人數：2人用餐時段：星期日下午等候時間：/消費：共約$80豆漿凍熱價錢一樣 （$8）熱豆漿係用大碗裝住 非常抵飲 凍豆漿就用細紙杯裝住但是日天氣較熱 所以叫了凍豆漿上海餈飯 （加油條）（$17+2）餈飯即叫即包 可加錢加材料（+$2油條、+$2炸菜、+$3肉鬆等）上桌時熱騰騰 材料豐富 大滿足煎豆腐（$14）（夾咗一下先記得影相）豆腐有豆香 煎到金黃色 配埋豆瓣醬 少少辣好惹味但略嫌肉餡較少雞扒飯（$33）雞扒炸得香脆 炸漿薄薄一層雞肉軟滑多汁另外好鐘意附上的雪菜 送飯一流整體來說 小店環境普通 時要搭枱 但食物又抵食又好味 （之前試過炸饅頭 生煎包等都好食）比連鎖店鋪性價比高得多大推薦～附上餐牌讓大家參考！

寶琳呢間上海小店係我既最愛❤個頭冇咩好食，所以成日都黎呢間食上海野。之前都有介紹過擔擔麵同餐蛋飯，今次就講下粢飯啦😉即叫即整，熱辣辣既糯米包住肉鬆，鹹菜，同油炸鬼，味道好食，口感豐富。咁細條糯米我原本都以為自己會唔夠飽，但可能因為糯米比較飽肚，配埋豆漿咁就係好完滿既一餐😊

今日係將軍澳新都城返工，梗係搵吓附近有咩平靚正嘢食！新都城入邊全部都係大型連鎖店，又貴又唔抵食好彩搵到呢間上海真味豆漿大王，對於鍾意食上海野飲豆漿嘅我啱晒今日唔係好肚餓，淨係點左一個上海雲吞麵我落單之後好快就嚟咗，個碗唔算大但係裝滿面同埋餸，雖然叫雲吞麵但係有雪菜肉絲做伴菜，啲雪菜甜甜地為原本清淡嘅湯底添上美味啲面好多夠飽肚，對於我呢啲平民來講呢個價錢食到一碗又飽又天然嘅午餐已經好滿足！呢個月仲有幾次喺將軍澳返工，一於再嚟支持街坊小店，支持有禮貌有人情味嘅侍應姨姨試吓其他嘢食！

味道ok，份量都夠飽，價錢相對附近其他食肆亦較平，環境較窄，勝在夠平民化，唔少中學生放飯都食佢真心係附近居民同返工人士可以平價食到一餐，而又唔會太難食嘅其中一個好選擇

擔擔麵配豆漿😋🍲太陽蛋餐肉飯🍳擔擔麵好濃花生醬味，不過對我黎講幾辣，熱豆漿碗底有紗糖，最鍾意趁佢熱形成一層薄腐竹咁，唔鍾意太甜既可以叫店員姨姨唔好落糖😄

食左豆漿大王咁多次，終於要寫個食評！我覺得粢飯係呢到最好食所以無論點都要叫一個，不過一到枱就即刻食左無影到相粢飯係熱辣辣拎出黎，材料有炸菜、油條同肉鬆。好好食，好香脆！今次食lunch所以有lunch set揀，有一個餐加豆漿。豆漿唔會太甜，亦有淡淡黃豆味，好飲最鍾意食上海排骨麵，所以同朋友都一人叫左個。排骨炸得好脆，不過會有d油膩，肉質都好鬆軟，又唔會太多骨。係寶林搵到呢d $3x 既lunch set真係好難得!!

將軍澳區大部分都係連鎖商場，甚少有小店，而呢間起碼開咗廿年既小店，仍然可以喺貴租之下屹立不倒， 除咗價錢平之外，舊式平民小店嘅感覺都係好吸引，佢嘅裝修雖然冇特別，而且可以講得上係殘舊，但係就好似返咗廿年前咁。下午茶時間，嗌咗一碗油豆腐上海麵，麵唔算好大碗， 有三粒油豆腐，即係豆卜， 但入面釀咗菜肉碎， 非常索湯。 同埋有啲鹵肉碎、炸菜同蔥，成碗麵就甜甜哋，但係個湯底就好清，係簡單嘅家庭式小麵。鹹豆漿就比較少見，有油炸鬼，蝦米仔，蔥花，菜莆粒， 其實唔太鹹，反而係香，加咗配料之後，碗豆漿比較傑身，暖胃又飽肚，同埋豆漿好有豆味， 食完成個人暖曬，好舒服。不過鹹豆漿比一般豆漿要加六蚊，但都係抵嘅，話曬都足料，埋單三十六蚊，算係咁啦。 如果想慳啲嘅話普通一碗麵配熱豆漿，其實只係三十，而我就貪心想飲鹹豆漿， 不過值得一試。

這間小店位於大商場的地舖，由我讀中學到現在依然屹立不倒，亦不枉我支持了這麼多年。冷/熱豆漿同價＄8 ，豆味濃郁不會過甜👍🏻 粢飯則熱辣辣，裡面有不少肉鬆、榨菜，當然亦不少得有脆卜卜的油炸鬼🤤小店的上海排骨麵也不敵通脹和鋪租，售價已升至$33，但味道如舊般美味。麵條爽滑，沐浴於帶少許鹹味的榨菜、肉絲和蔥花的湯中，加上煎得香脆的排骨，縱使平凡卻很是美味😌至於淨雲吞則有七顆，皮薄且菜肉餡料充足，味道不過不失。