70
27
14
港鐵九龍灣站 B 出口 繼續閱讀
所有分店 (7)
電話號碼
27568852
營業時間
今日營業
11:00-16:00
18:00-23:00
星期一至五
11:00-16:00
18:00-23:00
星期六至日
11:00-16:00
17:30-23:00
付款方式
Visa Master 現金 銀聯
其他資料
嬰幼兒設施 詳細介紹
泊車 詳細介紹
電話訂座
加一服務費
食評 (117)
等級4 2017-03-13
1504 瀏覽
媽咪和我都好喜歡食上海菜, 貪其夠惹味, 有些人覺得上海菜很油膩, 但其實都不是喔, 很多特色上海菜清清地都唔錯, 不過個人覺得在香港上海餐館好像愈來愈少... 上海婆婆都去過幾次, 不過九龍灣店是第一次光顧, 原來很近淘大花園, 位置超方便而且地方又大, 坐得很舒服! 還有, 服務員親切有禮, 而且換碟勤快, 給我們的感覺不錯~ 和媽咪選了幾樣食物Share~ 第一道是花雕醉雞~上桌是大大隻的肥雞, 花雕酒清香撲鼻, 令人忍不住要快快起箸~ 雞肉雞皮超滑!!!!! 是滑到根本不想把它的皮除掉~~~雞肉滲着淡淡酒香, 喝一啖花雕, 沒有哽喉感, 挺香醇的~ 個人覺得這個雞好好吃! 是我的推介! 接着是婆婆擔擔麵. 點了個小辣~ 麵真的超大個! 我和媽咪吃了二大碗都吃不完~~~五十元一碗超抵吃!! 味道方面帶微微辛辣感, 湯底有很香的花生醬、上湯和辣油味, 很香口惹味, 不錯~ 麵條亦夠彈牙, 上面洒了滿滿的蔥花和花生粒肉碎, 個人覺得很好吃又可以飽肚醒胃呢~ 雞絲海哲- 涷涷的海哲超爽口彈牙!! 雞絲切得夠幼不粗, 入口夠清爽不鞋, 再夾着青瓜絲來吃, 是能刺激胃口的前菜來~ 上海炒麵 - 份量超大碟!! 味道較重, 入口會覺偏咸了點~ 麵反倒炒得不錯, 入口似炒公仔麵, 每條麵條都很有彈性, 愛香口惹味朋友可以一試~ 最後點了一客豆漿- 豆漿冰涷解喝, 荳味十足, 好味道~ 上海婆婆 九龍灣牛頭角道77號淘大商場地下G143-162號舖 T: 2756 8852 繼續閱讀
(以上食評乃用戶個人意見 , 並不代表OpenRice之觀點。)
等級4 2017-03-06
1038 瀏覽
今晚同老公去左陶大過邊睇戲食飯 最後因為肚餓 所以決定先食飯後睇戲 老公同我講諗到食乜啦 原來帶左我去上海婆婆336 我同佢都係第一次幫襯 大門口好明亮 原來之前佢去戲院買飛經過時見到呢間店既 帶位姐姐自動安排卡位 服務態度好 入內發現原來好大好寬敞架 環境簡潔光猛 感覺良好 我個人覺得食物質素重要之外 環境亦令人輕鬆 當然性價比都係選擇之列啦 所以如果餐廳 能夠滿足以上既要求 應該值得推介 不過等食完再講吧 醉雞食得多 今次就叫左個醉鴿試下 上枱見到同Menu個圖好接近 嘩 鴿胸肉起晒片架 啖啖肉 肥美 除左翼,脾同背部 可以試埋連骨食 估唔到酒香入晒骨添 食左少許都覺醉意咁 好正 三絲冷面 麵彈牙有質感 撈起埋醬汁 同三絲火腿 肉絲 同青瓜絲 每口都食到三種唔到質感的食材 凍凍地成個人都開晒胃 醬燒茄子 本人極力推介 熱辣辣香味撲鼻 夠晒惹味 如果食白飯可以餸幾碗 煮到茄子不會太淋 還是食到原形條條茄子 剛剛好 非常出色 小籠包 賣相正統18接 頂頭有小口子 讓食客容易夾起兼無咁容易整穿 點埋薑絲醋一齊食 好好味 皮薄多肉汁 Yummy 窩貼 賣相平平無奇 點知一咬落去就知下次必叫 爆汁熱燙 煎得底皮脆 食到豐滿足料豬肉Menu精緻又特色 食左5樣野 人均約$160 價錢合理 繼續閱讀
(以上食評乃用戶個人意見 , 並不代表OpenRice之觀點。)
滿足的上海菜 焦點食評
等級4 2017-02-23
712 瀏覽
我一向都鍾意食上海菜, 好多上海菜餐廳都食過,食完上海婆婆之後, 總體都覺得唔錯叫左3款野, 隔左無耐, D菜就黎, 上得好快第一樣黎到係必食既上海小籠包,外表睇落麻麻, 以為中伏但原來食落都幾薄皮, 粗魯少少夾佢都無穿夾起時個小籠包向下墜, 因為入面有湯, 湯汁仲幾濃而且個價錢都合理第2樣餸係松子黃魚, 係手工菜, 其實都整得幾麻煩, 又要起骨又要炸又要切花,所以唔係間間上海菜館都有得食呢條魚無令我失望, 雖然價錢貴左D,但份量都幾足條魚炸得幾脆幾香口, 連魚皮都可以食埋成條魚連骨都無, 起骨既技術好好,起得好乾淨, 唔使擔心食到骨個汁酸酸甜甜好開胃, 仲有好多松子, 菠蘿粒同蝦仁最後要食返個飯先夠飽啦, 叫左個黃金炒飯, 好香既咸蛋味炒飯炒得好乾身, 粒粒分明, 唔油膩, 夾雜左D 叉燒/火腿粒份量都幾足, 夠我同朋友兩個人分最後埋單原來要收茶錢, 但杯茶好淡, 如果無茶錢會好D 繼續閱讀
(以上食評乃用戶個人意見 , 並不代表OpenRice之觀點。)
至愛包點麵食 焦點食評
等級4 2017-02-15
423 瀏覽
同媽媽撐枱腳要食返啲正氣嘢,滬菜就啱哂佢口味喇。今晚嚟個proper dinner,叫哂頭盤、主菜、麵食、甜品!四小拼$98,有鎮江肴肉、烤夫、黑醋排骨同脆鱔。平常出面食好多高級滬菜餐廳整嘅脆鱔好多都係又幼身又硬,今次呢個係水準之上,鱔肉本身夠粗,炸得鬆脆,是個開胃小食。如黑醋排骨熱葷的話效果應會更好。肴肉和烤夫味道一般。煙燻小黃魚$43,很有特色,魚肉保持鮮嫩,魚皮不乾仍富彈性,入口有香濃嘅煙燻味,讚!嫩雞煨面$52,是媽媽常點嘅菜式,味道有保證,湯底不咸不膩,滿滿一碗全都是小棠菜和雞肉顆粒。自家製豆漿$15,有很香黃豆味,不算過甜。宮廷芝麻餅$38,即炸金黃色嘅外皮好吸引,咬落鬆軟,芝麻香同炒過嘅肉碎餡料味道很夾,外皮厚度和餡料份量嘅比例恰當,推薦這菜色最後以薑茶湯丸$32作結,估唔到薑茶勁味十足,芝麻湯丸煮得夠淋夠煙韌食過上海婆婆多次,都仍然覺得廚房弄嘅熱葷菜式比冷盤好,或許是除了大路嘅醉雞同雞絲粉皮外,較少食客點其他冷盤吧。主力推介包點、麵食和主菜,價錢相宜,味道又有質素保證! 繼續閱讀
(以上食評乃用戶個人意見 , 並不代表OpenRice之觀點。)
等級4 2017-01-19
757 瀏覽
新年前知道有同事會離職, 提早與同事FAREWELL, 大家揀左上海婆婆336, 分店就揀左淘大。地點方便而且地方大易有位。(店名已經改左係上海婆婆336)未裝修前係上海婆婆, 裝修用上黑色為主, 感覺好暗。裝修後光猛左好多。感覺裝修過後餐牌價錢仲貴左。雖然得4個人, 大家都係好胃食的, 所以都叫左好多餸 :醬燒茄子 $63無錫脆鱔 $98砂鍋粉皮魚頭湯 $118黃金四季豆 $70百葉結紅燒肉 $85336炒飯 $72醬燒茄子大家都一致讚成呢個餸係能夠伴飯最夾。唔算好油, 茄子份量好多, 4個人食都覺得足夠, 真係必點的餸之一。無錫脆鱔超級失望, 完全唔脆, 而且好硬, 感覺似炸左好耐。好細碟, 完全似一個前菜, 價錢係$98, 好唔值。砂鍋粉皮魚頭湯未試過去食上海菜ORDER湯, 今次第一次, 果然有驚喜, 湯好甜, 因為上海菜味道較濃, 原來飲呢個湯能夠中和一下。黃金四季豆用鹹蛋黃一併炸過的四季豆, 好入味 ! 預左係油膩..但又令你停唔到口….百葉結紅燒肉唔太推介, 百葉結好硬, 唔肯定係咪好難煮得淋, 比較難消化, 紅燒肉係相片都見到係一大舊肥膏多過肉, 而且件件都係咁, 真係唔敢食咁多。336炒飯炒飯賣相唔錯, 食落都幾好味 ! 炒得好乾身。食物質素比起之前有待進步, 尤其係無錫脆鱔真係好中伏, 有一刻大家也想叫廚房重新再整一次。 繼續閱讀
(以上食評乃用戶個人意見 , 並不代表OpenRice之觀點。)