上海姥姥 (已結業)

星期五的晚上大約六点鐘，我到逹上海姥姥門外取兩人坐位票，因為當時食客唔多，好快就有職員叫我取的號碼票，因為當時未齊人，職員就叫我在門口等，話要人齊先可以進入俾位，我於是對他說：你可以俾我入去先，我立即會點菜，並可以即刻上菜，不會阻你店鋪營業的時間，反正五分鐘內都到，但他一口拒絕，我只好在門外等候。其實如果職員當時俾我入內，我開始點菜嘅話，唔係會仲快添咩，一來人齊即刻有得食，二來亦可以節省時間多做點生意，硬系唔明點解要有人先可以入？

難得呀媽夜晚唔洗湊孫，兩老決定要出街吃飯抖一抖...雖然話出去食，之不過又話唔想遠又唔想咁熱氣，最終就揀咗呢間上海嘢食就嚟7:00嚟到，估唔到平日都要等位，但好快就入得...一睇個餐牌，其實嘢食價錢就正常，大多數都係50-60蚊到，比較印象深刻係個拼盤，佢有好多款前菜，40-60蚊到，但佢有個好好配搭就係一次過試到3款（$85），當然份量就比單點細，但一次過試到3樣，感覺又幾抵另外屋企人仲叫咗小籠包、雪菜肉絲炒年糕、酸辣湯雲吞同埋上海粗炒小籠包算皮薄，夠湯汁，熱食感覺不錯；雪菜年糕清淡，份量都大碟，抵食；酸辣湯雲吞個人感覺覺得抵食，事關單叫一個湯都38蚊，不過一次過試晒兩款都係$48，同埋好在佢加左雲吞後，個湯無變得淡咗，都濃味，值得一讚，最後粗炒味道唔錯，大碟，但就略嫌多油咗少少，多番少少菜炒就perfect (可惜太掛住食無影到相）最後埋單時幾令人驚喜係呢間店唔洗加一，又唔洗畀茶錢，比起出面食上海嘢嘅店舖嚟講慳返唔少...吸引下次再幫襯

今日下午去拜完神！同老公睇緊食咩好？经過此店舖睇下有個menu、继而望到門口有個用玻璃做的厨房企住幾個師傅做小籠包、有又搓面粉！但係不停做不停傾計！我心想這店都很不注重衛生！帶口罩的基本意識都無！眼不見為乾淨！但係佢地在門口位置、真係無胃口想幫襯！

今日係牛一，選擇去食上海姥姥，叫咗吾系好多野，口水雞~好硬，我咬唔到需要用鉸剪剪開來食，細油抄手~唔錯，小籠包~都唔錯，上海粗炒~好味但係油咗少少，四川擔擔麵和姥姥手製排骨拉麵~兩款都好味，最後係黃金蝦仁炒飯~我覺得最唔好食，因為口感唔好，好似落左鹹蛋碎~所以口感唔好食。環境OK嘅。服務態度係好好嘅。

只有兩三粒黑豆大小的雞粒，無雞味，由於是外賣，我看著他們先出了麵，然後站了半小時，才做好煎餃，而且麵是用盒而非碗裝的，溢出到成個袋子都是湯水，味道像啃蠟。只可一，不可再

去開黃大仙，走咗去上海姥姥醫肚。點咗個姥姥招牌排骨拉麵。當中有黃金豬排。個麵好彈牙。加入秘製甜醋。更加好食。個炸豬排炸到金黃色。好乾身。一淡咬落去食到軟身豬肉。好正。個豬排好嫩口。屬上等食材。加入拉麵一齊食，好食到震。清湯都好味道。杯荳漿都好飲。埋單$65。

晚餐和朋友聚會，想起黃大仙一家上海菜，以前在灣仔經常去吃過，黃大仙開新店還是第一次。點了傳統小籠包，皮薄，不過還是不如灣仔店好吃。另外點了糟溜魚片，魚片很滑，酒味有點不足。服務員很周到，熱情點餐。整體算滿意

晚上兩口子放工準備舒舒服服食晚飯，點知一坐下，店員態度已經差得很，好像趕收工一樣，單都未落先收餐牌，叫了一客酸辣湯，煎鍋貼，上海炒年糕，紅油抄手。先講酸辣湯，出品只是暖，煎鍋貼落單不到兩分鐘便送上，又是暖，比快餐店食品更快，紅油抄手，冇味，最後漏了炒年糕，想問店員，，竟然係冇問有乜幫到我情況下叫我想埋單去門囗，我其實想叫佢跟單佢叫我埋單，離譜到極，最過份，由入舖到走食不足30分鐘，店員不停問我食物還要嗎！不停催你走，如果排長龍好合理，但因是星期一冇人等位都催，而且只是用餐不足30分鐘，她們趕什麼呢？唯一想到就是趕客，全店個個員工黑口黑面。一定冇下次幫襯機會，過份食店，令客人食到一肚氣！

首先，覺得呢間餐廳既侍應服務態度好麻麻！同男友諗好食咩後落order時 侍應黑口黑面咁，自問我地都好有禮貌，唔該前唔該後，但反而侍應就目無表情，全程亦無講過一句野，趕客？2個人叫左上海粗炒、嫩雞煨面、燻蛋同小籠包。先係上海粗炒。我地落order 2分鐘左右(無誇張) ，上海粗炒已經上枱，一放入口，完全唔夠熱！好明顯係炒定放係廚房等上菜👎🏼👎🏼👎🏼嫩雞煨面既面太冧身，但都過得去。燻蛋既燻味幾足，OK最後到小籠包，原本無打算叫，但見到menu上寫住係招牌菜，即管試一試。小籠包可以話係大失所望，皮太厚，入面既肉汁完全唔夠！可以唔試都得，完全無任何'招牌'可言！兩個人total埋單$175 ，其實價錢中上，但食物質素係中下，食完亦快速走人。唔會再食第二次。

俾個fd拉左來晚飯，黃大仙中心二選一，由於另外一間太多人，咁就來左呢度食喇！上海野我好多都鍾意食，但得兩條友，食唔到咁多，但都點左3樣野。Order落左無耐，小籠包即上，見佢熱騰騰的，都似唔錯。咬落去湯汁ok, 鮮甜，肉新鮮可惜個皮太厚，個包的接位有啲硬。食左一粒，其餘的留俾個fd食又叫左個豬扒煨麵，上來個樣好亂，presentation差，所以無影相。味道唔錯，好大碗。最後要間硬食埋佢，飽到呢。。。前菜要左個拼盆，可以任揀3樣。單樣的有啲平，有啲貴，叫晒3個都貴的，咪好抵豬手，熏魚，海哲都好鍾意。個fd揀左素鵝，我只可以三揀二了。素鵝好出色個腐皮好脆，入面啲餡好飽滿，味道啱啱好。豬手用酒浸的，我唔鍾意個酒味。但個豬手做得幾好，好易咬唔會話好淋或好爽嗰種。海哲就普通啦，無乜特別。呢度幾好喎，免茶芥同加一，而且味道唔差，都幾抵食，可以再來

今晚我放工後，途經黃大仙上海姥姥！未吃過！就入去幫襯，伙記問我幾位，我話1人食，她幫我找位，幫我帶去高枱高椅！我話裙子不方便坐，可否改坐另外比較矮的枱！她話其他坐枱全是2人或四人坐喎！沒辦法！她話算！不食囉！那個伙記沒有禮貌！沒有為客人著想！不懂待客之道！簡直趕客！

今天和爸媽行黃大仙商場，我們都喜歡吃上海菜，於是來這裡吃下午茶。下午茶時間，餐廳的食客不多，我們被安排坐在近門口的半梳化座位。正在翻閲餐牌時，鄰座食客的擔擔麵香味撲鼻，於是我和爸媽各人叫了一碗擔擔麵，另外再點多一籠小籠包。女侍應殷勤地為食客斟茶，態度良好。先來小籠包，非常熱辣，可是皮有點厚，味道一般。然後來擔擔麵，賣相不錯。麵很爽口，辣味夠濃郁，芝麻很香，配合肉碎來吃，味道可口開胃，竟然比x滬庭的好吃！份量很多，我們都吃得很飽！由於此餐廳全日同價，沒有下午茶優惠，如果下次再來的話，吃晚餐會較抵食呢！

五點幾去，唔駛等位。環境乾淨企理。叫左-酸辣湯-排骨拉麵-拼盆自選3款 (醉雞、海蜇和雞絲粉皮)-炸銀絲卷酸辣湯味道適中，唔會太酸太杰排骨拉麵拉面面質一般，唔算非常爽口亦唔會太林身湯底都係一般，唔會好IMPRESSIVE 亦唔會冇味排骨冇試唔評論拼盆自選3款 醉雞味道非常好，酒味香濃之餘又有雞味，入口軟滑，是日最佳海蜇彈牙令人回味雞絲粉皮較普通，略嫌麻醬太多，蓋過其他味道食物方面整體普普，不過不失，同區有上海小店比這間更出色值得一提是服務方面，侍應沒有詢問便把碟收走，我還未食完BOR...服務最好一定係收銀個位，唔解釋。

係黃大仙揾野食我話事咁當然揾我最愛的上海野😛6點多就去食一行5日不用等位立即有得入一坐低個個已經叫曬中意既野食酸辣湯酸酸辣辣好開胃湯不會太稠身好好，材料都算多魚肉羹魚肉唔腥，粉也不多又有豬肉絲，好味鍋貼大大隻，肉汁多到一咬就漏曬出黎皮不會過硬，肉不肥又份量剛剛好薫蛋入口好香煙薫味，有流心效果蛋表面大有輕輕的鹽調味👍🏼雞絲粉皮冇乜特別但花生醬味濃配合粉皮個個密密夾☺️小籠包皮薄餡多又有滿滿湯汁餡的肥肉不多不肥黃金魚塊呢個真係好好食👍🏼👍🏼👍🏼一上枱鹹蛋黃味已經湧出黎粉漿輕輕包裹魚塊魚肉好鬆軟加上炸漿十分配合數分鐘已經清碟😂食到碟底一啲油都冇！擔擔麵食上海野一定會叫的份量十分夠湯內花生醬濃而不膩好好飲☺️肉碎量都算多加上少少辣又有芝麻香味👍🏼麵質淋度合適排骨拉麵排骨好大塊炸得好脆但肉質仲好juicy一咬就開好鬆化呢到冇加一好抵食服務好，會主動不停fill 茶水

突然想吃上海甜品，叫左豆沙煱餅做甜品 外皮薄薄，炸得香脆，冇油淋淋的感覺，整體炸得乾身豆沙好甜，少少紅豆味，豆沙份量不多雖然上台熱辣辣，但聞落香味一般食落都覺得試一次便夠