上海兄弟 (已結業)

前兩天無意間進入這間上海店吃東西,由店員介紹給我們吃的風沙雞,味道鮮美肉質爽滑,又吃了一味叫做孜然牛肉(配薄餅),用薄餅包着牛肉來吃,薄餅淡淡味道與牛肉一起吃,有一種好吃的感覺.最後吃上海炒年糕,年糕質感很好,有彈牙感覺.值得大家入去品嚐一下.吃完仲有糖水送,係雪耳木瓜糖水,很足料的,我會再次入去吃的.

嗰次同幾個朋友經過，第一次去，諗住是但醫下肚。d service都幾好，個阿姐見我地身水身汗即刻俾我地入去坐住等，好彩唔使等幾耐就有位。雖然唔係座卡位，不過d野都幾快唻。d野真是幾ok，尤其是個高力豆沙包。下次真是要再去試下其他菜式，但是我住喺九龍.....

當晚七點未夠已全場滿座，叫咗好多嘢都漏單或者錯單，上菜次序亂晒，不過招呼都幾好撘夠。食品方面叫咗一d大路嘢，好似雲吞雞、烤夫、奶油津白、螞蟻上樹、窩貼、小籠包、素鵝、醉轉彎，其他己經唔記得。食品方面水準只可以話係好一般，唔難食又唔好食，食完之後己經冇乜印象，感覺有d似食連鎖快餐店；唯一記得嘅係螞蟻上樹，炒得夠乾身又帶d辣，唔錯。價錢嚟講可以話幾抵，但今次未能證實，原因之一是七個人食飯有兩個話飽所以唔想食，所以點嘅餸比較少；另外漏咗幾樣嘢冇落單，所以嚟嘅餸比原本叫嘅少。埋單六百五左右，以七個人計算都算平。

上星期在北角搵上海美食...行行入左呢間,就試一試啦~吃左一個上海粗炒,一個雪菜咸肉炒粉皮,鍋貼~上海粗炒ok...唔太油...ok!!鍋貼剪得好香...係淡左少少~值得一讚既係...雪菜咸肉炒粉皮!!!本人從來唔喜歡粉皮呢樣比較淡既東西...但食落有驚喜呢..因為佢d粉皮唔係一塊過,而係卷埋左細細條,好似長通粉既...加上好香口既咸肉,同埋脆口既雪菜..好味下次會叫多次... ^^地方清潔,服務ok...會再幫襯~

啲野好唔好食無關繫, 啲服務態度咁差我餓死都唔再幫襯佢! 十時半叫外賣, 之前行過問佢我條街送唔送佢話送, order時問多次都話ok, 點知上到嚟送貨既衝口而出:"哇你咁遠以後唔好攪啦!"佢仲要係果度經理!!!!!真係比佢吹到"啤"一聲...好! 你咁串咪失咗一個住喺區內既potential life-time customer 囉! 人哋桂花村遠你兩條街又平過你又好食過你都照送無complain. 身為經理可以咁既服務態度---> 上樑不正下樑歪! 希望老闆睇倒呢篇野啦.

一行三人前往'上海兄弟'...有卡位選擇...正!Menu款式選擇少...失敗!點選5款食物...酸辣湯唔夠辣...尚可!小籠飽唔夠熱...失敗!XO醬炒年糕多油冇XO醬味...失敗!擔擔麪...尚可!肉碎炒豆角超多油...失敗!