24
4
0
港鐵上環站 A2 出口, 步行約7分鐘 繼續閱讀
營業時間
星期一至日
12:00 - 18:30
付款方式
AlipayHK 支付寶 現金
其他資料
當面支付
以上資料只供參考, 請與餐廳確認詳情
食評 (32)
等級2 2021-10-29
523 瀏覽
朋友係上環返工約咗佢收工係上環食飯。知道上環有好多cafe,特登早啲出門口係食飯之前試一試去上林茶舍係太平山道,位置唔難搵。閒日既上環非常好清靜。同另一個朋友由3點半坐到6點,當中只有一位客人買take away仲聽到佢地既對話係話上星期四無開,負責人就好causal咁問佢幾時會嚟?到時會開定等佢,真係好causal我地叫咗兩杯野飲同一份waffle,我叫咗抺茶椰奶,本身都好鍾意抺茶同椰奶,一見到就好想試同埋呢個combo真係未見過!佢其實仲有好多過百元既茶可以叫,但奈何我同朋友都唔係識品茶既人,所以就無叫味道有點複雜,係屬於好既複雜。開頭椰奶味甜甜椰香味都出到嚟,而後勁就係濃郁既抺茶味。不過後來佢地mix埋咗一齊就得返抺茶味。個種甘香飲落十分醒神Waffle有焦糖係面,食落都幾甜。好彩我地叫咗summer berries,每一粒都好酸,但剛剛好中和返啲焦糖既甜味。gelato勁好食,焦糖味香甜中間仲有曲奇🍪 真係好值得試下佢地既gelato閒日想搵地方hea下工作/睇書/同朋友傾計呢到飲下茶都唔錯 繼續閱讀
(以上食評乃用戶個人意見 , 並不代表OpenRice之觀點。)
等級3 2021-08-28
395 瀏覽
當個個都去coffeeology嘅時候,其實上環轉角都有一間唔錯嘅茶舍,環境幽靜,室外同室內都有座位。自問對茶唔係好有研究,但係叫左一杯 Long Green Matcha 同一杯 Matcha Latte , 店員好好咁問你杯抹茶鮮奶需唔需要少甜,如果你出去戶外坐佢亦都主動幫你將茶端出去,服務真係十分好。好好彩店員主動幫我升級星野抹茶,雖然我唔知係有幾特別,但飲落就好舒服,好順滑,完全冇平時印像中有純抹茶嗰種苦澀味,真心唔錯。飲完之後令我覺得茶道又係咖啡以外一個新世界,希望日後多啲時間可以再同店員傾計學多啲點去欣賞呢杯咁嘅藝術品 😌由於得一位店員,所以如果嚟嘅話可能要預多少少時間,因為佢真係好有心機咁逐杯整。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-12-29
1187 瀏覽
#pb食在上環日系小清新茶舍🍵想黎呢間小清新茶舍好耐🤩 終於襯聖誕節個日去左 出奇地唔係好多人🤪 可能周圍太多打卡咖啡店 茶舍相對冇咁吸引🤪 呢間茶舍環境超舒服 室內室外都有位😍 個日得一個店員 佢超nice👍🏻.食物可以輕食為主 主打窩夫同吐司😋 不過價錢都唔平 叫左4樣野 都要$250左右🙈 感覺定價偏高😳🔹北海道紅豆自家製抹茶醬吐司🍵🍞吐司咬落好鬆軟😍👍🏻 自家製抹茶醬唔算好濃 有少少失望😟 反而食落紅豆味仲重過抹茶味🙈🔹草莓窩夫配榛子雪糕🍓🧇大大粒士多啤梨超搶鏡📸 而且粒粒食落都好甜🥰 窩夫口感好結實 唔係太香😟 一定要配埋少少煉奶食 如果唔係會好dry🙈 榛子雪糕有驚喜 好濃榛子味 好中意🤎🔹青森蘋果白牡丹茶🍎推介❤️ 超清新嘅組合🤩 新鮮青森蘋果汁加落白牡丹茶 淡淡清香😍 飲落有少少甜 剛剛好👍🏻🔹Hojicha Latte 🍵正常發揮嘅一杯🤣 唔算好濃🙈 茶舍黎講 有少少失望🙈.整體環境真係好好 好舒服好chill🥰 食物、飲品質素一般 定價偏高🙈 去過一次打卡就好🤪上林茶舍上環太平山街1號地下1A號舖 繼續閱讀
(以上食評乃用戶個人意見 , 並不代表OpenRice之觀點。)
等級1 2020-12-15
643 瀏覽
上星期六下午遊走上環突然想食杯雪糕,咁啱行到去新會商會學校轉彎角,有間舖頭食窩夫但又有雪糕食,好自然諗都唔使諗就行入咗去茶舍,我個人最鍾意食綠茶系列嘅嘢咁⋯就梗係要杯Matcha gelato 🍨 開頭第一啖食落去冇乜茶味,但食落去之後就啲茶味慢慢滲出嚟下次有機會都會再嚟試其他嘢 繼續閱讀
(以上食評乃用戶個人意見 , 並不代表OpenRice之觀點。)
等級4 2020-11-29
723 瀏覽
香港首間手沖茶吧 上林茶舍位於上環太平山街 茶舍以全白色為主調 再配以木系餐桌 裝潢簡約帶文青風店面唔算好大 吧枱拉近左茶師同客人既距離 除咗可以近距離觀賞茶師手藝 更可以交流泡茶同賞茶既心德 茶舍亦設有戶外座位 環境寧靜愜意 秋天涼涼地 不妨坐室外chill一chill▪️士多啤梨窩夫 配雪糕 $68/half 窩夫口感偏扎實帶嚼勁 咀嚼時會感受到粒粒珍珠糖 個人真係幾鍾意呢種沙沙地既口感 而且一啲都唔甜膩窩夫面層舖滿士多啤梨 味道岀乎意料地香甜 略嫌定價偏高▪️日本蘋果白牡丹 $50初初入口覺得味道偏淡 但茶香越飲越突出 茶味清幽 唔太苦澀 同蘋果平衡得幾好整杯甜度低 感覺上都來自蘋果天然甜味 非常消暑解渴 清新解膩▪️焙茶鮮奶 $45焙茶香氣突岀 唔會被奶味蓋過 但建議盡快飲完 冰融左之後變得有少少稀 繼續閱讀
(以上食評乃用戶個人意見 , 並不代表OpenRice之觀點。)