上勝日本料理 (昌隆工業大廈) (已搬遷) 新店位置

試新日本餐廳吉列廣島蠔烏冬烏冬份量太少了蠔有5隻還可以味道正常同事的魚生飯亦細碗大家可以睇一睇張相其實佢只不過係用一啲即棄嘅發泡膠兜嚟裝食物而嗰啲膠兜呢都係比較細嘅個深度其實都好淺㗎所以性價比不高

上勝日本料理KAMIKATSU1.特上包羅鰻有丼 ($198)-滿滿嘅一碗魚生飯，有拖羅、拖羅蓉、,鮑魚、鰻魚、玉子-鮑魚味道一般-拖羅蓉相比拖羅片更有鮮咩-每一粒米飯都微微滲出淡醬油香2.足20cm原條特盛浦燒鰻魚飯 ($138)-同樣份量相當驚人，完全係兩個人份量-鰻魚非常厚身，夠熱夠鬆軟-醬汁太多太咸，而且全條鰻魚好多魚骨太扣分-魚肉油脂分佈都相對欠佳，應該來貨唔夠靚-雖然係招牌，除外表外都未至於必點小結：食品份量相當驚人嘅小店，當然以小店而言定價亦略為高一點，環境都比較擠迫，未能稱得上為必食熱店。🤤口水指數： 2.5 (5分為滿分)地址：荔枝角長義街10號昌隆工業大廈地下2B舖

相約好友假日聚餐,2個女人仔由午食到晚。晚上路過呢間充滿日本風的小店,我深深俾門口的外賣單上的海膽手卷吸引住,但由於有點飽,朋友同我都係行左陣街先再去。8點幾,店內仲有8成客人,可能由於店舖比較細。朋友比較細食,所以點左牛肉烏冬,本來想食海膽的,但睇睇下我就俾一個叫極上海鮮丼的刺身飯吸引住。另外加左一客小食炸餃子。朋友的烏冬看似有點像肥牛,不太吸引。我其實係唔食生的刺身,海膽除外。極上海鮮飯有一隻磯煮鮑魚,松葉蟹肉,蟹膏,熟的帆立貝。值得一提佢地的壽司飯係好似醬油咁既色,係因為佢地用左赤酢。食落飯唔會太酸,不過太多料,食果陣有d手忙腳亂咁。店內仲有多款清酒,下次可以約d鐘意飲酒既朋友一齊去。另外,因為餐廳收10點,老公收工趕唔到黎。唯有外賣左個鰻魚飯俾佢。

lunch去了一間裝修幾靚的一間日式小店食野，叫左一個魚生海膽飯和一碗牛肉拉麵。先講講魚生飯，飯係啡啡地色，比一般日式小店特別，醋醬汁都可以，但海膽就一般，魚生飯評分6/10！再講講碗牛肉拉麵，真心失望😞牛肉太肥太多膏，湯又太多油，味道太濃，覺得食完會肚疴！btw最後係無肚痛ge🙈但真心係難食！所以大家唔好叫拉麵啦！拉麵評分2/10🙈🙈P.S. 大家要留意返，間店除了晚市消費過$300可以碌卡之外，其他時段任何價錢都冇得用信用卡㗎！但有八達通付款！

今日開完會正想落去搭地鐵 原來喺地鐵口旁邊開左間新嘢喎 因為我好肚餓呀 唔好諗喇 食左先 諗左好耐 今日 食依個 我另加左一份海膽佢哋都係用赤醋 不過我就覺得似豉油 因為有點喊 拖羅蓉無乜味道 有點失望 海膽係加拿大膽 門口又真係幾靚嘅 就係咁俾佢吸引左入嚟好多選擇 所以我決定放假嚟食多次 今次勁呀叫左兩個丼 不過係少飯的 因為想食拖羅仲加左個無味道嘅一口炸豆腐🤣拖羅唔夠味 算係咁喇 飯好足夠 不過唔夠餸這間店有個海膽山丼 可惜兩次都食唔到 侍應話係限定 都唔知咩時候先有 失望 唯有下次再嚟

星期六下午成兩點，本來想去食下午茶，但一出荔枝角MTR 見到呢間日本嘢，企喺門口睇緊個menu期間，有個waiter行出黎好有禮貌地介紹佢地d食物。見到waiter哥哥態度咁好，而且店內又幾明亮企理下，便入去試試。Menu 都幾多選擇，有平有貴。第一次幫襯，叫個實惠d嘅$78 海膽雙魚丼試下。實物份量ok，只係嗰兩坺（pat) 海膽跟相片相差頗大。不過，成個飯只係$78，如果真係相信有相中咁大又未免太天真。唔緊要，先食一坺海膽試味。一食落口，味道真的⋯⋯好苦、好苦！第二坺一樣咁苦心裡立即好慶幸叫左個平野，否則又貴又苦，真係喊出黎其餘的三文魚、油甘魚和甜玉子食味都好正常，不過不失。最特別的是個飯係啡色的。初初以為是豉油飯，但食落又唔係，只有好輕微的醋味。個人就不太啱口味了。

作為日本控既我，今天同朋友出荔枝角行街聚聚，我們選擇了到荔枝角的日本料理- 「上勝」食晚餐！店內環境不大，但勝在富有濃厚的日本特色，有日本街上傳統小街店的感覺。香蔥拖羅容丼 係我食多咁多間最好食 飯同拖羅容岩岩好 多油份超身鮮咁既價錢食到咁既質素特上海膽刺身丼 超大隻牡丹蝦 帶子同海膽都係好甜好新鮮🤩配合埋蟹籽一流👍海膽松葉蟹肉丼 🥰 好多馬糞海膽呀 同埋勁多蟹肉 海膽一d苦味都無 勁甜 岩岩問左侍應海膽咁甜邊到黎 原來係北海道馬糞海膽 👍👍真係咁既價錢 絕對係高質呢間野d野食真係新鮮 見朋友都忍唔住叫左2件拖羅刺身黎食 做緊優惠 100蚊2件超低 入口即溶，起正 食完嘩左出黎好滿！價錢相宜，值得推薦

個menu都幾吸引，有海膽做賣點。叫左個set lunch 黎試下，點知出事，因為海膽味一般，而且menu入面的相片係跟兩隻吉烈蠔，點知黎左兩粒冷盤的牛舌，灰左。問Sales個餐唔係跟吉列蠔ga？ 他回答有時係唔同，每日都會有時令的。如果gum講，連個牛肉都可以變魚，唔一定ga。其他味道係可以既👍🏻，除左海膽之外，口味都正常。不過如果服務員事先講清楚或者問我要唔要轉set我會覺得合理d。 服務有代改善。🤔

上次吃了千兩，心思思又想吃日本料理，於是搜索了一下，發現了這間上勝，評價不錯，便決定一試。當然來到也要作基本檢閱！但是門外的海膽手紙招牌吸引住.. 我的海膽之魂完全戰敗。直接走進去，鋪面很小，位置不多，還好時間尚早，位置還是有的。來到後簡單看了餐牌，本來決定是要 海膽富士山丼的！ 但竟然..竟然賣光了！因為是每日限量.. 讓我有點失望..最後決定吃海膽三文魚子丼和特上海膽丼。先說一下特上海膽丼吧，他用時令海膽，配上牡丹蝦、帆立貝和蟹子，飯是香港較少用的赤醋飯，每一樣食材都非常新鮮，蟹子咬下去會有「卜卜」的感覺，帆立貝非常鮮甜。海膽下面再說。牡丹蝦非常甜，吃得出非常新鮮。重點才$80元，算是非常便宜了。為什麼先說特上海膽丼？因為這個海膽三文子丼實在給我太震撼了！份量十分的新鮮海膽！每一格都非常鮮美，入口即溶，海水味的感覺就較弱，但是海膽好吃的基本元素他都超水準！然而重點竟然不單是海膽，很址白說，三文魚子不是我特別喜歡的，還記得想當年第一次吃到是在「元綠壽司」，但難吃到我吐出來了... 後來就很長一段時間沒再吃過三文魚子了.. 直到旅行到黑門市場吃過，才明白是元綠差.. 不是三文魚子差。三

今日lunch time 與同事一齊來試下這間刺身飯日本餐廳。環境舒服裝潢富有日式味道坐低有杯暖水，值得一讚之後開始叫餐，有便當🍱，有散叫壽司🍣 手卷，刺身飯，拉麵🍜，烏冬，我地就試左距既海鮮刺身飯。有得看圖睇字叫一碗碗材料配好的。亦有得自選食材+飯的份量。我們叫了一份一模一樣的魚生飯但眼見好像 海膽份量不一，帶子厚薄不一至於味道，新鮮價錢而言，一份$80，無野飲，份量來講如果男性食量是不夠的。

如果在荔枝角想食日式菜，必定要來呢間食海鮮丼！唔止材料新鮮和份量充足，價錢仲唔太貴！平時食的海鮮丼就算有同樣款式，都要起碼 $80-90, 所以呢間CP值真係高！親子四彩刺身丼 $68 |海鮮丼一上場顏色非常鮮豔，望見都好想食。四彩刺身係指三文魚、油甘魚、帶子同魚籽。厚切刺身咬落下啖啖肉，而且好新鮮，沒腥味～飯比較特別，不是一般的醋飯而係已撈左豉油汁的，個人覺得配白飯較好火炙三文魚手卷 $25 |自葵廣無左20幾蚊嘅手卷食，已經好少食到咁高質又平的手卷！呢個非常厚切，醬汁都好好食，如果燶多小小就好啦～軟殼蟹蟹籽手卷 $38 |軟殼蟹好脆口，而且好多膏，一咬汁都咇曬出嚟，加埋蟹籽就更加有口感！全部食物都好推介！另外值得一提係呢度嘅員工態度十分好，我地入去個時3點半左右，佢地差不多落場，但都叫我地入去用餐！服務態度十粒星！

之前見到有介紹依間係荔枝角既日本野，剛好我就係附近返工，即刻send去同事group，終於就搵日同同事黎食。我地都係叫lunch, 唔同既飯有平有貴，平至56十到二百都有。我地無理由咁豪架？所以都係叫左60-80依個價位既飯試下先。同事A一早講左話佢有朋友食過，話份量幾少下，都有d擔心。我就叫左個正路既三文魚丼，黎到果然真係細細碗，但鋪上面既三文魚都唔少，仲有砌碎左既玉子。個飯原來仲已經有醬油撈過，所以食開清淡既唔使再點豉油。個玉子幾甜唔錯，三文魚新鮮。對於女仔黎講依個份量都還可以夠飽既，但男仔就難講d, 如果可以再多返少少返就會更好。不過性價比黎講都係高既。

🐟荔枝角新開抵食海鮮丼🍣🍚網上見呢間店上年年尾先開業 我見最平$60有個丼飯 咁抵食就去試下🍣海膽雙魚丼$78佢地用赤醋壽司飯 所以係啡啡地色飯嘅份量偏少 呢個價錢少飯係可接受三文魚同油甘魚每樣有3片都算新鮮 但係切得太薄了😢無平時食魚生嘅實在滿足感😫海膽份量都係得一片多少少 感覺有啲取巧😐仲有啲玉子同青瓜做配菜不過呢個價錢呢個份量都理解到餐牌上仲有其他$150-250嘅丼飯睇圖係大碗啲同多好多料 感覺上係正好多如果你係荔枝角番工食lunch細細碗係幾抵食如果專程嚟食 叫番大碗會開心啲😚都唔好對$100樓下丼飯期望咁高😛燒雞泡魚干$45呢到雞泡魚干合格 唔係普通放題貨色唔會硬到一個點同好乾咬唔爛但都未去到居酒屋好甜好軟熟易咬嘅質素質素卡係中間所以不過不失 食得過Menu上仲有其他燒物炸物同其他刺身料理另外餐廳裝修都幾用心 有啲面壁位仲有ipad入口放滿sake裝飾 牆上又有設計過

真係好好食。食物新鮮。又好食。我幾鐘意個拖羅剌生。入口即溶！之後個雞泡魚乾用來送酒一流🤪！原條龍蝦手卷真係好正。。。。啖啖肉！服務又好喎！我朋友唔舒服。侍應會主動比溫水我朋友。會再來食

當你OT到周圍既餐廳都開始收 由其是工廈 特別早收鋪你想行去搭地鐵既時候 就係Exit隔離有間日本餐廳係幾咁邪惡既事😈💕所以 我就係飢寒交逼既情況下入左去上勝專賣刺身丼 但係我身子唔好 只好叫鰻魚丼過過口癮由於我係湯控 一定要飲湯 就叫左麵豉湯同沙律止止肚餓麵豉湯就一般發揮 有適量既海帶同豆腐沙律就幾開胃 生菜脆脆的肥厚鰻魚丼大盛鰻魚真係夠晒肥厚！厚得黎鰻魚係好嫩口滑身鰻魚汁仲偏向甜d稠d  紫茶除左用紫菜碎仲有紫菜粉同鰻魚汁混合 送飯一流最後上勝既裝修都偏日系 以極具和風既漫畫牆作配襯顏色鮮豔突出的牆都可以同木系相襯 係我少見識多怪😂但係真心靚 下次有人幫我揸機 個樣又好d先影呢幅牆🙂