三餐冰室

營業中

休息中

行完科學館勁肚餓 拿拿聲過對面黎個抵食下午茶🥳🔸法蘭西多士伴雪糕（粗粒花生醬夾心） $42大大件 西多士厚度香度都剛好 邪惡醬也很多🔸煎雞扒蔥油撈麵 $42雞扒很滑 但葱油太重味 食食下會偏膩🔸三餐炒飯 $48都係偏重味 感覺就有點帶燶 但份量多 抵食既🔸凍華田 $3大大杯 亦夠晒味🔸椰汁紅豆冰 $12🔸雪糕紅豆冰 $12個人覺得呢杯抵嗌過椰汁紅豆冰 都係果個底個多球雪糕😂份量足 喪嗌埋單都係1字頭 滿意既 下次去完呢邊應該都再黎開餐～

一入到去，1男1女伙記就係度吹緊水，完全無理過我地，叫野食時個阿姐d態度勁呼喝，上野食時大大力放係枱角，叫佢比杯水又唔應人，以為聽唔到啦，講多聲就喝你等一陣。。。同個男伙記講，佢話自己會拎刀對客添，個阿姐係咁串既，只係我地聽唔慣同睇唔慣，後來連隔離位小姐都睇唔過眼，幫口話個阿姐既態度真係好差。。。態度咁劣，野食掂都唔想幫襯啦，何況d沙嗲牛肉仲要又老又鞋，一定一定一定唔會再去受氣！

又試新冰室呢度選擇都幾多有扒餐粉麵常餐熱狗焗飯咖哩今日點左~厚切餐肉米粉配腸仔熟旦多士不得不讚個米粉湯底唔會好淡米粉份量都比其他食開既多餐肉堅厚切一D都唔吝嗇煎旦轉左熟旦唔會好燶又留有旦黃汁剛剛好反而多士就有少少干有點美中不足~粟米肉粒飯個飯都幾大下粟米肉粒都幾多肉粒質感可以唔會好鞋果隻個白汁味道正正常常用黎送飯一流呀

同朋友喺尖沙咀食咗個沙嗲牛肉麵做下午茶。意猶未盡，希望搵多個地方，繼續兩個男人傾吓計談天說地。本來我想去酒吧，但係朋友話使乜去酒吧，去茶餐廳都得。原來係佢朋友最鍾意嘅三餐冰室。好多人都推介呢間三餐冰室，原來呢度可以就咁飲啤酒，雖然我哋好飽，但係我哋都可以叫人一支啤酒。我叫了一次1664同一支德國啤酒，德國保羅蘭啤酒都只係$60一支。講真尖沙咀所有酒吧都冇呢度咁平。呢度絕對係happy hour嘅一個好地方。最重要仲要不斷有靚女嚟呢度食下午茶，話唔定有艷遇。

經朋友介紹尖沙咀有一間冰室味道唔錯，所以午飯嘅時候就前往試試門口有三餐冰室嘅霓虹燈，非常搶眼大約12:00左右去到，可能人哋仲未放飯，人數唔算多，店員好快就安排我哋坐低我嗌左個沙嗲牛肉麵常餐配腸仔煎蛋加牛油多士沙嗲非常濃郁，佢個湯底不會淡淡的，會有雞湯味，麵質亦都相當彈牙，口感一流煎蛋係太陽蛋，中間會流心，腸仔煎得啱啱好，唔會燶牛油多士我冇烘底，但個多士非常鬆軟，牛油相當多，每啖都夾雜着牛油同麵包，非常香口但我唔記得咗影相總括而言，今餐嘅食物有水準，值得一試

有時會好想去茶記食碟頭飯，一口接一口大大碟夠飽肚，價錢相宜快捷方便，來來去去得幾個選擇，唔需要刁橋扭擰，貼地又好味。男人的浪漫其實女人都識😏最後一個禮拜係尖沙嘴佐敦一帶覓食，今日行去尖東方向遇到呢間係漆咸道嘅茶記-三餐冰室。環境幾好，兩邊大玻璃直望街景夠曬開揚光猛，裝修企理乾淨，絕對唔係邋邋遢遢嘅茶記。價錢都ok嘅，我叫左滑蛋蝦仁叉燒飯跟杯嘢飲盛惠$58。碟飯份量非常足夠，滑蛋鋪滿曬個飯，齋食蛋都飽😂滑蛋真係滑蛋，炒得幾好。蝦仁同叉燒就正常發揮，唔特別。食呢個飯嘅重點係咩你知唔知？係嗰甜豉油😎佢地完全唔吝嗇地落得好足夠，而且鹹甜適宜。一啖撈左甜豉油嘅飯加滑蛋仲有叉燒，好食到反曬眼🤤

下午我在「尖沙咀」「漆咸道南」附近食完「車仔麵」下午茶之後，再在附近找食店繼續享用下午茶，最後我又在「漆咸道南」附近找到另一間港式茶餐廳「三餐冰室」。期間我意外發現「三餐冰室」，原來也有製作自己品牌版本的「樽仔奶茶」飲品，不過「三餐冰室」的「樽仔奶茶」售價太過昂貴，又沒有跟餐價錢優惠，所以我最後沒有選擇飲「樽仔奶茶」。我最後只是點了一份「三餐冰室」「招牌肉醬熱狗」下午茶，至於下午茶套餐裡面的飲品，我之前才剛剛飲完一次「凍奶茶」，今次在「三餐冰室」就免了。我改為享用「三餐冰室」裡面名稱叫做「龍鳳檸樂」，實際上味道又鹹又酸的「鹹檸樂」飲品，其實我平日很少享用有提神成份「鹹檸檬」在裡面「鹹檸樂」，但是我之前才喝完「奶茶」，不想重複享用同一類飲品。我試飲完第一口「龍鳳檸樂」飲品實際製成品之後，發現自己始終未能完全接受到「龍鳳檸樂」飲品裡面，「鹹檸檬」的濃厚而強烈鹹味。至於「三餐冰室」的「招牌肉醬熱狗」食品，餐廳廚房為「招牌肉醬熱狗」而預備的「麵包」口感看似頗腍，但是「熱狗」表面的「肉醬」太多，我擔心徒步享用「熱狗」可能會弄髒雙手。所以我最後選擇了，嘗試用手直接舉起和享用「招牌肉醬熱狗」。「招牌

諗唔到食乜？三餐都係到搞掂啦😈1. 鐵板招牌牛柳餐 $128 ✨呢個餐包左餐包 餐湯 主菜同野飲 個羅宋湯好大份 送餐包一齊食一流 好有港式風味 而主菜既鐵板牛柳就好惹味 一黎到就好香噴噴 好耐冇咁樣食港式鐵板 而舊牛柳一切落去就勁多汁 肉味香濃得黎仲好嫩滑 叫左5成熟岩岩好！份量仲好大 岩哂我呢種大胃王2. 樽仔奶茶 $24我地仲加左支樽仔奶茶 聽個名已經夠特別 奶味同茶味既配搭非常好 真係好正Overall 推介指數：4-4.5/5估唔到茶記都咁好食 個鐵板水準真係一流 唔係講笑 地道港式野係永遠都食唔厭 大家路過尖咀都可以支持番本土野

相信有唔少人都聽過三餐冰室嘅招牌菜三餐三蛋飯，都真係幾正🤤今次翻兜就試下其他菜式啦～·🥘煎雞扒喇沙湯米粉 (HKD 44)估唔到會係港式冰室食到咁好食嘅喇沙😱椰香味香濃而不膩，入口順滑，米粉爽口不易斷，最重要係煎雞扒肉質超滑！！而且份量仲要好多👍🏼•🍜煎雞扒蔥油撈麵 (HKD 42)咁岩今日朋友都想食煎雞扒，佢就叫左另一款蔥油撈麵😋蔥油味好香之餘，煎雞扒水準保持到皮脆肉嫩，麵嘅韌度岩岩好🤤

當啤酒🍻成了主角同老友食飯，去邊食都冇咩所謂最緊要可以一齊啤啤佢盡訴心中情久唔久又到三餐冰室飯聚下而家竟然有埋啤酒飲 （套餐+$28 起）二話不說試下德國🇩🇪白啤同apple cider - 黎到都係鐵板燒同例牌焗飯不過今次d牛柳太重手太冧冇口感份量大大份食唔晒😂咖哩味道比上次濃郁同惹味套餐跟埋餐湯同toast 餐湯有紅/白湯揀大大碗幾足料🤣🤣性價比黎講算唔錯環境又乾淨整體3.5/5 分啦～以下menu

冰室都食到上海菜，而且仲好有水準﹗認真估唔到呀﹗講緊係三餐冰室，近排見到除左皇牌鐵板餐、西餐外，仲提供中式客飯啊﹗而家開始秋涼，感覺食飯係會飽暖一點。掃一掃餐牌，見到有麻辣醬爆回鍋肉餐$70 (配紫菜湯或是日餐湯、絲苗白飯、即磨咖啡或熱餐飲)，二話不說，立刻點這個餐，一解辣癮。薄切豬腩肉片，肉質爽口，最喜歡吃這種肉比脂肪多回鍋肉，吸滿麻辣醬汁，不會太麻辣，保持原本回鍋肉的風味，加上豆乾、蔬菜等，份量也夠女仕們吃的。餐飲嘛，識飲一定係會+$6飲三餐樽仔奶茶，原樽奶茶雪凍，因此茶味仍然濃郁。意猶未盡，點多個法蘭西多士伴雪糕(粗粒花生醬夾心) $30做甜品，即叫即製，呢個價錢仲有球雪糕，點可以唔食呢?!

提起冰室, 我會想到菠蘿包、西多士、鐵板等等, 早前去到三餐冰室, 很不錯啊~ 超想吃鐵板, 所以一翻開餐牌就集中看鐵板餐, 最終選了鐵板雜扒餐$118, 非常豐富, 有豬扒、雞扒、火腿、腸仔、煙肉、煎蛋.$118有大大份扒餐、餐湯、牛油多士及飲品, 價錢十分親民亦抵吃!  湯可選羅宋湯或是日餐湯, 當晚是忌廉湯, 有大量粟米, 絕非罐頭質素, 很看滑!  鐵板來啦~ 醬汁方面可選黑椒汁、洋葱汁、蒜蓉汁, 我選了燒汁, 感覺上沒那麼熱氣(其實不會啦~) 吃鐵板最期待就是把醬汁淋上、滋滋發聲的一刻!  OMG! 那隻煎蛋是流心的啊! 最愛吃這個熟成度.好喜歡鐵板上有兩粒大蕃茄及西蘭花, 不致於整份都是肉肉. 豬扒不薄切, 雞扒又大件, 心想…這應該足夠給兩位女生吃.餐飲方面, 由於想試三餐樽仔奶茶, 所以加了$6(跟餐價), 是凍的卻沒有冰, 不會沖淡奶茶味, 而且本身的甜度屬少甜, 很有驚喜, 難怪這麼多人讚!最後, 與朋友點了一份法蘭西多士伴雪糕($30), 超邪惡呀!! 西多士是餐茶廳必有菜式, 特別想讚三餐的西多士, 不油膩之餘亦沒有那份萬年油的味道, 夾心層是粗粒花生, 配搭雪

難得是日朋友聚會，朋友提議便過來三餐冰室試一下懷舊特色裝修，滿滿香港情懷鐵板招牌牛柳餐配薯菜(有黑椒汁、洋蔥汁、蒜蓉汁)已包牛油多士、羅宋湯、餐飲熱辣辣鐵板，倒上黑椒汁時立即滋滋作響牛柳非常大件，切開見到充滿肉汁，牛柳肉質嫩滑而且Juicy伴碟的薯條亦夠粗身香蔥厚蛋咸牛肉三文治烘底份量十足，味道也不錯三餐炒飯看到厚切午餐肉已大滿足，炒飯炒得夠乾身且粒粒分明很快清到一粒飯都不剩原來餐廳連酒都有得賣，保羅蘭黑啤如點套餐可加$38甜品點了法蘭西多士伴雪糕 ，西多內有一層厚厚的花生醬配上雪糕同吃，絕對滿足

疫情關其實好少機會出街食飯難得今次係尖沙咀工作完所以趁住呢個機會就去咗呢間冰室食晚飯今次同朋友就點了三餐炒飯、咖喱薯仔吉列豬扒飯、法蘭西多士伴雪糕當中食物水準都幾出色，尖沙咀嚟講亦都算抵食值得再去幫襯三餐炒飯$62相當有鑊氣嘅一個炒飯當中包括有餐肉粒、蝦仁、菜粒材料豐富味道惹味真係食三餐都無問題咖喱薯仔吉列豬扒飯$68呢個咖喱亦相當出色先講吉列豬扒相當鬆脆唔會乾身再配層次豐富嘅馬來咖喱真係令人回味法蘭西多士伴雪糕$30最後同朋友就食埋呢個西多士西多士表面炸得金黃內裡就相當軟熟加上粗粒花生醬夾心及雪糕每一啖都相當邪惡真係西多士嚟講可以話頭幾位

老婆大人有人帶咗我去喱間三餐冰室食晏估唔到又幾鬼正喎！攪到我短期內帶埋同事去食多餐！喱日我同老婆大人加個朋友去第一次去食晏，入面啲裝修好懷舊好有細路仔時嘅味道！老婆大人食滑蛋叉燒飯減緊肥嘅佢梗係留一比我啦！蛋夠滑叉燒都唔錯加埋甜甜哋嘅豉油汁幾好味。熱奶茶質素唔錯有茶味又滑口飲得過喎！我呢要頂半碟飯梗係叫個輕盈啲嘅餐！就叫個鐵板招牌牛柳餐配薯菜啦個餐有牛油多士、羅宋湯同埋杯正奶茶都係百二蚊了多啲！鐵板牛柳熱辣辣嚟到即刻淋汁吱吱聲最過瘾，我揀咗黑椒汁都好香又唔係好辣，叫咗5成熟都做到我要求食落牛柳夠淋而且仲有兩大舊真唔錯。隔咗一個禮拜咁啱喺尖沙咀放飯就帶埋個同事再去三餐開飯，同事叫咗海南雞飯都好鬼大碟仲有碗湯啱晒大食嘅佢。熱奶茶梗係要再飮啦水準保持到一樣香濃。我就食蔥油豬扒飯豬扒夠淋加埋香噴噴嘅蔥油真係好和味，仲鬼咁大碟飽到我呢！