三記飯店

營業中

休息中

本來去鳯凰新村打冷，點知休息。便想到慈雲山也有一間不錯的三記，便一起駕車到此。叫了墨魚餅拼蝦餅、韮紅、𧐢餅、鹽水雞、召鹽鮮魷、豆腐，腐乳通菜、𧐢仔粥！墨魚餅、蝦餅實在很差。鹽水雞查實係白切雞加汁！𧐢仔粥比較鯹無鮮味！其餘的不只是普通，真是沒下次！

今日老爸話好耐冇食打冷，想試試。我們一行2人於是去試試，7點到達不用等位，去到環境一般，地下好油好滑，怕老爸行路不便，於是揀左近門位置坐抵算數。 叫左個蠔餅，炒菜同鹵水鵝。 講真個蠔餅都不錯，夠脆同香口，抵讚。 鹵水鵝都可以，浸得算入味，但份量略少同清炒就不過不失，正正常。 如果只是為左食蠔餅未必會再來，因為地下周圍大肥膩和滑，不方便長者。

有日去慈雲山探朋友，毓華里附近全是熱鬧食市。我的朋友好杯中物🍺，就在附近找一間打冷店方便暢談。朋友大力推薦三記，又平又抵食，未到八點，客人已經由鋪頭內坐到出面路口。原來坐路口都好有風味。我哋叫咗啫啫雞煲～一個煲都係58元，雞塊好惹味，仲有雞潤。加埋啤酒，好快就食完。我哋叫咗三款滷水拼盤～只要55元，平時打冷三款要過百元。最重要豬大腸淋，墨魚爽，豬頭肉入味。真係抵又令人回味，你一件我一件好快清曬全枱餸。下次有機會食埋其他小菜。🥘

是晚相約了摰友過去她家附近打冷聚聚，餐牌只有呢張底面嘅單張。價格相宜，不知味道如何。當晚7點半左右，已經聚滿人堆，坐到出巷仔。鹵水雙併 $50三併都係55蚊咋今次叫左大腸併豬頭肉2款都好稔同入味，底下仲放左不少嘅芽菜。蝦丸併墨魚餅兩者相比之下，墨魚餅較出色彈牙。蝦丸比較稔身唔夠咬口，下次再食可以不用叫雙併。打冷點少得來一碗白粥，既可綜和濃味嘅鹵水同感覺仲無甘乾。最後叫多左碟金銀蛋浸白菜仔咸蛋同皮蛋用料很足，味道夠又不會過濃。埋單每人都係100左右，價格相宜。

呢間打冷長期爆滿，可能因爲價錢夠街坊又夠老字號，味道一直都keep得好有水準...今次係過黎朋友度拜年，黎到慈雲山緊係要食呢間打冷同小菜，我每次食打冷野我都會叫滷水豬耳，可能我鍾意食爽脆既食物，不過呢間既豬耳就唔夠爽，但滷水汁味道就一流，叫左幾樣野都好味，最後叫既蠔仔粥唔記得影相，因為等得太耐，其實都飽，個粥無晒湯，我估可能落飯重手左或者放左陣吸晒d湯，不過都唔怪得佢地，因為實在太多人...豬耳拼豬腸都👌🏻春菜巧正，夠味又淋乳鴿好味，皮脆又夠味，唔乾...正南乳骨，惹味...肉都淋又炸得唔乾👍🏻

三記 雖然小妹性格港女👸🏼  但係比起高級餐廳 小妹更愛大排檔打冷 ，貪佢夠鑊氣，夠曬地道 朋友知己約埋，啤一啤 ，都可以係港女的浪漫 😍不過大排檔之中 慈雲山既三記絕對是小妹既all time favourite 小妹最中意食佢既蠔餅同埋墨魚餅 冬天既時候羊腩煲，醉雞煲更加係無得輸 今次大約十點才去到 所以唔洗等位就有得食 米飯班主詐形話喉嚨痛 所以只能讓小妹係墨魚餅同蠔餅中二選其一 小妹就選了墨魚餅 ，韮菜豬紅同蠔仔粥 墨魚餅 粒粒都係手打再落鑊炸 墨魚餅外脆內裹則非常爽口彈牙 除左墨魚之外，仲加左馬蹄粒 令墨魚餅味道更豐富 韮菜豬紅 味道適中，不會太鹹 豬紅嫩滑，沒有臭味 份量亦非常多，十分抵食 係略嫌比較多油蠔仔粥蠔仔亦算大粒蠔仔粥既料亦非常豐富有肉粒，魚乾，菜脯 粥亦有豐富既大地魚味，非常滋味兩個人一百五就有交易非常抵食，CP值極高 所以三記絕對是小妹既大排檔No.1

住在鑽石山的我，時不時都會一家人到慈雲山三記打冷三記是一間經營了差不多40年的潮州菜館，主打潮州打冷和廣東小菜在這個慈雲山小社區裡，三記打冷絕對是無人不曉什麼時候來，都總會有大班街坊食客捧場我一家人冬天就會來食醉雞煲或羊腩煲，夏天就會來點幾個小菜而我和肥肥也很喜歡在家玩夠一整天，就來三記打冷撐枱腳我和肥肥最愛吃的就是墨魚餅😋墨魚餅（$58）三記墨魚餅是由老闆每日用新鮮墨魚手打成漿，再搓成餅狀落鑊煎即叫即做，保證熱辣辣和香脆可口每一啖都是墨魚香，沒有多餘的魚腥味而且口感外脆香口，內裡彈牙滋味價錢又相當便宜，一客就有9粒，好抵食呀！☺️韮菜豬紅（小）（$30）大的$40，小的$30點餐時，店家還會問你要不要豬皮蘿蔔我就獨愛韮菜豬紅，所以沒有加額外的雖然只叫左一碗小的，但份量相當多看，那韮菜把整個碗都覆蓋了👀韮菜豬紅味道比較普通但我就是喜歡吃豬紅那種嫩滑口感而且三記豬紅沒有多餘的腥味我個人來說是挺喜歡的🙈明火例湯（$10一大碗）每次例湯都會有不同口味而今次的就是冬瓜湯，清涼解暑如果屋企無湯水飲，黎飲碗老火湯都不錯🙈一碗就有兩小碗半，二人share剛剛好👍🏻肉碎蠔仔粥（窩）（$70）真的是相當大

慈雲山好細，但似乎呢間小菜好出名，試一試。兩個人食得唔多，胃口唔好，試幾味。蠔仔粥 － 蠔仔算大隻，粥底就唔太夠味，我期望係濃濃既大地魚味，70分。炒蜆－ 掂，蜆仔夠大隻，絕大部份都無甩左D肉，微辣，惹味，係正！（九點唔夠就沽清）豆豉鯪魚油麥菜 － 炒得算乾身，味道偏淡，鯪魚食唔番以前種甘香，只怪大陸食品水準下降。成晚真係超多人，坐到出街，太熱。等冬天先再考慮。

三記打冷係慈雲山黎講都算幾出名出名在佢d蠔餅真係好足料又好味一行6人去三記叫左香檸炸雞 蠔餅 滷水鵝肉 豬耳等等蠔餅同我想像中一樣咁足料好味只係多粉左少少呢樣可以改善下炸雞就真係超出我想象冇諗過真係咁脆咁香口我地個個都真係狂讚之後仲叫多左碟鵝肉同豬耳都不過不失啦如果下次打冷我都一定會黎3記

the restaurant doesnt look very clean and the environment is no way like some restaurants in the mall. but the food does taste good.i like the oyster cake so much!! the outside is crispy, inside was fluffy with the batter just cooked through. the oysters were not fishy but fresh, slightly seasoned with salt. it tasted like the ocean~  if you eat it with some vinegar, the sourness will give you another level of enjoyment.the steam fish here on the other hand wasnt that special, just ordinary stuf

住左慈雲山廿幾年,都係第一次食三記蠔餅必食⋯好熱好香,,,仲有朋友介紹的潮洲三寶我地吳要花生⋯⋯菜莆拼咸菜叫左中。。都係收你$18蚊,吳夠食⋯再叫多碟大$25本來想叫鵝片..黠知賣曬...轉叫例牌鵝肉..都好好味...夠入味..仲好多肉而滷水拼盤味道就一般

久仰左'三記'大名已久因為我啲好朋友們經常都有在講三記好好味佢地都係慈雲山友嚟 係慈雲山搵食梗要問佢地啦是日 有朋友生日 我地3個人食晚餐 選擇左呢間生日食大排擋？無錯，情調呢家野個個定義唔同唔係食唔起高級餐廳 或酒店 等只是 當人愈大愈明白 簡單真的是福 不必下下都追求既虛實又不必要既總之 朋友生日我地一致決定食大排擋哈☺️果然係好食啊！雖然未至於驚為天人但我地真係覺得好好味喎但由於我地唔食煙但室內等極都無位搞到我地要坐室外 狂吸別人的二手煙 唉好彩食物幾好味 彌補返個心情～完全係驚喜既一道菜！！！！香檸炸雞好好好味！我之前食過一次其他鋪既香檸雞 自此怕左食好多好多年都無食過啦 係朋友強烈推薦下 終於一試嘩 好好食 完全對此菜改觀～雖然好多人都話蠔餅好食，但我就覺得好普通啦蠔仔算係有好多既，但實在太厚粉了點口感比較普通

朋友小聚, 平平地又有得飲兩杯, 非三記莫熟食潮州野又點少得潮州麵呢, 簡簡單單有肉條、芽菜、韮菜、蔥, 然後同d潮州麵炒埋一碟, 咁簡單應該都好難煮得唔好食ge... 不過我地唔知原來咁大碟, 所以最後食唔晒。打冷三寶, 紅腸、生腸同豬頭肉, 生腸夠爽口, 豬頭肉唔算好肥, 咬入口都有爽口ge感覺, 當然最精華係個汁同醋啦, 酸酸甜甜送酒就最啱喇。仲有蠔餅都係必食推介, 以呢個價錢黎講, d蠔仔都算大隻同份量算多了, 起碼每兩啖都食到d蠔, 算係唔錯喇。今餐最唔抵就係叫咗碗湯, 無啦啦有個人走埋黎問我地要唔要飲老火湯, 我地不以為意諗住是但啦, 結果中伏...... 竟然係勁苦苦瓜湯.... 唉, 當食完熱氣野下火啦.....

對於男人住黃大仙，竟然未食過慈雲山三記真係沒想過。所以今次見有時間當然要食蠔餅同胡椒豬肚湯。今日大約8點到，超多人食野，找位坐都要15分鐘左右就有，都叫快手。衞生程度以大排檔黎講已經好好，待應姐姐都好快手整好張桌比我地坐。今次我地叫左5樣野，結帳都係＄250左右（仲要有2枝大啤同1個汽水），堅抵同平，我地都覺得絕對可以再黎過！＠～本來想要鵝，但原來已經買完，所要要下回請早.....胡椒豬肚湯（＄10）：係10蚊冇睇錯，好有胡椒味，材料都吾少，最後我地都一人一碗多少少，豬肚都好淋同豬肉肉味仲有係度，飲完熱熱的，絕對要推介！！蠔餅（＄52）：粉真係整得好好，見佢整果陣有蛋漿，吾知係米咁的原因，十分香口但又冇燶到。最好係沒有太多油係底，吾會覺得只食到粉，蠔仔超大隻同肥，吾係煮完都吾係邊度果D，好快咁食晒佢。油麥菜：炒得勁香口，份量勁多。菜同魚配合得好好，但偏咸左少少，加個粥絕對好好配撘...但唯一吾好係其實都吾少油，凍左之後更加勁，所以要快食就正三寶（細）（＄10）：好好咁分開3個份量，因為男人要配啤酒，所以叫左個細。份量一細碟，2個人食剛好。但我覺得正常三寶味，但應該有酸菜，菜泡，花生。酸

成日聽人講慈雲山有三寶, 而其中一寶就係三記飯店。果日因為肚餓就早左到三記等,去到發現無咩人,原來因為佢淨係做晚市。坐低睇餐牌就即刻叫"打令"必叫既鹵水豬手同豬大腸,椒鹽九肚魚,芋頭炆臘鴨,琵琶豆腐,同埋點可以唔叫三記最出名既蠔餅!!等左一陣,食物好快就到,熱辣辣既蠔餅咬落去面餅同蠔既比例夾得岩岩好,一啖蠔一啖餅,蠔既香唔會比餅味掩蓋,兩者配合得天依無逄,難怪咁多人慕名而來.其他既菜都食得出佢地既美味.果然係慈雲山三寶,名不虛傳.