三才魚蛋粉麵

營業中

休息中

下午來到銅鑼灣，在朋友介紹下，專程去到三才魚蛋粉麵。店內雖少，但坐位整齊很整潔。坐低後便睇睇餐牌，睇了一會便叫了一碗牛腩墨魚蝦條麵及一碟蠔油芥蘭。5分鐘左右蠔油芥蘭首先到了。芥蘭夠爽，味道唔錯。只是蠔油少了一些，在下午茶時段，是不用收費的。等了不到10分鐘，我叫的牛腩墨魚蝦條麵便到枱面了。首先湯底夠熱，味道稍鹹一點，而牛腩方面就炆得不錯，而最別就是墨魚蝦條，比較少見，墨魚很彈身混入鮮蝦，食落爽口彈牙。麵就很彈身，不會太焾。見到粉麵餐加凍飲，也只是加$7很超值，於是叫了一杯凍咖啡，勝在夠凍，味道唔錯

👦🏻大舊話佢細細個就好鍾意食呢一間嘅魚蛋粉 但係我之前一直都未食過 見佢講到咁好食 今日離開呢一頭行街 就順便買啲外賣返去煮嚟食～～～本來諗住買啲煮好嘅 但係返屋企嘅路上 都有一段距離 所以就直接買啲未煮嘅 鮮蝦雲吞同埋菠菜餃 再另外搭多個泰式鳳爪返去試下（行到去地鐵先醒起我唔記得買佢最出名嘅魚蛋！！唯有留返下次再食啦）～～～泰式鳳爪酸酸甜甜又辣辣地 味道非常開胃 返屋企在開咗支啤酒你餸下 正 建議大家外賣嘅話 可以攞返屋企之後先喺雪櫃雪一陣先再食 風味會更佳～～～而鮮蝦雲吞同埋菠菜餃 亦都好有水準 鮮蝦雲吞入面嘅蝦肉爽口彈牙 菠菜餃亦都係爆曬餡 個皮做得夠薄 鹼水味亦處理得唔錯 而且價錢仲 好實惠 三樣嘢一共買咗$100 但係全部份量都唔少 而且個老細仲好好人 感覺非常地道同埋街坊 有種相逢恨晚嘅感覺 感謝大舊介紹比我～～～推薦度：🔥🔥🔥🔥🔥🔥🔥🔥🔥三才魚蛋粉麵 (銅鑼灣)銅鑼灣渣甸坊48號采怡閣地下6號舖

同閠蜜食完飯行下街, 中途阿媽來電話想食魚蛋粉, 行過見到呢間都幾出名吓就買回家食。餐牌上註明自設工場, 有各式丸類、餃子、雲吞等, 全部自家製作1️⃣魚蛋魚片河 $36 魚蛋和魚片都好新鮮, 爽口彈牙,完全無腥味。河粉好滑好爽2️⃣牛腩粗麵 $33 牛腩份量唔少,醃得入味仲夠軟腍,肥瘦度剛好。粗麵軟硬度適中,唔會過淋3️⃣淨雲吞 $36 雲吞皮薄餡料足, 內有豬肉和蝦非常彈牙,味道好香, 咬落有驚喜仲配有炸蒜蓉同冬菜,再加上辣椒油, 令湯底香味大大提升整體而言, 對這店的食物質素都滿意, 價錢又合理, 值得再光顧

今日咁啱出左銅鑼灣要搵個地方食晏見三才個評都幾好就黎試下呀點左~西洋菜餃湯河見西洋菜餃比較特別唔多粉麵舖有就點黎試下呀個餃個皮幾薄個涵料都幾多個河粉又算滑點埋個辣椒油真係無得輸呀雖然個份量略嫌少左DD但因為我係下午茶真係好平(以銅鑼灣黎計)所以仍然覺得好抵呀下次可以再黎ENCORE

/ /銅鑼灣平民價麵檔❣️今日出去銅鑼灣，突然好掛住麵檔經過見到呢間超平民價！就決定買外賣返屋企試下💗🌟魚旦魚片河 $36一碗有4粒魚旦、兩三片魚片食落好彈牙，仲分左湯好貼心番到去食河粉都唔會發脹🌟牛腩河 $33每碗入面都有炸蒜我個人幾中意！不過唔食嘅人記得要早啲講呀牛腩好淋，都入味👍🏻再加埋辣椒油🌶️滿足哂！夠辣咁啱買個陣係下午茶時段仲送兩杯熱飲，真係好抵食👍🏻估唔到銅鑼灣都有咁平民價嘅麵檔

我在銅鑼灣逛街途中，家人突然通知今晚吃火鍋，要我幫忙買一些火鍋材料，想了想就看看有沒有魚旦魚片之類的東西可以買回家，走著走著就行進了渣甸街這條靜中帶點嘈吵的冷巷，有很多小販檔包圍著整條街，人來人往。亦讓我看到這間感不大起眼但門口有著很多明星幫襯過的相片，觀察了一會，發現很多人叫外賣都是買墨魚蝦條，所以我最後都是決定跟大隊，買了墨魚蝦條和炸魚片頭回家試試，因為是新鮮炸的，所以老闆都建議不要雪冰箱，盡量要2，3天內吃完，會比較保持到鮮味，當晚已經可以吃完啦！哈哈，味道還真不錯，下次可以試其他

因工作關係常在銅鑼灣食飯，三才地理位置方便，喺SOGO附近，又勇於表態所以常光顧。魚蛋同雲吞都好食，CP值高。但係湯底真心難食，淡而無味，加咗腩汁都咁話，希望可以改善湯底，貴啲都唔緊要。等我哋可以唔使次次都因為湯底難食而掙扎。不過黃店難得，會繼續支持，加油💪

今日放工想食嘢，去了三才食粉麵加魚皮！地方唔算大，光猛簡單設計；服務員哥哥態度唔錯，有效率快手又友善，見佢同客人有傾有講下午茶點粉麵3送1: 可選飲品、油菜或魚皮我點了牛腩米線加魚皮牛腩米線：牛腩份量都算多，大大件，腍度可加強一下，米線份量普通，米線是比較軟身；湯底唔會好咸，都唔錯配料放在匙羹上，有蔥粒及炸蒜，可自行決定加減與否炸魚皮：好脆口，份量普通，喜歡它唔會油膩，厚薄剛好又香口好味這個價錢都可以，繼續努力💪🏻

看完其他食評，最近來過兩次。希望店家可以看到我的意見。各樣食品恰如其分，我覺得好味，炸魚旦彈牙，幾款餃我都試過，買了生餃回家打邊爐，皮夠薄而淥完唔會散開，超讚!可是，兩次幫襯，我都留意到一個問題: 店內收錢的男士(相信是店主)對其女店員多次呼喝，我作為客人當然不知就裡，眼見女店員默默工作，對店主的責備亦唯唯諾諾。女店員幫我堂食及外賣落單，寫字係慢d, 但都準確，店主見狀立刻呼喝她，著她讓他跟進。食碗面15分鐘時間，不難聽到店主呼喝(不禮貌地指點)她5,6次。我只覺得，一間食店，好食固然重要，但你對員工的態度也好反映你有冇品，是否值得支持。今時今日，做老闆(男收銀)係咪真係惡晒？

銅鑼灣渣甸坊內街麵店，之前聽過好多人讚呢間店啲水餃好好食。今次專情嚟試下，小店細細間，坐位即唔多，店員服務態度好好，我叫左碗水餃河粉，但河粉比較"淋"，水餃亦一般，有D失望，希望下次有機會試其他食品。不過喺銅鑼灣區嚟講，$29一碗水餃河，都算好抵食!

銅鑼灣街巷搵食，接近1800無堂食。因此打算買手工餃子返去外賣喇，師奶同事煮食專家，一收工就帶我黎渣甸坊。黎到已經都不少人等外賣。由於想摞返屋企整水餃，見到有不少款選擇。堂食優惠又真系幾抵食，不過疫情期間無辦法喇。所以幫下外賣都算對飲食有貢獻。試不同餡味道的餃子其實主要有西洋菜，菠菜，韭菜。36元一打分開擺放。韭菜餃子，每次必食的餃子系列餡。買之前的新鮮手造餃子，外面已經見到一層薄皮。餡好厚實。菠菜手造餃子，呢款餡又幾特別，菠菜本身味道濃郁，同韭菜香不同。回到家煮完成果如下。少少薄皮包裹住餡，咬落去都有咬勁。😊

去了Sogo shopping完後順便去附近買碗粉返去做下午茶。有名你叫三才魚蛋粉麵，主打一定是魚蛋墨丸等，但原來這裏的牛腩都是招牌之一。下午茶時間，每碗粉麵還送上炸魚皮或菜等。牛腩米牛腩炆至肉質鬆化，牛肉味濃郁，有牛油脂香，加上秘製腩汁，令米粉更添風味。墨魚蝦條河河粉爽滑，浸住都唔會淋，墨魚蝦條更是買少見少，甚少在粉麵店見到，幾有特色，蝦條彈牙起膠，非常新鮮。鮮蝦雲吞外賣返屋企煮，蝦肉新鮮爽口，肥豬膏又唔多，肥瘦比例均勻，還有些大地魚香味。

多次經過餇鑼灣三才魚蛋也望門輕嘆，過門卻不能入。今天卻因疫情嚴重取消上課，學校就處於禮頓道，我二話不說往渣田坊三才吃魚蛋粉。三才位置較隱蔽，若初次去要花點時間找尋。因疫情關係店內可獨享一張枱，在這裡有不少好吃的如蝦卷，但我還是鍾情這裡的魚蛋，因這裡魚蛋是每天用牙帶，九棍，砵仔打的魚蛋，有魚味，鮮味，海水味，當然對一些吃慣了大廠製造的食客，可能有些不適應。而這裡的炸魚皮對我這些愛香口食物怪必吃，只因這裡魚蛋是自制，脆，香，不油膩只有自家制才可，與那些交貨來的不同耳語。這裡的牛也是不錯的選擇，味濃牛肉湯伴着鮮味魚蛋，將味道提升至另一境界，但今天的牛肉略欠失色，牛雜也切得較碎，少了那種食肉滿足口感。希望下次再來有更好的滿足感。

係銅鑼灣行街，差唔多晚餐時間，但6點後又唔比堂食，所以就去買外賣回家。係渣甸坊有間粉麵店🍜今晚晚餐就食呢間 抵食又大碗，仲有下午茶優惠，唔夠食又可以雙併 +$6，加底 +$8，轉撈麵 +$10；仲有5款粉麵比你揀🍜 牛筋魚片粗麵 🐮 (雙併) $33+6好多舊爽滑牛筋，加埋魚片，粗麵爽身，份量又多 鮮蝦雲吞米 🦐 $28爽口鮮蝦雲吞，大大粒有4粒，鮮甜蝦味，米粉爽而不冧 最重要係湯另上，唔怕攞到回家啲粉麵冧哂，真係貼心 柚子蜜茶 🍹 $5滋喉柚子蜜茶，冬天飲番杯令胃部暖粒粒 熱朱古力 ☕ $5甜度適中熱朱古力 泰式鳳爪 🐥 $22小食就揀咗泰式鳳爪，個泰式汁好正，鳳爪夠爽脆好味 三才魚蛋粉麵 - 銅鑼灣銅鑼灣渣甸坊48號采怡閣地下6號舖

我叫了一碗28元的鮮蝦雲吞麵。河粉分量好少，又碎，好難夾起。另外，鮮蝦雲吞得3粒，而且又細粒，仲要唔新鮮。最後，湯先最伏，得個鹹味咯，鹹到爆，我加左成杯熱水先無甘鹹！！！太伏拉！