三悅餐廳

營業中

休息中

7月31日揾食肥華和靚媽，首次到此店食下午餐，甫入此店揾到個卡位就座後，此店侍應員工奉上兩杯白開水後便服務其他顧客，没有企在肥華枱旁，有催促顧客儘快落單嘅感覺，令肥華和靚媽有時間細閱餐牌揀取食物，呢個動作真喺窩心。至於食物方面，今日肥華和靚媽都喺柯打此店嘅下午茶餐，肥華點個碟，豉椒炒牛河，味道一般但份量和熱度都OK，加上一杯有濃郁茶味嘅熱奶茶，呢個下午茶價豉椒牛河餐，肥華絕對滿意欣然收貨。而靚媽今餐所點嗰個，䓤油豬扒煎蛋飯，就更有驚喜，塊豬扒夠大塊外再配上煎双蛋，和軟硬適中飯量又足嘅䓤油白飯，及一杯跟餐熱檸水，呢個餐真喺有近乎完美嘅感覺今餐肥華和靚媽在此店，付出OK價錢座得舒服，侍應員工又貼心，食物味道和份量都令人滿意，所以呢餐值爆燈評分。⭐️⭐️⭐️⭐️⭐️⭐️

早餐時段，店內約10張枱有客，一半吉枱。可惜的是，3～4個樓面侍應，完全無理會入店客人，等了10分鐘都無人理。唯有敗走。此情況常有發生，無論係星期日繁忙時段，或者是平日都發現樓面員工從來無同顧客有“眼神接觸”，全無服務可言。不去也罷。