三小漁

營業中

休息中

鍾意食辣嘅我，成日經過見到一路想試，今次終於有時間😎星期六2點幾，過左食飯時間無咩人，姐姐好好人，我一個都比張大卡位坐😂其實已經試過好多鋪頭嘅酸菜魚，食到有少少陰影😂😂好彩今次無伏，真心好食😋酸得黎有辣，兩邊無搶味，酸菜份量好夠好開心，又無成碗花椒八角加紅油要尋寶咁搵餸（之前食過一間酸菜魚一樣好香，但碗嘢啖啖花椒，一路食一路揀，真係食得勁辛苦😂😂😂）另外魚肉無骨亦都大大加分👍🏻

.父親節+母親生日飯❤️我係早兩星期whatsapp訂枱既，我想要梳化位，阿姐態度都好好話盡量安排，因為佢地啲梳化位通常比五人以上既，咁我都明白，到時睇下有冇啦😆今日去到，好開心佢地安排到梳化位比我地，坐得舒服好多，梳化座係c字型，個個坐哂入去，好處係上菜位係唔會影響到任何人，唔洗預個位上菜👍🏼 但坐中間兩個係望住對面枱既人食飯。阿姐都有禮貌，同我地講啲碗碟係高溫消毒🤣又問我地要唔要酒，冇hard sell既，之後問我地飲茶定酒，我地話茶，要普洱。睇返單寫住桂花烏龍($18)，我地唔識分，總之啲茶好濃好飲👍🏼👍🏼👍🏼冇茶位費，呢個茶價性價比高！我地叫左五個餸，每碟都好出色😋睇得出廚師都有心擺盤，同埋唔係用傳統白碟上菜，有花心思。話梅骨($98)一字骨應該係煎完又焗過，外面有少少脆，肉都幾嫩，唔會煮到硬哂嚡哂，同埋骨同肉比例相等(有啲餐廳幾呃砰，有時得骨冇肉)，話梅骨食落酸酸甜甜，同埋有話梅香。椒鹽鮮魷($128)炸衣唔厚，炸得唔油膩，應該有用吸油紙印過，食落唔會成口油。雖然椒鹽味略嫌唔夠重，但魷魚新鮮，食落唔會好硬。南瓜菠菜豆腐煲($88)上枱個陣仲好熱，卜泡卜泡，好香南瓜味，南瓜菠菜攪

父親節~一行16人,這間店的確不付所望~因為我地16人,又有大有細,餐廳好好安排左間房俾我地,真係好好,小朋友有空間可以玩、跳舞。大人又有地方影下全家福。因為我地人多,所以可以選唔同既食物,全部都係我鍾意既。最愛: 生炒骨。椒鹽鮮魷,味道同口感一流。始終太耐無堂食,真係好掛住堂食既香脆可口。一定要叫。之後就是安格斯牛都好有驚喜,口感做得剛剛好,不太硬,時間控制得好。豆腐好正,外脆內軟,真係好小菜的味道。蝦仁大大舊,又有芥末味,係不錯之選。小朋友都食到<番尋味> !絕對想再食!!!

電訊一代樓下，雖然隔離有間譚仔三哥，但係仍然冇阻我選擇食佢嘅決心。特別係午市，一個餐$50至$70不等，但係非常足料，又有埋嘢飲。12點都唔會話好迫好多人。最好嘅地方係，午市有九五折，外賣自取仲有八五折，真係超抵。自己公司喺樓上，成日都幫襯。非常推薦佢嘅椒鹽豬扒，四至$5大大塊嘅豬扒，加埋一碗飯。打工仔食真係超正，非常香口。另外胡椒豬肚湯都係一個非常好嘅選擇，冬天嘅時候食，真係驅寒保暖。而且佢亦都唔會話太重口味，加上有健康飲品可以揀，飲品款式都多過平時出面嘅茶餐廳，個人10分欣賞。

母親節揀咗呢間同媽咪慶祝，因為見comment好多人推介話好味。食物質素係好 無論味道菜式價錢都好令人滿意👍🏻唯一要改善係樓面侍應、人手、服務態度同招待方式。因為我本身book咗八點，7:50幾分已經到咗門口，當時已經有幾台已book嘅客人等緊，但門口竟然一個侍應招待都冇，門口嘅客人一直喺度等 ，侍應只係顧樓面情況 搞到門口嘅人越等愈多，而且客人開始唔耐煩，因為根本冇人理最後我係8:20幾分先入到去，其實book咗枱真係冇諗過要企喺門口等20幾分鐘，我仲要同屋企人一齊，令到父母都一齊等🙄最差個問題係成個過程根本冇侍應去安撫或者告知係咩情況要等幾耐。我開頭真係好嬲好嬲 好彩食物質素唔差先冇咁嬲係希望貴餐廳能夠改善呢方面 咁就完美喇👍🏻好啦 講返食物方面竹炭豆腐 $18/pc招牌食物，個個都嗌，個皮香脆好香，裏面嘅豆腐真係好滑好滑，10分推介私房金鮮龍躉 細 $298魚夠新鮮，重點係份量都幾多，裏面有好多淮山同寬粉，所以都幾抵食風沙脆皮雞 半隻又一招牌食品，開頭以為冇咩特別，係平時食開啲脆皮雞，但原來佢整得真係好香脆，裏面嘅肉質依然好嫩滑，重點係佢去咗好多骨，食落啖啖肉冰鎮咕嚕肉見賣相好靚

新搬屋過來觀塘區。限聚令開放，夜晚用餐，在APM附近兜兜轉轉覺得都系落街食。見到三小漁以海鮮為主題，可能食螃蟹，可能食龍蝦，到見到菜單，才發現其實想食無咁多刺噶魚，因此叫龍躉，除了清蒸還可以選擇黑蒜。黑蒜一直是最愛。肉質厚實，連皮帶肉，嫩滑有口感，脆爽。龍躉一件件半透明魚皮口感賣相靚。蠔仔肉碎時蔬，湯汁水都可以飲。蠔仔都不算太細，一口一個口感清爽。兩個人兩個餸外加一碗白飯，買單大概三百幾元，呢餐廳好似系剛剛搬過來呢兩年，所以裝修都算新，還可以訂臺。

家人生日來到三小漁食飯，這間餐廳的小菜做得特別的好食，今次點了龍躉酸菜魚、薑蔥龍蝦、金沙魷魚及咕嚕肉，所有食物都好好食，大家都食得津津有味。餐廳環境唔算好大，唯冷氣開得唔夠，有少少熱同焗促。

上年男友媽咪生日，男友細佬請我哋一齊嚟呢度食晚飯，果陣已經覺得呢間中菜好impressive，絕對會再encore😍 事隔差唔多一年終於再黎食🤣今次係食set lunch，野食即點即整熱辣辣，性價比非常高👏🏻我哋仲要兩點先嚟到過左午市繁忙時間，冇乜客人食得好安靜😎餐廳採用自助落單，scan完個code會引導你去openrice ’堂食落單‘而唔係一個獨立網站落單，第一次見😯❤️黑蒜蒸海斑件💰7️⃣0️⃣上次都有食呢樣，水準keep得到！👍👍海斑蒸得剛剛好，肉厚而且肉質勁嫩滑😍 黑蒜香口，唔會過鹹，配埋底下既粉絲送飯一流🤤❤️菠蘿糖醋魚柳轉豬油飯 💰5️⃣5️⃣+💰5️⃣魚柳新鮮炸起，粉薄勁香脆😋糖醋汁甜酸味適中而且上色均勻，濃稠度完美，食到最後都無黏埋一pat 野😁菠蘿多汁但個人認為有少少酸，但食得出絕對唔係罐頭貨色👍豬油雖然邪惡但撈白飯真係零舍香🙊值得一提嘅係呢度既白飯粒粒分明有飯香，用料唔錯👍同男友都覺得午市價錢食到咁高質既即叫即整中菜真係好抵，一定會再黎的！😎

友人推介我試呢間觀塘嘅中式餐廳 今日咁啱經過就入咗去試 不過如果大家想試嘅話 早一日book位係會有九五折優惠嘅😮餐廳唔算好大 二人檯都比較細張 嚟咗兩個餸已經好逼😣脆皮風沙雞 半隻賣相好吸引 食落雞皮炸到脆卜卜 雞肉都幾嫩滑 佢有配到一個泰式酸辣醬 不過點唔點都好夠味🤤南瓜秘製牛腩煲呢個真係好feel到佢好熱 上到檯都仲係滾緊 牛腩好腍 吸晒醬汁嘅柱侯醬味 南瓜就好快溶晒 變咗南瓜蓉咁喺個汁入面🤓自家制南瓜汁菠菜豆腐煲南瓜味就冇乜 豆腐嘅賣相好似發咗霉咁 其實係因為溝咗菠菜😅啫啫爽肉白菜花呢碟好夠份量 有少少辣味 白菜花又冇乜草青味 爽肉都幾好口感😌呢間餐廳每個餸都好夠味 見到其他檯叫好多海鮮嘅菜式 下次嚟要試吓海鮮😉

朋友請食飯，喺網上搵到呢間評語唔錯，搵左放假既lunch去食。Lunch時間場內冇乜人，我哋三個人可以坐左一張好大嘅六人枱，好舒服。D 枱椅都好新淨, 衛生程度都唔錯!星期六都有lunch set可以揀，叫咗兩個lunch set ($198一份)，再散叫咗一份炸子雞$128。兩個LUNCH SET 原本佢話當係4個餐, 跟4碗飯, 不過我地要3碗夠啦!首先嚟到嘅係菠蘿糖醋魚柳，佢個皮新鮮夠脆，唔會太厚，入邊嘅魚肉都幾嫩，呢樣有啲驚喜！菠蘿幾多舊, 不過切得太大嚿，如果切細啲就更好, 哈哈！跟住就係一個三式拼盤，顏色好豐富, 外貌十分之吸引: 黑磚豆腐+芥末香煎元貝+油茶樹菇煙燻糖心蛋。聽講黑磚豆腐係招牌之一，一咬落去個皮係好脆唔厚，跟住入邊嘅豆腐係非常之嫩滑，好好食！芥末香煎元貝，個帶子好大舊，佢煎得唔太熟，有輕微嘅刺身口感，所以元貝唔會縮細左亦都唔會難咬，好好食! 而且拌有少少芥茉醬, 有少少辣再加甜嘅口感, 喜歡!油茶樹菇煙燻糖心蛋，上面放咗啲醃製咗嘅茶樹菇，我覺得感覺唔係好襯。其實冇咗茶樹菇都OK。個糖心蛋味道幾好食，口感好「粉」！我哋再散叫咗一個話梅淮山小食$48，個淮山有少

原本見前面啲Post都有啲擔心服務會出事 驚食到一肚火 不過成餐飯都無遇到任何態度惡劣嘅員工所以想平反一下首先book枱(經OpenRice)清晰唔混亂餐具已預先幫你淥過 姐姐願意幫手影合照 最後仲有姐姐走嚟問啲嘢好唔好食所以我係覺得比正常嘅還好利申 唔係打手🤣 真心驚去工廈中伏 而搵咗呢間中菜試另一個想要平反原因係覺得 啲嘢食係ok 好食 抵食 可以打卡 無伏三個人咩都想試所以叫咗五個菜 無叫飯-黑磚豆腐幾得意 入面係嫩滑豆腐 可打卡 可試 但亦可試其他-陳醋黑琥珀木耳正常涼拌前菜 -冰鎮新鮮菠蘿咕嚕肉新鮮菠蘿好食 正常咕嚕肉 可打卡 -蓮藕蜜椒骨最有印象！ 因為個蓮藕片好薄 沾滿蜜汁 覺得蓮藕片好味 有驚喜-啫啫爽肉白菜花上菜熱辣辣 好香 正常Btw 個茶係菊花烏龍幾好飲 小細節有加分 三個人埋單都係四百六 抵食 嘢食其實都正常 好食 又可以打卡😌 喺觀塘想食中菜可以try try

看食評見到味道可以，但服務態度比較差，心諗味道先行，服務態度也不會太離譜吧，決定試一試。怎料到，不聽老人言、吃虧在眼前，踩雷會在我身上出現呢。晚上7時，一行5人去到門口，負責接待的諮客已態度不友善，坐下先點幾個小菜試味時，已隱約聽見另一個侍應和剛才的咨客竊竊細語，細聽下原來是說另外的客人是非，心諗我哋會不會是他們下一個說是非的對象呢？之後菜餚陸續上卓，擺盤精緻，味道可以，決定多叫幾個小菜，掃走剛才的悶氣，怎料到再叫諮客把菜牌遞上時，她竟然拋落桌面呢!看來之前網友說的態度差是真有其事。吃飽後本來想再點甜品，但大家決定都係不必了。想說一下感受，不管是什麼國籍和操什麼語言的打工仔都是值得尊重的，廚師的手藝可以，傳菜的南亞裔女士態度都可以，其他的服務員真是不敢恭維了。如閣下仲係諗緊去唔去試下哩，我就覺得唔好去喇，唔好以為味道先行就可以，原來服務態度都好緊要呢，唔好好似我咁……不聽老人言。

你老板 唔識customer service skills 就唔好做樓面啦 做廚房啦如果唔係冬至其他餐廳難搵位 我已經轉場la食物質素平心而論係好食 但你激到我食肚氣我點食啊 啊姐🤡💩

呢日提早做冬， 我哋提早一日網上訂枱，見食物質素评语好，服務评语差，因為想食好野，就試一试，見網上顯示六點還有位，所以即刻訂位，亦已確認，我哋一行五人入去時， 餐廳職员說沒有收到訂位通知， 還說所有客人都提前幾日預訂， 我同職員講網上顯示六點還有位，仲自動確認咗， 店員即刻說有一張台可給我們，但要7：45還枱，入座後，店員不如網上說服務太差， 服務基本要求都合格達到，有改善。 点了酸菜魚，唔錯幾好味， 小炒王太油太鹹， 燻蛋、黑豆腐好味， 冰鎮生炒骨都幾好味， 啲餸菜擺設賣相值得一讚，可以再來!

垃圾 一條酸菜魚 ＄498 🤣 食而無味。仲有個粉絲煲…又乾又硬。 叫加水 都冇人理 明明兩個丫姐有睇到都當睇吾到。 大佬 你地明明吾係忙。成間店 得幾台客。 仲有燥底夥計落單⋯⋯ 自己又耳龍 仲想發火。仲以為只有我們受害。 🤣 食到一半 仲見到其他客拍台走人。