三寶齋素食中心 (已結業)

11月28號 - 夜晚10點幾左右去左沙田市中心行街。 之後去了我去過好多次的三寶齋買飯盒食。 今日揀左素咸魚雞粒炒飯。 叫左之後5至10分鐘之後個飯盒到la。 之後我拿回家食。個飯好香呀。 好想食呀。 食入口覺得好好。 不太咸。 D飯炒得好靚。 真係無揀錯。他們仲有其他飯盒or麵盒的。 徐左初一&十五之外, 他們都會送一杯豆漿的。

本身同朋友都諗住要食齋清清腸胃 , 加上又覺得入左呢間齋館有種遠離左外界既寧靜感覺 , 但係食落原來並唔係 , 因為呢度d野真係幾多油囉 , 食完仲慘過去食一個M記既感覺。 齋鹵味 ~ 個人淨係揀左甜酸齋﹑齋叉燒食 , 因為呢度既咖哩齋和豉油齋味道都淡得可憐 , 基本上淨係食到油"益"味 , 而且十幾蚊份量得一碟仔 , 太少啦掛。 鐵板扒配西蘭花 ~ 呢個反而有d驚喜 , 扒既味道好似食緊午餐肉咁 , 西蘭花亦好腍 , 加埋d茄汁食幾醒胃。 粟米粥 ~ 入面放左好多材料 , 至少有粟米﹑香菇粒等 , 味道清淡唔似落左好多味精 , 粥既份量有成一個湯碗咁大 , 叫左之後可以幾個人Share都夠分。

踏完單車去大圍還車，朋友中有人食齋，所以特登過返沙田食。平時好少去齋舖食飯，因為感覺上冇咁飽，今次難得有機會就試下！星期六晚唔使點等就有位喇，佢地俾大枱我地坐，所以好有多位擺野食哩！一行七人叫左五餸一飯，份量尚可，但唔知班男仔做完運動食夠唔夠飽呢？我地叫既食物如下：1)齋鹵味(冇乜特別，不過面頭既齋燒鵝好新鮮，炸得夠脆，幾好食)2)生炒骨(像真度極高，顏色似之餘食味都勁似，唔講真係以為自己食緊生炒骨，係爭在冇舊骨即)3)雜錦一品煲(有Ｄ扮海參既東東，食落冇乜味，但感覺得意，其他配料好似冬菇咁都ＯＫ)4)荔芋卷(每件都好大舊，不過比較實同粉，點標準橙紅色酸甜醬都唔錯，鬆化Ｄ會更好)5)鐵板金菇茄子(比想像中差，淡同埋好油，驚驚！)6)福建炒飯(份量夠大，味道尚可)今次食飯志在聯誼，食味都係其次，下次有機會試下其他地方先！

好耐無食齋，所以同屋企人黎試下。黎之前見到食評咁差都有ｄ卻步，但母親大人話試下無妨，所以都去馬。去到見到唔夠二成滿座，睇睇餐牌，都係新派齋菜（即係扮魚扮肉），「真」齋選擇唔多，叫左個三〔食送〕餐（送甜品），再另加一碟小菜。落單唔夠五分鐘，伴隨住侍應嬸嬸一句「跟餐送既」，一個馬荳糕出現o係桌面。屋企人全部呆哂，四個人食飯，跟餐甜品居然係一件馬荳糕！而且仲要係最早上？！無奈之下唯有留低最後先食。羅漢齋豆腐同素鰻魚（紫菜腐皮卷）同時出現，兩者相似度達90%（請看上圖）！不禁令人懷疑d汁係一齊煮既。羅漢齋豆腐普普通通，但素鰻魚鬆散異常，唔夾先散，同以前（十幾年前）o係深水步食到既質素差天共地。而d獻汁又鹹又杰，令到整碟菜毫不清淡。再上生炒骨，螢光橙的汁非常嚇人，但味道其實可以。最後係琵琶豆腐，髮菜絲好少，又炸得過哂火，食左一件就無食。待應得兩三個，而且手腳慢，態度亦不佳，睇住佢拎住兩碗白飯同人傾左一陣計先上。埋單$242，以呢個質素好明顯係貴。下次食齋都係去遠少少，不過沙田素食店選擇好似唔係好多…

終於都有時間上寫返上次清明節放假既經歷！當天，兩口子到沙田行街，到晚上七點鐘左右想食飯，最初想食太興，但這個鐘數，大興門外已有長龍；想到小巴黎，也有人在門外排隊，往旁邊的三寶齋望去，見裡面有空檯，不用等位，心想試試吃齋也無妨，於是便進去一試。甫進店內，侍應指示我們到一張細檯打對面座，但其時店內食客只佔四成，我地又望到有卡位，亦有其他食客可於卡位「撐檯腳」，於是便要求坐卡位，但得到回覆︰「唔得喎，留低左俾人架喎」，焗左我地坐o個張細檯。但，那卡位的檯上並沒有擺上任何「留座」的牌。肯定係唔想我地兩個人霸左佢四個位啦！不過就當晚，我地由七點零食到八點零，o係呢個公眾假期的peak hour裡，店內長期keep住有三成位係吉o既。至於我地原先要求去坐o既卡位…嘿！最後都係得兩個人坐！----------------------------------然後講價錢，價錢算中價，每味菜只係比o係美心皇宮平廿蚊左右，但論環境，論服務，論舒適程度，實在係完全冇得比！雖然，美心皇宮冇齋食，但三寶齋的齋…----------------------------------其實我地好少食齋，所以就睇餐牌上的相

早幾日同事出外工作後帶回齋鹵味同我地分享試左甜酸齋,蠔油齋,齋叉燒,齋鴨腎同咖哩齋全部都唔太入味而且盒底見到有好多油食完一件已經唔想再食都係早前o係深水步買o個d好味

Ｄ食物勁差,腐皮卷勁硬,勁難食,我買到回家要放湯煮林才食得到, 牙力少Ｄ都咬唔到.Ｄ油勁多,足夠比我炒碟菜,買油錢都節省埋經理態度勁差,話之理,最好你米幫襯,煩住佢.Ｄ亞姐更不在話下,佢巴弊過你,買就買,唔買過主,米阻住哂,什麼叫禮貌都冇,多謝都冇句,我絕對不會再幫襯

沙田區唯一在中心地帶的素食食府。但論質數﹐服務態度﹐這一間素食餐廳能做的住也算是一個半個奇跡。鋪面十年如一日﹐桌布穿洞有跡不換﹐老伙計恃著年資高簡直無服務態度可言。餐菜的味精還要蠻重。所有factor夾起來跟無無可能維持他的中檔路線。但係當你身在外買部﹐卻完全是另外一個世界。外賣阿姐有笑容有禮貌。大饅頭質數頂瓜瓜﹐還好詳細地解釋點樣翻整饅頭才好吃。我想﹐若不是靠外賣部﹐這間齋鋪很早已前就執了粒。

今晚外賣左唔蚊齍鴨腎,依然咁好食,個汁好濃好香,不過味精應該唔少, 煙"un"既口感我覺得比齍x燒重好食,$5就大大包,真抵食.

因老婆鐘意才來, d齋好一般, 我老婆每次來都叫豉汁鰻魚飯, 錦老雲吞等, 但d炸雲吞只不過係全炸粉吧了, 又無魚肉, =.= 當然啦~食齋喎, 超熱氣~食完不出三日就生飛滋, 痛死你, 你想下食全炸粉是怎樣的呢, service 一般價格略貴地方太迫,如只有我同d朋友一定唔會去~

我買左＄５齍鴨腎，有好多，　又入味，又有咬口，正～另外要左＄３．５一條既芝麻卷，雖然好深色，但芝麻味好淡，個樣好好ｇａ，食左好失望～

叫左外賣, 大大個饅頭都只係$3.5,好正tim!馬豆糕,唔實,冇椰汁味

其實我已經好幾年無去過... 話說我仲係附近讀書既時候去過食lunch, 可能d伙計覺得我地係學生妹啦, 所以態度勁差, 手腳又慢... 自始之後都無再去過...

咖哩jai - 一d都唔辣勁淡jai鮑魚- 有頭唔錯jai x燒- 得個un字冇味jai雞- 又係冇味jai鴨"神" - 最好哩個好夠味有咬口酸jai - 一d都唔酸

我都係咁話，佢D 伙計態度其差，<br />而且地方又迫，煮D 食物又勁多油。<br />現在沙田咁多「沙士」個案，如果佢o地d 服務再係咁遲早關門大吉。